حفر ومطبات

[Abu Muhsen]

السلام عليكم ورحمة الله وبركاته ...

كثير ما نتحدث عن الحفر والمطبات بالشوارع ... وعن اخطارها ...
لكن يمكن قل ما قرات انه شخص يكتب انه صارله ضرر مادي بسبب حفرة .. او ما قرات اساسا ... لكن الحقيقة لو الواحد سوى تشييك في ميزان الكتروني يمكن يلاقي مصايب ....

امس رحت الصناعية محل كيوتاير بشارع 21 مقابل سوق العطية ومشيت من شارع الوكالات بالشوارع الداخلية الى ان وصلت الى سوق العطية ... اقسم بالله في حفر بالشوارع يمكن بفوريل وبوالين يعني سيارة مرتفعة جدا ولو صار وانك نزلت فيها بالغلط الله اعلم ايش بصير بالسيارة .... وفي دوارين ثلاث على حوافهم وكا انها هاوية يعني كا انه وادي لو السيارة بالغلط لفت مع الواحد الله اعلم ايش بصير ... .. انا معاي صالون صغير وماشي وحط يدي على قلبي .. وقدامي شاحنات اشوفها وهي ماشية على الحفر ترتفع وتنزل اقول انا ايش بصير معاي اذا الشاحنة يا الله مدبرة نفسها ... الشوارع الداخلية بالمنطقة الصناعية شيئ لا يمكن تصوره ..

اما بالفرجان ... انا ساكن في بن محمود في شارع جنب العمارة الي اسكن فيها ...انحفر بالعرض لانه ينبنى عمارة جديدة وتسكر الشارع يمكن شهر ...بعدين حطو اسفلت وخلاص ...بعدين صار في انهيار بالمنطقة المحفورة وحفرة كبيرة جدا والشارع مظلم ... انتا وحظك عاد.... من اكمن يوم حطو عليها هذا المخروط الاحمر للتحذير ولم يتحرك ساكن ...في شارع اخر في بن محمود الشارع يوسع سيارتين رايح جاي ... في حفرة بي احد الاتجاهين لها عمق يمكن من 15 الى 20 سم وعرض سيارة ... فلما يتقابلو سيارتين واحد ينتظر الثاني عشان يعدي لانه مكان الحفرة صعب المرور فيه والحفرة متروكة ولا عليها تحذير ولا حاجز ولا شي ... واذا كان السائق مش من المنطقة فراح ياكل الحفرة والسلام ...

مدخل تيك اويه السد الي راح هالفرع فالطريق ترابي بعدين يجي جبل لازم تطلعه عشان توصل المطعم بصالون العملية صعبة جدا ...

الحديث يطول جدا ....

لكن الذي اريد ا ن اقوله انه في حفر قد تكون نتائجها كارثية على السيارة والله وحده يعلم ما يمكن ان تسبب ! وانا عن نفسي تخسرت كثير بسبب الحفر الفجائية

الحذر الحذر اخواني ... وهل من طريقة لابلاغ البلدية او في جهة معينة ممكن نبلغها بي امكان الحفر ؟؟؟

[العلياا]

موضوعك جاء في وقته

بخصوص الحفر صوب دوار معيذر اظهرت عقب المطر
وخصوصا وانت جاي من صوب وذنان نازل على اشارات المناصير !!

اما المطبات وهي الامر المضحك
من كم يوم رحت زيارة لبيت رفيجتي وانا داخله فريجهم لقيت مجموعة دريوليه يسوون مطبه بروحهم
وحاطين حواليها طابوق وخشب !!
وانا طالعه من عندها حاولت اتجنبهم ف رحت الشارع الثاني وماشاءالله قربت اشوف سطح الفلا اشفيه !!

وبخصوص استفسارك الله أعلم : )

[Abu Muhsen]

موضوعك جاء في وقته

بخصوص الحفر صوب دوار معيذر اظهرت عقب المطر
وخصوصا وانت جاي من صوب وذنان نازل على اشارات المناصير !!

اما المطبات وهي الامر المضحك
من كم يوم رحت زيارة لبيت رفيجتي وانا داخله فريجهم لقيت مجموعة دريوليه يسوون مطبه بروحهم
وحاطين حواليها طابوق وخشب !!
وانا طالعه من عندها حاولت اتجنبهم ف رحت الشارع الثاني وماشاءالله قربت اشوف سطح الفلا اشفيه !!

وبخصوص استفسارك الله أعلم : )

حياك الله اختي ..

في شارع يمتد من مدرسة الاستقلال سابقا في السلطة يوصل لطريق 22 فبرابر يمكن كان في الشارع 3569 مطب والكثير منهم عشوائي . وتم ازاله الكثير من المطبات
وانا عن نفسي مرة تعلقت على مطب والتواير الي قدام صارت في الهوا ... اكيد مش غشامة مني بس ما توقعت يكون المطب بهالارتفاع والشارع ظلام اسود ...

