بعلم ابوك

[هسلان]

السلام عليكم ورحمة الله وبركاته
بعلم ابوك :rolleyes2:

كلمة تعودنا نسمعها وحنا اصغار من الوالدة وذلك نتيجة عمل خطىء صغر أو كبر والمقصود منها التهديد بالوالد
فهل هذا عدل أن نجعل من الوالد شيء نخيف به الابناء ونهددهم به ؟

دعوة للنقاش وطرح التجارب

[qrt_trading]

يا خوي الحين غير التهديد الجديد بعلم أمك.

[أسد الجزيرة]

قصدج بعلم ميري

[عثرة جواد]

ههههه والله اخبرلين امي تقول هاي الكلمه يصيرفيني رعب غيرطبيعي

بس الحمدلله كبرنا وماربينا عيالنا ع هشي بل عكس ربينهم ع الاحترام مب الخوف

لانه الخوف يكون موقت بس لوغاب العب يافار

[العلياا]

ههههههه صحيح كنا دايما نسمعها من امي
واحين لما الوالد كبر امي صارت تقول بعلم اخوانج عشان تجنب ابوي عوار الراس

وانا ورثتها منها
صرت اقولها لاختي الصغيرة اذا غلطت
وبصراحة لها مفعول سحري

[sweet qatar]

هالكلمة تعني ان الأب فارض سلطته على البيت

لما كنت أسمع هالكلمة من أمي .. كنت انتفض مب رعب من ابوي

بس أخاف يزعل علي وتتغير فكرته عني

[همر]

هذي الكلمه تترك اثر سيء في نفسية الطفل

وتشوه صورة الأب في عيون اطفاله

وبدل مايكون الأب قدوة في البيت

تقلبه الأم فزاعه !



معاً لوقف العنف الأسري ضد الأب ...

[نور الحور]

هذي الكلمه تترك اثر سيء في نفسية الطفل

وتشوه صورة الأب في عيون اطفاله

وبدل مايكون الأب قدوة في البيت

تقلبه الأم فزاعه !



معاً لوقف العنف الأسري ضد الأب ...






معاك همر :victory:

[دااانة قطر]

هذي الكلمه تترك اثر سيء في نفسية الطفل
وتشوه صورة الأب في عيون اطفاله
وبدل مايكون الأب قدوة في البيت
تقلبه الأم فزاعه !
معاً لوقف العنف الأسري ضد الأب ...




باللعكس اخوي هالكلمة كاان لها وقع على النفس لدرجة ان كنا عاارفين ان سوينا هالشي ياويلنا
طبعا احنا محد كاان يقول لنا لأن ابوي الله يرحمه توفى واحنا صغاار لكن كنت ماحب ازعل الواالدة وكنت اخرع خوااتي واخوي واشوفهم يخاافون

والهيبة والخوف ماهو الا احتراام وعليها قيس قلة الادب وسوء السلوك والتربية اللي صاايره الحين في كل مكاان

[قطريه ماركه]

الحيين قول لهم باعلم أمك باعلم أبوك
عاااادي سهالات

الحياة حلووة *__*

[بوحارب]

يا خوي الحين غير التهديد الجديد بعلم أمك.

أمس أهدد ولدي وأقوله بعلم أمك :eek3:

ولكم باك هسلان ;)

[همر]

معاك همر :victory:



خلاص عيناج امين سر المؤسسه القطريه لمكافحة

العنف ضد الأبوبه ...





باللعكس اخوي هالكلمة كاان لها وقع على النفس لدرجة ان كنا عاارفين ان سوينا هالشي ياويلنا
طبعا احنا محد كاان يقول لنا لأن ابوي الله يرحمه توفى واحنا صغاار لكن كنت ماحب ازعل الواالدة وكنت اخرع خوااتي واخوي واشوفهم يخاافون

والهيبة والخوف ماهو الا احتراام وعليها قيس قلة الادب وسوء السلوك والتربية اللي صاايره الحين في كل مكاان



شوفي انا اللي اعرفه ان الولد مايحب تخترب صورته

قدام ابوه بأنه ولد مطيع و ... خوش ولد ...

فتهديده بتشويه هالصوره في عين ابوه

مايكون مردودها ايجابي من ناحية حفاظ الولد

على هذ الصوره ... الكويسه ... فيبتدي الولد

ينحرف عن خط الاستقامه شيئاً فشيئاً دام

السالفه ... خاربه خاربه ...

ممكن نهدد الولد بحرمانه من واير البلايستيشن

اما نهدده بأبوه يتكون عنده انطباع ان الأب مصدر

عقوبه فقط وهذا خطر اخر في حين يجب ان يكون

اهتمامنا منصب على تقوية علاقة الاب بابنه

والبنت بأمها لأنهم سيدخلون مراحل عمريه

يحتاجون فيها الى رفقاء يشاركونهم همومهم

واخطائهم ومخاوفهم فهل سيتجهون الى الفزاعه ؟!!

[بوخالد911]

نفس الشي : بوديك عند الدكتور / الشرطي / الممرض !!!!!!!!!!!!!!

لييين ما الطفل يكرة ويخاف يروح لهم

[نور الحور]

نفس الشي : بوديك عند الدكتور / الشرطي / الممرض !!!!!!!!!!!!!!

لييين ما الطفل يكرة ويخاف يروح لهم


الله ينور عليك بو خالد ..

يخوفون اليهال شوف الشرطي بيوديك السجن .. أو بوديك الطبيب يضربك إبرة ..

وبعدين يقولون عيالنا تعقدوا .. ولا طلع منهم شرطي ولا طبيب :(

[R 7 A L]

مثل ماقال همر وشلتة
هذا تشويه لصورة الاب
بالاضافة لسمعتة في المجتمع

[غايه الطواش]

كبرنا واحنا نسمع هالكلمه ماتعقدنا ولاصارت فينا حالات نفسيه
بالعكس هالكلمه تثبت ان للاب سلطه وهيبه فالبيت ,وان ايخلل او نقص في له مقوم فالبيت , واي تجاوز هناك شخص مايرضى فيه وهو الاب .
هالكلمه لها هيبه فالبيت ,اذا الابناء ماربوا ان في لهم مراقب ورادع ممن بيخافون او يعملون حساب ..؟؟
اخبر جيلي امي تهددنا ببوي اما الاصغر امي تهدد هم بالشرطه ,فالاخير اثنينهم صمام امان واحد للبيت والثاني للمجتمع
وبلاش نقط من هيبه الابو وطيحها زود ماهي طايحه

[تغلبية]

هذي الكلمه تترك اثر سيء في نفسية الطفل

وتشوه صورة الأب في عيون اطفاله

وبدل مايكون الأب قدوة في البيت

تقلبه الأم فزاعه !



