الميره ام كارفور ( قرب رمضان تعالوا هنا )

[الصغيره]

اخواني اخواتي

كل عام وانتوا بخير بخصوص قرب شهر رمضان


لا تقولون رمضان مش حق الاكل

اقول صح كلامكم لكن لرمضان طابع خاص حتى بتوزيع الاكل على المحتاجين

وبغض النظر عن قرب شهر الخير

اسعار الميره الصراحه لاحظتها بزديات وكل يوم بزياده انتوا لاحظتوا هالشي ؟

ومن ناحيه اخرى اش رايكم بالتموين العايلي او كارفور او المحلات الكبرى ....الاسعار الاحظها بكارفور اقل من الميره بكثير



دمتم بخير

[Dana’1]

الميرة خل ينفضون الغبار من الارفف والمنتجات وغيرها ... عشان الواحد يجيلة نفس يشتري!!

بصراحة مسكر وجيان وكارفور اللولو هايبر خيارات أفضل

والا الاحساء هههه

[خالد البلوشي]

بعد إذن أختنا الصغيرة أرجو أن لا تنسوا العوائل الفقيرة و البسيطة من الميرة ابحثوا عنهم و ستجدونهم.. ادخلوا في قلوبهم البهجة في شهر رمضان .. و اغتنموا فرص الأجر في إفطار الصائم من خلال العوائل الفقيرة و المعدومة سواء كانت في قطر أو في الخليج أو حتى في الخارج و في ذلك فليتنافس المتنافسون

[moonبنتnight]

بصراحة الاسعار أرتفعت قبل رمضان ..
فرق الاسعار كبير بين الميرة وباقي جمعيات الاستهلاكية ..
والعام تم دعم بعض المواد الاستهلاكية من الدولة لشهر رمضان وتم فرض رقابة على جمعيات الاستهلاكية ..
وصحيح رمضان ليس أكل فقط بس لازم ناكل هههههه
أصبح المرأة تدبر أمورها ما في شي ينقط في الزبالة ..
أشتري صحون القصدير وفايض الاكل وزعيه ولج الاجر ..
والله يعود علينا رمضان بالصحة والعافية ..

[بو الجوري]

اللهم بلغنـا رمضان ، لافاقدين ولامفقودين :..


و الله الشيخه أنا ناااادراً ما أنتبه على الأسعار إذا إرتفعت أو لأ .. مع الأسف

وبخصوص التموين لرمضان ، أنا من النوع اللي كل ثلاث أربع أيام أروح أجيب النواقص أو اللي زوجتي تبغيه :..

يعني مب من النوع اللي ليلة رمضان يترس 3 قواري :rolleyes2:

خصوصاً إنه رمضان دايماً فطورنا برع البيت أكثر ( عند خواتي ، أمي ، نسايبي ، وهكذا < حلوه صح خخخخخخ)

[للصبر اخر]

حلوه هكذا بو الجوري
متعوب عليهاا

المهم
اختي انا احس اللولو ارخص من كارفور
واحيان اروح السفير

والحمدالله جاري جمع التبرعات لاكثر من دوله

[بو الجوري]

الصراحه يمدحون مسكر ، بس مدري شلون أسعاره

[Abu Muhsen]

مشكلة المحلات الاستهلاكية انك تلاقي في الميرة مثلا سلعة ثمنها 10 ريال نفس السلعة مثلا بالفاميلي بي 13 ريال

سلعة اخرى بالفاميلي بي 15 ريال تجدها بالميرة بي 12 ريال

بالنهاية واحدة .... والعروض التسويقية لا اوومن بها ابدا ... كلهم نفس بعض

[ANONYMOUS]

كل سنه يتم تحديد اسعار بعض ( وهي كثيره) السلع الاساسيه وتعميمها من قبل وزارة التجاره اعتقد وجزاهم الله خير

وماتفرق من وين تاخذها

انا اتفق معك في بعض المواد الغير اساسيه

[العلياا]

تقريبا ابوي نظامه نفس نظام بو الجوري
كل كم يوم يروح الجمعية

وغالبا اغراضنا نشتريها من مسكر لان اقرب للبيت وخياراته كثيرة والتسوق فيه ممتع
بس ماعرف اسعاره ارخص من غيره والا لا !

[Right]

المثل يقول: " هذا أخو هذا "


يلعبون لعبتهم وخاصةً برمضان ، لكن وين حماية المستهلك ؟!

