كم تكلفة وماهي تجهيزات عرس الرجال

[اجرام]

السلام عليكم ورحمة الله وبركاتة

حبيت أفتح هذا الموضوع لجميع المقبلين ع الزواج

ماهي تجيهزات عرس الرجال الي اقصد فيه الحفل

لايشمل تجهيزات المعرس الشخصيه والتكفله التقريبيه
والنصائح بالاماكن ومحاولة الاقتصاد بالحفل

عدد الضيوف انقول من 250 شخص الى 300
وتحياتي لكم

[بو الجوري]

هلا أخوي

أغلب الأسعار للخيام متقاربه ..

طبعاً يعتمد على حجم الخيمه المطلوبه ، وخيمة العشا ..


سعر الخيمه الكبيره ، واجههه شفافه مع مساحه خارجيه ، وخيمه ثانيه فيها طاولات للذباح مع مغاسل
مع التصوير الفوتغرافي و الفيديو .. ممممم مع المقهويين تقريباً 60 ألف ريال
( هذا على حسب اللي إندفع لعرس قريب ، من شهرين )


وعندك العرضه ، على حسب من وين الدوحه أو السعوديه

وعندك سعر الذباح ، يبيلك أقل شي 10 خرفان بـ 18 ألف تقريباً

وطبعاً في اشياء تندفع مني ومناك ،

مثل الحلوى ( الطاسه العوده بـ 700 أعتقد )
و المشروبات و الماي و الفاين و العود و اللقيمات


يعني إذا العرس في خيمه ، وشغل مرتب وحلو
السعر كامل من إلى مع ثياب المعرس وتجهيزه ، مايوصل 100 ألف ريال :)


أما إذا العرس في القاعات مثل رمادا أو الماريوت أو ريجينسي

يعتمد على البوفيه وماذكر أسعارهم + التصوير وباقي الأشياء اللي بيوفرها راعي الخيمه بتظطر إنت تجيبهـا

بس بعد مابيوصل 100 ألف ريال ..


فالنهايه كله يعتمد على الأشياء اللي تبغيهـا تتوفر في عرس الرجال

[بو الجوري]

وطبعاً في مكاتب أفراح ، يسوون لك العرس بـ 20 ألف غير العشا

لكن أعتقد الخيمه أصغر

تلاقيهم فالوسيط مالت جريدة الشرق

[أسد الجزيرة]

الله يرحم على ايامي عرس الرجال مع الحريم و مع الذهب كلف 200 الف هذا قبل عشر سنين

[اجرام]

الله يعطيكم العافيه والله طلع واجد انا كنت مفكره يطلع نص القيمه الي ذكرتوها

[بو الجوري]

أخوي نفس ماقلتلك ،، إذا بدون عرضه وبتسويه في قاعه .. ماعتقد يوصل 60 ألف

[دايموند]

بوالجوري اشدعوه عرس الرياييل يكلف جذي!!!
توقعت بحدود 25 الى 30 الف

[بوخالد911]

35000-45000

[وليف الشوق]

تبي نصيحتي وفر فلوسك وسو عشا خاص وتشهير للزواج
وبالفلوس سافر اول يوم الى احدى الدول المجاوره وكان الله غفوا" رحيما" وخبر اهل العروس بانك ماتبي عرس ولا طقطقه واذا اصروا على العرس في الحاله هذي قول ابي عرس للحريم وبس والرجال مقدور عليهم وصدقني مااحد يتكلم واذا تقدر تأجل العرس انتظر لين تفتح القاعات الجديده بشارع الرفاع اللي اصدره سمو الامير حفظه الله تعالى ووفر فلوسك عن خرابيط والله مالها داعي

[بو الجوري]

بوالجوري اشدعوه عرس الرياييل يكلف جذي!!!
توقعت بحدود 25 الى 30 الف

إذا الذباح بروحه يكلف تقريباً 18 ألف ريال فما بالج بسعر الخيمه و التصوير و الترتيبات الباقيه


و إذا في قاعه أعتقد يحسبون على عدد المدعويين ، يعني البوفيه مثلا بـ 150 وعازم 250 هاي 37 ألف ريال
غير العرضه و الأشياء الباقيه البسيطه


بس طبعاً للحين أرخص من عرس الحريم :nice:

[Right]

ما يتعدى مبلغ 50 ألف ريال على أبعد تقدير



نصيحة أخوية:

سوو عشا رجال بالمجلس وخلاص ، وأمورك طيبة بإذن الله تعالى