السوق القطري.. طموحاتنا كشعب..

[pink pearl]

السلام عليكم ورحمة الله ..

أصبحنا وأصبح الملك لله..


88588

اليوم بتكلم عن موضوع يحز في خاطري كلما رحت أتسوق في أسواق الدوحة ..
وأنا أقصد بشكل عام من بضاعة الملابس والسيارات لين أبسط شي وهو منتجات الأكل..


يعني من كم يوم رايحة منطقة الأسواق وأدور على قماش معين لقيت البضاعة هي نفسها نفسها في كل المحلات تقريباً، وكأنهم ينسخون ومافيه فرق إلا اختلاف الأسماء والأسعار ضاربة فوق؟؟؟!!!!

نجي للمحلات الكبيرة والماركات المعروفة اللي هي نفسها موجودة في الستي واللاند وفيلاجو!! وكأنه مافيه في هالبلد إلا هالولد!!!!

حتى في منتجات الأكل سوقنا جداً محدود ومب كل شي تلقاه إلا في محلات معينة.. والاحتكار يتكرر حتى مع الأغراض الطبية في الصيدليات، ووكالات السيارات ومحلات الورود والجوكلت وغيره.. أذكر مرة جاتني كندية تسألني شنو الشي المميز اللي أقدر آخذه معاي كتذكار إني جيت قطر؟ الصراحة دليتها على سوق واقف.. لكن ماكان عندي إجابة محددة لأني أنا بروحي ماأعرف..

قاعدة أشوف السوق والمحلات هي نفسها من سنين، بس بديت أشوف بعض الناس بدوا يسوون مشاريع أكل وتصاميم عن طريق الانستغرام.. وإن شاء الله يتوسعون في تجارتهم كمحلات محلية تنافس موجودين..

برايكم شنو الأشياء اللي تنقص السوق القطري؟ وهل صادف فيه شي معين كنت تدوره ومالقيته في قطر؟
وكيف ممكن نوسع سوقنا القطري؟
شنو اقتراحاتكم حق اللي حاب يفتح مشروع؟

[marsa]

ما ذكرتيه صحيح.. فكل مجمع يُفتح تفتح معاها المحلات "إياها"

طيب غيروا بدلوا يا لاجين خير !

بالنسبة لي والي أشوفه محتاجينه : محتاجين ملابس محتشمة معظم الملابس المعروضة سواء للسهرة أو لغيرها المستهدف منها الي تحب تتعرى شوفي التنانيير القصيرة الي لين نص الفخذ ولا اللبرمودا والله ما ادري شسمه وهو بنطلون أو ريع بنطلون .. هذي من يلبسه غير الفلبينيات !

محتاجين محلات أثاث جيدة تناسبنا وتناسب بيئتنا وتكون ضد الغبار والرطوبة . ويكون فيها تنوع مو احتكار يضربون ضربتهم في الأسعار ، محتاجين أسواق منتشرة في كل المناطق حتى ما نتعنى ونطق درب عشان غرض ولا غرضين .

وأخيراً فكوا الإحتكار وبطلوا غش في المواطنين ذيحتونا !!

[qatarman8008]

..
طبعا التجارة يبي لها عوامل كثيرة.. لكن من اهمها.. راس المال .. والخبرة في الادارة.. والدعاية والتسويق..
راس المال متوفر.. طيب والخبرة .. موجودة او بتجي في وقت بسيط..
لكن الدعاية والتسويق.. هي المشكلة..
يعني ممكن واحد يجيب بضاعة كواليتي اعلى من اللي في السوق وما يقدر يبيعها بالسعر المناسب ليش..
من اللي يعرف عنها او جربها.. المستهلكين غالبا ما ينجرفون للدعايات..
اعطيك مثال..
رحت محل يبيع جنزات كواليتي زبالة وبسعر الماركة.. سالته ليش ما تنزل السعر اشوي عشان تبيع اكثر..
قال لي لاني لو نزلت السعر ما احد بيشتري.. بالنسبة لهم الرخيص يعني نوع تعبان..!!
اعتقد ان الشركات الكبرى او الماركات الكبرى اللي نجوفها في كل المجمعات نجحت في الدعاية والتسويق..