معاً لوقف العنف الأسري ضد الأب ...




عيل الام شتسوي اذا ارتكب الولد خاصة خطأ.. شلون تردع الولد

الكلمة بحد ذاتها مافيها شي بالعكس تخلي مكانة للاب في حضوره وغيابه

والحين مايكون الخوف من عقاب الاب بقدر مايكون من الاحراج ان الولد تصرف تصرف مب زين

واعتقد حتى لو قلنا بعلم ابوك .. يعتمد على الاب واسلوبه شلون يتصرف وايا عياله

فيه اباء سلبين تغلب عندهم العاطفة ومايكونون حازمين وفيه اباء عنيفين وفيه اباء سياسيين يعرف يسايس الولد ويوجهه ويحذره.... خاصة اذا الام ماقدرت على الولد.

[نور الحور]

عيل الام شتسوي اذا ارتكب الولد خاصة خطأ.. شلون تردع الولد

الكلمة بحد ذاتها مافيها شي بالعكس تخلي مكانة للاب في حضوره وغيابه

والحين مايكون الخوف من عقاب الاب بقدر مايكون من الاحراج ان الولد تصرف تصرف مب زين

واعتقد حتى لو قلنا بعلم ابوك .. يعتمد على الاب واسلوبه شلون يتصرف وايا عياله

فيه اباء سلبين تغلب عندهم العاطفة ومايكونون حازمين وفيه اباء عنيفين وفيه اباء سياسيين يعرف يسايس الولد ويوجهه ويحذره.... خاصة اذا الام ماقدرت على الولد.



تغلبية المقصود هو التهديد ..وكأن الأب مصدر خوف ..

لو كان المقصد جانب الاحترام والحياء أمام الأب فهناك وسائل أخرى غير التهديد ..

عندي قاعدة أي شخص أو جهة مصدر أمان وحماية صعب أهدد فيهم الطفل ..

لكن في المقابل ما نعطيهم الثقة كاملة ..

فمثلاً هناك شرطي يخون الأمانة ويصبح حاميها حراميها ..

أو حتى المطوع اللي يدرسهم القرآن ما نثق فيه ثقة عمياء لأنه هم في الأخير بشر ..

فنعلم الطفل إن مهما بلغت ثقتهم بمثل هالأشخاص إلا إن عند صدور خطأ منهم يجب أن يصارح الوالدين بهالخطأ ..

[sweet qatar]

كبرنا واحنا نسمع هالكلمه ماتعقدنا ولاصارت فينا حالات نفسيه
بالعكس هالكلمه تثبت ان للاب سلطه وهيبه فالبيت ,وان ايخلل او نقص في له مقوم فالبيت , واي تجاوز هناك شخص مايرضى فيه وهو الاب .
هالكلمه لها هيبه فالبيت ,اذا الابناء ماربوا ان في لهم مراقب ورادع ممن بيخافون او يعملون حساب ..؟؟
اخبر جيلي امي تهددنا ببوي اما الاصغر امي تهدد هم بالشرطه ,فالاخير اثنينهم صمام امان واحد للبيت والثاني للمجتمع
وبلاش نقط من هيبه الابو وطيحها زود ماهي طايحه

بالضبط :victory:

حلو ان هيبة الرجل تحفظ البيت حتى في غيابه

والعيال ما بيخافون من الابو الا اذا كان فعلا يخوف وعنيف

والله ما ينعرف لهم اذا الأم عاشت في ظل زوجها وسلطته
ماعجبهم
واذا استحوذت على السلطة
ماعجبهم

:)

[بوحارب]

اتفق مع غايه وتغلبيه ما تعقدنا ولا شي :ok2:

[همر]

عيل الام شتسوي اذا ارتكب الولد خاصة خطأ.. شلون تردع الولد

الكلمة بحد ذاتها مافيها شي بالعكس تخلي مكانة للاب في حضوره وغيابه

والحين مايكون الخوف من عقاب الاب بقدر مايكون من الاحراج ان الولد تصرف تصرف مب زين

واعتقد حتى لو قلنا بعلم ابوك .. يعتمد على الاب واسلوبه شلون يتصرف وايا عياله

فيه اباء سلبين تغلب عندهم العاطفة ومايكونون حازمين وفيه اباء عنيفين وفيه اباء سياسيين يعرف يسايس الولد ويوجهه ويحذره.... خاصة اذا الام ماقدرت على الولد.



رديت على معظم كلامج في ردي على دانة قطر :waiting:



ولما نقول الولد يتعقد مب معناته يطلع مريض نفسي


معناته لما تواجهه امور في حياته يحتاج فيها

استشارة شخص ذو خبره حتى في مسائل ماله

ذنب فيها كالبلوغ ومايصاحبه من تغييرات

نفسيه وجسديه ، ما يلجأ الولد لأبوه

لأنه تربى على ثقافة انا مثالي قدام

ابوي وما فيني عيوب ...


اللي يقول ما تعقدنا ...

لِــمَـن كنت تلجأ في فترة المراهقه في

بعض المسائل الحساسه هل الى ابوك

ام اصدقائك ؟!!

[مختلفة عقليا]

السلام عليكم .,

في فرق بين الخوف والهيبه .,

انا مع ان الاب يكون له هيبه في البيت ., يعني العيال ما يبونه يزعل او يعصب او يتضايق .,

اما الخوف واللي كانوا يحسون فيه قبل ., هالشي غلط .,

ويخلي الولد يخاف وداخليا يحسب الاب شي (( مرعب )) .,

وفي اغلب الاحيان الاب يمثل اصلا انه امعصب او الام هي اللي اتكوكه ههههههههههههههه .,

يسلموو .,

[نور الحور]

همر ومختلفة .. فزتوا معاي بكاس الشغف المنتداوي .. ردودكم عشرة على عشرة .. الله يحفظكم :nice:

بس حبيت سالفة التكوك هههههههه

[تغلبية]

تغلبية المقصود هو التهديد ..وكأن الأب مصدر خوف ..

لو كان المقصد جانب الاحترام والحياء أمام الأب فهناك وسائل أخرى غير التهديد ..

عندي قاعدة أي شخص أو جهة مصدر أمان وحماية صعب أهدد فيهم الطفل ..

لكن في المقابل ما نعطيهم الثقة كاملة ..

فمثلاً هناك شرطي يخون الأمانة ويصبح حاميها حراميها ..

أو حتى المطوع اللي يدرسهم القرآن ما نثق فيه ثقة عمياء لأنه هم في الأخير بشر ..

فنعلم الطفل إن مهما بلغت ثقتهم بمثل هالأشخاص إلا إن عند صدور خطأ منهم يجب أن يصارح الوالدين بهالخطأ ..






