اهمال الشواطئ ومخلفات الرحاله !!! يوجد صور

[حسن]

السلام عليكم روحمه الله وبركاته

موضوعي اليوم عن اهمال المسؤولين عن دورهم وعن اهمال المواطنين وغيرهم من مرتادي الشواطئ
كثر ماشوف من بعض الرحال بعد الانتهاء من كشتته يخلف وراه زبالته ويتركها
انا استغرب لماذا هذا الاهمال مع العلم ان كان بمقدوره توصيلها الى بعض البراميل المخصصه
ومع العلم ان البعض سيارتهم بياكم وفيها سعه
الشى اللي يحز في خاطري انك تشوف هذه المخلفات بشكل بشع
ومنظرها على الارض يحزن
تقول هل هذا التصرف يعتبر سلوك حضاري !
هل هذا التصرف ينم عن انتماء لهذا الوطن !
هل هذا التصرف ينم على وعي !

اعترف ان هناك اهمال لدى المسؤلين اعترف ان هناك تصادم في الاختصاص اعترف ان مانعرف من الجهه المسؤله ؟؟؟
اعترف ان في ناس مهب قد الكراسي !!

والمشكله شاطرين بدل علاج هذه الظواهر اسهل شي رفع تقرير للمسوؤلين
يالله نسكر المكان بشبوك ونحرم المواطن منها !!

هذا ليس حل ياساده ؟
لا تسون بلادنا سجن مانعرف وين نروح وتحرمونا من متعتها لجل مجموعه بشمرقه واهمال مراقبه
واهمال توعيه واهمال اخلاص في العمل ؟

الحل من وجهه نظري
1_ توزيع براميل للزباله على جميع شواطئ قطر وموجوده ببلاش مرميه في الزباله
واستغلوها استغلال الامثل.
2_ وضع لوحات ارشاديه على جميع الشوطئ المتبقيه لنا كمواطنين.
3_تنظيم دوريات الموظفين المختصين لديكم والعدد عندك اكثر من قوه الجيش.
4_توزيع اكياس زباله على الرحاله من قبل دورياتكم لاحساس الرحال بان هناك من يراقب وتابع.
5_ فتح الباب للتطوع من المواطنين والمقيمين واعطائهم ضبطيات قضائيه لمساعده ومستعدين بدون
مقابل ولا راتب نهائي .

هذه مجموعه ملاحظات غير مكلفه نهائيا وببلاش وبدون خبير ولا مستشار
وبدون مكافئه وبدون منه
من مواطن قطري اصيل غيور على بلده

واترك لكم الصور وشاركونابالمقترحات اذا حد يبي يظيف
عل وعسى توصل الى رجل رشيد

تحياتي

حسن

http://im66.gulfup.com/Iehrpe.jpg (http://www.gulfup.com/?e8PIIV)


http://im66.gulfup.com/eZjkXn.jpg (http://www.gulfup.com/?5pbdKY)


http://im66.gulfup.com/cFuSmp.jpg (http://www.gulfup.com/?xSShxM)


وهذه صوره بعض مخلفات الرحاله

[ولد العرب]

يعني الرحاله يابلفيت حطها بالزباله وسوى الواجب :anger1: كان كمل جميله ووداها الحاويه

طيب سؤال اقرب حاويه من موقع الرحاله وين او اصلا مافيه

هنا مشكله

[قطريه ماركه]

زين انهم حطوا مخلفاتهم بخريطة الزباله *__*

[حمد 2002]

اشكررررررررررررررررررررررررك وبعنف على تلك اللفته الطيبه ومنا للبيئه ..

