بناء البنتهاوس

[w.qatar]

السلام عليكم

من خلال تجاربكم ابي اعرف احسن شركة تسوي لي هالشغله

ابي ابني البنتهاوس بس السقف ابيه كله قرميد وبحط جبسنبنورد مابي اسوي السقف صبيه

وابي اغير التصميم اللي عندي بزيد صاله و حمام وستور عالتصميم اللي عندي

وشغله ثانيه المكيفات المقاول موزعها على كل السطح تقريبا هل فيه حل لهالموضوع ولا خلاص ماقدر اغير اماكنهم

[ضوى]

السلام عليكم

من خلال تجاربكم ابي اعرف احسن شركة تسوي لي هالشغله

ابي ابني البنتهاوس بس السقف ابيه كله قرميد وبحط جبسنبنورد مابي اسوي السقف صبيه

وابي اغير التصميم اللي عندي بزيد صاله و حمام وستور عالتصميم اللي عندي

وشغله ثانيه المكيفات المقاول موزعها على كل السطح تقريبا هل فيه حل لهالموضوع ولا خلاص ماقدر اغير اماكنهم

اهم شي تكون شركة ثقة ، تبين نصيحتي لاتسوين سقف عادي ، سويته وتحسفت ، وقت المطر يتجمع بلاوي تتجمع ممهما كانت الدقة غير الصوت ، ابدا مايسوى تكلفته ، سويه بصبيه خفيفة المقاولين افهم مني بهالسوالف ، بس كان في شي اسمه سقف مستعار من الاسمنت بس خفيف وايد عالبيت وعليه عازل وكل شي واذا عالقرميد تقدرين تسوينه وبيطلع حلو ، والمكيفا امرها سهل جدا ، تسوين صبيات ستاند للمكيفات في اماكن ثانية بعيد عن المكان اللي بتبنين فيه طبعا تجيبن لج فني شاطر فني مكيفات وكهربائي وخلافه

[معماري قطري]

عرفت مقاول مسوي بيته ضايف بنتهاوس يعني عليه بس نسيت طريقته هو شرحها لي

في أَمريكا ومع ان الهواء قوي كل تقريبا اسقفهم خشب وعليه عوازل .. تقدر تسوي فريم حديد وتركب عليه خشب .. العملية سهلة بس تحتاج لتفاصيل ومخططات واضحة .. أَما تنعطى لمقاول يسويها على كيفه بيسوي أَقل القليل.

[captin]

اذا السطح حاليا فاضي وما فيه جزء بارز لبيت الدرج تماما

يقترح ان يتم الرجوع للخرائط الانشائية والاطلاع عليها
وتحديد مكان لبناء البنت هاوس فوق احد الغرف الحالية
بحيث يكون مكمل لها وطالع للاعلى ويمكن بناء الحوائط
من الطابوق وزراعة اعمدة في الزوايا تكون مكملة للاعمدة الحالية
والسقف يكون من المواد الخفيفة ومسقوف بالقرميد الاحمر .

اما اذا كان هناك بيت للدرج صغير يطلع للسطح
نشوف المساحة اللي جنبه وتصلح لبنت هاوس ونسكر طرف الوارش مع غرفة بيت الدرج
ونسقفها بسقف من المواد الخفيفة ونفتح باب من بيت الدرج على الجزء الجديد اللي سكرناه
وراح يكون عندنا بنت هاوس كغرفة بحمام مثلا او نقدر نخليه قاعة للدراسة او الالعاب او جم .

اعتقد شركة قطر للمساكن السريعة من الشركات الرائدة في المباني الخفيفة السريعة
وراح تلقى عندهم حل لبناء بنت هاوس بتكلفة مناسبة.

