الصراحة ماعترف في الدكاترة صغار السن

[بوحارب]

السلام عليكم

الصراحة لما اشوف دكتور صغير في السن
على طول يجي في بالي ان التشخيص بيطلع غلط
وبيعطيني دوا غير عن الداء اللي فيني

مثال؛ انت فيك الم في الظهر يعطيك حبوب منع حمل:)<< مثلاً

وخاصة ذاك الدكتور اللي يقرى من الدفتر خلال كتابته للوصفه الطبية ما يطمن ابداااااا

فياريت نشوف دكاترة خبرة وأصحاب باع طويل في مجال الطب
مب شباب وشابات توهم متخرجين من كلية الطب ويتعلمون على خلق الله !

اللي راح أوروبا وأمريكا وتعالج هناك أكيد شاف الأطباء يمكن اغلبهم أعمارهم فوق 60 سنة

الصحة غالية وشكرا والسموحة من الأطباء الشباب على هذي الخربشه السريعة :)

[مختلفة عقليا]

السلام عليكم

:anger1:

ما فهمت يعني يتخرجون ويروحون البيت ., ؟؟ لين صار عمرهم 60 اييون ., ؟؟

لا لا غلطان بالعكس ., العمر ماله خص .,

ممكن انقول العمليه والاشياء الخطره ما يتدخلون فيها الا عقب فتره طوووويله .,

بس تشخيص المرض وخصوصا الامراض العاديه او السهله ., مافيها شي .,

امسحوها ابويهي يالدكاتره ., :nice:

ويسلموو .,

[R 7 A L]

في رأيك هالصغار
ماهو المفترض عليهم القيام به وهم في هذة المرحلة ؟

[أسد الجزيرة]

الصغار ارخص

[بوخالد911]

هلا بك

اسمح لي بختلف وياااك
كل دكتور ذو خبرة ، بدأ وهو صغير

ما في دكتور انولد والخبرة ببطنه


لازم يتعلم ( ويجيييك:secret: ) ويتدرج ليييين يوصل لمكانة مرموقة

الخلاصة : الخبرة تأتي بالتدرج والتعامل مع الناس والمواقف التي يتعرض لها الدكتور

[نور الحور]

ههههههههههه ..

عيل شلون بيتعلمون بو حارب ؟

لازم يتدربون على خلق الله ..

لكن تحت إشراف طبيب أكبر وأكثر خبرة .. والجراحات تكون تحت إشراف استشاري كبير ..

وفي الأخير اللي بيحكم نقاشك للدكتور نفسه ..

بعضهم ترى فاهم شغله عدل وحاب مهنته بشغف ..

وبالعكس ممكن وقد يكون وربما يكون رايه سديد وعصري وفيه حلول علاجية جديدة ..

فإنت حاول تسأل عن الدكتور وتناقشه لين تتطمن .. الصحة مش بعزئه يا قدعان :this:

[يمامـة]

المفروض الدكاترة الصغار يتمون مرافقين للاستشاريين فترة طويلة علشان يكتسبون من خبرتهم..

ومع هذا ياما صادفنا دكاترة صغار بس ما حسينا بإحساسك يا بو حارب

تعوذ بالله من الوسواس و تفاءل خير والله خير الحافظين.

[مشاكل]

اغلب الدكاترة كبار السن متمسكين في صرف ادوية عفى عليها الزمن ،،، بالرغم من توفر ادوية حديثه ومتطورة ،،
عموماً ،،، مهنة الطب لاتصقل الا بالممارسة ،،، ولاشك ان هناك دكاترة كبار فالسن ولهم باع طويل فالمهنة الا انهم فاشلين والعكس صحيح ،،، انا اشوف ان اي مهنة اذا كان صاحبها يمتلك الموهبة والذكاء وحب المهنة والبحث والتطوير في مجال العمل ،،، وقتها ستجد الابداع والاحتراف والاتقان فالعمل

[زبرجد]

ما ألومك يا بوحارب هذي من الضيم إلي جفته منهم . كلهم فاشلين كبيرهم وصغيرهم يا ما ذبحوا أوادم وياما ناس دخلت عليهم صاحية وتمشي على رجولها وطلعوا بنقالة .
ما جفت مثل الدكاترة بجوفة النفس مادري على شنو ؟ على الفشل إلي هم فيه ولا على المقصب إلي فاتحينه في المستشفى . لو أحد من هله ما تعامل معاه إلا بكل إتقان وإهتمام .

