عصابات لندن

[جوال 11]

حصلت معي حادثة في لندن وأحب أحذر كل من يريد زيارة العاصمة البريطانية
في يوم السبت الموافق 2014/5/17 كنت خارجا من محطة قطارات تحت الارض محطة Gloucester Road وبعد المشي بمسافة بسيطة واذا بشخص بجانبي وفي يده جوال اي فون ويسأل عن المنطقة والشارع ويتحدث الانجليزية بلغة ضعيفة وقلت له عندك الانترنت او اقرأ من الشارع انا لا اعرف وبعد خمس دقائق واذا بشخصين أمامي كل منهم يخرج بطاقة ويقول نحن من الشرطة هل آذاك هذا الشخص البطاقات مزورة وكأن عليها شعار ألمانيا النسر وطردتهم ولم أرى أحد منهم واللغة الانجليزية مكسرة .
طبعا هؤلاء من العصابات التي تعتدي على السياح وخاصة العرب .
فاحذركم لا تقدم اي خدمة لأي شخص يسألك حتى لا تقع في مثل هذه الألاعيب وتجني على نفسك ولا تقدم اي معلومة عن بلدك او سكنك .
حفظ الله الجميع من هذه العصابات

[meme-93]

شفيها لندن صارت تخرع مره وحده
نفس سوالف الخدامات طلعت مره وحده

ولا قبل شحلاتها وشزينها

[جوال 11]

الأمن مفقود مع انتشار هذه الأشكال والمشكلة حصلت في عز النهار الساعة الثانية ظهراًً والشارع ليس خالياً به سيارات من الجانبين وناس تمشي في الشارع

[ابن البيطار]

وبعدين شصار وياك؟

[بوخالد911]

يسلموووو للتنبيه

أتوقع السنة ذي بينخفض عدد السواح الخليجيين بلندن

[ZURICH]

أمريكا وجهة الكثير السنة
خاصة كالفورنيا
بعد زيارتي لها ومعاملة الأمريكان الطيبة ارتحت لها
صحيح انها بعيدة لكن تستأهل العنوة
وصدق من قال الي ما راح أمريكا ما شاف الدنيا

[معماري قطري]

الأمن مفقود مع انتشار هذه الأشكال والمشكلة حصلت في عز النهار الساعة الثانية ظهراًً والشارع ليس خالياً به سيارات من الجانبين وناس تمشي في الشارع

هذي طريقة ساذجة وزين اللي انتبهت لهم والمشكلة في الشارع وحولك ناس وأَمن ولو طولوا شوي بيكون مكلبشين ومردوغين .. هم وايد وفي كل بلاد تقريباً ومن يستدرجون الشخص لسيارة أَو مكان صاد عليه السلام .. كان واجبك تنادي بأَعلى صوتك بوليس أَو أَي كلمات تجذب انتباه المارة لأَن فيه شرطة متخفيين يمسكون هالأَشكال.

صادفني مره هالوضع في تركيا .. سئلني واحد كم الساعة وكنت لابس ساعة تبين أَغلى وايد من قيمتها فراويته الساعة من قريب وقلت له كم .. بس بدأَ يسولف معاي الأَخ عربي .. وطلع هو سوري ويحاول يطول في السالفة وشوي بدأَ يتكلم عن حفلات ويعزمني عليها .. هنا انا عصبت وطردته بصوت عالي وراح يمشي بسرعة عرفت بعدين انه خايف من أَمن الطريق .. بس الواجب مثل هالأَشكال ينمسكون بعد ما تسوي معاه مشكلة ويجون الأَمن المنتشرين في كل مكان.