[حسن]

يعني الرحاله يابلفيت حطها بالزباله وسوى الواجب :anger1: كان كمل جميله ووداها الحاويه

طيب سؤال اقرب حاويه من موقع الرحاله وين او اصلا مافيه

هنا مشكله

مرحبا ياولد العرب

اقرب حاويه عن الموقع المذكور كانت 200 متر
وش تسوي بمخلفاتى الجمسي الحمر بوغمارتين بوشد خشب
ناس ماعندها سنع وابتينا بهم

وحياك الله يولد العرب

[حسن]

زين انهم حطوا مخلفاتهم بخريطة الزباله *__*

لا والله الزين لو وصلوها الى قرب حاويه رغم انا وضعنا الكثير منها
وبعدين هل الرحاله يحطها في كيس وتركها هل يفكر ان البديه هني تنظف ولا اساسا من ينظف
الموظفين يشوفون ولا حد يقول باشيلها
رغم ان وظيفته ومن تخصصه
ولكن وين الضمير

الله المستعان

[بوحارب]

تعال شوف سيف بحر الخليج الغربي يوم الجمعه

بتنصدم من كثر الوصاخه هناك!

[العلم]

حسن .. اشكرك على الموضوع ..

عندي سؤال لك وللأعضاء ..


هل شفتوا شاطئ سلوى اللي فالسعودية مقابل شاطئ ابو سمرة .. شرايكم في الترتيبات فيه ؟؟

[R 7 A L]

انت تعال حديقة سباير بعد الفجر وشوف المهزله الي خلفوها هل السهر
مع العلم ان فيه امن يدورون 24 ساعة

[alsoq]

انا اقترح اخوي حسن انه يكون في الويكند تسير سيارات مفتشين يشفون من المخالفين
ويعطونهم مخالفه لا تقل عن 2000 اغلب رواد الشواطي اجانب

[تغلبية]

انا بعد اشكرك بعنف ... برنا وبحرنا مايهونون علينا ومن أعز وأغلى ممتلكاتنا ..

لما نشوف هالمخلفات ينغصون علينا الرحلة


وبعد انا اقترح ان من وسائل التوعية يعممون على المساجد و يخصصون خطبة من خطب الجمع عن أهمية النظافة في الاسلام وأهمية الحفاظ على الأرض والبحر وعدم الفساد فيهما .. بعد اذا ماخافوا من القوانين غير المفعلة يمكن يردعهم القانون الرباني.

[QTR TV]

مشكور يا بوعلي وفي ميزان حسناتك هذي المواضيع الي تسر الخاطر

[مختلفة عقليا]

السلام عليكم .,

والله انقهرررررررررررررررر من هالناس ., ما يحبون قطر !! والا اشلون تفكيرهم .,

انا ابي اضيف شي ,’

يحطون ارقام الجهه المختصه عشان انعرف اشلون انبلغ .,

لو قطري ما اقدر اكلمه .,

بس لو اجنبي بطلب منه يشيل الاغراض ., ولازم كلنا انسوي هالشي .,


ويسلموو .,

[يمامـة]

شوف يا بوعلي بالنسبة للبحر ما ادري عنه،، لكن للبر حسب اخر خروج من المنزل بعد سنين
الى المناطق الصحراوية في فصل الربيع لاحظت انتشار أكياس القمامة المدحوبة في كل مكان..
ولكن للأسف ما لقينا حاويات للقمامة هذي!!

فكيف ممكن يا ترى بتشحن الاكياس اللي فيها القمامة معاك في السيارة لمسافات بعيدة علشان
تحط فيها القمامة؟!!

فالاقتراح ان تكون هناك حاويات للقمامة على مسافات محددة بلوحات ارشادية
مع توعية الناس على ضرورة رمي المخلفات في الحاويات هذي..

[خليفـة]

اقترح ان يتم تعيين حسن لوظيفة مراقب نظافة شواطئ
نظراً لتواجده الدائم على الشواطئ مثل التمساح

موضوع مهم يا بوعلي
والانضباط الذاتي اهم من مراقبة الاخرين لك

خليفة

[يمامـة]

اقترح ان يتم تعيين حسن لوظيفة مراقب نظافة شواطئ
نظراً لتواجده الدائم على الشواطئ مثل التمساح

موضوع مهم يا بوعلي
والانضباط الذاتي اهم من مراقبة الاخرين لك

خليفة

هاهاها حسن التمساح المشرف العام على الشواطئ:weeping:

ولازم يتم تزويده بلابتوب وخدمة نتج مجانية على مدار الساعة
ولا بنشوف له وجود في المنتدى !!