[بو خليفه 123]

أنا الي اخبره ان الدكاتره الصغار بالسن يكونون بالعاده مرافقين للاستشاريين . والاستشاري هو الدكتور المخول بتشخيص حالتك او مرضك .

اما الدكتور بو 25 سنه هذا زين حق الاجازات المرضيه يكون توه يبغي يكون له قاعدة مراجعين . :tease:

[طبيب قطري]

الكبار والصغار لهم نفس الاهميه .. وبعكس الفكره السائده ان الصغار يدربونهم على المرضى فهذا شي غير صحيح بالمره لان الخريج الجديدغير مسموح له يشوف مريض بنفسه وبدون اشراف من دكتور سينيور ( اكبر منه) وماياخذ اي قرار بالعلاج او غيره فقط هو يتابع الحالة ويعطي السنيور اخر المستجدات وبهالطريقه يتعلم منه بدون ان يأذي المريض بسبب قلة خبرته..

[معماري قطري]

بو حارب ما قال الا الصحيح

زرت عدة أَطباء في أَمريكا وما شفت طبيب صغير الا متدرب وموجود يناقش الشيبة ويجتهد حتى يتعلم .. حتى طبيب الأَسنان كان في الثلاثينات وفاهم لكن جاب رئيسه اللي شيبه وشرح له شبيسوي معاي وخذ موافقته وبدأَ شغله .. وما يشرح عشوائي لازم يراويه الصور والتحاليل إِن وجدت ويذكر له تاريخ المرض

[الحياة الخالدة]

ما ألومك يا بوحارب هذي من الضيم إلي جفته منهم . كلهم فاشلين كبيرهم وصغيرهم يا ما ذبحوا أوادم وياما ناس دخلت عليهم صاحية وتمشي على رجولها وطلعوا بنقالة .
ما جفت مثل الدكاترة بجوفة النفس مادري على شنو ؟ على الفشل إلي هم فيه ولا على المقصب إلي فاتحينه في المستشفى . لو أحد من هله ما تعامل معاه إلا بكل إتقان وإهتمام .

و ياما ناس دشوا شبه ميتين و طلعوا ماشين على رجولهم ( طبعاً برحمة ربنا أولاً ) .. و مو كل الدكاترة شايفين نفوسهم على الناس ..
هم بشر مثلهم مثل غيرهم .. و من الخطأ تعميم كلامج على كل الدكاترة

[حسن]

بوحارب حدد مستشفى الحكومه =يعني الدوله ولا المستشفيات الخاصه التجاريه
هناك فرق

بالنسبه لحمد او اسبيتار الدوله من زمان وانا اشوف مجموعه دكاتره مع اسشارين
يسمعون شرح الاستشاري
اما عندنا في المراكز الصحيه يعني على حسب قددم المركز
وهذولا اكثرهم طبيب عام يعني كحه زكام بلاعيم مقص يعني الحين صار الواحد بنفسه
يعالج نفسه يمر الصيدليه ويقوله ابي علاج زكام ولا كحه ولا غيره من الاشياء البسيطه
انا اذا كان شي جايد يوحلك على مستشفى الحكومه

وماتشوف شر

[رهج السنابك]