رديت على معظم كلامج في ردي على دانة قطر :waiting:



ولما نقول الولد يتعقد مب معناته يطلع مريض نفسي


معناته لما تواجهه امور في حياته يحتاج فيها

استشارة شخص ذو خبره حتى في مسائل ماله

ذنب فيها كالبلوغ ومايصاحبه من تغييرات

نفسيه وجسديه ، ما يلجأ الولد لأبوه

لأنه تربى على ثقافة انا مثالي قدام

ابوي وما فيني عيوب ...


اللي يقول ما تعقدنا ...

لِــمَـن كنت تلجأ في فترة المراهقه في

بعض المسائل الحساسه هل الى ابوك

ام اصدقائك ؟!!




جين :waiting:

كتبت تعليقي وماشفت ردك على دانة..


طيب..

همر ونور الحور ..

اذا انتو ماتأيدون هالاسلوب وماجوبتني ياهمر

شنو الاسلوب الامثل لردع الولد المخطيء بعد استنفاذ كافة المحاولات من الام لردعه؟

[sweet qatar]

السلام عليكم .,

في فرق بين الخوف والهيبه .,

انا مع ان الاب يكون له هيبه في البيت ., يعني العيال ما يبونه يزعل او يعصب او يتضايق .,

اما الخوف واللي كانوا يحسون فيه قبل ., هالشي غلط .,

ويخلي الولد يخاف وداخليا يحسب الاب شي (( مرعب )) .,

وفي اغلب الاحيان الاب يمثل اصلا انه امعصب او الام هي اللي اتكوكه ههههههههههههههه .,

يسلموو .,

الخوف بيكون من تعامل الأب مع ابنه

مب من كلمة تقولها الأم حتى لو بقصد التهديد

الموضوع مركز على هالكلمة .. وتجاربنا معاها

أنا سمعتها وايد وانا صغيرة وما منعتني او خوفتني من ابوي

بالعكس الثقة الكبيرة الي في شخصيتي كان سببها ابوي الله يطول بعمره

[همر]

جين :waiting:

كتبت تعليقي وماشفت ردك على دانة..


طيب..

همر ونور الحور ..

اذا انتو ماتأيدون هالاسلوب وماجوبتني ياهمر

شنو الاسلوب الامثل لردع الولد المخطيء بعد استنفاذ كافة المحاولات من الام لردعه؟



بعد جاوبتج في ردي على دانة قطر


اسحبي منه واير البلايستيشن :waiting:


ادري بتقولين لي واذا ماعندهم بلايستيشن ...

الفكره في تهديد الاطفال بحرمانهم من اشياء

متعلقين فيها والتنفيذ لاظهار الجديه


في ولد يقدر يستغني عن ايفونه ولا ايباده ؟!!


هذي الحسنه الوحيده للايباد بالنسبه لي..

افضل طريقة للتأديب...

[نور الحور]

جين :waiting:

كتبت تعليقي وماشفت ردك على دانة..


طيب..

همر ونور الحور ..

اذا انتو ماتأيدون هالاسلوب وماجوبتني ياهمر

شنو الاسلوب الامثل لردع الولد المخطيء بعد استنفاذ كافة المحاولات من الام لردعه؟




مكتوب علي اليوم أصير من شلة همر ههههههه

أحيل الموضوع لسعادة السيد المفتي همر للتوضيح والإفادة والبت :nice:

[مختلفة عقليا]

الخوف بيكون من تعامل الأب مع ابنه

مب من كلمة تقولها الأم حتى لو بقصد التهديد

الموضوع مركز على هالكلمة .. وتجاربنا معاها

أنا سمعتها وايد وانا صغيرة وما منعتني او خوفتني من ابوي

بالعكس الثقة الكبيرة الي في شخصيتي كان سببها ابوي الله يطول بعمره

هلا .,

تخيلي الاب ما سوا شي ., !! صدقيني خلاص الولد ما بيحط للكلمه اهميه واعتبار .,

وتخيلي الاب ترفز ., ؟؟ وتصرف بطريقه خشنه اشوي ,’ ؟؟

انا اجوف لو اكل ما غلط الولد الام قالت للاب من غير هالكلمه احسن بوايد .,

لان اصلا معني الكلمه (( خاف )) ’’ ولا اتعيد الحركه .,

ويسلموو .,

[همر]

تعقيباً على كلام الاخت مختلفه

نقطتين مهمتين

زراعة الخوف في شخصية الطفل غير محببه

وتؤدي الى تناحة الولد لما يكبر وخجله من

مواجهة الجمهور ...

ليش نادر نشوف قطري يتكلم بطلاقه في مؤتمر عام ؟!!

الا من رحم ربي ...



النقطه الثانيه قول الأم باعلم عليك ..

بمعنى اخر "بافتن" عليك ... وهذي

احدى الاشارات السلبيه اللي نغرزها

في شخصيات اطفالنا بدون وعي ...



وشكراً لكم ...

[همر]

مكتوب علي اليوم أصير من شلة همر ههههههه

أحيل الموضوع لسعادة السيد المفتي همر للتوضيح والإفادة والبت :nice:



بتكون اضافه مميزه في الCV مالج ... تهانينا ...


:shy:

[طبيب قطري]

الطفل اذا متربي من صغره ماراح تتعب معاه وتضطر تهدده بابوه ولاغيره... بس صارت التربيه عملة نادره للاسف والحين تشوف الياهل ماعنده سنع ولااحترام ولاتربيه ومن كثر الدلع اخترب ويسب ويطق ابوه وامه والخدامه والدريول !!

[عاهد بن علي]

اذا الام هددت الولد بالاب
ذهبت شخصيتها وتلاشت امام الابن
فيجب ان تكون ذات شخصيه قويه تفرضها على الابناء

[نور الحور]

تعقيباً على كلام الاخت مختلفه

نقطتين مهمتين

زراعة الخوف في شخصية الطفل غير محببه

وتؤدي الى تناحة الولد لما يكبر وخجله من

مواجهة الجمهور ...

ليش نادر نشوف قطري يتكلم بطلاقه في مؤتمر عام ؟!!

الا من رحم ربي ...



النقطه الثانيه قول الأم باعلم عليك ..

بمعنى اخر "بافتن" عليك ... وهذي

احدى الاشارات السلبيه اللي نغرزها

في شخصيات اطفالنا بدون وعي ...



وشكراً لكم ...




عفواً ..

ولمزيد من التوضيح ..

الإشارة السلبية بتكون في المسج اللي يوصل للطفل ان الأم مو قد الثقة من ناحية

وإن (التفتن شي عادي) !! من ناحية ثانية ..


همر .. من ضفت على السي في مالي هالإضافة المميزة وإني من شلتك ..