[ثنايا الروح]

يجب على الانسان مراقبه الله سبحانه وتعالى

[مشاكل]

انا بكون صريح معاك
محد يترك وصاخته بعد مايقوم من مكانه الا الاجانب ،،، الا من رحم ربي
وكأن الواحد فيهم يقول مال عمك مايهمك

[حسن]

اشكررررررررررررررررررررررررك وبعنف على تلك اللفته الطيبه ومنا للبيئه ..

لا تشكرني ياحمد هذا واجب علي وهذه بلادي
يجب ان يكون هناك اهتمام والحمدلله الدوله موفره الكثير
ولكن التنسيق لا يوجد بينهم
شغل كلام فاضي وتلميع لفلان وعلان

وشكرا يابوشهاب

[معماري قطري]

بكل بساطة من أَمن العقوبة أَساءَ الأَدب

والعقوبة تحتاج آلية ولو يستنكرها المجتمع ويبلغ أَي حد عن مرتكبها وتكون فيه آلية سهلة للعقاب محد بيخالف

شفت شواطيء كثيرة في مناطق عدة في مدن أَمريكا ولا شفت الا كل نظافة والكل يحترم نفسه ولا يحاول يترك شيء

[qatari 111]

إلقاء أو ترك مخلفات الطعام في الحدائق أو على الشاطئ أو في الأماكن العامة أو الأراضي الفضاء

هذا دور مفتشي النظافه بالبلديه اللي تتبع هالمنطقه .

نصيحه اذا تبي تنفض المسوؤلين طرش الصور لهالموقع والوزير دايمن يتابع الشكاوي ..

http://www.baladiya.gov.qa/cui/view.dox?id=408&siteID=1

[شيخ الديرة]

مزيد من القوة والعزيمة لك يابو علي ، ياريت الكل مثلك أو على الأقل يسمع نصائحك.

والرجاء تقليل اللوم عن الأجانب، إلا إذا تقصدون الأجانب اللي جايين من الشرق

[چواهر]

اقترح ان يتم تعيين حسن لوظيفة مراقب نظافة شواطئ
نظراً لتواجده الدائم على الشواطئ مثل التمساح

موضوع مهم يا بوعلي
والانضباط الذاتي اهم من مراقبة الاخرين لك

خليفة


هههههه يستاهل أخونا بوعلي يا خليفة

خل يسوي لنا جلسة لأعضاء المنتدى قسم نسائي وقسم آخر رجالي.


وأحييك أخوي حسن على غيرتك على بلادك والله يكثر من أمثالك .

[الزعفراني]

انا اقترح فوق اللي ذكرته اخوي حسن .. يسوون كاميرات مراقبه .. هالكيمرات اللي تجيك مدوره كنها كوره اللي نشوفها في بعض الشوارع وعند مكاين الصرافه .. بحيث تراقب اللي يوصخ المكان

[جراح]

إلقاء أو ترك مخلفات الطعام في الحدائق أو على الشاطئ أو في الأماكن العامة أو الأراضي الفضاء

هذا دور مفتشي النظافه بالبلديه اللي تتبع هالمنطقه .

نصيحه اذا تبي تنفض المسوؤلين طرش الصور لهالموقع والوزير دايمن يتابع الشكاوي ..

http://www.baladiya.gov.qa/cui/view.dox?id=408&siteID=1

بتنفضهم نفاض

[كازانوفا]

حديقة الخليج الغربي انا متعوده كل سبت الصبح اروح اتمشى هناك الله لا يوريكم شئ لا يوصف مش عارفه ايش بيخسر الواحد فيهم لو شال وساخته معاه
والمصيبه درمات الزباله الله يكرمكم فااااااااضيه طيب ليششششش لهدرجه كسسسل
والبحر كرهت روحته لنفس السبب

[حمد 2002]

من أمن العقوبة أساء الأدب

[حسن]