[وحيد-الشوق]

ليش تروحون لندن من زينها كلها بلشتيه وهيلق وطالعني وطالعك والحين هالوقت الخليجين يسافرون وكل واحد يهايط بموتره وطالعني واطالعك

[بوحارب]

هالشي صارلي العام ونفس الموقع تقريبا مقابل مستشفى كرومويل

وقفني واحد مسوي نفسه تيس ومضيع

عاد انا شفت عيونه تروح يمين ويسار دريت انه نصاب وسحبت عليه على طول

[alsoq]

انا رحت لها علاج وما قدرت اكمل علاجي

والمانيا ارتحت فيها وكملت العلاج

الناس فاهمين لندن غلط هي اكثر منها انها منطقه اعمال اللي يبي يروح يروح للريف احلى ما فيها ريفها

[جفال]

يا جماعة الخير
لندن أصبحت وجهة سفر غير مرغوب فيها و خاصة للخليجين وبذكر لكم الأسباب
1- النصابين في لندن يستهدفون الخليجين ( لان الفكر الموجود أن كل الخليجين في لندن مليونيرا وعندهم فلوس مالها حساب وهو فريسة سهلة )
2- الشحاتين والطراروة مستهدفين الخليجين بس وأذا مر الانجليزي ما يكلمه كلش .
3- المطاعم و الكوفيات وخاصة الى في النايس برج ينصبون على الخليجين وتبي تتأكد من كلامي راجع فاتورتك قبل ما تدفع ( لان معروف عندهم الخليجي ما يسأل عن أي شي في الفاتورة يقعد يتحالف مع ربعة ويدفع وهو مغمض الا ما رحم الله ).
4- بعض المقيمين في لندن من بعض الجاليات العربية والإسلامية يشوف الخليجي بنك متحرك فيحاول أستغلاله بأي طريقة . ( ما درى أن السفرة كلها بسلفية من البنك )

ولكن السؤال من الذي كون هاذي الصورة عنا كخليجين ؟

[v_h3]

انا رحت لها علاج وما قدرت اكمل علاجي

والمانيا ارتحت فيها وكملت العلاج


الناس فاهمين لندن غلط هي اكثر منها انها منطقه اعمال اللي يبي يروح يروح للريف احلى ما فيها ريفها

اخوي فالموضوع السابق ذكرت انها بلد كفار وماتنصح حد يروحها والي يروح ماعندة سالفة ويتحمل الي يجيه هناك والحين تقول انصح بالريف شه التناقض :)

[sweet qatar]

هالحركة يسوونها النصابين في كل أوروبا

باريس ايطاليا أسبانيا

للتعامل مع الموقف


اذا كنتوا اكثر من شخص لاتقربون من بعض عشان ما يحوطونكم

اي شخص يسأل عن الطريق بشكل مريب لا توقف له

قول ماعندي فلوس ماعندي بطاقة شخصية كل شي في الفندق
ولاتذكر اسم الفندق باي حال من الأحوال

والله يحفظ الجميع من شر العصابات

[كازانوفا]

سبحان الله بلد حلوه والشعب حسبي الله عليه

[بوخالد911]

ليش تروحون لندن من زينها كلها بلشتيه وهيلق وطالعني وطالعك والحين هالوقت الخليجين يسافرون وكل واحد يهايط بموتره وطالعني واطالعك

يا زززززززززززززززززززززززززين تايلند

[مخطط قطري]

انا عكسكم تماما بالعكس اقعد وياه واتناقش معاه واعرف النصاب منهم من الي صج محتاج دلاله ومساعده اذا كان من الصنف الاول لي اسلوبي الخاص في تعامل مع هالنوعيه من البشر وممكن افيدكم فيه واذا كان فعلا محتاج مساعده سواء يبي يدل طريق ولا في عازه فلوس ولا خدمه ماني مقصر وياه ولحد سالني من وين قلت قطري وربي الله نفتخر ونتومس ببلادنا ولاحظت بعض القطريين مع الاسف يتبرى من بلاده وماعرف من شنو خايف ولايقولهم انه قطري (اغلب من يفعل ذلك من المجنسين ومعاه كل الحق انه يقول مب قطري لانه صج مب قطري) ومابي انحرف كثيرا عن موضوع النصب في لندن اغلب الناس الي اعرفها الي تعرضت للنصب مع الاسف الشديد الشرطه البريطانيه متخاذله جدا مع وجود الكميرات ووضوح اشكال النصابين الا انها ماتسترجع حقوقهم يما ناس انسرقو من الصراف الالي وكميرا الصراف تبين ولا ردت لهم الفلوس
ويليت الجميع ينتبهه من هالنقطه بعد مايدخل بطاقته في الصراف الاالي ويطلب مبلغ معين تطلع اول شي البطاقه وعقب الفلوس في طلعه البطاقه خلك منتبهه يحاولون يشغلونك 2 او 3 نصابين سواء يسوون هوشه وراك او يكلمك او يلفت انتباهك في ثواني لانه الفلوس تكون توها طالعه يسحبها من الجهاز شخص ثاني ويشرد