بالعكس انا اعتقد الصغير الي له خل تقول عشر سنوات خبره افضل من الشيبه
لانه يكون متدرب على الاجهزه الحديثه ومعلوماته ابديت حتى مرحله دراسته متقدمة اكثر لانه بيكون دارس الاحدث طبيا
ياما دشيت على اطباء كبار بالسن ويكتبون لي ادويه منقطعه من ثلاث واربع سنين
او جراحين متعودين على الطريقه القديمه في العمليات ومايبي يجرب الطريقه الجديده

حتى الاسنان مثلا بعضهم ينصح بشي لانه خريج المدرسه الفلانيه وتروح تستشير غيره ويذم في الي قبله لانه خريج مدرسه طبيه ثانيه


فمثلا الي خريجي الطب الايرلندي لهم بروسيجر معين
خريجي الطب الامريكي غير
والبريطاني غير
وهكذا

[يمامـة]

بالعكس انا اعتقد الصغير الي له خل تقول عشر سنوات خبره افضل من الشيبه
لانه يكون متدرب على الاجهزه الحديثه ومعلوماته ابديت حتى مرحله دراسته متقدمة اكثر لانه بيكون دارس الاحدث طبيا
ياما دشيت على اطباء كبار بالسن ويكتبون لي ادويه منقطعه من ثلاث واربع سنين
او جراحين متعودين على الطريقه القديمه في العمليات ومايبي يجرب الطريقه الجديده

حتى الاسنان مثلا بعضهم ينصح بشي لانه خريج المدرسه الفلانيه وتروح تستشير غيره ويذم في الي قبله لانه خريج مدرسه طبيه ثانيه


فمثلا الي خريجي الطب الايرلندي لهم بروسيجر معين
خريجي الطب الامريكي غير
والبريطاني غير
وهكذا

ارسطو اشدخل الأجهزة الحديثة في انه يكون افضل في التشخيص
ومعرفة المرض و ربطه بالاعراض؟
:shy:

[النهار]

هههههههههههههههههههههههههه

[حسن]

ارسطو اشدخل الأجهزة الحديثة في انه يكون افضل في التشخيص
ومعرفة المرض و ربطه بالاعراض؟
:shy:

شوف ياليمامه لاشك ان الاجهزه الحديثه تلعب دور واذا الدكتور قبل يحتاج زمن الى ان يكون ممتاز
في وقتنا الحالي االعلم الطبي والاجهزه الحديثه اختصرت وقت وزمن كبير للدكتور
تخبرين عمليه القلب الاول اكثر شي فتح قلب اما الحين المريض يسولف مع الدكتور
وهو يجري العمليه
من اسبوع اخوي الكبير يعاني من الم في الجنب الايمن
وديناه الى احد الدكاتره الخاصين وهو معروف من ايام رياض الزعنون
قال مافي شي مجرد غازات في البطن
رجع عليه الالم بعد ايام وديناه طواري الاهلي وسوى عليه تصوير
وقالو عنده حصى في المراره
وكان الدكتور هذاك الاولى قديم ومعروف عند هل قطر ويتعالجون عنده
وهذا جديث وصغير وكان تشخيصه وبوجود جهاز تصوير
قدرنا نوصل الى وصف صحيح
هذه قصه فرش يعني طلع القديم والكبير في السن ماعطانا نتيجه

[امـ حمد]

انا شفت دكاترة صغار توهم متخرجين، يتمون مرافقين للاستشاريين في العياده الخاصه وأثناء العمليات،فترة طويلة علشان يكتسبون من خبرتهم،

[Aaziz]

برى قطر ماعندي مشكله ادخل عند طبيب كبير او صغير .. لان الصغير ماتعين في مستشفى الا انه متفوق و متميز و المستشفى متبنيه من ايام الدراسه الجامعية
بالنسبه للخطاء الطبي ، صعب يصير بسبب موضوع القضاء (نتكلم عن برى) و في الامراض الكبيره دايما فريق طبي هو الي يشخص الحاله ولكن الي يقابلك شخص واحد الي هو الطبيب الي تشوفه ولكن الي يقرر مجموعة اطباء القسم team work
الي لاحظته عندنا في الدوحه ان الطبيب كثير من الامراض يشخصها شفهيا و بعضها من كشف سريري و قليل الي يطلب تحاليل .
بينما الصح فحص الدم (عندنا قصور في المختبرات و سرعه ظهور النتايج) مع xray او ct scan في بعض الحالات .