وأنا مو ملحقة على طلبات التوظيف :shy:



يلا أخذ أجر فيك وأرفع معنوياتك بدل لا أهددك مثل ما العالم شغالة تهديد بأبهاتها :tease:

[نور الحور]

امممممممم .. إضافة أخرى ..

ممكن نستثمر هالنقطة بشكل عكسي ..

يعني بدل لا نهدد الطفل بأبوه .. نشجعه على التصرف السليم عشان أبوه يفخر فيه ..


هني المعنى تغير تماماً مع إن الوسيلة هي نفسها وهي ذكر دور الأب ..

مع إن من الأهم تشجيع الدافع الذاتي للطفل .. لكن ما يمنع وجود بعض التحفيز الخارجي ..


أتمنى وصلت الفكرة :nice:

[يمامـة]

بعلم عليك ابوك تعتمد على علاقة الاب بالولد..

1- أب ما يعرف عياله الا من خلال الضرب والهواش حزة الشكاوي، فهذا طبعا
بعلم عليك ابوك ما بتأثر فيه, ولا في شي بيردعه من اللي يسويه وممكن جدا يكرر
نفس المشاكل وبوتيرة اكبر..

2- أب حنون عطوف ما يتعامل بالعنف مع عياله في الوقت اللي ممكن لو الام هددتهم فيه
تلقاهم يخافون يزعلونه او يزعل منهم ،، هذا مهم جدا الأم تهدد عيالها فيه من باب استغلال
حرصهم على عدم اغضاب الأب فيردعون نوعا ما من السلوكيات والتصرفات الخاطئة.

3- أب تارك للأم التربية و التعليم والضرب و تسوية أمور عياله وهو متكفل بدور
الناظر او المدير اللي كلمته ترج البيت وتهزه،، ففي مثل هالحالات جميل جدا ان يتم
تهديد الأبناء بالأب لأنه راح يتعامل معاهم بالطريقة اللي تتناسب مع الخطأ اللي قاموا فيه.

4- أب طيب زيادة عن اللزوم دمعته تسبق دموع عياله في حال انهم زعلوا
هذا ما تنفع مع العيال التهديد بعلم ابوك .. لأن الأطفال راح يظهرون الأم هي اللي غلط.

فبشكل عام أييد ان يتم التهديد بالأب فهو له سطوته على العيال وان كان بعيد عنهم
و والتهديد بإخبار الأب له تأثير على نفوس العيال بحيث انهم يتنجنبون يتدخل الأب في الموضوع
لأن مرات كثيرة حسب شخصيته ممكن الأمور ما تسير كما يحب الأطفال او يرغبون اذا استمرت
الأم في سكوتها عن اخطاؤهم.

[sweet qatar]

هلا .,

تخيلي الاب ما سوا شي ., !! صدقيني خلاص الولد ما بيحط للكلمه اهميه واعتبار .,

وتخيلي الاب ترفز ., ؟؟ وتصرف بطريقه خشنه اشوي ,’ ؟؟

انا اجوف لو اكل ما غلط الولد الام قالت للاب من غير هالكلمه احسن بوايد .,

لان اصلا معني الكلمه (( خاف )) ’’ ولا اتعيد الحركه .,

ويسلموو .,

اختلاف وجهات النظر لايفسد للود قضية :o

شوفي الأسلوب له دور .. والموقف له دور

بس الأصل الكلمة ماتخوف

اذا كان الولد واثق ان ابوه بيسمعه قبل لا يتصرف او يحكم

اما اذا الابو أسلوبه مايساعد الافضل ان الأم تتجنب هالكلمة

لان لو الولد انضرب او زعل هي الي بتصيح وتزعل

[يمامـة]

امممممممم .. إضافة أخرى ..

ممكن نستثمر هالنقطة بشكل عكسي ..

يعني بدل لا نهدد الطفل بأبوه .. نشجعه على التصرف السليم عشان أبوه يفخر فيه ..


هني المعنى تغير تماماً مع إن الوسيلة هي نفسها وهي ذكر دور الأب ..

مع إن من الأهم تشجيع الدافع الذاتي للطفل .. لكن ما يمنع وجود بعض التحفيز الخارجي ..


أتمنى وصلت الفكرة :nice:

في نقطة مهمة لازم نحطها في الاعتبار..

الطفل من الفصيلة البشرية اللي ربنا لما خلقها بين لها العقاب والثواب والتعزيز..
فالطفل لازم يتعرض لكل هذه الأمور بشكل متوازن،،

يعني مافيها شي لو هددنا الولد في ابوه في الوقت اللي نزرع فيه حب التفاخر امام ابوه
وفوقه نعززه علشان يكسب رضا ابوه ..

ومع هذا ممكن جدا الطفل يتصرف حسب ما هو يبي مب حسب ما احنا نبي انه يكون عليه
فأهنيه تجي أهمية الطرق المذكورة في استخدامها حسب الموقف او التبديل مابين كل مرة ومرة.

[مشاكل]

ماشوف فيها شي بل بالعكس تدل على هيبة الاب وتأثيرة
وخل عنكم الاضرار النفسية والسلوكية والخرابيط اللي ماظهر من وراها الا اجيال رايحه فخرايطها

[يمامـة]

ماشوف فيها شي بل بالعكس تدل على هيبة الاب وتأثيرة
وخل عنكم الاضرار النفسية والسلوكية والخرابيط اللي ماظهر من وراها الا اجيال رايحه فخرايطها

صدقت في هذي :victory:

[بو خليفه 123]

مسكين الأب شماعة الارهاب والعنف الأسري

و ذلك قد يؤدي الى استمالة الابن لعمل الخطأ خفية .

[نور الحور]

في نقطة مهمة لازم نحطها في الاعتبار..

الطفل من الفصيلة البشرية اللي ربنا لما خلقها بين لها العقاب والثواب والتعزيز..
فالطفل لازم يتعرض لكل هذه الأمور بشكل متوازن،،

يعني مافيها شي لو هددنا الولد في ابوه في الوقت اللي نزرع فيه حب التفاخر امام ابوه
وفوقه نعززه علشان يكسب رضا ابوه ..

ومع هذا ممكن جدا الطفل يتصرف حسب ما هو يبي مب حسب ما احنا نبي انه يكون عليه
فأهنيه تجي أهمية الطرق المذكورة في استخدامها حسب الموقف او التبديل مابين كل مرة ومرة.


يمامتي الحلوة .. الفصيلة البشرية اللي تتكلمين عنها

هي نفسها اللي حدد لها الله سبحانة الحسنة بعشر امثالها

والسيئة بمثلها ..

والحسنات تمحي السيئات ..

