الصفوف الخلفية !؟

[مشاكل]

منذ ان خرجت على الحياة وانا ارى اغلب الناس تتسابق على الصفوف الخلفية !!

فالمدرسة يتنافس الطلاب مع بداية العام على حجز الكراسي الخلفية
في باص المدرسة كذلك ترى الكراسي الخلفية تعج بالطلاب

في قاعات المحاضرات فالجامعة كذلك الحال نفسة يتكرر

في ورش العمل والاجتماعات ترى الغالبية تتخفى في الصفوف الخلفية

حتى فالصلاة ترى الصفوف الأمامية احياناً تتخللها الفرج والفراغات ولاتجد من يسدها رغبةً من البعض في البقاء في الصفوف الخلفية !!

ماهو السر في ذلك وماالاسباب ؟
وكيف لنا ان ننتزع هذه الخصلة وتجنيبها ابنائنا ؟

الموضوع يحتاج شرح اكثر وفيه من التفرعات في ذات الشأن اكثر واكثر ،، لكني افضل ترك المجال لكم في الشرح والاسهاب اكثر واكثر واكثر .

دمتم في رعاية الله

[alsoq]

الصفوف الخلفيه تتيج لاي شخص ان يعمل ما يحلوه له بعيد عن الانظار

هي وجه نظري

[رهج السنابك]

لاني كنت شطوره فأنا دايما احب الكرسي الاول في المدرسه
وغالبا اخذ الكرسي الي بالصف الثاني

الخلف ماحبه يشتت انتباهي وماسمع عدل
في الاجتماعات او الندوات نفس الشي اختار الصف الثاني

وترا له رابط نفسي

[Ţĥę őήę]

انا مااحب اقعد في الصفوف الخلفية في الكلاسات لان الاستاذ يأخذ فكرة ان الطلبة في الخلف اقل دفاعية وانضباط من الصفوف الأمامية حتى لو مافي طلبة منزعجين في الكلاس
في الباص لاحظت نفسي أحب الصفوف الوسطية
اما في المساجد أميل للصفوف الخلفية عشان ما انحصر بين المتزاحمين على الصف الأمامي وارتاح في القعدة اكثر

[بانغ بانغ]

لأخذ نظرة استراتيجية عامة يشوبها القز الأفقي وطبعا حق الشردة

من كذا احنا دائماً في الصفوف الخلفية حتى سياسيا ورياضيا وووووووووو

[بانغ بانغ]

بس غريبة محد يبي يقعد في الصفوف الخلفية في هالاماكن

حضور مباراة في استاد رياضي
حفل موسيقي
افتتاح حدث
ركوب الطيارة

[بوحارب]

ياخي الصف الأخير فله تشوف كل اللي قدامك

[R 7 A L]

يمكن لانه بعيد الانظار

[بومحمد911]

يمكن لسهولة المراقبه ومحد يشوفك ايش تسوي

[بوخالد911]

بالخلف تكشف ع المكان كللله

[بريق الحق]

حق التحذف هههههه الله يغفرلنا (ايام الدراسه )
اما المسجد الناس تبي اتكي عالطوفه

[ZURICH]

سواء كان الجلوس في الامام او الخلف

كل واحد بيقعد في المكان الي ينسجم عليه ويندمج معاة

المهم يكون هناك تسجيل حضور

[aziz4z]

أيم المدرسة اللي كان يبي يشاغب يروح ورى , و اللي يبي ياكل يروح ورى , و إهتمام المدرس باللي جالسين ورى أقل , بس لو الشاطر يجلس ورى و يشاكر راح يحرك الصف بالكامل , يحمس اللي جدام . بس مرات طلاب شطار يضطرون يجلسون ورى بسبب الطول , كان عندنا واحد عبقري و عمره ماتكلم مع حد و أول على الصف يجلس ورى بسبب الطول
بس ممكن بعيد عن الانظار , أو خجل , أو يحترم اللي أكبر منه في ورش عمل أو مؤتمرات , رئيسه , أو مدراء الاقسام ...... , أو ممكن ماعاجبه المحاضرة
أما في المساجد عشان مايتعلق في الزحمة يبي يطلع بعد الصلاة مباشرة , أو يبي يتكي على الطوفة , أنا أجلس في الصف الثاني و أتكي على الطوفة :)

[العقل المدمر]

هالشي يعتمد على الشخصية والاسباب طبعا تختلف مثل ماذكروا اللي قبلي
دايما الجريء واللي واثق من نفسه وجاي لهدف يحب يقعد فالصفوف الاولى
والشخص اللي يسرح او يكون موجود فالمكان غصب يقعد اخر شي
بالنسبة لي الوسط مايريحني لازم اكون عالطرف في اي مكان اقعد فيه
احب اقعد ورا لو كانت المادة صعبة او كنت انا نعسانة
واحب اقعد اول وحدة اذا كنت احب المادة وشاطرة فيها
واقعد مرات على ثاني كرسي لاني استحي اكون اول من يبدا
وهكذا ...