[العربية نت]

سوقنا محدود من وجهة نظري خاصة في موضوع الملابس لا توجد بضائع متنوعه يوجد ليدنا نوع ممتاز وغالي جداً ويوجد نوع ردئ وبسعر متوسط بمعنى الجودة معدومة بالسوق علشان كذا الواحد يتعب لين يحصل ال يبغيه

[أم محمد 90]

كلامج صحيح ,, وانا اؤيدج في هذا الشي

لما اشوف بنات الخليج ف اسواقنا استغرب اقول شنو جايبهم ؟؟

الاسواق كلها بدءاً من الملابس لين الالكترونيات الين الأكل ..

في كل شي متاخرين

[pink pearl]

ما ذكرتيه صحيح.. فكل مجمع يُفتح تفتح معاها المحلات "إياها"

طيب غيروا بدلوا يا لاجين خير !

بالنسبة لي والي أشوفه محتاجينه : محتاجين ملابس محتشمة معظم الملابس المعروضة سواء للسهرة أو لغيرها المستهدف منها الي تحب تتعرى شوفي التنانيير القصيرة الي لين نص الفخذ ولا اللبرمودا والله ما ادري شسمه وهو بنطلون أو ريع بنطلون .. هذي من يلبسه غير الفلبينيات !

محتاجين محلات أثاث جيدة تناسبنا وتناسب بيئتنا وتكون ضد الغبار والرطوبة . ويكون فيها تنوع مو احتكار يضربون ضربتهم في الأسعار ، محتاجين أسواق منتشرة في كل المناطق حتى ما نتعنى ونطق درب عشان غرض ولا غرضين .

وأخيراً فكوا الإحتكار وبطلوا غش في المواطنين ذيحتونا !!

فعلاً معاج في هالنقطة، يعني احنا بلد مسلم، واللي صاير من تجاوز واضح في الآداب الإسلامية والذوق العام، والله ماأرضى عيالي يشوفون هالمناظر!!!! وين قاعدين؟؟؟

كنت مرة أتسوق، وشفت مونيكان في المحل بلبس فاضح ، الصراحة استفزني المنظر وكلمت اللي قاعدة تبيع،،

عاد الأثاث أسعاره غالية جداً مقارنة بالدول اللي حولنا وأغلب اللي يأثثون يروحون السعودية أرخص وجودة أعلى، ماأدري متى سوقنا بيتوسع ويلبي احتياجاتنا؟؟؟

[pink pearl]

..
طبعا التجارة يبي لها عوامل كثيرة.. لكن من اهمها.. راس المال .. والخبرة في الادارة.. والدعاية والتسويق..
راس المال متوفر.. طيب والخبرة .. موجودة او بتجي في وقت بسيط..
لكن الدعاية والتسويق.. هي المشكلة..
يعني ممكن واحد يجيب بضاعة كواليتي اعلى من اللي في السوق وما يقدر يبيعها بالسعر المناسب ليش..
من اللي يعرف عنها او جربها.. المستهلكين غالبا ما ينجرفون للدعايات..
اعطيك مثال..
رحت محل يبيع جنزات كواليتي زبالة وبسعر الماركة.. سالته ليش ما تنزل السعر اشوي عشان تبيع اكثر..
قال لي لاني لو نزلت السعر ما احد بيشتري.. بالنسبة لهم الرخيص يعني نوع تعبان..!!
اعتقد ان الشركات الكبرى او الماركات الكبرى اللي نجوفها في كل المجمعات نجحت في الدعاية والتسويق..

هني مربط الفرس لكن لو فيه مشاريع محلية بأسعار معقولة تكسر الاحتكار اللي قاعد يصير،،، كان ماشفنا الأسعار ضاربة فوق والمشكلة الأكبر الجودة عادية أو أقل من عادية!!!