وحط لها ملايين الفرص لمضاعفة الاجور والتكفير عن السيئات

وقنن العقاب بأضيق مدى ..

وفتح باب الاثابة لاقصى مدى ..

وعليه قياسج يفتقد للدقة شوي يمامتي ..

ولا شقولج ؟

[ضوى]

هذي الكلمه تترك اثر سيء في نفسية الطفل

وتشوه صورة الأب في عيون اطفاله

وبدل مايكون الأب قدوة في البيت

تقلبه الأم فزاعه !



معاً لوقف العنف الأسري ضد الأب ...




ربينا على هالكلمة وكبر حب ابوي بقلبي وزاد احترامنا له وزاد تقديرنا لعمود البيت ، لانه اذا الاب زعل يعني الدنيا كلها زعلت علينا ، ولاعمر نفسيتنا تأثرت وطلعنا مرضى نفسيين الحمد لله والشكر ، الله يرحم ابوي يوم كبرنا صار مثل الاخ لنا نحب قعدته وسوالفه الله يرحمك يايبه وليت عيال هالوقت يقدرون ابو والا ام ج

[ضوى]

طيب شتفسرون شباب الاول اللي الحين اطباء ومناصب كبيرة ، اللي تربوا على قاعدة باعلم ابوك ؟! وشباب هالوقت اللي لا احترام ولا ذوق ولا ادب بسبب حرمانهم من واير البلاي ستيشن ؟؟ ليش ماشفنا شباب اول المعذبون في الارض اصحاب الجرائم بسبب عقدتهم والخوف من عمود البيت ؟!!

عليكم تحليلات غريبة ، علم النفس بكبره علم غبي ،

[Rosso]

طيب شتفسرون شباب الاول اللي الحين اطباء ومناصب كبيرة ، اللي تربوا على قاعدة باعلم ابوك ؟! وشباب هالوقت اللي لا احترام ولا ذوق ولا ادب بسبب حرمانهم من واير البلاي ستيشن ؟؟ ليش ماشفنا شباب اول المعذبون في الارض اصحاب الجرائم بسبب عقدتهم والخوف من عمود البيت ؟!!
عليكم تحليلات غريبة ، علم النفس بكبره علم غبي ،
على اي اساس استندتي ان علم النفس علم غبي؟
العلم مبني على دراسات يتم مراجعتها من اكثر من متخصص من انحاء العالم قبل تاكيدها نشرها
وهالدراسات مبنية على ملاحظات من الواقع يتم تدوينها

[ضوى]

على اي اساس استندتي ان علم النفس علم غبي؟
العلم مبني على دراسات يتم مراجعتها من اكثر من متخصص من انحاء العالم قبل تاكيدها نشرها
وهالدراسات مبنية على ملاحظات من الواقع يتم تدوينها

معليش اختي انا بالرغم من علمي ، الا اني مش مؤمنة بشي اسمه علم نفس نهائي ولا اعترف فيه في حل المشكلات او الازمات ، لا لطفل ولا لمراهق ولا لشاب ولا لشايب ، مدري هذي قناعتي الخاصة جدا محد مجبور حتى يقراها او يفكر فيها

[Rosso]

معليش اختي انا بالرغم من علمي ، الا اني مش مؤمنة بشي اسمه علم نفس نهائي ولا اعترف فيه في حل المشكلات او الازمات ، لا لطفل ولا لمراهق ولا لشاب ولا لشايب ، مدري هذي قناعتي الخاصة جدا محد مجبور حتى يقراها او يفكر فيها

صح كل انسان له توجهه واعتقاداته وفلسفته الخاصة
ولكن ما يصير ان نرفض علم كامل بدون ادلة بس عشان احنا توجهنا مختلف عنه
على فكرة انا رجّال

[يمامـة]

يمامتي الحلوة .. الفصيلة البشرية اللي تتكلمين عنها

هي نفسها اللي حدد لها الله سبحانة الحسنة بعشر امثالها

والسيئة بمثلها ..

والحسنات تمحي السيئات ..

وحط لها ملايين الفرص لمضاعفة الاجور والتكفير عن السيئات

وقنن العقاب بأضيق مدى ..

وفتح باب الاثابة لاقصى مدى ..

وعليه قياسج يفتقد للدقة شوي يمامتي ..

ولا شقولج ؟

قولي الله يطول لي بعمرج ويخليج ذخر للشغف إن

الطفل لوصل عمره عشر سنين لج عشر امثال الحسنة لو ضربتيه في حال تركه للصلاة
وانج لو كنتي قاضي وحكمتي بالقصاص بكل انواعه لج عشر امثال الحسنة ..

فلاحظي مبدأ العقاب يورث الحسنة بعشر امثالها..

لذلك العقاب اساسا ما ينوضع الا لتصحيح الاخطاء او للتنبيه على عدم الوقوع
في الاخطاء.. فالابناء في البيت مستحيل ييطلعون كاملين مكملين مثاليين يمشون بالهمسة
والابتسامة ومن كلمة وحدة،، لذلك استخدام الطرق المختلفة معاهم فيه رفرش لمتسقبلات الأوامر
عندهم،،،
فما يصير كل يوم اردد على ولدي ماما حبيبي الله يخليك سكر باب الحمام وانت طالع
ماما حبيبي بضربك لو ما سكرت باب الحمام.
ماما لا تخليني اضربك وانا ما بي اضربك
ماما هات السوني لأنك ما سكرت بابا الحمام..
ومرة وحدة تلقين ذاك الطاااخ على كتفه ينصعق
يقول ماما ليش ؟ تردين عليه ماما تعبت منك ولا تخليني اعيده عليك!!


فالتغيير في استخدام العقاب له دور كبير،، مع التأكيد على اهمية التعزيز
وزراعة الثقة بالنفس وشحذ الهمم لمواصلة الحياة بكل يسر ومواجهة الصعاب.

[يمامـة]

طيب شتفسرون شباب الاول اللي الحين اطباء ومناصب كبيرة ، اللي تربوا على قاعدة باعلم ابوك ؟! وشباب هالوقت اللي لا احترام ولا ذوق ولا ادب بسبب حرمانهم من واير البلاي ستيشن ؟؟ ليش ماشفنا شباب اول المعذبون في الارض اصحاب الجرائم بسبب عقدتهم والخوف من عمود البيت ؟!!

عليكم تحليلات غريبة ، علم النفس بكبره علم غبي ،

اتفق معاج في كل مشاركة لج في اللحظات الأخيرة..

ابوي كان وحش كاسر عيال خوالي يخافون منه ولليوم يذكرون
اشلون كانت له قواعد ثابتة في تقديم الماي وتقديم الاكل وغيره وغيره
واللي ما يضبط هالقواعد من عيالها الضرب كان نصيبه..