[فلتة زمانها]

احنا البنات غير
في الجامعة ضرب نعل عالمقاعد الامامية خصوصا اذا المحاضره فيها ررياضيات
والا مالقينا مكان نسحب كرسي ونقعد عند الباب والا مقابل طاولة الاستاذ عشان نستوعب
اما ورا حق الكسالى والشياطين بس حزات اقعد ورا من التعب اتغشى وانام هاهاهاهاهاها

[مشاكل]

الصفوف الخلفيه تتيج لاي شخص ان يعمل ما يحلوه له بعيد عن الانظار

هي وجه نظري
اشكرك عزيزي السوق

لاني كنت شطوره فأنا دايما احب الكرسي الاول في المدرسه
وغالبا اخذ الكرسي الي بالصف الثاني

الخلف ماحبه يشتت انتباهي وماسمع عدل
في الاجتماعات او الندوات نفس الشي اختار الصف الثاني

وترا له رابط نفسي
اعتقد البنات برائة من هالعادة حسب مااسمع عن بناتي انهم يتسابقون على الكراسي الامامية

انا مااحب اقعد في الصفوف الخلفية في الكلاسات لان الاستاذ يأخذ فكرة ان الطلبة في الخلف اقل دفاعية وانضباط من الصفوف الأمامية حتى لو مافي طلبة منزعجين في الكلاس
في الباص لاحظت نفسي أحب الصفوف الوسطية
اما في المساجد أميل للصفوف الخلفية عشان ما انحصر بين المتزاحمين على الصف الأمامي وارتاح في القعدة اكثر
خير الامور الوسط :victory:

لأخذ نظرة استراتيجية عامة يشوبها القز الأفقي وطبعا حق الشردة

من كذا احنا دائماً في الصفوف الخلفية حتى سياسيا ورياضيا وووووووووو
ههههه اشكرك على صراحتك

ياخي الصف الأخير فله تشوف كل اللي قدامك
:omen2:

يمكن لانه بعيد الانظار
يمكن ويمكن

يمكن لسهولة المراقبه ومحد يشوفك ايش تسوي
ممكن ليش لا

بالخلف تكشف ع المكان كللله
كلكم نفس الشي

حق التحذف هههههه الله يغفرلنا (ايام الدراسه )
اما المسجد الناس تبي اتكي عالطوفه
بالنسبة للمساجد فعلاً لاحظت الناس تتسابق ع المكان اللي احذى الطوفه

سواء كان الجلوس في الامام او الخلف

كل واحد بيقعد في المكان الي ينسجم عليه ويندمج معاة

المهم يكون هناك تسجيل حضور
اهم شي الحضور فعلاً

أيم المدرسة اللي كان يبي يشاغب يروح ورى , و اللي يبي ياكل يروح ورى , و إهتمام المدرس باللي جالسين ورى أقل , بس لو الشاطر يجلس ورى و يشاكر راح يحرك الصف بالكامل , يحمس اللي جدام . بس مرات طلاب شطار يضطرون يجلسون ورى بسبب الطول , كان عندنا واحد عبقري و عمره ماتكلم مع حد و أول على الصف يجلس ورى بسبب الطول
بس ممكن بعيد عن الانظار , أو خجل , أو يحترم اللي أكبر منه في ورش عمل أو مؤتمرات , رئيسه , أو مدراء الاقسام ...... , أو ممكن ماعاجبه المحاضرة
أما في المساجد عشان مايتعلق في الزحمة يبي يطلع بعد الصلاة مباشرة , أو يبي يتكي على الطوفة , أنا أجلس في الصف الثاني و أتكي على الطوفة :)
اشكرك يالغالي على التحليل

هالشي يعتمد على الشخصية والاسباب طبعا تختلف مثل ماذكروا اللي قبلي
دايما الجريء واللي واثق من نفسه وجاي لهدف يحب يقعد فالصفوف الاولى
والشخص اللي يسرح او يكون موجود فالمكان غصب يقعد اخر شي
بالنسبة لي الوسط مايريحني لازم اكون عالطرف في اي مكان اقعد فيه
احب اقعد ورا لو كانت المادة صعبة او كنت انا نعسانة
واحب اقعد اول وحدة اذا كنت احب المادة وشاطرة فيها
واقعد مرات على ثاني كرسي لاني استحي اكون اول من يبدا
وهكذا ...
يعني الشخصية والنفسية لها الدور الاساسي في ذلك

احنا البنات غير
في الجامعة ضرب نعل عالمقاعد الامامية خصوصا اذا المحاضره فيها ررياضيات
والا مالقينا مكان نسحب كرسي ونقعد عند الباب والا مقابل طاولة الاستاذ عشان نستوعب
اما ورا حق الكسالى والشياطين بس حزات اقعد ورا من التعب اتغشى وانام هاهاهاهاهاها
صدقتي ،،، بالنسبة للبنات حسب علمي يفضلون الصفوف الامامية