مطلوب مهندس ومصمم ديكور لاعمال التشطيب

[CiTy]

السلام عليكم ورحمة الله

لا اعرف اذا كان هذا هو المكان المناسب للموضوع
ولكني على وشك التشطيب في الفيلا
واحتاج الى مهندس مشرف يقوم بمتابعة الاعمال والتشطيبات
ويفضل ان يكون مصمم ديكور وله خبرة في السوق القطري
بحيث يتفاوض مع المحلات والشركات
من لديه أو يعرف مهندس اكون له شاكر

تقبلوا تحياتي

[Qt.1]

والله الشغله مب محتاجه مهندس محتاجه اشوية ترتيب للوقت والجهد وتاكد اي شخص بتدفع له انه يشرف على هالشي بيعطلك اكثر واكثر لانه ماراح ايتحرك مثل راعي البيت وراعي الحلال , وبخصوص الديكور الداخلي الموضوع محتاج اشوية ذوق وترتيب بعد انت بيتك تفرشه بكيفك وعلى ذوقك , هذي نصيحتي واذا الشباب عندهم حد باذن الله مب مقصرين والله يوفقك يارب .

[CiTy]

الأخ Qt.1 بو عبد الله
شكرا على المساهمة
ولكن بدون شك ان عندما يكون هناك مهندس مصمم وله خبرة وذوق راح يوفر عليك كثير من الوقت والمجهود
هو راح يمشي على شورك وذوقك ولكن راح يضيف عليك الامور اللي تخفي عنك او مالك خبرة فيها مثل تناسق الالوان والاسعار وطريقة التركيب
والخلط .. غير ان راح يكون عيونك ثانية ..
شكرا لك
^_*

[بن غيث]

تعجبني طريقة تفكيرك ..
موفق أن شاء الله .

[معماري قطري]

ما ادري ليش آمر على هذا الموضوع ولا اكتب رايي

ممكن لو تتفق مع مهندس متفرغ ويتابع معاك صح يكون حل جيد لكن دوم الأَفضل تسلم مشروعك من البداية لمكتب مختص وفيه كل التخصصات، والمفروض بمهندسين متميزين .. تعاملت مع كثيرين ومن ملاحظاتي على المكاتب المختصة صح إِنهم خلال التصميم يجيبون مختصين للنقاش، ولو سئلت المهندس عن شيء معين مب من اختصاصه ما يفتي يروح يسئل المختص ويجيني بالاجابة .. بعض المكاتب تحصل المهندس مثل ما يقولون بتاع كله وتحصله وايد يخطي ووايد ما يعطيك بدائل أَفضل.

للتشطيب ممكن تحتاج انترير دزاينر أَو مهندس معماري لكن الأَهم تكون فيه بعد استعانة بمهندس كهرباء .. وفي كل هذي الحالات تتفق مع مكتب وايد أَحسن لك ودوم بتحصل حد متفرغ يتابع وتقدر تجتمع وتعدل على التصميم وتراسل الشركات اللي بتنفذ عن طريق المكتب .. وأَهم شيء تربطهم بعقد واضح وتطلب منهم تقرير مصور اسبوعي لتطور البناء ولأَي مشكلة ومقترح حلها .. عن طريق التلفون كل شيء يستوي في دقايق والتقرير حتى ممكن يكون صوت مسجل مع الصور أَو حتى مقطع فيديو.