اقتراحي للعسكريين

[كلاسيك قطر]

السلام عليكم ورحمة الله وبركاته
ابي اتكلم عن الرواتب للعسكرين الي ظلموهم بالزياده وبكل شي وقطر الحمدلله عندها خير وربي العالمين

اقتراحي لزيادع راتبها ع الاقل 1000 ريال

بتعرفون ليش 1000 ريال
في الكويت وفي الامارات كل مولود جديد يزيدونهم 1000 ريال صرف للولد ونبي في قطر هاذا القانون وياريت لو تتطبق هاي الشي مب لنا هاي الافلوس هاي صرف للمولود الجديد


وشرايكم في اقتراحي

[بوحارب]

وعيال المدني مالهم زيادة يعني ههههههه

[دايموند]

وعيال المدنيين مالهم صرف ؟

والا بس عيال العساكر لهم مصاريف ؟!!!

[R 7 A L]

مافهمت الموضوع !!!

العنوان يتكلم عن العسكريين
وبداية الموضوع موجهه للاناث
ونهايتة صرف بدل للمواليد

[مختلفة عقليا]

السلام عليكم .,

لو كانوا في حاجتها ., اي نعم مع الاقتراح .,

لو كان بس عشان الدول المجاوره لا .,

ولو هالـ 1000 بتسوي لهم شي مع هالغلاء نعم ., بس لو بس جيه لا .,

ويسلموو .,

[كلاسيك قطر]

والله الاولى العساكر

[كلاسيك قطر]

انشوف راي الاعضاء

[يمامـة]

:unsure:

[بوحارب]

رحال عادي لا تستغرب أخونا كلاسيك
من النوع اللي يدخل المنتدى مطفي ليتاته ههههه


:unsure:

هلا ملازم اول يمامه ههههههههه

[دايموند]

هههههه حلوه عيال العساكر اولى ههههههه كثر منها بس

ناس صج فيهم انانيه وحب الذات


للعلم اخوي اعلا الرواتب هي رواتب العساكر خاصه الضباط

بغض النظرر عن مدى الكراف الي يكرفونكم فيها

[Right]

وعيال المدنيين يآكلون تبن مثلاً ؟!!

[السيف5]

وليش خصيت العسكريين

اذا فيه زيادة تكون للكل على اساس زيادة النسل

[عيون الدوحة]

بكره في خبر راح يفرح العسكريين

[alsoq]

قلوا الحمدلله واشكرا نعمته
وليش التفرقه هذا لا يجوز العسكري مثل المدني له وعليه الكل سوا

مواضيع لا اعرف من اين تأتي

[v_h3]

لان الأخ من الفئة الي يقولون انهم مظلومين ومانصفوهم الواحد يحمد ربة عالنعمة الي هو فيها ويترك عنة الحسد(:

[v_h3]

بس حلوة صرف للمولود الجديد الي لي كبر مب شام شي من هالزيادة الي اقترحتها

[وحيد-الشوق]

انا موظف مدني لكن الحق ينقال الافراد وايد وايد مظلومين من الزيادة الاخيره رواتبهم تعتبر قليلة وللعلم في جهة حكومية راتب الموظف الثانوي اكثر من راتب الرقيب في الشرطة !!

محد صادها الا الضباط راتب 3 شهور طلع له موتر كاش وغير بدل التذاكر يجمعه ومايسافر هههههههههه

[كلاسيك قطر]

رحال عادي لا تستغرب أخونا كلاسيك
من النوع اللي يدخل المنتدى مطفي ليتاته ههههه



هلا ملازم اول يمامه ههههههههه

افا يابوحارب الي صح والله

[(بوطلال)]

مايملى جوف بن ادم الا التراب . 120% وبعد تبي فوقها 1000ريال !!!!!!!!!

[بوحارب]

افا يابوحارب الي صح والله

دعابه دعابه يالحبيب ;)

[بوخالد911]

ما في أحد مررررتاح !!!!

[كلاسيك قطر]

مايملى جوف بن ادم الا التراب . 120% وبعد تبي فوقها 1000ريال !!!!!!!!!

مب لنا ال1000 ريال حق المولود

[السهم الملتهب]

الحين ما مشوا قانون الموارد البشرية لهم أكثر من 3 سنوات وهم ما بعرفين وش يسوون .
تبون يسمعون أقترحاتكم .
ياجماعة وزير المالية أعلنها وبصراحة البلد فيها تقشف وربك ياستر.