[حسن]

الحمدلله مازرت هل البلاد ولايشرفني زيارتها والنصابين في كل مكان
مافي اجمل من الدوحه وبحرها الله يازينها ولا بعد مناشبينه فيه
حسبيى الله على عيال بقعه اللي مايخلون القطري يرتاح في بلاده مسوينها سجن كبير

نقزه

[للصبر اخر]

اعتقد من كم شهر قريت مقال بعنوان
البريطانيون يتذمرون من بذخ الخليجين في شوارع لندن

[أم محمد 90]

ليش تروحون لندن من زينها كلها بلشتيه وهيلق وطالعني وطالعك والحين هالوقت الخليجين يسافرون وكل واحد يهايط بموتره وطالعني واطالعك

اي والله كلامك صحيح

ولا تنسى الحريم الي كل وحدة تشتري نتوفة من محل ماركة وتقوله عطني كيس كبير وتجمع الاكياس وتمشي

[مختلفة عقليا]

السلام عليكم .,

انا عشت سنه في لندن ., ولا مره تعرضت او حد من هلي لاي شكل من اشكال النصب او السرقه .,

بس هالكلام من زمان .,

والشرطه ما اتساعدنا ., يقولون ان العرب هم اللي يسرقون من بعض ., :eek5:

اشفيها النعيريه ., يقولون فيها بر وخيام ومادري شنو ., :nice:

ويسلموو .,

[Rider]

يازين الواحد يصيف الاحساء

[العنيده]

الواحد يسافر بس يحاسب في لبسه وطريقة صرفه .. خلونا واقعيين اكياس من محلات غاليه ونمشي بين ناس يدورون الفلوس
الجوال اخر موضه اللبس ماركه وبعض البنات اكسسوارات ومجوهرات طبيعي اللي مايشوف يشوف
احنا شخصيا مرينا بموقف امي وهي تتسوق بعد للحين ماشرينا انخذت المحفظه من شنطتها بثواني وانا وراها بطريقه سبحان الله لا وصديقتها عربيه تلهي امي تسالها عن السعر
شافتها كبيره الله يحفظها بس الحمدلله خذت محفظه خاليه مافيها غير بطاقتين لو لافه يمين شوي بشنطة امي كانت شفطت بس الحمدلله :victory:

الحمدلله كلنا عندنا بس في السفر نبتعد عن المظاهر ونحاسب وصدقوني بامر الله كل شي بيكون اوك و العصابات بكل مكان و الحذر واجب

[QTR TV]

عليكم برنق بكس وعصى كهرب من سوبربوش والأمور زينه ههههه

[واحد قطري]

هذول نفس الاشخصاص اللي سرقوا شباب من عمان يوهمونك انهم من الشرطه ويطلبون منك بطاقتك الشخصيه وبعدها يجي نفس الشخص الاول اللي اسالك ويطلبون منه بطاقته الشخصيه طبعا هو الطرف الثالث من عملية النصب عقب يطلبون من صاحبهم يطلع بطاقته البنكيه ويسالونه عن البن نمبر (الرقم السري) ويحذرونه انه في عمليات سرقة كييرة بالمنطقه وهم يتخذون اجراء روتيني بعدها بيطلبون منك بطاقتك البنكيه وانت بتكون مطمن لانه اللي قبلك العضو الثالث سوا هالشي قدامك من غير اساله وطبعا بحركه سريعه وتشتيت من الطرفين يقوم واحد فيهم بنسخ بطاقتك على اداه اضنها معجون وعقب يشكرونك ويعطيك اغراضك وتروح بعد كم يوم تتفاجئ بسحوبات من رصيدك
انا اتكلم عن تجربة الشباب وخذوا منهم على ماضن 8000£ اذا ماني غلطان واشتكوا للشرطه وليومك مارجعت فلوسهم او مسكوا هالنصابين
وهالنصابين مستهدفين العرب بشكل خاص خبركم ربعنا على نياتهم