من أمن العقوبة أساء الأدب

صدقت والجهل الديني والثقافي ادمر شي

السموحه راجع الى باقي الردود

حمد تعال ابيك فوق

:telephone:

[النهار]

صدقت والجهل الديني والثقافي ادمر شي

السموحه راجع الى باقي الردود

حمد تعال ابيك فوق

:telephone:

اجي معاه ولاتبيه بروحه :eek5:

[حسن]

اجي معاه ولاتبيه بروحه :eek5:

تعال يااخي مخليني بروحي قاعد اصد
عنبو غيركم كلمه شكر عاد ولا يزاك الله خير
الى هذه الدرجه مسوين لكم ربط لسان وهذا بالقناع شلون انا المكشوف وفي من ينقل الاخبار

هاهاهاها
تعال ياراعي الذهب فوق

:telephone:

[حسن]

تعال شوف سيف بحر الخليج الغربي يوم الجمعه

بتنصدم من كثر الوصاخه هناك!

في وين يابوحارب كان صورت ونزلتها في موضوع
تراني ماعرف وين الخليج الغربي اقصد بحره وهو في بحر شرق

اتمنى لو صورت وضعت الصوره وهل توجد حاويات ولوحات ارشاديه ولا لا

اشكرك يابوحارب على المروروالتدوريات

:)

[Riku3]

من كم شهر نزلت صوب بحر بو فنطاس الي ازوره كل كم اسبوع لانه قريب بيتي وحلو للتنفيس عن الاطفال بشكل سريع وكنت ملاحظ عائلة عربيه تنزل تحت شجره كبيرة كل جمعه وتسهر لين اخر الليل ودوم تترك الزباله مع ان الحاوية قريبه منهم جداً .. وبيوم رحنا خلال ايام الاسبوع وما كانوا موجودين بس انكسر خاطري وحتى وقفت السيارة ونزلت جنب الشجره ولقيتهم قطعوها من كل الجهات وقرعوها بس تركوا الفرع العالي للظل ! .. حسبي الله عليهم عبالهم البيئة ملك لهم لان بيجونه كل اسبوع مره لهم الحق يقطعون الشجر ويوصخون المكان .. لو كنت موجود وقت القطع ما كنت بتردد اتصل الشرطه :/ ..

والله هالبحر ما يلحقون ينظفونه كم يوم الا يرجعونه وصخ واكثر الرواد اجانب عرب والمكان فيه حاويه بس مافي فايده .. وهذا ينطبق على كل الاماكن الثانية .

[QTR TV]

الحل ان يعطون كل مواطن قطري عمره تعدى الأربعين سنه وملفه الأمني خالي ضبطيه قضائية حزتها شوف النظافة شلون بتكون

[S S]

الحل ان يعطون كل مواطن قطري عمره تعدى الأربعين سنه وملفه الأمني خالي ضبطيه قضائية حزتها شوف النظافة شلون بتكون
يكون احسن فوق ظ£ظ* وفكرتك ممتازة بس وين الي بيطبق

[حسن]

لاقتراب موسم التخيم يرجي المحافظه على البيئه

[يوسف0]

خل البلديه يحطون لوحه رسميه للي يرمي المخالفات بيدفع خمسين ألف

وتصيد كمن واحد وتعطيه تحذير أولي وينشر فالجرايد

وانسى حد يوصخ بعدها

[طلعة الروح]

وين الصور

[بانغ بانغ]

اتمنى حد ايمر شاطئ الوكرة وام الحول صوب العوايل

والله شواطئ تعيسة ومحد مهتم فيها ...

للاسف

[بوخالد911]

الصور مش طالعة.

[العفراء]

استاذ حسن احنا بكل اسف اكثر شي ملعوز بيئتنا هو نقص التوعيه
الحفاظ ع البيئة تحتاج شويه ثقافه
بس اظن حاليا وايد من الشباب متثقفين و راقيين بتصرفاتهم فاتوقع خلال خمس سنين
ما بنشوف مثل هالمناظر الكئيبه