من المسوؤل عن دهس اطفال المدارس ( وفاه طالبة دهسا )

[غير البشر]

السلام عليكم ورحمة الله وبركاته


الله يرحمها ويربط على قلبه اهلها
لاحول ولاقوه الابالله

اليوم خبر افجعني بدهس طفله عند باب المدرسة
طبعا حصل في البحرين اشكر الأخت وطن على التوضيح والتصحيح


من المسؤول !!!!!!!!!

وليش عندنا ماياخذون تدابير عشان مايحصل او يتكرر
وصارت حوادث من هالنوع سابقا

طالبه وطفله ماتعرف تقدر المسافات
ومتى تمشي او تعبر بين السيارات

بدون حد كبير معاها يمكسها من يدها

سيارات عند المدارس ذات الحجم الكبير
الطفل مايجي ارتفاعه ارتفاع الصدام !!

دريوليه ماعندهم احساس ولا حس سواقه ولا فن
تسابق في الحصول على المواقف


من المسوؤل ها الاهل مهملين اعيالهم مع الدريول والخدم
هل السايق او الداهس

ام اداره المدرسه بالسماح للسيارات الكبيره بالوقوف قدام باب المدرسه


ام المرور لعدم التشديد لنظم اداره المواقف المدرسيه



السموحه اني ماقدر انزل الصوره مراعاه لشعور الغير

[basma222]

لاحول ولاقوه الابالله

[R 7 A L]

وصلني الخبر والصورة
الله يرحمها ويصبر اهلها


المسئولية تقع على المدرسة والترتيب عند البوابة
وكذلك على السائقين

[ضوى]

هذا في البحرين غيرو مب عندنا

[غير البشر]

هذا في البحرين غيرو مب عندنا


مرحبااا ضوى

يقولون جنب مدرسه الايمان
ومن العوايل القطرية ماعتقد في البحرين من هالعايله

[غير البشر]

وصلني الخبر والصورة
الله يرحمها ويصبر اهلها


المسئولية تقع على المدرسة والترتيب عند البوابة
وكذلك على السائقين



صح كلامك اخوي رحال

بس من زمان كنت انبه على شغلات خطره تصير عند المدارس
ولاحياه لمن تنادي

مثلا سيارات السوبربان واليوكن وغيرهم السيارات الكبيره
الدريوليه لازم يصفون بالموقف بالرويس !!!!!!!!!
يعني لو طفل وراهم ماراح يشوف وكم حادثه كانت بتصير قدامي
بسبه هالتصرف

اكره الصف بالريوس اتمنى لو اداره المرور تمنع هذا التصرف الغبي
وغير ان بعظهم يعطل السيارات عشر دقايق عشان الاخ يوقف بالرويس

[وطن]

الله يصبر أهلها


المفروض عند كل مدرسة معبر للأطفال
مع شخص من المدرسة
حارس او رجل مرور اي مسمى

و يعلمون الأطفال ما يقطعون الا منه



الله يصبر أمها وأبوها :weeping:

[hanayen]

معظم المدارس فوضى المرور شاطر يوزع مخالفات سخيفه ومحد يشوف اللي صائر عند المدارس خلهم نائمين
الدريوليه والأمهات والإباء اللي يسوقون ما عندهم ذره أدب في السياقة حتى عيالهم بعضهم ينزلونهم عكس الشارع وكله ساديين الطريق مثلا مدرسه كمبرج اللي في المعموره عذاب بصراحه حتى من قله أدب مرتادين المدرسة يصكرون على بيبان بيوت الناس والله ان ساعات نأخذ ساعه علشان ندش البيت او نطلع منه علشان نجيب عيالنا من المدرسة
مع العلم ان توجد مساحه ضخمه تستوعب السيارات امام المدرسه
الله يصبر أهلها
ارجوا من أداره المرور تعيين دوريات عند المدارس وبيشوفون العجب

[وطن]

صح كلامك اخوي رحال

بس من زمان كنت انبه على شغلات خطره تصير عند المدارس
ولاحياه لمن تنادي

مثلا سيارات السوبربان واليوكن وغيرهم السيارات الكبيره
الدريوليه لازم يصفون بالموقف بالرويس !!!!!!!!!
يعني لو طفل وراهم ماراح يشوف وكم حادثه كانت بتصير قدامي
بسبه هالتصرف

اكره الصف بالريوس اتمنى لو اداره المرور تمنع هذا التصرف الغبي
وغير ان بعظهم يعطل السيارات عشر دقايق عشان الاخ يوقف بالرويس

شدخل
:waiting:

تراني ما أصف الا بالريوس من سنين
وما ارتاح أصف السيارة ببوزها خلاص
احس يضيق علي الموقف

سواء في مجمع ولا غيره

الحين كل السيارات فيها حساسات
و كاميرات بعد

[abu m7md]

لاتعليق
يالله لاتسفهنا

[عاهد بن علي]

عسى الله يصبر اهلها

[للصبر اخر]

