شهر عسل في يناير

[نااادر]

السلام عليكم ورحمة الله وبركاته


في البداية احب اشكركم على تفاعلكم جميعاً مع هالقسم

و احب استفيد من خبراتكم في السفر

زواجي نهاية شهر يناير وافكر في شهر العسل

افكر في امريكا (ميامي اسبوع وفيها كروز 4 ايام ولاس فيغس و كاليفورنيا)
افكر في ماليزيا وتايلاند من ناحية الجزر
افكر في موريشوس وجنوب افريقيا
افكر في اليونان
افكر في اسبانيا وجزر الكناري
افكر في استراليا

افكر في كل شيء p:

احتاج مساعدتكم وللعلم اذا كانت الرحلة امريكا واستراليا افكر في 20-25 يوم
واذا شرق اسيا او بعض الجزر تقريباً اسبوعين

[غايه الطواش]

انزين شاور المدام شوف خاطرها في شنو ؟

امريكا حللوه ومريحه والكروز تجربه جميله بس لازم تعرف وين متجه ....
كاليفورنيا كبيره جدا لازم تحدد وجهتك فيها بالضبط
وحط في بالك بتكون شهر واحد الجو في ميامي حار في كالفورنيا بارد جدا

ابتعد عم ماليزيا وتايلاند حر ولزق وامطاروين تودي بنت الناس ...

موريشيوس وجنوب افريقيا احسها بتكون متعه بس ماعندي اي خلفيه عنهم غير ان مافيها رحلات ع القطريه مباشره

اليونان عندك سانتوريني وميكانوس وميكانوس معروفه بانها جزيره رومانسيه
وفيه رحلات مباشر حق اليونان ع القطريه لكن الجزير لازم طيران داخلي ميكانوس 40 دقيقه سانتوريني ساعه بس عيبها بتكون بارده جدا

اسبانيا وجزر الكانري اختيار جميل بس بعد الجو في شهر واحد بارد

[بوخالد911]

هلا

استراليا جوووهم حار بشهر يناير
لأنهم عكسنا

لما نكون بالصيف هم عندهم شتاء

[طموحي عالي]

ابعد عن شرق اسيا
بلدان تفتقد الوناسه وغير جي حر حر لزق رطوبه

اسالها شلي بخاطرها يمكن في بالها بلاد عاد لين قالت ماليزيا قول لا لان بيكون تقليد للغير فقط

والله يوفقك مقدما

[القلم الصريح]

ميونخ- زلامسي - سالزبوغ- انترلكن ـ فينا

[وحيد-الشوق]

شهر يناير بتكون باردة اوروبا ان شاء الله يعني ماتصلح لشهر العسل :(

[وطن]

اخوي مبروك
الله يجمع بينكم في الخير


احلى شهر في السنة
بداية جديدة موفقه بإذن الله


ماعندي مقترحات
شوف شنو بخاطرها
احسن

شهر يناير بتكون باردة اوروبا ان شاء الله يعني ماتصلح لشهر العسل :(
يا زين بردها في هالفترة

يرد الروح

[حمد بن قربان]

روح للنمسا

[Commando]

نصيحة

امريكا ام الدنيا ..... خلك عليها ....

[ذكي جدااا]

أوروبا بارده جداااا. ممكن استراليا ونيوزيلاند بيكون عندهم صيف عكسنا ومناطق جميله ووممكن أيضاً أمريكا وبالتوفيق

[نوور الدووحه]

اوروبا زينه بس بررررررد!!!

انا اجوف شرق اسيا :nice: ومنو قال يناير رطوبه وحر عندهم :eek5: ؟؟

[Dana’1]

موريشيوس ما انصحك كثير فيها.. هي قريبة من سيشل وتقريبا نفس الجو

انا كنت افكر ازور سيشل .. بس
اعرف وحدة راحت سيشل تقول عادية جدا غير عالبحر والمسابح مافيه هي احلى شي بالبلد

حتى مغامرات مانقدر.. يقولون بين الاشجار وفوقها بتلاقون بيوت عناقب كبييرة@@
وبين الصخور بتلاقون السحالي@@
والجو حار ورطب

قلت شكرا قلت لي ههه
وغيرت رأئي بصراحة


وانصحك تشاور المدام يمكن في شي في بالها
والله يتمم لكم على خير
بالتوفيق

[الرايــق]

أنصحك بشرق اسيا

توني راد من تايلاند شهر عسل

بعض الناس قالولي ما تصلح شهر عسل لكني رحت وجربت وشفت العكس

لو عزمت على تايلاند بفيدك انشالله

[Mohammed2]