[pink pearl]

سوقنا محدود من وجهة نظري خاصة في موضوع الملابس لا توجد بضائع متنوعه يوجد ليدنا نوع ممتاز وغالي جداً ويوجد نوع ردئ وبسعر متوسط بمعنى الجودة معدومة بالسوق علشان كذا الواحد يتعب لين يحصل ال يبغيه


فعلا السوق محدود في نوعية البضاعة وجودتها، وأصلا ماأحس يرضي ذوقي ،،،
وهذا حالنا كقطريين لازم نطق الحساء ونتشرى للمناسبات ورمضان!!

[بوحارب]

اشكرج ع الطرح الجميل

روحي خذي لفه في دبي والحسا والرياض

وبتنصدمين من الفرق بينا وبينهم!!!

وين ذاك التاجر اللي يجيب كل ماهو جديد ؟؟؟؟؟

[رهج السنابك]

من جذي ما روح السوق
لوعة جبد

وكل مول فاتح نفس المحلات
وحتى المعرض الي يجينا من برا هم نفس العارضين ونفس البضاعه شنو العالم كله مافي غير هالعارضين
لوعتوا جبودنا


اتعس وابيخ وافشل سوق السوق القطري
اسواق جده احلا بعشر اضعاف

[pink pearl]

كلامج صحيح ,, وانا اؤيدج في هذا الشي

لما اشوف بنات الخليج ف اسواقنا استغرب اقول شنو جايبهم ؟؟

الاسواق كلها بدءاً من الملابس لين الالكترونيات الين الأكل ..

في كل شي متاخرين

الصراحة سوقنا ما يتقارن بأسواق الخليج ، وفيه فرق كبير في نوعية البضاعة وسعرها!!
احنا سوقنا ميت، يبيله أفكار جديدة، بضاعة متميزة علشان نقدر نتميز على أسواق الخليج

[pink pearl]

اشكرج ع الطرح الجميل

روحي خذي لفه في دبي والحسا والرياض

وبتنصدمين من الفرق بينا وبينهم!!!

وين ذاك التاجر اللي يجيب كل ماهو جديد ؟؟؟؟؟

رحت الحساء ودبي ، ونصهم قطريين اللي يشرون حق أغلب المناسبات
فرق من كل النواحي ، والواحد صج يستفيد ويشتري بضاعة نفتقدها في قطر

[pink pearl]

من جذي ما روح السوق
لوعة جبد

وكل مول فاتح نفس المحلات
وحتى المعرض الي يجينا من برا هم نفس العارضين ونفس البضاعه شنو العالم كله مافي غير هالعارضين
لوعتوا جبودنا


اتعس وابيخ وافشل سوق السوق القطري
اسواق جده احلا بعشر اضعاف

ذكرتيني بنقطة المعارض، استغلال مابعده استغلال الجلابية 3 آلاف و4 آلاف!!!! على شنو هالمبلغ؟؟؟
ونفس العارضات ونفس البوثات، تمللنا، لا فوق هذا بعضهم تكرر البضاعة اللي كانت موجودة من سنة وتزيد في الأسعار!!!!

تسلمين على المشاركة نورتي

[تغلبية]

فعلاً .. برغم كثرة المحلات يبقى سوقنا متواضع في الخيارات والجودة، صعب تلقين شي على اخر موضة حتى البوتيكات ماتنزل المعروض في احدث المواسم وماتنزل الشي اللي على ذوق القطريات!

سالت مرة محل ملابس في السعودية .. ملابسهم حلوة ومميزة
من اللي يختار الملابس ، وتقريبا كان حضرمي
قال الشركة تسوي اجتماع في دبي علشان مندوبين الافرع يجون يختارون من الكتالوجات وعقب انورد الطلبات كلن واختياراته،
سالته بالنسبة لكم من اللي يختار قال لنا اروح، سالته ومندوب قطر من، قال يجي مندوب هندي!!
لذلك نشوف الذوق واضح مع احترامي للمندوب وللهند فيها اقمشة حلوة لكن من بيلبي ذوق المرأة القطرية واحتياجاتها ومن بيهتم اصلا اذا كانت تحتاج لبس محتشم وساتر وغيره من المواصفات!!