الحادث في البحرين
كما يشاع ان الام كانت مع الطالبه
والطالبه طاح منها مشمر الصلاه ورجعت تاخذه
الله يرحمها ويصبر اهلها

[وطن]

الحادث في البحرين
كما يشاع ان الام كانت مع الطالبه
والطالبه طاح منها مشمر الصلاه ورجعت تاخذه
الله يرحمها ويصبر اهلها
الله يصبرهم

[وطن]

مرحبااا ضوى

يقولون جنب مدرسه الايمان
ومن العوايل القطرية ماعتقد في البحرين من هالعايله

أرسل لي اسم العائلة
بقول لك لو في منها هناك او لا

[Locale]

لاحول ولاقوة الا بالله
وين قريتوا الخبر ؟

[وطن]

غيروووو طرشت لك التفاصيل

بحرينية الطفلة
عمرها عشر سنين


هذي رابع حالة في سنة
عندهم
على كلام أهل البحرين اللي سألتهم

:weeping:

[الحياة الخالدة]

لا حول و لا قوة إلا بالله
الله يرحمها و يصبر أهلهــــــا

[وليف الشوق]

الله يرحمها ويصبر اهلها لكن المسؤوليه تقع على عاتق المدرسة واهي المسؤوله عن اخذ الطلاب من منازلهم وارجاعهم سالمين بأمر الله إلى بيوتهم اما اذا كانت الطفله عبرت السيارة للذهاب الى سيارتهم الخاصه فأعتقد لا علاقة المدرسة بالحادث فيعتبر تصرف شخصي من الطالبه او ولي امرها بطريقة مرورها بالشارع او اصطفاف السيارة في مكان آمن او موقف خاص

[توشيبا]

لاحول ولاقوه الا بالله

ياقلبي عليها الله يرحمها

ويصبر اهلها


غير البشر طرش لي الصوره بي بي ام او وات ساب او وسائط <<<< علي اساس اني اعرفك هاهاهاهاها طرش علي الخاص يرحال

[الجسراوي]

الحادث في البحرين الله ير حمها

[بوخالد911]

نعم بالبحرين
وعمرها عشر سنوات حافظة أجزاء من القرآن
الله يربط ع قلب أمها

[Dana’1]

الله يرحمها ويصبر قلب أهلها
هالموضوع
مسؤلية المرور... ولي ماسك التعليم
لازم يتعاونون وينزلون تعميم عليهم.. ما يطلع الطالب الا برفقة شخص راشد بلوحة واضحة له صلاحية يوقف السيارات ويخلي المرور للمشاة الاطفال والكبار من والى المدرسة .. طبعا أقصد بمحيط المدرسة

والمخالف عقوبته كبيييرة

[إعلامي قطر]

..

خبر مؤلم لاحول ولاقوة إلا بالله العلي العظيم..

..

[ابوفاطمه2009]

وعندنا للأسف كل واحد لازم يوقف غلط وعند باب المدرسة علشان ياخذ اعياله!!!
ولايهتم اذا واقف غلط او بنص الشارع اهم شي ماينزل في الشمس!!
ولا يفتكر في غيره انه نازل وياخذ اعياله!!
المفروض يزيدون المطبات عند المدارس ويعدلون المواقف وممنوع احد يصف عند الباب منعاً باتاً

[بصمة قطرية]

لا حول و لا قوة إلا بالله
وصلني الخبر شفت الصورة يا ليتني ما شفتها
الله يصبر قلوب أهلها ..

لازم المدارس الإبتدائية بالذات يرتبون خروج و دخول
الطالبات و الطلبه
لازم ممر خاص
ما يطلع الطفل الا اللي بياخذه يمسكه من ايده
و نفس الشي لما ينزل للمدرسة
تراهم أطفال ما يعرفون و لا يدركون
أذكر يوم كانوا عيالي في الابتدائية
كنت مرات أكون مع أيوهم لما ياخذهم
أعصابي تتعب و أنا أشوف اليهال يراكضون
بين السيارات ومن السائقين اللي يسرع
واللي مستهتر و اللي واللي خصوصاً الدريولية..!!

[كازانوفا]

ليت في الدول العربيه في اهتمام بالطلاب مثل الدول الاوروبيه
حسبنا الله ونعم الوكي لكم طفل راح من غير ذنب
الله يصبر اهليهم شي مؤلم وربي

[قطريه22]

بس هالشيء في البحرين يمكن ماعندهم تنظيم واهمال

والا بالعقل اشلون يخلون طفله بهالعمر تنزل بروحها وتدخل المدرسه اهمال من ولي الامر قبل السايق الي دعمها

[للصبر اخر]

بس هالشيء في البحرين يمكن ماعندهم تنظيم واهمال

والا بالعقل اشلون يخلون طفله بهالعمر تنزل بروحها وتدخل المدرسه اهمال من ولي الامر قبل السايق الي دعمها