اليوم او من سنين مضت صار ابونا
صديقنا نضحك وياه ونتغشمر وياه وعياله الشباب ما يتنفسون
وخاصة اللي رقد على سكتهم ..

فموضوع الطفل ونفسيته...................> هذا هو اللي مخرب الجيل الحالي.

[چواهر]

لازم الياهل يسوي حساب للأبو وياخذ حنـان من الأم يعني يخلقون له توازن في حياته .

[المهاجر]

الحمد لله تربينا على تخويف الوالده الله يطول بعمرها لنا بكلمة باعلم ابوك وكان الوالد الله يرحمه

ما يلاعبنا اذا غلطنا ويعاقب اللي يغلط ولا يفتكر فيه

والحمد لله لا تأثرت نفسياتنا ولا كرهنا ابونا بالعكس الا كنا نحبه حب ما ينوصف

ولين الحين نذكره جدام عيالنا ونذكر حنيته وقلبه الطيب وانه ما قصر في تربيتنا

وكلنا الحمد لله ماسكين مناصب ومراكز بوظايفنا

وعندي بالبيت نفس الشي ام العيال تخوف عيالي بقولتها لهم باعلم ابوكم

صج انا ما اضرب عيالي لكن كلهم يحترموني احترام سعيد جداً فيه

والكل يشكر على عيالي من كبيرهم لين صغيرهم بتربيتهم وادبهم واخلاقهم

لا نفسياتهم تأثرت ولا كرهونا الحمد لله كلهم يحبونا ويحترمونا

وهذا انا صرت جد الحين وولدي العود ماقال صرت ريال وابو عيال

وابوي عقدني ومن هالكلام الا بالعكس يحب ياخذ رايي في كل امور حياته

ونفس الشي اخوانه وخواته لا تعقدوا ولا قالوا امنا كله تخوفنا منك لين تعقدنا ونفسيتنا اتعبت

[ضوى]

اتفق معاج في كل مشاركة لج في اللحظات الأخيرة..

ابوي كان وحش كاسر عيال خوالي يخافون منه ولليوم يذكرون
اشلون كانت له قواعد ثابتة في تقديم الماي وتقديم الاكل وغيره وغيره
واللي ما يضبط هالقواعد من عيالها الضرب كان نصيبه..

اليوم او من سنين مضت صار ابونا
صديقنا نضحك وياه ونتغشمر وياه وعياله الشباب ما يتنفسون
وخاصة اللي رقد على سكتهم ..

فموضوع الطفل ونفسيته...................> هذا هو اللي مخرب الجيل الحالي.

بالضبط يمامة ، والله انا اتذكر اخواني الاثنين رحمة الله عليهم يوم كبروا ، سرهم كله عند ابوي يعرف كل شي عنهم ، والله تفاجئنا انه اخواني يعرفون عن ابوي اشياء احنا مانعرفه والعكس ، صداقة معاه الله يرحمهم جميع ، لافضلوا صديق عليه ولا فضلوا مرة عليه ، قال يتعقد قال

[امـ حمد]

الحيين قول لهم باعلم أمك باعلم أبوك
عاااادي سهالات

الحياة حلووة *__*

إي حبيبتي الحين عادي عندهم
لكن قبل لما الام تقول لنا بعلم ابوك نخاف وياويلنا من الوالد

[qatari 111]

:71dd:

مالهم الا التهديد ..

[غير البشر]

يابختكم احنا غير

بنجيب لك بودرياه وحماره القايله :weeping:

[توشيبا]

هذي الكلمه تترك اثر سيء في نفسية الطفل

وتشوه صورة الأب في عيون اطفاله

وبدل مايكون الأب قدوة في البيت

تقلبه الأم فزاعه !



معاً لوقف العنف الأسري ضد الأب ...




تستاهل علي هالرد اربع رنقات للهمر :victory:

[همر]

ربينا على هالكلمة وكبر حب ابوي بقلبي وزاد احترامنا له وزاد تقديرنا لعمود البيت ، لانه اذا الاب زعل يعني الدنيا كلها زعلت علينا ، ولاعمر نفسيتنا تأثرت وطلعنا مرضى نفسيين الحمد لله والشكر ، الله يرحم ابوي يوم كبرنا صار مثل الاخ لنا نحب قعدته وسوالفه الله يرحمك يايبه وليت عيال هالوقت يقدرون ابو والا ام ج



المريض النفسي ماراح يقول عن نفسه مريض نفسي

وقد لا يعلم اصلاً انه مريض نفسي

احنا كلنا نشوف نفسنا اصحاء واسوياء

لكن كم واحد فينا قابل دكتور نفساني

وقال له انت "سوي" نفسياً ؟!!


سبق وان نوقش هالموضوع باستفاضه

المريض النفسي ليس مجنوناً او مختل عقلياً

المريض النفسي يعاني اضطرابات نفسيه

مزمنه قد يعانيها اشخاص اخرون ولكن

ليس بنفس الحده فلا يطلق عليهم مرضى

ولكن لديهم اضطرابات نفسيه متفاوته ...


ومن منا يدعي خلوه من اي اضطراب نفسي

مهما كان بسيطاً فهو انسان يدعي الكمال !!!



الزبده من المقدمه هذي كلها ... ان العقد او

الاضطرابات النفسيه اللي نتكلم عنها بسبب

سلوكيات مثل تهديد الطفل قد لا تتعدى القلق او

الحساسيه المفرطه او الخوف او تقلب المزاج، او

التناحه (ماعرف ايش عكس سرعة البديهه) الخ...


وهي اضطرابات موجوده في حياتنا اليوميه ولا يكاد

يخلو منها نفر واحد


-- عدا من يدعي الكمال --



قد لا تصل الى مستوى

المشكله فنتعايش معها ونعتبرها ... طبيعه بشريه ...


وهي في الاصل سلوكيات اكتسبناها نتيجه

لطريقة معاملة والدينا لنا ...




كلامي مافيه شيء عن كره الأب او عدم احترامه..

كلامي وجهة نظري الشخصيه...


وشكراً لكم ..

[همر]

تستاهل علي هالرد اربع رنقات للهمر :victory:



حجم 22 وكروم ازا بتريد :shy:

[مختلفة عقليا]

يابختكم احنا غير

بنجيب لك بودرياه وحماره القايله :weeping:

:)

هلا .,

شنقول ., مساكين كانوا عايشين في جهل .,

اللحين تطوروا ., الحمدالله .,

يسلموو .,

[نور الحور]

المريض النفسي ماراح يقول عن نفسه مريض نفسي

وقد لا يعلم اصلاً انه مريض نفسي

احنا كلنا نشوف نفسنا اصحاء واسوياء

لكن كم واحد فينا قابل دكتور نفساني

وقال له انت "سوي" نفسياً ؟!!


