طلبة كلية المجتمع ... افيدوني ..!!!

[لاجئ عاطفي]

بكره راح يكون في لقاء تعريفي للطلبة الجدد في كلية المجتمع وان شاء الله ناوي اسجل فحبيت اعرف من الطلبة القدامى او الملتحقين في هالكلية يفيدوني عن نوعيه اختبار تسجيل القبول لان اللغة الانجليزيه عندي مقبوله نوعا ما فياريت احد يفيدني ..


بوخليفه

[Khaled Qatar]

اخوي بوخليفه
الامتحان سهل نوعا ما اذا مستواك جيد جدا، اذا عندك شهاده ايلتز بتكون معفي من الامتحان
الامتحان بشكل عام
Reading - بتجيك يمكن 5 فقرات وتجاوب عليها - الامتحان كله في الكمبيوتر
Writing تكتب حول 150 كلمه
وفي امتحان تحديد مستوى للرياضيات اغلب الاسئله بتكون الجيبرا - (X/Y)
اتمنى اني افدتك

[مــاي ورد]

لو سمحتوا متى بيكون التسجيل في الجامعة ؟؟

[لاجئ عاطفي]

الله يجزاك خير اخوي الغالي افدتني ..

اليوم حاطين اعلان للتجسيل في الصحف البنات الاختبار اليوم الساعه 11 لطلبة الصباحي والساعه 4 لطلبة المسائي 20/5/2014
اما البنين فالتسجيل بكره 21/5/2014 الساعة 4 العصر ..

[مــاي ورد]

من صجهم انا اتصلت قالو لي التسجيل اليوم و الامتحان بعدين!!!

[فلتة زمانها]

اخوي لو تسجل في جامعة قطر افضل وتاخذ بكالوريوس احسن من دبلوم
الدراسة الحين بالعربي لا توفل ولا عوار راس والمحاضرات لين 8 بالليل
عندك تخصصات كلية البزنس والقانون وكلية الاداب

الله يوفقك ويكتب لك الي فيه الخير

[لاجئ عاطفي]

اخوي لو تسجل في جامعة قطر افضل وتاخذ بكالوريوس احسن من دبلوم
الدراسة الحين بالعربي لا توفل ولا عوار راس والمحاضرات لين 8 بالليل
عندك تخصصات كلية البزنس والقانون وكلية الاداب

الله يوفقك ويكتب لك الي فيه الخير

اختي الفاضله انا موظف حكومي واب لاسره يعني الدوام المسائي مناسب لي مع ان ودي ادخل جامعة قطر على طول بس قالولي لازم في متطلبات لازم اوفرها وهالشي صعب فاقترح علي واحد من الربع ادخل كلية المجتمع سنتين وعقب اكمل في جامعة قطر واخلي محاظراتي كلها المسا فقررت امشي على كلامه لو الطريقه ذي خطا ياريت احد يفيدني

[Khaled Qatar]

اختي الفاضله انا موظف حكومي واب لاسره يعني الدوام المسائي مناسب لي مع ان ودي ادخل جامعة قطر على طول بس قالولي لازم في متطلبات لازم اوفرها وهالشي صعب فاقترح علي واحد من الربع ادخل كلية المجتمع سنتين وعقب اكمل في جامعة قطر واخلي محاظراتي كلها المسا فقررت امشي على كلامه لو الطريقه ذي خطا ياريت احد يفيدني

لا اخوي مش خطأ
الواحد يحاول قد اللي يقدر عليه - اعرف شباب درسو في المجتمع والحين بيروحون بريطانيا مشالله ياخذون البكالوريوس سنه الى سنتين - على حسب تخصصك- طبعا في غيرهم واجد التحقو بجامعه قطر

اذا بغيت معلومات ثانيه عطني خبر

[فلتة زمانها]

اختي الفاضله انا موظف حكومي واب لاسره يعني الدوام المسائي مناسب لي مع ان ودي ادخل جامعة قطر على طول بس قالولي لازم في متطلبات لازم اوفرها وهالشي صعب فاقترح علي واحد من الربع ادخل كلية المجتمع سنتين وعقب اكمل في جامعة قطر واخلي محاظراتي كلها المسا فقررت امشي على كلامه لو الطريقه ذي خطا ياريت احد يفيدني

شنهي المتطلبات؟
اللي اعرفه القبول من 75%
وتقدم امتحان اكيوبليسر ماث حتى لو رسبت يقبلونك وتدرس بالعربي
اذا في مجال تاخذ تفرغ من الشغل يكون افضل
اما اذا صعب التفرغ فكلية المجتمع هي الانسب لظروفك

[Khaled Qatar]

شنهي المتطلبات؟
اللي اعرفه القبول من 75%
وتقدم امتحان اكيوبليسر ماث حتى لو رسبت يقبلونك وتدرس بالعربي
اذا في مجال تاخذ تفرغ من الشغل يكون افضل
اما اذا صعب التفرغ فكلية المجتمع هي الانسب لظروفك

للأسف اذا شهادة الثانويه قديمه قبل 2005 يطلبون منك ايلتز 6 وامتحان act لهالسب احنا نقول متطلبات تعجيزيه للبعض

[Right]

أخوي لاجئ عاطفي


أنصحك بالدراسة في كلية شمال الأطلنطي أو كلية المجتمع لأخذ الدبلوم


لتحضير نفسك أكاديمياً ونفسياً لطبيعة الدراسة الأجنبية وحتى من ناحية إكتساب اللغة الإنجليزية


حتى ما تواجه أي صعوبة عند الدراسة بالخارج أن أردت ذلك مستقبلاً


ومن بعد ذلك تكمل سنة أو سنتين في بريطانيا وتحصل على البكالوريوس


بالتوفيق لك إن شاء الله