بس عفيه عليك ياخوي انك فهمت لهم ياريت كل شبابنا يكون بهالوعي

[qatara]

بلاد الضباب = بلاد الخراب

ياكثرالبلدان التي هي اجمل
واحسن منها بالف مره

[بو راشد 1]

قبل اسبوعين نفس الشي صار حق رفيجي في بوند ستريت بلندن، بس هو يعرف اشلون يتصرف معاهم، طلبو بطاقته قالهم لا، و نهار ثاني الصباح راح مركز الشرطة يبلغ، يقول في نص السالفة الشرطي كمل السالفة (من كثر ما تتكرر)، و قال له هذيلة حرامية مش شرطة، المفروض على طول تتصل فينا و احنا نجي نتصرف معاهم.

[Only Me]

باي باي لندن قالها بوعدنان

[رُفق المجنّا]

لندن عبارة عن مدينة عادية ذاع صيتها نتيجة للهياط الخليجي

صدق المديفر يوم يقول ( سافر لتستمتع لا لتتحدث عن تفاصيل سفرتك )

[تميمي الأصل]

اللهم امنا في اوطاننا

[Right]

مادري شمحبب الناس بلندن ؟!



ما فيها إلا اللعانة وسواد الوجه !!

[تاجر كشخة]

هههههههههههههه انا مستغرب انه فيه أحد يروح لندن لين الحين مال اول موضة التسعينات الحين الناس تروح اماكن ما فيه أحد سمع عنها من قبل

[العنيده]

هذول نفس الاشخصاص اللي سرقوا شباب من عمان يوهمونك انهم من الشرطه ويطلبون منك بطاقتك الشخصيه وبعدها يجي نفس الشخص الاول اللي اسالك ويطلبون منه بطاقته الشخصيه طبعا هو الطرف الثالث من عملية النصب عقب يطلبون من صاحبهم يطلع بطاقته البنكيه ويسالونه عن البن نمبر (الرقم السري) ويحذرونه انه في عمليات سرقة كييرة بالمنطقه وهم يتخذون اجراء روتيني بعدها بيطلبون منك بطاقتك البنكيه وانت بتكون مطمن لانه اللي قبلك العضو الثالث سوا هالشي قدامك من غير اساله وطبعا بحركه سريعه وتشتيت من الطرفين يقوم واحد فيهم بنسخ بطاقتك على اداه اضنها معجون وعقب يشكرونك ويعطيك اغراضك وتروح بعد كم يوم تتفاجئ بسحوبات من رصيدك
انا اتكلم عن تجربة الشباب وخذوا منهم على ماضن 8000£ اذا ماني غلطان واشتكوا للشرطه وليومك مارجعت فلوسهم او مسكوا هالنصابين
وهالنصابين مستهدفين العرب بشكل خاص خبركم ربعنا على نياتهم

بس عفيه عليك ياخوي انك فهمت لهم ياريت كل شبابنا يكون بهالوعي

يسالوني عن البن نمبر واعطيهم عسى ماشر :omg: ابد ماسويتها الا لامي :shy:

[بوحارب]

يسالوني عن البن نمبر واعطيهم عسى ماشر :omg: ابد ماسويتها الا لامي :shy:

العام وقفوا شايب قطري وبدوي مسكين على نياته

اطلبوه بطاقة البنك وعطاهم واطلبوه البن نمبر وعطاهم

وحركوا عنه وخلال دقايق اخصموا10,000 ريال منه

طبعا لندن يبيلهم الواحد يكون منتبه شوي حق هالأشكال

ولا والله انها ديرة حلوة وشرحة وأسواقها ولا اروع ومطاعم مرتبه

بس ابتعد عن شارع العرب ولا تتعامل مع العرب نهائيا وبتكون بخير :)

اما اللي يقول لندن مب حلوه وبلاد خايسه هذا ما يعرف شي

ياخي يكفي تروح الهايدبارك والبط يلاحقونك ;)

[بوحارب]

واليوم ملتقي مع واحد من الربع ويقول رايح البنك يسكر الفيزا

لانه انخصم عليه 4000 دولار. من لندن طبعا البطاقة عند اخته على كلامه

والظاهر في محل حفظ رقم البطاقة وتشخط في عافيتها

حتى جاه خصم من مطعم سابويي هههههه

[Dana’1]

جزاك الله خير عالتنبية

ترى سوالفهم هذي قدييييمة .. أبوي كان يقول لنا قريب من هالسوالف .. يجتمعون ييسون ريكة عشان يشتتون انتباة الشخص .. ويلتفت لمصدر الازعاج.. والثاني يشلح أغراض الرجال وهو فاهي
يقول لنا أبوي الي ماينتبه في هذيك الديار ويكون فطين .. لا يروح

طبعا هالسوالف هذي كانت تصير له في لندن وكل اوربا... بس روما ماخذة المركز الاول هذاك الوقت...وهالكلام بالسبعينات والثمانينات... وهم من أهل الأجرام

أذكر بعد نهاية الثمانينات او بداية التسعينات ... كانوا هلي بلندن.. تقول امي نتمشى بالسوق الا ثنتين إماراتيات شابات صغار جاين لاهلي ركض ويزبنون عند أهلي أنتو من الخليج الله يخليكم ساعدونا تقول امي من خوفهن التموا علينا وقالو هذاك يلاحقنا من مكان لمكان بالسوق

امي التفتت تشوف من هذاك..... تقول عذرت ركضتهن ولمتهن لناههههههه طويييييل ضحم واسود ومعة واحد ثاني مو بعيد منه



نصحهم أبوي يغيرون شنطهم الماركة الي لابسينها!.. ولا يلبسون ما يدل على الثراء ... بالذات بالاماكن العامة على الأقل
وطلعهم من السوق وهذولاك راحوا عقب ما شافوا إنهم عائلة كبيرة وركبوا التاكسي ووصلوهم فندقهم





بعد أختي مرت بموقف اقوى كانت شاهدة على جريمة.. من غرفة الفندق يا بباريس او لندن
كانت بالمتوسطة او الثانوي
تقول يراكضون وراء هالمرأة المكان حديقة مظلمة نوع ماء وفاضية مافيها بشر بهالوقت أخر الليل وهي تصارخ ولا احد عبر صراخها رغم أني سمعتة وانا داخل غرفة الفندق وفوق صرخة المرأة في أذني وصوت الرصاص
تقول الحمدلله ظلام والنور خافت ما شفتهم عدل مغير زول ولا اعرف انصابت او لا
تقول هذاك الليل ما أمسيت
عالصبح الاسعافات والشرطة ععرفت انها ماتت!!
مجرمين عيال مجرمين من يوم يومهم

وهذي سوالف اوربا من زمااان ... بس الحين زايدة اكثر والاعلام ينشر هالجرايم فنشوفها بكثرة
والا هي موجودة


حتى امريكا فيها أجرام يا ضد الشخص نفسة... أو تشوف المجرمين يتراكضون قدامك!!