سبق وان نوقش هالموضوع باستفاضه

المريض النفسي ليس مجنوناً او مختل عقلياً

المريض النفسي يعاني اضطرابات نفسيه

مزمنه قد يعانيها اشخاص اخرون ولكن

ليس بنفس الحده فلا يطلق عليهم مرضى

ولكن لديهم اضطرابات نفسيه متفاوته ...


ومن منا يدعي خلوه من اي اضطراب نفسي

مهما كان بسيطاً فهو انسان يدعي الكمال !!!



الزبده من المقدمه هذي كلها ... ان العقد او

الاضطرابات النفسيه اللي نتكلم عنها بسبب

سلوكيات مثل تهديد الطفل قد لا تتعدى القلق او

الحساسيه المفرطه او الخوف او تقلب المزاج، او

التناحه (ماعرف ايش عكس سرعة البديهه) الخ...


وهي اضطرابات موجوده في حياتنا اليوميه ولا يكاد

يخلو منها نفر واحد


-- عدا من يدعي الكمال --



قد لا تصل الى مستوى

المشكله فنتعايش معها ونعتبرها ... طبيعه بشريه ...


وهي في الاصل سلوكيات اكتسبناها نتيجه

لطريقة معاملة والدينا لنا ...




كلامي مافيه شيء عن كره الأب او عدم احترامه..

كلامي وجهة نظري الشخصيه...


وشكراً لكم ..




همر ..

مش ممكن !:omg:

طلع الإبداع طلع .. قمت تغرررد بعلم النفس والتربية ..

عجبني جداً وضوح الصورة عندك ..

أوافقك الرأي للمرة الثانية مادري الثالثة .. خلاص صرت من شلتك :nice:

[يمامـة]

المريض النفسي ماراح يقول عن نفسه مريض نفسي

وقد لا يعلم اصلاً انه مريض نفسي

احنا كلنا نشوف نفسنا اصحاء واسوياء

لكن كم واحد فينا قابل دكتور نفساني

وقال له انت "سوي" نفسياً ؟!!


سبق وان نوقش هالموضوع باستفاضه

المريض النفسي ليس مجنوناً او مختل عقلياً

المريض النفسي يعاني اضطرابات نفسيه

مزمنه قد يعانيها اشخاص اخرون ولكن

ليس بنفس الحده فلا يطلق عليهم مرضى

ولكن لديهم اضطرابات نفسيه متفاوته ...


ومن منا يدعي خلوه من اي اضطراب نفسي

مهما كان بسيطاً فهو انسان يدعي الكمال !!!



الزبده من المقدمه هذي كلها ... ان العقد او

الاضطرابات النفسيه اللي نتكلم عنها بسبب

سلوكيات مثل تهديد الطفل قد لا تتعدى القلق او

الحساسيه المفرطه او الخوف او تقلب المزاج، او

التناحه (ماعرف ايش عكس سرعة البديهه) الخ...


وهي اضطرابات موجوده في حياتنا اليوميه ولا يكاد

يخلو منها نفر واحد


-- عدا من يدعي الكمال --



قد لا تصل الى مستوى

المشكله فنتعايش معها ونعتبرها ... طبيعه بشريه ...


وهي في الاصل سلوكيات اكتسبناها نتيجه

لطريقة معاملة والدينا لنا ...




كلامي مافيه شيء عن كره الأب او عدم احترامه..

كلامي وجهة نظري الشخصيه...


وشكراً لكم ..



اللهم ياكفي الشر
اللحين العالم بنسبة 99% يدعون الامراض النفسية

[يمامـة]

همر ..

مش ممكن !:omg:

طلع الإبداع طلع .. قمت تغرررد بعلم النفس والتربية ..

عجبني جداً وضوح الصورة عندك ..

أوافقك الرأي للمرة الثانية مادري الثالثة .. خلاص صرت من شلتك :nice:

تدرين صحيح كتب علن النفس تتكلم
وصحيح الاخصائيين يتكملون

لكني حسب خبرتي في الحياة رأيت من اتبع اسلوب
التربية النفسية مع ابناءه رجع ويقول ياليت ربيناكم على حسب ما ربونا اباءنا..

وأكد لج مليون بالمية اللي اتبع اسلوب تربية اباءه له ولكنه حسنه في مواضع كثيرة
او قلل من العنف من غير داع هو اللي اليوم يشار الى تربيتهم بالبنان!!


اما اللي اتبعوا اسلوب الرتبية النفسية مع الأطفال
اشوفهم هم وعيالهم فيهم من الضغوطات النفسية اللي تعكس
سوء النتائج في غالب الأوقات ومع هذا اسمعهم يقولون ياليتنا ماربيناهم جذيه!!

والله على ما اقول شهيد

[همر]

همر ..

مش ممكن !:omg:

طلع الإبداع طلع .. قمت تغرررد بعلم النفس والتربية ..

عجبني جداً وضوح الصورة عندك ..

أوافقك الرأي للمرة الثانية مادري الثالثة .. خلاص صرت من شلتك :nice:



بعض ماعندكم يا ام الشغف...

اهم شي المبايعه تكون رسميه تحسباً

لأي انقلابات مستقبليه !





اللهم ياكفي الشر
اللحين العالم بنسبة 99% يدعون الامراض النفسية



مافهمت عليج .. انا اقول ينكرون .. شلون يدعون ؟!!

[يمامـة]

بعض ماعندكم يا ام الشغف...

اهم شي المبايعه تكون رسميه تحسباً

لأي انقلابات مستقبليه !








مافهمت عليج .. انا اقول ينكرون .. شلون يدعون ؟!!



انا قلت اني اراهم يدعون بغض النظر عما قلته انت
:shy:

[همر]

انا قلت اني اراهم يدعون بغض النظر عما قلته انت
:shy:



كلامج يدعم كلامي ...







بس تأميني شامل لا تحاتين ... شكراً لكي ...

