استفسار عن الحجر الأردني

[المشط]

بغيت خدمه من أهل الخبرة

قاعد اشطب فيلا ومحتار بين الصبغ أو الحجر الأردني اقدر اعرف االاسعار مع التركيب
وهل في حجر ارخص من الأردني يحمل نفس المواصفات من حيث الشكل والجودة

فكرت اركب رخام على فيلا كاملة بس واحد نصحني وقال ماينفع شرايكم ؟

عندي طلب ثاني بخصوص الكهربائي والبفيتر حد يعرف مقاول أمين وممتاز وسعره مناسب

[saloom]

اخوي مبروكه الفيلا 0 بخصوص الحجر الاردني انا ما عندي معلومات عن التكلفه بس حبيت انبهك لشئ يجهله الكثيرون الحجر الاردني له نوعيات كثيره ويستغل الموردون هاذا الشئ لعدم وجوده في السوق القطري لقله اصحاب الخبره به فيجب التاكد من النوعيه ويتم اختبارها بطريقه نقع الحجر في الماء لمده يوم وعند اخراجه منها يتم وضعه في الشمس الحجر الذي تغير لونه يكون قد شرب من الماء اما الحجر الذي رجع للونه الابيض الناصع يكون هو من النوعيه الجيده . واحسن انواع الحجر الذي يستخرج من جنوب الاردن ويقال له لمعاني علا اسم المنطقه امعان.

[المشط]

الله يبارك فيك

مشكور اخوي على النصيحة

في مقاول جاب لي سعر المتر 110 مع التركيب ... وأيد غالي

أتمني احد من الأخوان ينصحني

[نديم]

أاخوي من خلال تجربة أصدقاء قطريين لي ,,,الحجر الأردني طبعا افضل نوع هو الحجر المعاني
وموجود بالدوحة ،ولكن إذا أردت تستطيع جلبه من عمان مباشرة وحسب ما علمت بطلع عليك ارخص

[المشط]

مشكور اخوي نديم على النصيحه

[قطر الندى]

افضل نوع الحجر البحريني من محلات كمشكي على طريق المطار :p :p

[العجمىq8]

فيه نوع من الحجر اردني

اسمه طبزه مشوه هو نوع جيد وانا في البيت مركبه

سعر المتر اربع دنانير ونصف راكب
على فكره فيه بعد مقاسات تبي كبير صغير

واذا تبي ارقام مكاتب توريد الحجر في الكويت انا حاضر يمكن يفيدونك اكثر

والله يوفقك في البنيان

[Chambray]

احسن حجر اردني هو حجر ( جماعين ) الي لونه ابيض ومايتغير لونه مهما حصل من ضروف تعريه في الجو .. وتحصله في مناطق من فلسطين وتستطيع توريده مباشرة من الأردن وبسعر 90 ريال تقريباً للمتر

[المشط]

اختي المدللة مشكوره ... اختي شفت الحجر من قبل بس ماعجبني


اخوي العجمى مشكور بنشد عن الحجر في قطر وباشوفة

اخوي الدبلوماسي انت بعد مشكور

انا سمعت اخوي ان افضل حجر اردني هو المعاني وسعره 190 مع التركيب وبعد هذا السعر هونت وشكلي باركب رخام بس الخوف ان شكله مايطلع على الفله حلوو :(

[قطر الندى]

اختي المدللة مشكوره ... اختي شفت الحجر من قبل بس ماعجبني


اخوي العجمى مشكور بنشد عن الحجر في قطر وباشوفة

اخوي الدبلوماسي انت بعد مشكور

انا سمعت اخوي ان افضل حجر اردني هو المعاني وسعره 190 مع التركيب وبعد هذا السعر هونت وشكلي باركب رخام بس الخوف ان شكله مايطلع على الفله حلوو :(



اخوي ما اعجبك الشكل ولا السعر

بس اعتقد السعر لانه مب اقل من 145 ريال للمتر

لان الشكل روووووووووووووووووعه

اسأل مجرب

[المشط]

لا والله اختي الشكل بس الحين السعر بعد :(

اختي عندي فلا والمجلس 1000 متر راح يكلف وايد

لقيت رخام ايطالي توريد 90 المتر

[المخلب]

افضل نوع الحجر البحريني من محلات كمشكي على طريق المطار :p :p


كمشكي غالي حده ! حجره حلو وممتاز لكنه نااار !! crazy


نصيحتي لك حاول تركب حجر صناعي ابرك ! .. منها نفس الشكل وارخص بالسعر !

واذا تبي اعطيك ارقام شركه معروفه ومتعاملين معاها :)

شغلهم يعجبك ! وسعرهم بعد ..

[المشط]

ماعليك امر رقم الشركه اخوي المخلب

[المخلب]

هلا يالغالي ..

البيت الازرق .. كلم واحد اسمه عبدالله العجمي ( مدير الشركه ) لاتكلم غيره !! وقله من طرف بوعلي وهو بيقوم بالواجب .. وسعر يطيب خاطرك به ..

رقمه : 4686453 - 4606133

وتحياتي لك :) ..

[المشط]

مشكور اخوي المخلب

وان شالله راح اتصل علية اليوم

وجزاك الله خيرا

[زقرتي ومزاجي]

هلا بك اخوي المشط

تبي نصيحتي ركب حجر طبيعي احسن
لان الصناعي يحتوي على مواد منها الاصباغ ويمكن مع مرور الايام يتغير لونه

شوف حبيبي
اذا لقيت حجر اردني بسعر 100 ريال للمتر شامل التوريد والتركيب ... هذا احسن سعر
وبكون معاك صريح انا مركب على واجهة بيتي منه

اذا بغيت رقم الرجال تامر

فمان الله

[المشط]

حياك الله اخوي صغار المستثمرين


اذا لقيت حجر اردني بسعر 100 ريال للمتر شامل التوريد والتركيب ... هذا احسن سعر


اقل سعر لقيتة حق الحجر الاردني المعاني هو 190 شامل التوريد والتركيب

وياريت تعطيني رقم الرجال خل اشوف انواع الحجر عنده والاسعار

ومشكور اخوي

[ليث المعاني]

اخوي نصيحة ناس مجربين
لاتركب حجر اردني لأن الغش في كل مكان صدقني وكل اللي يدعون انه اصلي (طلعوا خراطين)
افضل الانواع هو حجر معان (بدون نقاش)ولكن هيهات لاتصدق تلقاه ولو عطوك ضمان!!
وكذلك ابتعد عن الرخام اولا مكلف جدا وثانيا اصبح موضة قديمة ((ولكن عليك بالصبغ
ارخص واسرع وتقدر تغير اللون ))ولاتعور راسك!!
انا عن نفسي راح احط صبغ وهذا هو الدارج حاليا!!

[ليث المعاني]

عفوا بالنسبة لعملية التدقيق لكشف الحجر الاصلي من التقليد اصبحت قديمة حيث انه
اصبح بالامكان ان توضع مادة بحيث لايتغير لون الحجر الابعد فترة من الزمن
وطبعا تكون انت ايها الزبون قد شربت المقلب لاعتقادك من ان الحجر هو حجر معان!!

[المشط]

موشكور اخوي ليث المعاني على المشاركة والنصيحه

[زقرتي ومزاجي]

حياك الله اخوي صغار المستثمرين




اقل سعر لقيتة حق الحجر الاردني المعاني هو 190 شامل التوريد والتركيب

وياريت تعطيني رقم الرجال خل اشوف انواع الحجر عنده والاسعار

ومشكور اخوي


تفضل
5202329

[المشط]

جزاك الله خيرا اخوي صغار المستثمرين