شهر يناير وفبراير اللي راح سافرت شهر العسل

ورحت سنغافوره وكوريا الجنوبيه

كانت احلى سفره لي صج صج البلدين ماشفت احلى منهم فالتنظيم والنظافه ( اهم شي النظافه )

سنغافوره جوها حلو ممتاز بس كوريا بارده جدا لكن الناس جدا محترمين في هاذين البلدين

ومبروك مقدما والله يوفقك في زواجك ويسعدك

[المعنى88]

انا سافرت شهر يناير السنه .... على كثر سفرتي لتايلاتد مالقيت غير هالشهر احلى جو كانك في ربيع ولا امطار في ايامها الا نادر

[نااادر]

بصراحه قررت تكون الرحلة قريبة أسبوعين


بس متردد

ماليزيا+تايلاند ( لنكاوي و بوكيت)

جزر اليونان

موريشس + جنوب افريقيا


ابي شيء هادي و رائق و يكون ممتع

[بوسعود1122]

شرق اسيا ما تصلح صدقني ،، عليك بجنيف وانتر لاكن وأختهما في ميونخ

[للصبر اخر]

ليش ماتروح المالديف
؟؟
جزيره نفس السيشل
جزر اليونان فيها منتجعات بعد حلوه
ولو لك خاطر في مكان محد راحه عنددك جزيرة بورا بورا
وعندك مدينة الرومنسيه فينيس ايطاليا

[blueZircon]

ودي انصحك بااستراليا بس جوها شهر يناير حار نوعا ما. مالك الا امريكا
مبروك مقدما

[أبورودي]

جنوب أفريقيا مناسبه لمخطط موعد الزواج جميله جدا جدا
مبروك مقدما

[حمد 2002]

العمره

وشكرا ،،

[قوت القلوب]

ودها الحسا ولابتنسى هالسفره طول عمرك والقطريه تنزل هناك بعد

ملاحظة : احجز درجة أولى ودلع عمرك

أو آجل عرسك مع الزيادات عشان اتروح وماتحاتي المصاريف:tease:

المهم: سو أكشن هذه أحلى ايام عمرك ، روح أماكن اتزحلق فيها على الثلج أوطبيعه تقعد ماتحاتي شمس وحر وزحمه، يعني خل سفرتك مميزه .

الله يهنيكم ومبرروك مادبرت

[أغلى البـشر]

المالديف
شانج ماي - تايلند
هونكونج
كوريا الجنوبيه
اليابان

[kka]

الف الف مبروك منك المال ومنها العيل

انا ان شالله رايح بالي انصحك فيها فلل قمت الروعه والرونانسيا وفي خط مباشر الان من الدوحة الى جزيرة بالي وعلى فكرة بالي قريبة من استرليا اذا الميزانية تسمح
وهي قريبا ايضا من سنغافورة ثلاث ساعات بس انصحك بالي و استرليا اول شي اذهب الى بالي وبعدين سدني وبعدين ميلبورن والعود الى الدوحة

[رهج السنابك]

روح المالديف رومانسيه واسترخاء بحر وهدوء

[العريق]

الف الف الف مبروك و الله يتمم لك على خير
اقترح عليك إيطاليا أحلى مكان

[captin]

Go to Bali

[قلب شاعر]

بصراحه الجوا في اوروبا برد ثلج في شهر يناير اذا كنت من عشاق البرد
انصحك في سويسرا وانترلاكن روعه وشعب راقي بمعنى الكلمه
وابعد عن ماليزيا واسيا الرطوبه مزعجه جدا وحر ...

انا رحت شهر عسل ماليزيا وندمت لاني ماستانست بحكم الرطوبه والحر ... شهر العسل يحتاج الى جو بارد شوي احلى بوايد ويكفي قربكم وحراره القاء والمشاعر والرومنسيه راح تغطى ع الجو العام البارد الله يهنيكم ويوفقكم ويرزقكم الذريه الصالحه يارب

[عزووز قطر]

أوروبا ماتنفع بسبب البرد وبسرعة يظلم الوقت وكل شي يسكر
وفي بعض الدول فيها صعوبة في المواصلات بسبب الثلوج


أنصحك في بوكت أو المالديف لمدة 3 أو 4 ليالي تحجز لك فيلا مع مسبح خاص
وتطلع على سنغافورة بلاد حلوة وراقية أو هونج كونج

والله يبارك لك ويتمم لك على خير