[ وخير جليس في الزمان .. وآتس آب ..!!!! ]

[الزعفراني]

عذرا لاستبدال المقولة الشهيرة وخير جليس في الزمان " كتاب " ..

الناس كلها انشغلت مع " الواتس آب " ..
وحيثما التفت وجدت اغلب الناس مشغولين بهذا البرنامج
في كل وقت وكل زمان ..

الصغير والكبير
المراهق والملتزم
الزوج و الزوجه

الناس صاروا " مهوسين " بهذا البرنامج
وتلقى الكل في أي لحظة او وقت فضاوه يستغل الوقت ليتصفح
او " يدردش " او " يحاور " مع اصدقائه عبر هذا البرنامج

الهوس هذا تعدى الحدود .. فأنشأت " القروبات "
على الطالع وعلى النازل ..

قروب لزملاء العمل
قروب للعائلة
قروب للاصدقاء
قروب للعنه
قروب لفعاليات معينه ، فريق تطوع ، فريق حمله .... إلخ
أي مناسبة تلقى مشكلين قروب للتواصل والتنسيق .... إلخ
وتنتهي المناسبة وتلقى القروب صار منوّع

أصبح الموضوع إدمااااان بمعنى الكلمة
الواحد في السابق كان يتذمر لما تطول الاشارة الحمراء وهو في السيارة
الحين يتلذذ لما يشوف الاشارة صارت حمرا .. لان فرصة ما اتفوت انه يقلب
جواله ويقرا اللي ينقال في القروب او يسولف ويطرش ..

الواحد قبل لا ينام لازم يختم ليلته بسوالف عبر الواتس اب ..او تبادل الصور والبرودكاست وغيره ..
والبعض عادي ينام واصابعه حاضنه الجوال ويغفي لا شعوريا


الواتس اب صار اعز شي عندنا .. لأن آخر شي تشوفه عيوننا قبل النوم
وأول شي تصبح عليه عيوننا :rolleyes2:

تلقى الواحد اول ما تفتح عيونه يمسك الجوال ويقرا قبل لا حتى يغسل وجهه

:rolleyes2:

هل فعلا صار الواتس اب خير جليس في الزمان ؟
والا انا قاعد أبالغ ؟

:rolleyes2:

[ANONYMOUS]

صار جليس

بس مب خير

عموما الواتساب خير من جليس السوء

[alsoq]

لو عرفو حلاوه قرأه القران كل يوم 100 ايه
لحذفوا الواتس اب وغيره

اغلب الناس مع الاسف تستخدمه في اشياء لا تنفع هو وضع للتواصل لاهلك او اولادك بالخارج لانه مجاني تطمئن عليهم فقط وليس لنشر المقاطع والاغاني والاشعار ..الخ

[ضوى]

ابدا ماتبالغ يالزعفراني

الله المستعان

[Rider]

كل شي سﻻح ذو حدين هناك من يستخدمه في امور نافعه والعكس صحيح

[MAZEN37]

شر البليه ما يضحك
فعلا

[بوخالد911]

والأهم نستخدمه للخير
والله يبعدنا عن الذنوب الجارية

[Locale]

احلى مافيه ان قربنا من بعض واااايد
اول من وين لين وين نتصل لاهلنا اللي في الامارات
الحين قروبات ونعرف عن بعض ادق التفاصيل
فعلا هو خير جليس

[شيخ الديرة]

وليس لنشر المقاطع والاغاني والاشعار ..الخ
أيام الخمسينيات, التلفزيون كان حرام لأنه كل اللي يطلع بيه مخالف للدين, واليوم ماشاءالله الفضائيات الأسلامية زد وبارك. اللي أختلف هو نظرة الدعاة الى وسائل التواصل والاعلام.

نصوص القرأن والحديث موجودة في كل مواقع الأنترنت الأسلامية, قص وألصق وليكن الواتس أب وسيلة للتذكير الديني

[مختلفة عقليا]

السلام عليكم .,

انا اكتشفت اني عيوز في العشرين .,

ترا صح كلامك ., اللحين وانا اقراء قاعده اذكر قعدتنا وطلعتنا ويمعتنا ., كلهم ع الواتساب ., الا انا :eek5:

اغلب الناس جيه .,

وانا قاعده ادور عن دوره والا ادووور في فيرجن ادور كتاب ., يا حياه الشقي ., :weeping:

يسلموو .,

[حسن]

فعلا يالزعفراني

انا اشوف مستخدمينه بشكل فضيع ومريع
والله من كم يوم افكر في هذا الموضوع من خلال ماشوفه توقف عند الاشاره تلتفت
يمينك ويسارك الكل قاعد يقرا في الوتس اب
اروح المدارس الظهر الكل في سيارته وراسه تحت
اقول في قلبي لو كان في يده مصحف تهقى كم ايه بيحفظ في اليوم
لما كنت ب المانيا واشوف الكتله البشريه هناك بشكل كبير
ماشفت حد يتصف جوال ويمشى ولا في القطارات وغيره
الا يفتح كتاب ويقرا

هني عرفت الفرق بين الشعوب المتقدمه والمتخلفه

شكرا على الموضوع

:)

[بو خليفه 123]

لا نقلل من قدر الواتس اب

الواتس اب جمع شمل عوائل بأنشاء قروبات عائليه و لم شم اصدقاء الخير .. فهذا يعتمد عليك كمستخدم كيف تستغل هذا البرنامج .

