ممكن سؤال عن سعر تركيب البورسلان للارضيات

[كود نمبر]

السلام عليكم

عندي استفسار عن سعر تركيب البورسلان للارضيات فيلا جديده
استفسر عن شغل اليد فقط أنا جايب كل شي لهم

الحين ضعت في الطوشه حصلت من سعر 15 حتى 40 وكل واحد يمدح شغله
وهل الزيرو جونت افظل في التركيب

شاكر لكم

[Bozizoo]

صباااحك خميس
الاسعار تتفاوت مابين 15 وهذا سعر ممتاز اذا كان شغليه جيد
الى 25 و اعتبره غالي ويجب ان يكون شغله جيد
من وجهة نظري الزيرو جوينت افضل وهذا مب اي عامل يضبطه لك وخاصه اذا كان البورسلان ساده يبين انه قطعه وحده
و الشي الثاني الفواصل دايما مايتغير لونها بعد فتره
لكن الي فيه الكروس ممكن اي عامل يضبطه لك وفي ناس تحب شكل الخطوط و تشوفها احلى

[العملة النادرة]

من وين نحصل البورسلان زيرو جونت وكم سعره تقريبا

[almaf1a]

مستحيل 15 ريال للارضيات اذا الدفان عليه
السعر يتراوح من 40 الى 55 ريال للمتر

[captin]

50 ريال معقول وراح تضمن الجودة في التركيب
بس شوف شغلهم في موقع ثاني قبل لا تتعاقد معاهم

[شموخ دائم]

,

,


مرحبا

اذا تشتري لكزس لازم يسوقها سائق شاطر
مو سائق ( عليمي ) اي كلام
:)

نفس الشي اذا تشتري مواد غاليه من بورسلان او رخام
لازم واحد فنان في التركيب
واترك ابو 12 او ابو 15 ترى ذولا يورطونك وما يوصلونك ديار
:)

التركيب اهم مافي الموضوع

والسعر للعامل الشاطر الي شغله نظيف
بين ال 40 الى 50 ريال

الي سعرهم ب 15 ريال و20 ريال
ذولا اكثر شغلهم في ( الفلل التجاري ) وتارسين البلد
يشتغلون بسرعه بدون نظافه الشغل

واحسن شي الزيروا جوينت طبعا
اهم شي البورسلان الي عندك نظيف مو صيني
لان بيطلع فرق بين المقاسات
وبيلاقي صعوبه في تركيبه

احسن حل جرب ركب في مكان مترين
منها تشوف العمال ونظافه شغلهم ومنها تشوف البورسلان كيف مقاساته

,

,

اخوك

شموخ دائم