على وشك بناء

[صالح المري]

سلام عليكم ورحمة الله

اخواني خواتي انا ان شاء الله على وشك ابني بيتي من تنصحوني به ابي مصمم زين وعنده اشياء جديده

[الفني]

بالتوفيق اخوي وان شاء الله يكون منزل مبارك يالغالي انا اقدر اخدمك في شغل الكهرباء اذا حبيت انا في الشوفه اما بالنسبة للتصميم قصدك الديكورات فعندي وحده بس ممكن توضح اكثر قصدك تصميم ديكورات البيت

[ALGROOR]

شيك الخاص عندي شركة عملت لي البيت بس سعرها بنسبه للسوق متوسط


ربي يووفقك

[Bozizoo]

النهظه للاستشارات الهندسيه
صاحب المكتب مهندس قطري طموح وجاد في العمل ومحترم في التعامل وعند كلمتة المهندس سعود يتابع المكتب بنفسه
وانا اصمم بيتي عنده وقريبا بحط التصميم لاخذ المشوره من الاخوان
و نصحيه لك شوف شنهي احتياجاتك انت في البيت الحاليه و المستقبليه و ضروفك وعلى ضوء هذا صمم بيتك .

[السلولي]

النهظه للاستشارات الهندسيه
صاحب المكتب مهندس قطري طموح وجاد في العمل ومحترم في التعامل وعند كلمتة المهندس سعود يتابع المكتب بنفسه
وانا اصمم بيتي عنده وقريبا بحط التصميم لاخذ المشوره من الاخوان
و نصحيه لك شوف شنهي احتياجاتك انت في البيت الحاليه و المستقبليه و ضروفك وعلى ضوء هذا صمم بيتك .



الاخ سعود الرويلي ونعم الرجاااال والله

[معماري قطري]

بالتوفيق إِن شاء الله

[captin]

الدخول في مشروع البناء موضوع حيوي في حياة الاشخاص والاسرة
وعبارة عن عدة مراحل منها

تقدير الاحتياجات بناءا على عدد افراد الاسرة من ذكور واناث
واعمارهم يعني عدد أفراد الاسرة الحالي والمستقبلي.

بعدين عندنا تحديد موازنة المشروع هل هو في حدود القرض الحكومي من بنك التنمية
ام راح يتجاوز وهذا غالبا اللي يصير اقل مواطن قطري اليوم حط على قرض بنك التنمية لا يقل عن مليون ريال

ومن الامور المهمة التصميم وما ادراك ما التصميم تقدر تصمم شي عملي واقتصادي مثل الفلل اللي تبنى وتباع
جاهزة وتكلفتها اقتصادية ومعقولة في تشطيبها والمواد اللي فيها وتقدر
تسرح بخيالك وتسوي فيلا تكلف ملايين بما فيها من مرافق ومواصفات وتكنولوجيا اليوم الناس يتكلمون
عن المنزل الالكتروني اللي تتحكم فيه من الايفون تشغل المايكروف وانت على الطريق تسخن الوجبة قبل لا توصل البيت

من الامور المهمة الوسطية والاعتدال في كل شي بداء من التصميم الى التشطيبات واعمال الديكور الى الاثاث.


بالتوفيق ان شاء الله

[نور الحور]

بالتوفيق أخوي صالح المري ..

الله يسهل عليك بمكتب شغله حلو وفنان ..بس أنت حدد ذوقك واحتياجاتك قبل .. عشان تكون الصورة واضحة عندك ..

من فترة بسيطة طحت بالانستغرام على مهندس شغله روووعة ..

ناوية إن شاء الله أنزل موضوع فيه كل التفاصيل .. عشان تعم الفايدة ع الجميع :nice:

[تغلبية]

أهم شي في البيت الجديد انه يلبي احتياجاتك .. وراحتك .. وراحة الأهل والعيال

صار الحين فيه "البيوت الذكية" .. ماتحتاج تقنية بقدر ماتحتاج انك تحدد احتياجاتك وأقصر الطرق اللي تلبي هذه الاحتياجات

فتوفر وايد في المساحات والمواد


بالاضافة إلى الاستفادة من مواضيع .. أخطاء البنيان اللي طاحوا فيها بعض الأخوان اللي بنوا ...

وعقب ماتم البنيان واسكنوا لقوا ان فيه اخطاء صارت أو أشياء مانتبهوا لها ماسووها .. فيه مواضيع انطرحت هنيه بهالخصوص


المهم إن البيت يتصمم لراحة أهل البيت


وبالتوفيق إن شاءالله