[مضارب دوسري]

السقف لو كان كيربي بافضل انواع الكيربي قريب من سعر الصبيه
واهم حاجه لا تنسين الله يعينج وقت المطر
ووقت الحرررر
المكيف تحسينه مب شغال وقت الحر
مافي افضل من الصبيه
راحة بال

كنت ناوي اسوي سقف المجلس كيربي
بس الحمدلله
خليته صبيه وريحت راسي

[معماري قطري]

الصبية فيه الصبية المجوفة وإِذا السقف كيربي معزول يجي سميك وقوي وفيه عازل وممكن تتركب عليه نوعيات قرميد اللي تجي أَساسها قار ومخشنة من فوق .. يطلع وايد أَرخص بس يحتاج تفاصيل صح واشراف زين .. بعدين الكيربي أَو حتى الخشب إِذا تركب صح وبعوازل وتركب تحته جبس محد يدري شالموجود فوق.

بس مهم مثل ما قلت ترخيص وتفاصيل كاملة ورسومات دقيقة واشراف حتى يطلع كل شيء زين

[w.qatar]

يعطيكم العافيه على التفاعل و الردود الطيبه

فيه بيت للدرج صغير يطلع للسطح وعندي خريطه للبنتهاوس بس ابي اعدل عليها واكبر مساحة البنتهاوس شوي

بحاول اصور لكم الخريطه اليوم

[الفني]

بالتوفيق ان شاء الله

[w.qatar]

صباح الخير

هذي الخريطه الحالية

http://im59.gulfup.com/PlVKSk.jpg


وهذا التعديل اللي سويته

http://im59.gulfup.com/GWtgwa.jpg

ابي رايكم و ملاحظاتكم

[$الملياردير$]

صباح الخير هلا اختي ....اقتراح و الراي لك ردي بغرفة التانكي متر 5.60في 5.10اعتقد مناسبة لغرفة الخزان و خلي الخروج للسطح عن طريق غرفة الخزان يعني غيري مكان الباب من الضلع الشرقي للشمالي ليتم استغلال المساحة كاملة في الصالة الرياضية و تقليل دخول الحر و الاتربة ..وشكرا

[w.qatar]

http://www8.0zz0.com/2014/05/29/09/671852845.png

صراحه الباب هنا افضل شكرا ع الملاحظه

بخصوص غرفه التانكي ابي استغل المساحه الباقيه كستور لاغراض السيارات الشباب ما شاء الله تارسين الحوش قطع غيار و تواير لو حطينا على الطوفه رفوف و اماكن للتواير على الجزء الشرقي من غرفه التانكي بيصير المكان مرتب

[معماري قطري]

ما تطلع عندي الرسومات لو ترسلها خاص وفايل اوتوكاد ممكن أَعدل عليها بالمناسب

[w.qatar]

رفعت الصوره على موقع ثاني مادري اذا بتطلع عندك ولا لا

[معماري قطري]

رفعت الصوره على موقع ثاني مادري اذا بتطلع عندك ولا لا

بينت لي الأَخيرة .. ملاحظاتي هي .. الستور المفروض يكون غرفة وغرفة التانكي صراحة كبيرة وايد هذي ممكن تنقسم بممر بسيط مقابل الباب يوصل لستور في الخلف وفي جزء فوق نص الغرفة .. تحتاج لعرض مترين لغرفة التانكي وطول حسب المتوفر ولو خليت التانكي برا أَو حتى فوق الغرفة ما عندك مشكلة توانكي الروتومولد معزولة ولازم تتبرد بالتكييف والغرفة أَفضل تبقى لباقي المعدات مع ضرورة عزل موزع الكهرباء ببارتشن خاص حتى يكون بعيد عن أَي تسرب ماي

بالنسبة للنظام الإِنشائي .. ما دام الأَعمدة والأَبيام موجودة وانت بتبني عليها فبيكون سهل التكسير شوي وشبك الحديد للعمود وبناء عمود جديد فوقه والسقف بسهولة تقدر تسويه خرسانة مجوفة جاهزة يركبونها بكرين وتخلص بسرعة .. وممكن لو حبيت تسوي الأَعمدة حديد وحتى السقف بس مثل ما قلت بتفاصيل وشغل هندسي متكامل واشراف.

ملاحظة أَخيرة .. باب الغرفة المفروض ينفتح على داخل وجهة الحائط.