[Qatar-Qa]

حصلت معي حادثة في لندن وأحب أحذر كل من يريد زيارة العاصمة البريطانية
في يوم السبت الموافق 2014/5/17 كنت خارجا من محطة قطارات تحت الارض محطة Gloucester Road وبعد المشي بمسافة بسيطة واذا بشخص بجانبي وفي يده جوال اي فون ويسأل عن المنطقة والشارع ويتحدث الانجليزية بلغة ضعيفة وقلت له عندك الانترنت او اقرأ من الشارع انا لا اعرف وبعد خمس دقائق واذا بشخصين أمامي كل منهم يخرج بطاقة ويقول نحن من الشرطة هل آذاك هذا الشخص البطاقات مزورة وكأن عليها شعار ألمانيا النسر وطردتهم ولم أرى أحد منهم واللغة الانجليزية مكسرة .
طبعا هؤلاء من العصابات التي تعتدي على السياح وخاصة العرب .
فاحذركم لا تقدم اي خدمة لأي شخص يسألك حتى لا تقع في مثل هذه الألاعيب وتجني على نفسك ولا تقدم اي معلومة عن بلدك او سكنك .
حفظ الله الجميع من هذه العصابات


سبحان الله
نفس الموقف صار معاي بالضبببط في لندن صيف 2013

انه ورفيجي نتمشى وجانا واحد تقريبا الماني وفي يده خريطه يسأل بكلام مكسر عن مكان

عاد وهو يسألنا الا يجونا ثنين من الشرطه
وطلبو اثباتاتنا وسألونا لو هالشخص عطانا اي شي او مبلغ او طلب منا اي شي
ونبهونا ان ان مثل هالاشخاص حراميه وممكن يستغلون اي فرصه انهم يبوقون او يصرفون فلوسهم المزوره بطلب الخرده منك

انتبهو يا اخواني ويا خواتي من مثل هالاشخاص

وجزاك الله خير ياكاتب الموضوع على التنبيه

[Dana’1]

العام وقفوا شايب قطري وبدوي مسكين على نياته

اطلبوه بطاقة البنك وعطاهم واطلبوه البن نمبر وعطاهم

وحركوا عنه وخلال دقايق اخصموا10,000 ريال منه

طبعا لندن يبيلهم الواحد يكون منتبه شوي حق هالأشكال

ولا والله انها ديرة حلوة وشرحة وأسواقها ولا اروع ومطاعم مرتبه

بس ابتعد عن شارع العرب ولا تتعامل مع العرب نهائيا وبتكون بخير :)

اما اللي يقول لندن مب حلوه وبلاد خايسه هذا ما يعرف شي

ياخي يكفي تروح الهايدبارك والبط يلاحقونك ;)

تصدق أبوي جلس ببريطانيا 6 سنوات ونص الى 7 سنوات تقريبا
يقول لندن ماتنبغى بقرش للتمشية .. الا اذا تسوق بس ممكن وما يحبها كثر ما يحب منطقة نسيت اسمها بصراحة بس هي9 ساعات تقريبا عن لندن

حتى يوم راحوا هلي سياحة وداهم هالمدينة لندن خلوها تسوق وزيارة اهم معالمها .. وهم انبسطوا في الارياف والمدينة الثانية اكثر من لندن
يمكن لان الثانية مافيها عرب خير شر هذاك الوقت. طبعا

فالسالفة مو سالفة ما يحب لندن ومايمدحها ما يعرف شي... ولكن هي أهواء

[Azizuk]

على فكرة شرطة لندن اكبر حرامية وإلا يهتمون بالخليجي او اي مشكلة تصير له مع العلم الخليجي يجئ يصرف مب جاي يتعير مثل خمة حثالة العرب الموجودين هناك والنصابين

الشرطي وإلا يهمة اي مشكلة تصير للخليجين يقول بالطقاق أتوقع

لان الله يهدي بعض الشباب يبالغ في الصرف والبذخ ويفوشر زيادة عن اللزوم

انا درسة مدة في هالبلد وتعرفت على كم واحد من هالنصابين تخيلو شنو يقولي
يقولي انت شخص طيب ماراح أقص عليك بس في بعض الشباب صراحة يستاهل أقص علية يقول اخش عنه ساعة رولكس ذهب أقول راح يفقده الرجال بس يسال عنها مالقها مايهتم وإلا يتحسف وإلا يزعل عادي عنده يقول له خلاص بروح اشتري غيرها