حتى الشركات المحلية مثل شركات المخابز والعصائر والمنظفات والاغذية
ماتعرض خيارات ولا اتجدد في منتجاتها في حين انا نشوف التنافس والتسويق الاخاذ لمنتجات الدول المجاورة....!

مادري صراحة شالحل واياهم!!!!

[توشيبا]

المورد لسلعه عندنا ماحد يجبره يجيب اخر الموضه للسلعه نفسها

يتم علي الشكل القديم سنوات ويمكن توصل فوق عشر سنوات

علي شان كذا من يقدر يجيب السلع الاحدث مدام الوكيل طايح حظه علي القديم يشتري برخيص وكل وقت يرفع سعرها


وحتي الوكيل اكثرهم عندنا ياخذ وكالته عن طريق وكيل في احد الدول المجاوره

استغرب مثل نظاره راي بان 400 ريال عندنا والشكل القديم وفي موقع الراي بان الشركه الام 700 دولار واذا سالت ليه سعرها كذا قالو مسوين عروض تنزيلات 50٪

وهاذي الخدعه علي شان عندنا حمايه المستهلك والبلديه مايعرفون اذا اصليه او لا الا من خلال السعر المعتمد عندهم ويبغونها برخيص والعالم علي بالهم انها اصليه واهي بالاساس تجاريه

تطلع من الصبن علي سنغفورا وتجي قطر وتسال من وين جبتوها يقلون سنغفورا

وخطط التخفيضات والخصم علي شان محد يشك فيهم ىيسترو علي نصبهم

[معماري قطري]

كلامج صحيح ,, وانا اؤيدج في هذا الشي

لما اشوف بنات الخليج ف اسواقنا استغرب اقول شنو جايبهم ؟؟

الاسواق كلها بدءاً من الملابس لين الالكترونيات الين الأكل ..

في كل شي متاخرين

عيبنا تجارنا يعتمدون على الرخيص والقديم من دول الجوار ولا يعتمدون التوريد المباشر

والمنافسة معدومة وأَي منافس محكوم عليه بالفشل

[pink pearl]

فعلاً .. برغم كثرة المحلات يبقى سوقنا متواضع في الخيارات والجودة، صعب تلقين شي على اخر موضة حتى البوتيكات ماتنزل المعروض في احدث المواسم وماتنزل الشي اللي على ذوق القطريات!

سالت مرة محل ملابس في السعودية .. ملابسهم حلوة ومميزة
من اللي يختار الملابس ، وتقريبا كان حضرمي
قال الشركة تسوي اجتماع في دبي علشان مندوبين الافرع يجون يختارون من الكتالوجات وعقب انورد الطلبات كلن واختياراته،
سالته بالنسبة لكم من اللي يختار قال لنا اروح، سالته ومندوب قطر من، قال يجي مندوب هندي!!
لذلك نشوف الذوق واضح مع احترامي للمندوب وللهند فيها اقمشة حلوة لكن من بيلبي ذوق المرأة القطرية واحتياجاتها ومن بيهتم اصلا اذا كانت تحتاج لبس محتشم وساتر وغيره من المواصفات!!


حتى الشركات المحلية مثل شركات المخابز والعصائر والمنظفات والاغذية
ماتعرض خيارات ولا اتجدد في منتجاتها في حين انا نشوف التنافس والتسويق الاخاذ لمنتجات الدول المجاورة....!

مادري صراحة شالحل واياهم!!!!

