حد لاحظ شي امس 19/5/2014

[abu m7md]

السلام عليكم ورحمة الله وبركاته
امس قبل المغرب ومتعود فالوقت هذا القى زحمه شارع 22فبراير
وصلت للمكان الي ابيه باقي من 15 دقيقه
المعروف فالوقت الي اطلع فيه يبي لي ساعه الى 40 دقيقه اكون هناك


واليوم الصبح الساعه 10،30على نفس الخط متوجه للهلال والمنتزه
خلال 20 دقيقه

مع انه فالاوقات هذي فيه مراجعين وموظفين با طالع ولا رايح للعمل

عندنا فالعمل طلعوا مايقارب 17 موظف مقيم اجازه اجباريه مدتها 45 وفوق

بنتظار تعليقاتكم

ابومحمد

[بوحارب]

ان شاء الله دوم كذا

مافيه زحمه

خاصه اليوم عندي مشوار وفي نفس التوقيت في هذا الشارع النكبه22 فبراير

[abu m7md]

ان شاء الله دوم كذا

مافيه زحمه

خاصه اليوم عندي مشوار وفي نفس التوقيت في هذا الشارع النكبه22 فبراير

تفائل بالخير تجده
شاكر لك مرورك

[غايه الطواش]

يمكن لان اغلب الجامعات الاجنبيه معطلين ومافي ستاف الكل طالع الصيفيه ...

احتمال هذا من اسباب تخفيف الزحمه

[مختلفة عقليا]

السلام عليكم .,

حتي في دوامي اليوم ., الباركنق فاضي يمكن 10 سيارات بس ., مع اني كالعاده ., متاخره

والله صج شسالفه .,

يسلموو .,

[abu m7md]

يمكن لان اغلب الجامعات الاجنبيه معطلين ومافي ستاف الكل طالع الصيفيه ...

احتمال هذا من اسباب تخفيف الزحمه
متى يبدء الصيف ف قطر ....؟
والمدارس الاجنبيه مب تابعه للمجلس الاعلى ؟

وماتشوفون انه تحتاج لوقفه لاعادة النظر في فتح المجالات ؟؟

السلام عليكم .,

حتي في دوامي اليوم ., الباركنق فاضي يمكن 10 سيارات بس ., مع اني كالعاده ., متاخره

والله صج شسالفه .,

يسلموو .,

مادردشتي فالدوام عن الموضوع
يمكن اجازات
بس انا مستغرب اخاف بيصير شي :(

واحنا ناكلها

[Aaziz]

خبر ايه :con2:

[HSN_QTR]

ألزحمه تصير من بعض السواقين

ولا الشوارع جيده

[abu m7md]

خبر ايه :con2:
ولا ايه

ألزحمه تصير من بعض السواقين

ولا الشوارع جيده

مانبي نفتح موضوع للشوارع والسواقيين

اليوم في نفس الوقت طلعت كنت ابي اتاكد لكن الصدمه انه الشارع المفروض يكون فاي الا انه دنه تمشي ريقي ليش انها مبنشره والقهر فالخط الوسطي ومحد راضي يعطيها مجالي تطلع
<<< اشتغل شرطي بالاضافه لوظيفته الصباحيه هههههههههههههههه

[mr.hamouda]

حتى أنا استغربت !!!

عساها خير !

[دنيا الاسهم]

يعلهم على بلادهم ، روحة بلا ردة
تعبنا نفسيا خلاص

[بوخالد911]

عساها دووووم
ونفتك من الغثة

[الصغيره]

لاحظت اليوم الدوحه شبه خاليه والسبب الصيف والسفر

[همر]

السبب:

المدارس الاجنبيه عطلة منتصف الفصل !

مليون مره نقول المدارس الاجنبيه سبب

الزحمه واشغال تسكر اشارات !!!

[الواعد]

السبب:

المدارس الاجنبيه عطلة منتصف الفصل !

مليون مره نقول المدارس الاجنبيه سبب

الزحمه واشغال تسكر اشارات !!!



متى بتنتهي عطلة منتصف الفصل عندهم ؟؟؟

ومتى عطلة نهاية العام عندهم ؟؟؟

[كازانوفا]

الغريب ان امس كانت زحمة موووووووووووت عالكورنيش والمناطق القريبه منه واليوم العكس تماااامااااااا

[العلياا]

ليش الاجانب اللي عندي ما طلعوا ؟؟

اخبر ان اخر يوم لامتحان بعض المدارس الاجنبية نهاية هالشهر !!

[ANONYMOUS]

السبب:

المدارس الاجنبيه عطلة منتصف الفصل !

مليون مره نقول المدارس الاجنبيه سبب

الزحمه واشغال تسكر اشارات !!!



ياخوك توهم معطلين نص 4 ..

الحين بندش ع امتحانات اخر السنه ...

[همر]

متى بتنتهي عطلة منتصف الفصل عندهم ؟؟؟

ومتى عطلة نهاية العام عندهم ؟؟؟


اقدر اخترع شي اسمه جدول اختفاء زحمة 22 فبراير

على النحو التالي

هدوء مؤقت من تاريخ 22 الجاري الى 26

هدوء طويل الاجل من تاريخ 25 الشهر القادم..

[ام خليفه79]

يا زين الشوارع بدون زحمة

بالاول ساعة إلى ساعة ونص من البيت لين الدوام الحين نص ساعة ألا انا واصلة يا حي الحياة

للعلم أطلع نفس الوقت اللي كنت اطلع فيه قبل ان شاء الله دوووم هالإجازة تلعوزنا مع هالمدارس الاجنبية

الله المستعان

[همر]

ياخوك توهم معطلين نص 4 ..

الحين بندش ع امتحانات اخر السنه ...


ياخوي عيالي اجازه مب تأليف من عندي :(

[المحاميه]

انزين
يعني شنو
؟