وبعض الشباب يدفع 50 نوط وإلا يأخذ الباقي يفكرها 50 ريال

مره عطية المحاسبة 50 جنية نوط الا طارت من الفرحة وقامت توبي في النوط أقول لها ليش جذي تقول اول مرة أشوف نوط وردي بوجمسين في حياتي ومبسوطة

وربعنا يلعبون بالنيطان في المراقص :victory:

يقولي أنتو يالخليجين ينقص عليكم وماتهتمون

لان لا تفكرون ان بس الخليجين هم الأغنياء شفت أتراك وهنود ومن جميع الجنسيات أغنياء وبطرانين وعندهم سيارات بس الفرق ان مايفوشر مثل الخليجي ويمكن يصرف اكثر من الخليجي

والنصابين مايجونهم وإلا يقربونهم لأنهم يعرفون ان هالاشكال ما ينقص عليهم

والله في دول أحلا من لندن وأرقى من هالمزبله

حلو الواحد يغير من دولة الى دولة ويكتشف ويتعرف على باقي العالم

[بوحارب]

تصدق أبوي جلس ببريطانيا 6 سنوات ونص الى 7 سنوات تقريبا
يقول لندن ماتنبغى بقرش للتمشية .. الا اذا تسوق بس ممكن وما يحبها كثر ما يحب منطقة نسيت اسمها بصراحة بس هي9 ساعات تقريبا عن لندن

حتى يوم راحوا هلي سياحة وداهم هالمدينة لندن خلوها تسوق وزيارة اهم معالمها .. وهم انبسطوا في الارياف والمدينة الثانية اكثر من لندن
يمكن لان الثانية مافيها عرب خير شر هذاك الوقت. طبعا

فالسالفة مو سالفة ما يحب لندن ومايمدحها ما يعرف شي... ولكن هي أهواء

ما ينلام المناطق برع لندن احلى بألف مره

بس ربعنا زابنين في القهاوي من الصبح لين اخر الليل

[غزلان]

لندن السنه على صفيح من نار شكل هالنصابين ناويين السنه يخربون الموسم السياحي بلندن

[وطن]

قبل اسبوعين نفس الشي صار حق رفيجي في بوند ستريت بلندن، بس هو يعرف اشلون يتصرف معاهم، طلبو بطاقته قالهم لا، و نهار ثاني الصباح راح مركز الشرطة يبلغ، يقول في نص السالفة الشرطي كمل السالفة (من كثر ما تتكرر)، و قال له هذيلة حرامية مش شرطة، المفروض على طول تتصل فينا و احنا نجي نتصرف معاهم.

صحيح


و يحق لك لو شكيت بالشرطي اللي قدامك ما تعطيه اي إثبات و تكلم الشرطة يطرشون لكم حد

[qatara]

مادري شمحبب الناس بلندن ؟!



ما فيها إلا اللعانة وسواد الوجه !!




اللعانة وسواد الوجه

[جوال 11]

المهم التحذير وصل ووصوا من يريد زيارة لندن لأي سبب وانا زيارتي الى لندن لضرورة وليس للسياحة والحمد لله تخلصت من هذه الفئة لكن اذا حصل مع اي واحد نفس الموقف طنش ولا ترد على احد وتجنب الشوارع التي خالية وتجنب لبس الماركات وهلك عادي جداً

[الأسبانية للمصاعد]