[QTR-1978]

مب لنا ال1000 ريال حق المولود

يعني ال 1000 بتعطيها المولود مصروفه اهااااااااا زين

[qatari 111]

انا موظف مدني وانكرف اكثر من العسكري وراتبي اقل من من نص راتبه ولا وبعد اخصموا منا علاوتين

الله كريم

[hanayen]

أنا استغرب من شبابنا اللي شاردين من المدارس وداخلين عسكريه ويطالبون بزيادات ليس تقليل من اهميه دورهم في المجتمع لا والله بس قهر اللي يدرس سنين في الجامعه راتبه اقل من اللي طلع من المدرسه وراح عسكريه

[كلاسيك قطر]

بس العسكريه اكرف من المدني اتخلو العسكريه وبتعرون شنو التعب

[صدى الرعد]

ليش بس العساكر مب عشان انا ارقد في بيتي وسط عيالي وهوا يسهر اليل يحرسني ويحفظ امب بلادي تقول له الزياده بس ولاعشان انا مدلع نفسي كل خميس وجمعه وسبت وهوا مداوم او في رمضان افطر وجمعة الاهل والعيال وكل الغاليين حولي وهوا يفطر في ادارته او في الشارع في دوريته ولا عشان انا في اجازة عيد الفطر مفتل من الملل مادري شاسوي بعمري ولا وين اروح من طول الاجازه وهوا دوامه 8 ساعات مب عشان انه تضيع عليه كل اللحظات الحلوه الي نكون في مستأنسين وهوا يرجع بعد كل شي ماينتهي مهدود حيله ويبطل اذنه كانها اذن فيل بس عشان يسمع ويتخيل اللحظات الي فاتته .
وتقول الزياده حق العساكر بس اسمحلي اخوي انت عنصري احنا المفروض انسوي تصويت ان العسكري مايستلم راتب

[البرونزي]

الحين ما مشوا قانون الموارد البشرية لهم أكثر من 3 سنوات وهم ما بعرفين وش يسوون .
تبون يسمعون أقترحاتكم .
ياجماعة وزير المالية أعلنها وبصراحة البلد فيها تقشف وربك ياستر.


ممكن اعرف متى صرح وزير المالية بهالتصريح ؟

[دايموند]

ليش بس العساكر مب عشان انا ارقد في بيتي وسط عيالي وهوا يسهر اليل يحرسني ويحفظ امب بلادي تقول له الزياده بس ولاعشان انا مدلع نفسي كل خميس وجمعه وسبت وهوا مداوم او في رمضان افطر وجمعة الاهل والعيال وكل الغاليين حولي وهوا يفطر في ادارته او في الشارع في دوريته ولا عشان انا في اجازة عيد الفطر مفتل من الملل مادري شاسوي بعمري ولا وين اروح من طول الاجازه وهوا دوامه 8 ساعات مب عشان انه تضيع عليه كل اللحظات الحلوه الي نكون في مستأنسين وهوا يرجع بعد كل شي ماينتهي مهدود حيله ويبطل اذنه كانها اذن فيل بس عشان يسمع ويتخيل اللحظات الي فاتته .
وتقول الزياده حق العساكر بس اسمحلي اخوي انت عنصري احنا المفروض انسوي تصويت ان العسكري مايستلم راتب

لالاا لا غلطان اخوي

احنا المفروض مانستلم رواتب

والا تدري المفروض يقصون من رواتبنا عشان يعطونكم اياه

ترى احنا مدنيين شنو يعني؟
ترى احنا مانشتغل ولا ننكرف وكله هايتين
ومانستحق ناخذ راتب


استتغفر الله العظيم
وصلنا لمرحله ان صرنا نبي نفرق بين بعض وكل واحد صار يفكر بنفسه وحب الذات والانانيه


الحمدلله والشكر

في ناس عقولهم مادري وين



يعني ع قولتك تحرس البلد والاعياد تداومون واعتقد كل شي تسوونه له قيمه وعلاوه

يعني ماتسوون شي ببلاش
ولا تنسوون ان رواتبكم اعلا من رواتبنا

واحنا قدرنا هالشي لطبسعه شغلكم

لكن تطالبون بعلاوه صرف لكل مولود للعسكريين فقط فهاذي ام الانانيه والغباء بعد

طلعتني من طوري

[صدى الرعد]

الشيخ دايموند شفيك ماقيلت اليوم ولا خاطر تتغدى مجبوس وسوولك صالونه وجاي اتحط حرتك فيني طلعتني غبي واناني وانا عن نفسي برد عليك بنفس اسلوبك سمعت المثل الي يقول ....... سلاما هذا ردي عليك واقعد حط ردود لين ماتقول بس واذا عرفت اتكلم الرجال بعقلك ذيك الساعه برد عليك

[هارون الرشيد]

يعني أنت خصيت عيال العسكري عن عيال المدنيين ؟؟؟؟ وين وطنيتك ؟

ولا رحمتك بس على عيالك وعيال العكسريين ؟