[كازانوفا]

بالفعل ميره بتزاااايد مستمر
لمتى ؟؟؟

[حياة]

انا اتسوق من مسكر حلو وهادي واحيان من اجيان الحياه بلازا

[abu m7md]

الصغيره بديت اشك فيج
تقوسين النبض عندنا
والسنه اليايه تفتح ماركت .......
وتبدين تفلين المخبى ههههههههههههه

عن نفسي لا من الميره ولا كارفور
اغراضي كلها من اللولو شهريا

[الصغيره]

بعد إذن أختنا الصغيرة أرجو أن لا تنسوا العوائل الفقيرة و البسيطة من الميرة ابحثوا عنهم و ستجدونهم.. ادخلوا في قلوبهم البهجة في شهر رمضان .. و اغتنموا فرص الأجر في إفطار الصائم من خلال العوائل الفقيرة و المعدومة سواء كانت في قطر أو في الخليج أو حتى في الخارج و في ذلك فليتنافس المتنافسون

اشكرك على الملاحظه وابشر وازيد عليه لا تنسون لا تنسون العمال المسلمين ببيوتكم ميروا هلهم برمضان والله لكم الاجر عطوهم مبلغ وقول هذا حق اكل رمضان واذا عندك مسلم وغير مسلم عط الغير مسلم بعد حتى تحبب له الاسلام


اشكرك

[الصغيره]

بصراحة الاسعار أرتفعت قبل رمضان ..
فرق الاسعار كبير بين الميرة وباقي جمعيات الاستهلاكية ..
والعام تم دعم بعض المواد الاستهلاكية من الدولة لشهر رمضان وتم فرض رقابة على جمعيات الاستهلاكية ..
وصحيح رمضان ليس أكل فقط بس لازم ناكل هههههه
أصبح المرأة تدبر أمورها ما في شي ينقط في الزبالة ..
أشتري صحون القصدير وفايض الاكل وزعيه ولج الاجر ..
والله يعود علينا رمضان بالصحة والعافية ..

والله كلامك صح وياليت تتوزع على النواطير الي عند البيوت اللي تحت الانشاء ولا نشوف اكل بالزباله


اشكر كل من شارك بالراي والاقتراح والملاحظات

[بصمة قطرية]

الصراحه يمدحون مسكر ، بس مدري شلون أسعاره

اسعاره ممتازة
و عن تجربة أقول لك أرخص من غيره ..
الفترة الأخيرة كله أروح مسكر ..

[الصغيره]

الميرة خل ينفضون الغبار من الارفف والمنتجات وغيرها ... عشان الواحد يجيلة نفس يشتري!!

بصراحة مسكر وجيان وكارفور اللولو هايبر خيارات أفضل

والا الاحساء هههه


كلامك صح أي عاد من تحكي له والمدير او اللي تحته فلبيني والتعامل معه انجلش بالانجلش

اشكرك

[الصغيره]

الصغيره بديت اشك فيج
تقوسين النبض عندنا
والسنه اليايه تفتح ماركت .......
وتبدين تفلين المخبى ههههههههههههه

عن نفسي لا من الميره ولا كارفور
اغراضي كلها من اللولو شهريا

ياليت بسوي تخفيضات طول السنه

انا اشياء اجيبها من الاحساء الصراحه فرق بالاسعار

وكنت مشجعين الميره لكن الحين لا ميرتهم ولا لي الا كارفور او اللولو او مسكر


اشكرك

[احمد1]

بالنسبه لي يا جماعه انصحكم جمعية دحيل ... الي منها فروع اعتقد على دوار التلفزيون تقريبا ... وكمن مكان .... بالنسبه لي ومقارنة بالالميره والفملي فود اشوف جمعية دحيل اسعارها زينه وحتى دايمن القى عندهم الدجاج القطري الي هو دجاج الواحه ... احسن وافضل نوع ... شكرا

[nono80]

انا اشوف اللولو وكارفور اقل شويه من الميرة وتحصلين عندهم عروض حلوة وصايرة اخذ اغراضي كلها من اللولو

[عابر سبيل]

الميرة خل ينفضون الغبار من الارفف والمنتجات وغيرها ... عشان الواحد يجيلة نفس يشتري!!

بصراحة مسكر وجيان وكارفور اللولو هايبر خيارات أفضل

والا الاحساء هههه



للعلم اخوي..
"جيان".. تابعة للميره!!

[بوحارب]

ولا احد

جراند هايبرماركت الخريطيات أرخص منهم كلهم

بس عيبة زحمه عند الكاشير

[captin]

الله يذكر ايام الجمعيات التعاونية بالخير
يوم كانت توزع ارباح المساهمين مع دخول شهر رمضان كل سنة بالاضافة الى
كوبونات الشراء المجاني للمواطنين بالاضافة الى الهدايا العينية .

الحين الميرة شركة مساهمة وتنظر للربح اكثر من توفير سلع باسعار مناسبة للمواطنين والمقيمين.
الميرة يهم مجلس ادارتها الرقم السنوي للارباح مب عشان عيون المساهمين لا عشان مكافأة مجلس الإدارة
لان رئيس المجلس والاعضاء الكرام كل واحد بيطلع له مبلغ كبير ما يهم المواطن يحصل مواد بأسعار رخيصة ولا لا.


اعتقد اللولو هو انسب مكان للشراء حاليا في قطر
وانصح الشراء بكميات قليلة حسب الحاجة كل اسبوع مرة يكفي بدال شارء وتخزين كميات كبيرة في البيت.