حصلت معي حادثة في لندن وأحب أحذر كل من يريد زيارة العاصمة البريطانية
في يوم السبت الموافق 2014/5/17 كنت خارجا من محطة قطارات تحت الارض محطة Gloucester Road وبعد المشي بمسافة بسيطة واذا بشخص بجانبي وفي يده جوال اي فون ويسأل عن المنطقة والشارع ويتحدث الانجليزية بلغة ضعيفة وقلت له عندك الانترنت او اقرأ من الشارع انا لا اعرف وبعد خمس دقائق واذا بشخصين أمامي كل منهم يخرج بطاقة ويقول نحن من الشرطة هل آذاك هذا الشخص البطاقات مزورة وكأن عليها شعار ألمانيا النسر وطردتهم ولم أرى أحد منهم واللغة الانجليزية مرة .
طبعا هؤلاء من العصابات التي تعتدي على السياح وخاصة العرب .
فاحذركم لا تقدم اي خدمة لأي شخص يسألك حتى لا تقع في مثل هذه الألاعيب وتجني على نفسك ولا تقدم اي معلومة عن بلدك او سكنك .
حفظ الله الجميع من هذه العصابات

محد قال لكم روحوا
تدرون ما يدانوننا والاعين علينا

[المحاميه]

استغفرالله العظيم
شالحاله ذي
الوضع مايطمن :eek5:

[رهج السنابك]

لندن انصب مافيها العرب

الحمدلله ماصار لي مواقف قويه مع اني كنت خايفه ان النقاب والعبايه تكون ملفته للنظر وتسبب لي مشاكل لكن الحمدلله وماشفت اذيه الا من الشحاتين العرب
واذا انسالت دايما اقول لهم من موروكو : )

[زورق]

موروكو اهم الحراميه مرتين سارقيني في لندن

[جوال 11]

محد قال لكم روحوا
تدرون ما يدانوننا والاعين علينا
من يسافر الى لندن قد يسافر لعلاج او دراسة او عمل تجاري ليس بالضرورة سياحة

[ضليع التبريد]

على الي يروح لذيك الديار الأنتباه لنفسه في كل شيء ، ولا أبرك له يقول لذيك الديره وخبالينها ،، باي باي لندن ... ويروح وهله يصيفون في الطائف ولا أبها السعوديه أو صلاله، عمان
كلها مصايف جميله جداً وأهلها وجيهٍ طيبه

[ابو سلمى]

ادعوا الشباب لزيارة ايرلندا من ناحية التسوق كل المحلات الموجوده ببريطانيا موجوده فيها اضافة لجمال الطبيعه الخلابه و نقاء الجو و طيبة و بشاشة الشعب الايرلندي و تهذيبه مقارنة مع الانجليزي

راجع هذا الموقع

http://www.discoverireland.ie/Home.aspx?gclid=CMvGjqrcuL4CFeVe2wodqA8AcQ

وفي الخدمة لاي مساعده او معلومة اضافيه

[LSBU]

نعم صادق اخوي انا عايش في لندن وبالفعل كثروا ها الاشكال المجرمين و اكثرهم من شرق اروبا وتشوف الي يطرون في الشارع لبسين حجاب ومايعرفون شي عن الاسلام للاسف يشوهون صورة الاسلام وفي تقرير برنامج بثتة ال بي بي سي عنهم انهم مش مسلمين بس يلبسون حجاب ويحفظون كم كلمة ويسون نفسهم فقراء ويطرون وللاسف الخليجين بالذات يعطونهم وهم مجرمين حتى يستخدمون الاطفال علشان يحرجون الشخص او لما يشوفونك مع عائلتك يجون علشان يحرجونك وتعطيهم للاسف هولاء مش مسلمين ومجرمين مرة جتني وحدة منهم وقلت لها شنهي اركان الاسلام والله قالت ماعرف قلت لة انتي مش مسلمة قالت اي وسبتني لني احرجتها قدام الموجودين اما الي من شرق اروبا هولاء هم والاكراد مجرمين ويستقصدون العرب بالذات الحريم كثير سرقات تصير اليوم قدامي وحدة اليوم سرقين شنطتها في الهاردز وجايبة الشرطة ارجوا الحذر منهم لنها كثرت جريمهم بعدرما سمحت لهم بريطانيا بالدخول بدون فيزا نصيحة الي ماعندة حاجة في لندن لا ينزل لنة الجريم كثرت وللاسف شرطتهم ماتلحق من كثر البلوي الي تصير عندهم

[Right]

اللعانة وسواد الوجه




شرايك أنت ؟!