[عثرة جواد]

اصراحه انا مصدومه من بعض الردودالي تئيدالتربيه >>بقول حق ابوك<<
مع انها غلط 100بل 100 حب الاباء هوالاصل والتربيه الحديثه هي تربية الرسول صلى الله عليه وسلم
الي علمنا اشلون نتعامل مع الابناء من قبل الحمل وبعدالولاده ومراحل العمرالمختلفة
لاضرب ولاتهديد ولاحرمان بل بفهم والقناع
ومستحيل اتلاقي انسان انظرب ف حياته مايكون عنده شي ف نفسه هاي نفس بشريه
لاتقولون ماسك اعلى مناصب اوشي وهاي الكلام عن تجارب مع ناس حتى افشلوف تربة عيالهم
لانكابروايد

[هسلان]

اشكر الجميع على اثراء الموضوع بالاراء والتجارب وسعيد جدا بالنقاش الجميل وباقي ان اطرح وجهت نظري في الموضوع وهي كالتالي
انا بصراحة مع استعمال هذه الكلمة ولكن بضوابط وفي اضيق الحدود وعندما المس انها تؤثر في الولد بصورة ايجابة ويكون خوف الولد من التهديد ناتج عن احترام للأب وليس خوف من العقوبة وأن يكون هناك اتفاق مسبق بين الوالدين على هذا النمط من التربية المبنية على الاحترام وليس الخوف
بعض الزوجات تصور الأب كانه وحش سيفتك بالولد وتزيد في تشويه الزوج بقولها لايدري ابوك بيفعل كذا وكذا وترسم صورة سيئة تبعد الولد عن الأب دون أن تدري
تحياتي للجميع

[الزعفراني]

هالأيام مافي بعلم ابوك .. الوضع تغير صار .. بعلم ( ميري ) :)

[sweet qatar]

تدرين صحيح كتب علن النفس تتكلم
وصحيح الاخصائيين يتكملون

لكني حسب خبرتي في الحياة رأيت من اتبع اسلوب
التربية النفسية مع ابناءه رجع ويقول ياليت ربيناكم على حسب ما ربونا اباءنا..

وأكد لج مليون بالمية اللي اتبع اسلوب تربية اباءه له ولكنه حسنه في مواضع كثيرة
او قلل من العنف من غير داع هو اللي اليوم يشار الى تربيتهم بالبنان!!


اما اللي اتبعوا اسلوب الرتبية النفسية مع الأطفال
اشوفهم هم وعيالهم فيهم من الضغوطات النفسية اللي تعكس
سوء النتائج في غالب الأوقات ومع هذا اسمعهم يقولون ياليتنا ماربيناهم جذيه!!

والله على ما اقول شهيد


العبرة في استخدام الأسلوب الي يناسبني ويرسم الصورة الي تليق بالرجل الي يحملون اسمه..

ما يهمني الأسلوب جديد ولا قديم .. اسلوب امي او غيرها!!

اشفيها اذا قلت بعلم ابوك !!

الطفل بيحس بالاهتمام .. حتى لو الاب غايب ومشغول يهتم لامره وأفعاله

يمكن البعض خذ الفكرة من ناحية سلبية جدا

اما انا اشوف ان الاب غالبا يكون حازم أكثر. . وهالشي الي ياسس شخصية الطفل بشكل أفضل

[ولي العهد]

ياما سمعناها يوم كنا صغار ولما كبرنا ماتعقدنا من كلمة (بعلم ابوك ) بالعكس عرفنا قيمة الاب ومكانة الاب وقوة شخصية الاب وهيبة الاب

[يمامـة]

كلامج يدعم كلامي ...







بس تأميني شامل لا تحاتين ... شكراً لكي ...



pardon

اللي فهمته من كلامك انك مع الحالات النفسية

بينما كلامي يصب في خانة مصطلح الادعاء.. يعني مافيهم الا العافية

[يمامـة]

العبرة في استخدام الأسلوب الي يناسبني ويرسم الصورة الي تليق بالرجل الي يحملون اسمه..

ما يهمني الأسلوب جديد ولا قديم .. اسلوب امي او غيرها!!

اشفيها اذا قلت بعلم ابوك !!

الطفل بيحس بالاهتمام .. حتى لو الاب غايب ومشغول يهتم لامره وأفعاله

يمكن البعض خذ الفكرة من ناحية سلبية جدا

اما انا اشوف ان الاب غالبا يكون حازم أكثر. . وهالشي الي ياسس شخصية الطفل بشكل أفضل

والأساس كل يربي عياله حسب ما يشوف انه يقدر يسيرط على تصرفاتهم..

مثلا يا سويت: اييجونج اب او ام يقولون احنا ما نحب نضرب عيالنا ولا نحب نهاوشهم
فتلقين في بعض الأماكن العامة الطفل يسبب ازعاج واذية للآخرين وهم مب قادرين يسيطرون عليه
لأنهم ما يحبون يعصبون عليه ومراعاة نفسيته في مثل هالمواقف ما تييب نتيجة..( نموذج سلبي )

تحصلين مثلا ام واب يأيدون الضرب،، الطفل من ادناة شي انضرب في المقابل لو سوى شي زين
قالوا له زين طلع منك شي زين ما بغيت ( نموذج سلبي )

تلقين ام وأب انضربوا وهم صغار وحتى وهم كبار في عمر 17 او 18 او 19 حتى من امهم او ابوهم
ومع هذا يستخدمون مزيج من التربية اللي تربوا عليها بالاضافة الى ادخال اساليب جديدة في التربية.
فهم انضربوا صحيح لكن ما تلقين عيالهم مرينهم على الضرب على طوووووووووول الطريق
نبي النتيجة في الأخيرة الأم لقالت للطفل وهو عمره 15 سنة أمر او طلبت منه شي
اشلون يرد عليها ؟

هالعمر اللي ممكن نقول احنا احسننا التربية او لا ،، اذا الطفل كان يقدر ويحترم كلمة امه وابوه
في عمر مابين 13 لين 18 ويرد عليهم ابأدب واحترام ويخاف من ردة فعلهم تجاهه
عني اعتبر هذا الطفل متعوب عليه في التربية سواء راعوا نفسيته او كسروا له راسه.

[همر]

pardon

اللي فهمته من كلامك انك مع الحالات النفسية

بينما كلامي يصب في خانة مصطلح الادعاء.. يعني مافيهم الا العافية



اخخخخخ ... توقعتج بتفهمينها وهي زاحفه !

يلا ... نكست تايم ان شاء الله ...

لأني ماقدر اشرح اكثر :)

[يمامـة]

اخخخخخ ... توقعتج بتفهمينها وهي زاحفه !

يلا ... نكست تايم ان شاء الله ...

لأني ماقدر اشرح اكثر :)



شوف ممكن افهمها في حالة انك شسمها هالكلمة اللي يستخدمونها في حال
انك تكتب شي وانت تقصد شي ثاني ؟

ساعدني احس ذاكرتي ضعيفة هاليومين ؟...............> ممكن تذكرني لو سمحت :shy:

[QTR TV]

هالكلمة تعني ان الأب فارض سلطته على البيت

لما كنت أسمع هالكلمة من أمي .. كنت انتفض مب رعب من ابوي

بس أخاف يزعل علي وتتغير فكرته عني

نفس الشعور الي كان يجيني أهنئك عليه يالشيخ وهذي تعزز الثقه بنفس وتحفزها في نفس الوقت وتصحي الضمير منذ النشأه