المطبات لها مواصفات ومقاييس يجب العمل بها

[بوحارب]

بومحسن صبحك الله بالخير


شكلك ما شفت الحفرة اللي في شارع 10 بعد كراج دكار

والله يمكن التريلا تنشب فيها وما تطلع هههههه


بس للأمانة اكثر شوارع الصناعية تم صيانتها
وحالها الحين افضل من قبل بكثير

[بوخالد911]

شوراع المنطقة الصناعية يبيلها تغيييييييييييييييييييييييييييييييييييييييييييييييي يير عن بكرة أبيها

[الطيب عنواني]

السلام عليكم ورحمة الله وبركاته ،،،


أنا والله كنت متضايق من المطبات الموجودة بالمناطق بكثرة وقامت تسبب للواحد زحمة إذا بغى يطلع من المنطفة أو يدخل

لكن عقب موقف سار امس سرت افكر أحط مطب قدام بيتي ياخوي سار الشارع اللي قدام بيتي ساحة استعراض لانه الشارع الوحيد اللي مافيه مطب

وعرفت ليش الناس تحط مطب بسبة الأذية اللي تحصلها من هالشباب المتهور ..

الله يهديهم ويحفظ عيالنا من كل شر ..

[Abu Muhsen]

بومحسن صبحك الله بالخير


شكلك ما شفت الحفرة اللي في شارع 10 بعد كراج دكار

والله يمكن التريلا تنشب فيها وما تطلع هههههه


بس للأمانة اكثر شوارع الصناعية تم صيانتها
وحالها الحين افضل من قبل بكثير

صبحك الله بالنور والسرور ....
صادق اخوي انا شفت شوارع كا انه واحد قاطع بسكينة مربع من الشارع وتارك بير مو حفرة ...حتى فورويلات ما تمشي
يعني عادي تروح تصلح السيارة وتطلع بمشكلة ثانية

[Abu Muhsen]

السلام عليكم ورحمة الله وبركاته ،،،


أنا والله كنت متضايق من المطبات الموجودة بالمناطق بكثرة وقامت تسبب للواحد زحمة إذا بغى يطلع من المنطفة أو يدخل

لكن عقب موقف سار امس سرت افكر أحط مطب قدام بيتي ياخوي سار الشارع اللي قدام بيتي ساحة استعراض لانه الشارع الوحيد اللي مافيه مطب

وعرفت ليش الناس تحط مطب بسبة الأذية اللي تحصلها من هالشباب المتهور ..

الله يهديهم ويحفظ عيالنا من كل شر ..

وعليكم السلام ورحمة الله وبركاته اخي الكريم ,,,
انه الواحد يتوخى سلامته وسلامته اهل بيته فهذا حق مشروع طبعا وانا معاك في ناس لا تحترم حدود سرعة ولا انها ماشية بفريج ... والبيوت المطلة على الشارع الله يكون بعون ساكينها ان كان الشارع رئيسي بفريج ... لكن قصدت اخي تنظيم عمل المطبات حسب المواصفات المعتمدة ... لان الكثير من المطبات عشوائية الصنع

[Abu Muhsen]

شوراع المنطقة الصناعية يبيلها تغيييييييييييييييييييييييييييييييييييييييييييييييي يير عن بكرة أبيها

فعلا لانه المشي فيها فوضى ما بعدها فوضى الحمدلله انه الوكالات الرئيسية بعيدة عن الشوارع الداخلية

[حسن]

المشلكه ياابومحسن كان عندنا عده سيارات ومكتوب عليها شغول
وكانت تدور في الفرجان والشوارع على قوله المسؤلين
انها تدور حفر ومطبات
ومن يومها من خرجو ماعاد عادو شكلها مادري في مطبه طايحه

[Abu Muhsen]

المشلكه ياابومحسن كان عندنا عده سيارات ومكتوب عليها شغول
وكانت تدور في الفرجان والشوارع على قوله المسؤلين
انها تدور حفر ومطبات
ومن يومها من خرجو ماعاد عادو شكلها مادري في مطبه طايحه
حياك الله اخوي حسن ...

انا كوني ساكن في فريج بن محمود ... والف بالشوارع الداخلية فا اشوف الكثير ...وسبحان الله تم الحديث كثيرا عن فريج بن محمود واهتراء الطرق الداخلية لكن تغيير حقيقي مافي ...
المشكلة اخوي عنا تقاطع هذا يا يومي يصير فيه حوادث يا بالاسبوع اربع مرات والله العظيم مرات حوادث خشنة السيارة ما تمشي .. مش معروف لمن الاولية ..... هذا اخطر تقاطع مر عليي من كثر الحوادث الي اشوفها فيه ...

هذا غير لما يكون شارع فيه حفرة وسيارتين متواجهين شف عاد ايش ممكن يصير لا قدر الله اذا واحد هرب من الحفرة ودعم الي جاي بوجهه ..

انا مستعد اقدم للبلدية ولا اشغال تقارير مفصلة وين فيه حفر بالاحدثيات وبالصور بعد .... بس يسمعون لي :(

[مختلفة عقليا]

السلام عليكم .,

الصج اني صرت استغفر في اليوم 100 مره من كثر ما اسبهم وادعي عليهم ., :)

موتري مسكين والله هالموتر ., صالون ., والمطبات حزات تضرب ماعرف شنو .,

ياخي والله حرام اللي يصير ,, شكلي بشتري تريله .,

يسلموو .,

[Abu Muhsen]

السلام عليكم .,

الصج اني صرت استغفر في اليوم 100 مره من كثر ما اسبهم وادعي عليهم ., :)

موتري مسكين والله هالموتر ., صالون ., والمطبات حزات تضرب ماعرف شنو .,

ياخي والله حرام اللي يصير ,, شكلي بشتري تريله .,

يسلموو .,

حياكي الله اختي ...

والله اختي انا خاطري اعرف كيف اصحاب السيارات الرياضية الي نازلة في الارض عادي يمشون في الشوارع الداخلية