كراجات تصليح حوادث السيارات...

[qatarman8008]

..
..
السلام عليكم..

من فترة قريبة دعمت بسيارتي الجديدة وكان المفروض تتغير قطع جديدة بحسب القانون..
اكتشفت وقت بيع السيارة ان القطع تصلحت وانصبغت وبس..
مرة ثانية دعمت بسيارة ثانية واصريت اني اغير القطع المتضررة بجديدة حتى لو ادفع من جيبي..
واصريت انه يرويني فاتورة قطع الغيار الجديدة ورواني.. وخذ علي مبلغ لان السيارة كانت مكملة ثلاث سنين..
واكتشفت وقت البيع ان البراغي مالت المصنع حتى ما انفكت..
الحاصل انهم يضربون السيارة معجون ويصبغونها ويحطون الجديد عندهم او يرجعونه الشركة..
الحل..
اول ما تاخذ السيارة من الكراج ودها فحص صبغ بالكمبيوتر..
هم يقدرون يفرقون بين القطعة الجديدة المصبوغة وبين القطعة القديمة اللي مصلحة ومضروبة معجون ومصبوغة..
واللي عنده حل ثاني يقوله..
لتعم الفائدة...

[طلعة الروح]

اقترح تقعد على راسهم ف الكراج (الورشه) وما تخليهم يغيرون شي الا وانت موجود وتتأكد ان القطعه المبدلة هي الجديدة.
وغير جي تشرف ع الوضع واتم تعطيهم تحذيرات لين الله يشوفلهم لأن العمال مهملين سواء ف الكراجات او ف الوكالات، صج انك بتضطر تقطع مشوار بس راحة البال وازالة عنصر المفاجأة وقت استلام السيارة أهم من الوقت والجهد المبذول في نظري.

[بوخالد911]

الله يحفظنا من النصابين

[تويوتا تيربو]

اخوي اسمحلي بس الغلط منك المفروض ماتخليهم على راحتهم المفروض

اتم فوق روسهم وهم يشتغلون عشان تتأكد من القطعه اذ كانت جديده وله نفسها

[S S]

انتبهو منهم مرات تدفع لهم 50% على القطع الاصليه وبفواتير لكن مضروبه صارت معاي اكثر من مرة الافضل انك تعتمد على نفسك وتجيب الاشياء المطلوبة وتأكد منها عدل عقب ماتخلص

[w.qatar]

اذا الحادث بسيط انا افضل يصلحون لي القطعه ما يبدلونها

[ســــند]

والله كلامك صحيح انا مستغرب من شركات التامين بعد امس وديت سيارتي للكراج الي اختاروه قلت له كم تاخذ وقت قالي اربع ايام قلت له واجد كله صدام من الوكالة واصبغوه ؟؟



قالي اقراء كتاب التامين ...

كاتبين بالانجليزي فيما معناها بالعربي تبدل الاغراض مستعمله .... زين ليش يالاخو موتري وكاله تجيب لي مستعمل ...

[Commando]

الخطا من المرور لانهم يخلون شركات التامين تحط قوانيين على كيفها ... لان القطع المستعمله ممكن يكون ضررها كبير من ناحية الامان ....

[tawareq]

دايما عند تصليح اي سيارة في الوكالة او في الكراجات صور الحادث وبعد التصليح كلمهم يجيبون لك القطع الاصلية المتضررة وشوفهم بعينك نفس القطع اللي في الحادث او لا

هذه افضل طريقة

حتى في الاشياء الميكانيكية او الكهربائية اطلب القطع الاصلية المتضررة او القطع المبدلة لك في السيارة

[CH Engineer]

لازم تكلم الكراج وتفهمه انك بتبدل على حساب التأمين
وتطلب القطع القديمه حتى لو ماتبيهم اذا طلعت من الكراج احذهم باقرب سكراب

[كازانوفا]

حسبي الله عليهم

[Riku3]

لازم تختار الكراج الي يعجيك وبتلاحظ يقولك لا وهذا غالي بس غصباً عليه بيرضى .. دام على التأمين ليش تختار قراجات رخيصة كل شغلهم غش وكذب .

[عاشق العديد]

الحين تواير مستمعله امنعوها وقالو مصيبه وغيره .. طيب قطع الغيار نفسس شي .؟

لكن للمعلومات .. لو وقفو الحراجات ..

نقول سسسلام حق عبدالغني السسسسوق بيضرب عنده فوق ..

يعني يبيع خطوط 2007 بـ 1800 بيبعهم على 6000 ..

[qatarman8008]

لازم تختار الكراج الي يعجيك وبتلاحظ يقولك لا وهذا غالي بس غصباً عليه بيرضى .. دام على التأمين ليش تختار قراجات رخيصة كل شغلهم غش وكذب .

انا صلحت في وكالة الجمس.. وين القراج الرخيص..!!