[ضوى]

لا نقلل من قدر الواتس اب

الواتس اب جمع شمل عوائل بأنشاء قروبات عائليه و لم شم اصدقاء الخير .. فهذا يعتمد عليك كمستخدم كيف تستغل هذا البرنامج .

اوافقك بشدة

عاد اللي بيستخدم البرنامج لاغراض دنية بنفسه فهذي مشكلته مهب مشكلتنا ، وللعلم الحين الواتس غطى كل امور الحياة يعني شامل لكل شي نحتاجه

[كازانوفا]

هو والفيس بوك لموووو شملي مع كل اهلي بشتى العالم

[حسن]

لا نقلل من قدر الواتس اب

الواتس اب جمع شمل عوائل بأنشاء قروبات عائليه و لم شم اصدقاء الخير .. فهذا يعتمد عليك كمستخدم كيف تستغل هذا البرنامج .

عجل يابوخليفه ندعى حق اللي صنع الواتس اب بالجنه
وان الله يوقفه الى جمع العاقين

:victory:

[ضوى]

هو والفيس بوك لموووو شملي مع كل اهلي بشتى العالم

والتويتر والانستغرام والسناب شات والباث بصراحة برامج رائعة جدا جدا

[المهاجر]

على حسب استخدامك له فان استخدمته لاشياء مفيده وترابط بينك وبين اصدقاءك واهلك

راح يكون خير جليس وبتستفيد منه

اما اذا استخدمه لامور اخرى فراح يكون شر جليس

وكل واحد واللي يختاره وفي النهايه هي اعمالنا نحاسب عليها اما خير او شر

[الزعفراني]

لا نقلل من قدر الواتس اب

الواتس اب جمع شمل عوائل بأنشاء قروبات عائليه و لم شم اصدقاء الخير .. فهذا يعتمد عليك كمستخدم كيف تستغل هذا البرنامج .

المشكلة مش في هذي .. المشكلة في سرقته الوقت والاهتمامات على حساب أمور أخرى ..

الواحد ممكن يقضي ساعات طويلة مع الواتس اب .. كان الاولى قضاءها في شي أولى وأفضل ..

مثل ممارسة رياضة
قراءة كتاب
اهتمام بأطفال

[عثرة جواد]

مساء الخير ع الجميع

الصراحه الويت سب خيرجليس فيه قروبات منوعه وكل قروب يفيدك ف اموركثير
دنيويه ودينيه ومعرفيه وجتماعيه رؤؤؤعه
والهم من هاي كله ان الانسان يعرف ستفيدمنه

[بو خليفه 123]

الزعفراني اتفق معك .. و لكن هذا تقصير منا كمستهلكين و ليس البرنامج نفسه . نعم البرنامج فرض نفسه و لكنه وسيله للتواصل في نهاية المطاف .

بو علي .. أنا ادعي لجميع المسلمين و من ضمنهم انت :shy: جعل ربي يجمعنا بالفردوس

[العلياا]

صحيح ما ذكره الاعضاء انه قرب كثير من الاهل والاصدقاء وناس ما كنا نكلمهم الا فالمناسبات
ووجود هالبرنامج واللي نفسه سهل عملية التواصل بينهم
لكن البلا اذا الناس تجمعت وكلن راسه في تلفونه

[الزعفراني]

محد يختلف ان الفائدة موجودة و .. و.. و.... وغيره من الكلام

بس لا نكون ملكيين اكثر من الملوك ..

أغلب ما يتداول نكت وضحك وصور ومقاطع فيديو وسوالف وتلقى الفائدة هه يادوب ..

لو سألت كل واحد كم مره تمسك المصحف في الاسبوع يمكن يقولك الجمعه بس عشان سورة الكهف

ولو قلت لواحد كم قرأت كتاب يقولك خلاص ولا زمن القراءة من عاد يقرأ اليوم

لكن عنده استعداد يقرأ أكثر من 376 محادثة في قروبات .. كانت هالمحادثات فاتته وهو نايم مثلا

انا ما ازكي نفسي على حد

وفي موضوعي هذا ما اتكلم عن الفائدة وغير الفائدة ولكن عن ضياع أغلب الوقت مع هذا البرنامج

وعلى حساب امور كثيرة أولى .. ذكرتها فوق

[بوحارب]

هلا الزعفراني

اتفق معاك في ما طرحت
والله المستعان