إذا عرف السبب بطل العجب،،،
بصراحة جدياً بديت أدرس إني أفتح مشروع بفكر جديد بطابع مختلف، لأنيس فعليت مليت من التكرار في البضاعة
اشرايج تشاركيني ياتغليبة ؟؟ :)

[تغلبية]

إذا عرف السبب بطل العجب،،،
بصراحة جدياً بديت أدرس إني أفتح مشروع بفكر جديد بطابع مختلف، لأنيس فعليت مليت من التكرار في البضاعة
اشرايج تشاركيني ياتغليبة ؟؟ :)







كنت بوافق بدون قيد أو شرط لو قلتي "تغلبيّـة" بدال تغليبة :weeping:

[pink pearl]

كنت بوافق بدون قيد أو شرط لو قلتي "تغلبيّـة" بدال تغليبة :weeping:


تغلبية- تغلبية- تغلبية، شنو معناته؟:secret:

[fzaa_qatar]

اسواق دبي وبس كل مول عن مول يفرق فكل شي وبضايعهم ممتنوعه ومب موجوده فالدوحه وعندهم ماركات ومحلات مب موجوده عندنا واستغرب من هالشي .. يكفي التسوق عندهم يفتح النفس وتحتار وين تروح .. عندنا الستي اللاند فلاجيو ازدان كوبي بيست لا اكثر ولا اقل .. اتمنى اشوف مول بمعنى الكلمه عندنا .. نبي السوق الصيني مثلا دبي ع وشك تفتح سوق صيني ثاني واكبر من الاول وفيه فنادق .. تنشيط للتسوق الخارجي قبل الداخلي ناس عارفه شلون تشتغل وتخطط وتنفذ ع ارض الواقع.. نتمنى الافضل لقطر الغاليه........

[العنيده]

ذكرتيني بنقطة المعارض، استغلال مابعده استغلال الجلابية 3 آلاف و4 آلاف!!!! على شنو هالمبلغ؟؟؟
ونفس العارضات ونفس البوثات، تمللنا، لا فوق هذا بعضهم تكرر البضاعة اللي كانت موجودة من سنة وتزيد في الأسعار!!!!

تسلمين على المشاركة نورتي

وازيدج لو تروحين بعد المعرض تبين البضاعه تلاقينها اقل بواااااااااااااااااااااااااااااااااااااااااااااااا اااااااااااااااااااااااااااااااااااااااااايد :)

[حسن]

السلام عليكم

اذا ارت ان تطاع اطلب المستطاع

انا رجل عادي ماافهم بل الامور الاقتصاديه الا البسسيط
الاسواق لها مقومات ومتطلبات وقوه شرائيه
انتو تبون سوقنا يسير مثل دبي وهي الوحيده اللي بينظرب فيها المثل ليش لنها خططت من زمان على التجاره
سنوات كثيره وهي تبني وتلغى القوانين وتسهل وتمنح الى ان توسعت بشكل وضع لها مكانه بين االعاالم وتضرب بالمثل فيه
وافتحت التاشيرات على مصراعيها وجلبت كتله بشريه ضخمها ووطنتهم هناك وعندها تجاره مفتوحه على العالم وبت المواني العالميه
واصبحت تدير المواني العالميه واحنا الى الحين انتو تتذمرون من البشر والزحمه وغيرها
وين يبا وين يبيلكم سنوات وسنوات طويله جداجدا
وبعدين سوقنا محلي مايكفي ويغطي تبي تروح تشتري 10 ليتات من عند محلات معروفه وكبيره تجيه يقولك عندي حبه وحده
واذا رحت دبي يقولك بي واحده ولا مليون حبه
هاهاهاهاها
وبعدين انا كنت في المانيا وشفت اسواقها اكثرها ومجمعاتها وحده ونفس البضاعه وحتى في الشارع الواحد
التجاري القى فيه من نفس المحل عده محلات في اوله ونصه واخره
وبعدين هناك عندهم جيش من البشر لاينقطع ليل ونهار شارع واحد من المشاه
اللس يمرون عليه يمكن مال سنه في سوق واقف
اسواقنا زوينه ولا قدنا بس فعلا يبيلها تطور حقيقي
وبشكل منظم ومرتب انشاء محلات وستورات مرتبه للتاخزين
مهب خذوه فقلوه شغل بشمرقه

انتو شوفو صناعيتينا شلون وشوفو مالت الشارجه وابوظبي ودبي

وبتعرفون الفرق