نصيحة لكل شخص يبي يشتري من النت ( المزايده )

[قدام]

بسم الله الرحمن الرحيم

عن تجربه كثرة دخولي المنتديات ومواقع البيع و الشراء للسيارات و الارقام ( لغرض شراء سياره )
لحضت مزايدات علي سيارات او ارقام ما تسوي ( اتضح لي ان اللواحد اذا نزل اعلان بيع يطلب من ربعه المزايده لرفع السعر)
ويروح فيها الشخص اللي علي نياته يبي يشتري رقم او سيارة اقول (اتقو الله في ارزاقك )


لبعض و ليس الكل

[بن مفتاح]

يمكن هالشي ملاحظ لما ينعرض رقم ما يسوى .. ويجي واحد ويحط سعر .. مع ان الرقم والسموحة من الجميع ما يسوى رسوم تحويله .. واكيد انه فيه ارقام تستاهل .. لكن احياناً يكون هناك علامات استفهام وتعجب ؟؟؟؟؟!!!!!!!!!!!!


الله يجزيك خير اخوي على النصيحة .. والله يرزق الجميع من حلاله ..

[بـويوسف]

ياخوي اذا الرقم يسوى خذه واذا شفت السعر مبالغ فيه خله

هو اما تلاعب من قِبل ربعه ... او مزايده من اشخاص غير جادين

يعني انا حزات اسوم رقم ويقول لي صاحبه ( والله وصل لي كذا) ع طول اقول له الله يبارك لك

[قدام]

يمكن هالشي ملاحظ لما ينعرض رقم ما يسوى .. ويجي واحد ويحط سعر .. مع ان الرقم والسموحة من الجميع ما يسوى رسوم تحويله .. واكيد انه فيه ارقام تستاهل .. لكن احياناً يكون هناك علامات استفهام وتعجب ؟؟؟؟؟!!!!!!!!!!!!


الله يجزيك خير اخوي على النصيحة .. والله يرزق الجميع من حلاله ..

بارك الله فيك

[قدام]

ياخوي اذا الرقم يسوى خذه واذا شفت السعر مبالغ فيه خله

هو اما تلاعب من قِبل ربعه ... او مزايده من اشخاص غير جادين

يعني انا حزات اسوم رقم ويقول لي صاحبه ( والله وصل لي كذا) ع طول اقول له الله يبارك لك

اذا ما يسوي ليش يطيرون سعره ( يعني تلاعب و يروح فيها الخشيم في الاسعار )

[wld_qtr]

جزاك الله الف خير

[قدام]

جزاك الله الف خير

بارك الله فيك

[qatari 111]

تدري اخوي قدام ان في ناس اللي انضحك عليهم ربنا سبحانه وتعالى رزقهم باسعار افضل من اللي شروها

ولكن مثل ماقلت في ناس الله يهديهم باع ذمته حبا للمال وفاكرينها شطاره ومايدرون انها خساره في ميزان حسناتهم

اللهم ابعدنا بحلالك عن حرامك

[فزاااع]

صدقت يااخوي
وأسال مجرب....
الله يهديهم بس

[بطران وفقير]

صح كلامك اخوي

وفي ناس تعرض ارقام تستاهل والناس تبخس بالرقم وهو كاتب المساومه فوق السعر الفلاني ويجيك واحد يخرب ويكتب سومه اقل أو يحاول يخرب بيعه الرقم ويطيح من سعر الشخص

[محمد أبوشيخة]

حطيت موتري للبيع نيسان 2012 ماشي 20الف للبيع وكنت طالب فيه 200 الف فلعوزني واحد في المنتدي مادري هو دلال ولا شريطي المهم دفعلي فيه 150الف وقام يحلف ان الموتر بياخذه حق هله وان هدفه استعمال وليس للتجارة ولما رحت معاه الفحص في طريق سلوى رحت اتمشى بين المعارض اتفرج لين مايخلص الفحص فحصلت نفس موتري بس الممشى اكثر بوااااايد معروضين بين 180 - 190 الف فرجعت له وواجهه بانه حلف لي ان ال150 هو سعر السوق ولكن سعر السوق اكثر من سعره بواااايد فانحرج وقالي انا أسف كنت ابي أستفيد في بيعته فقلت له انت قلت الموتر استعمال لك ولهلك ليش الكذب واللف والدوران فأخذت الموتر ورحت اتمشى بين المعارض والحمد الله الله وفقني بالبيعه الطيبة. أرجو الحذر يا اخوان

[جعران]

سبحان الله
ناس مايعيشون الا على
الغش والكذب ويقسم بالله
زور وبهتان وما يدري
ان درهم حلال خير من قنطار
حرام ولايتقي الله باولادة واهل
بيتة فانسئل له الهداية كل من
اتبع هذا الاسلوب الغير سوي

[بوخالد911]

جزيت خيرا

والله يبعدنا عن النصابين والغشاشين

[قدام]

شكرااا للجميع و للتفاعل الطيب
الله كريم و الله يرزقنا وياكم الرزق الطيب و الحلال

[Jasem.d]

الله يجزاك خير أخوي