ذكرت سابقا
امها معاها
وهي طاح مها شي ونزلت تاخذه

[العلياا]

الله يرحمها برحمته
ويصبر قلب امها :(

[حسن]

الله يرحمهه

مادري الكثير التبس عليه ان الحادث في قطر من الاسم
الحوادث في كل بلد و حادث واحد في سنوات طويله امام مدرسه لا يقاس عليه
ماهو حوادث الدهس يوميا في الشوارع

الحل من وجهه نظري كما ذكرتها سابقا ياغير البشر

زرع ثقافه العوده الى الباص بيكون امن واسلم واخف زحمه واقل مشاكل اسريه واقل جريمه
واقل ضغط على مرافق الدوله وزياده امان

هذه هي رؤيتي الاستراتيجيه الى 2030

وتحياتي لك يابوسعود

:)

[قطريه22]

ليش مايخلون فاصل بين نزول الطلاب وبعدها مسافه تكون ممنوعه من مرور السيارات بحيث السيارات لم توقف تكون بشكل منتظم وبالطابور الطلاب ينزلون من سياييرهم وبعدين يمشون في مكان أمن بعيد عن السيارات

[العلياا]

ليش مايخلون فاصل بين نزول الطلاب وبعدها مسافه تكون ممنوعه من مرور السيارات بحيث السيارات لم توقف تكون بشكل منتظم وبالطابور الطلاب ينزلون من سياييرهم وبعدين يمشون في مكان أمن بعيد عن السيارات

في مدرسة اجنبية فالغرافة
لو تشوفين بس المسافة بين باب اللي يطلعون منه الطلاب والشارع الرئيسي والله تنصدمين
مافي نظام وكله دريوليه وخدم وعفيسه

[حسن]

ليش مايخلون فاصل بين نزول الطلاب وبعدها مسافه تكون ممنوعه من مرور السيارات بحيث السيارات لم توقف تكون بشكل منتظم وبالطابور الطلاب ينزلون من سياييرهم وبعدين يمشون في مكان أمن بعيد عن السيارات

الاهمال انا اشوفه يوميا بحكم اني اروح المدارس والله هل الايام تشوفون السيارات قنابل موقوته
كل موتر شغال اكثر من نصف ساعه واحيانا مافيه حد واحيانا مافيه الابزران

شي مش طبيعي لذالك اناشد بعوده الباص يااخون يامسؤلين انتو في مكاتبكم ولا تردون على تلفونات الجمهور
وسادين اذانيكم

وللاسف استغلو السكيورتيه من قبل مديرات المدارس جميعا بدلا من تنظيم السير ومراقبتها
اصبحو نواطير وشغلهم يودون بطاقات ويجيبون بطاقات

هناك استغلال خاطى ياوزير التربيه يادكتور ياللي محد يرد على تلفونات وزارتك

:)

[الكنترول]

لاحول ولاقوه الابالله

[hanayen]

نعم بالبحرين
وعمرها عشر سنوات حافظة أجزاء من القرآن
الله يربط ع قلب أمها
البنيه قطريه والحادث صار في قطر
في حوادث سابقه في البحرين نعم بس للأسف الحادثة هذي في قطر
أتمنى تعيين دوريات عند المدارس

[امـ حمد]

شفت الصورة الله يرحمها ويصبر اهلها
أول المسؤوليه تقع على الأهل المفروض الأم او الأب يمسك يد إبنته ويوصلها لين بوابة المدرسه ذهاباً وإياباً
ومن ثم تقع المسؤوليه على المدرسه المفروض تنظم طريق للطالبات عند البوابه
وكذلك على السائقين يجب أن ينتبهوا عندما ينزل الطالبه عند بوابة المدرسه وعندما يأخذها
تسلم اخوي غير البشر على الموضوع

[بن غيث]

من شروط الحصول على ترخيص مدرسة .. إن تحصل على موافقة إدارة المرور .. وهذا دور المرور في دراسة المبنى ووضع الإشارات المناسبة

[وطن]

البنيه قطريه والحادث صار في قطر
في حوادث سابقه في البحرين نعم بس للأسف الحادثة هذي في قطر
أتمنى تعيين دوريات عند المدارس

انا امس مكلمة أهل البحرين
و عطوني من بنته البنت و من منه أمها

ومن دريوله اللي دعمها

:omg:


متأكدة انها بقطر ؟!

[بانغ بانغ]

لو اجنبية كان سكروا المدرسة وسووا جبل مطبات

الا قطرية .... عادي

الله يرحمها

[بوخالد911]

البنيه قطريه والحادث صار في قطر
في حوادث سابقه في البحرين نعم بس للأسف الحادثة هذي في قطر
أتمنى تعيين دوريات عند المدارس

لا
بحرينية

والله يصبر هلها

[وطن]

لا
بحرينية

والله يصبر هلها

يبين من المدرسة اللي في الصورة
مب مدرسة في قطر
كلها مكيفات ويندو

حتى الرجال اللي معطينا ظهره مب قطري