بصراحه اتمنى الصحه تسوي تحقيق مع الاطباء الي يصدرون وصفات بكثره تحتوي على مضاد حيوي او مزيل الألم العام (ادول) <<< هذا يعني ان الطبيب مايعرف شفيك و يسلك ابسط الطرق بحيث المضاد بيعالج الي فيك لو كان بسيط ولكنه بيقلل مناعه الجسم بدون شك و اذا كان فيك شي كبير غصب عنك بترجع للطبيب و التاخير هذا ممكن يدهور الحاله اكثر .

[زبرجد]

و ياما ناس دشوا شبه ميتين و طلعوا ماشين على رجولهم ( طبعاً برحمة ربنا أولاً ) .. و مو كل الدكاترة شايفين نفوسهم على الناس ..
هم بشر مثلهم مثل غيرهم .. و من الخطأ تعميم كلامج على كل الدكاترة


مـن تجـاربـي معـاهـم . .

جهـلهـم فـي التشخيـص وإذا مـاعـرفـوا يشخصـون قـالـوا إنـت تـدلع ويـحولـونـا مـن مكـان لـي مكـان .. ومـن فشـلهم المتـوقع منهـم آذا رحتـي الطـواري يـوقعـنج علـى ورقـة إنـهم مـب مسـؤولـين عنـج لـو صـار شـي .. وسمعـت الممـرضة تقـول للأجنبيـة ما تبيـن تـوقعيـن إنـت حـرة أمـا إحنـا غصـب نوقـع!

[حمد 2002]

كلام جميل جدا ..

انت انسان فيلسوف يابوحارب وتشوف أشياء مايجوفونها الناس العاديين ..

اشكررررك وبعنف علي الموضوع ..

انت دكتور انت فنان حتي في أطروحاتك ومقالاتك ومواضيعك الجميله والمفيده يابوحارب ..

[ANONYMOUS]

صغيّر خلّه يتدلل ..

[رهج السنابك]

يمامتي كنت برد على سؤالج بس جواب الدختور حسن قال اللي بقوله
الاجهزه الحديثه اهم شي التمكن منها عشان يطلع التشخيص صح

انزين بقولج شي يضحك

تدرين الحين لو بعيد الشر سويتي تصوير رنين مغناطيسي او حتى اشعه اكس ان كل طبيب ممكن يقرا التصوير بطريقته وفهمه ويعطي تشخيص والطبيب الثاني ياخذ نفس الصور ويعطي تشخيص مختلف!!
لان واحد فاهم دقه وحداثه الجهاز المستخدم وواحد عايش في عصور الكهف حافظ كم كلمه من دراسته القديمه ويطبقها ومتجاهل ان الجهاز نفسه صار عليه تحديثات

[hanayen]

ما اعتقد في حد طلب اعترافك بهم هذي حريه شخصيه وقدره عند ربه مب عندك بس لا تحط من قدرهم ترى كل صغير يكبر وممكن تصير حاجتك عنده لازم الاحترام يكون متبادل لان ديننا الاسلام
ان أوهن البيوت للبيت العنكبوت صدق الله العظيم
بعني رب العالمين رفع من قدر عنكبوت وانت ما قادر تعترف بطبيب درس ست الى سبع سنوات علشان يساعد الناس

[بوحارب]

السلام عليكم

:anger1:

ما فهمت يعني يتخرجون ويروحون البيت ., ؟؟ لين صار عمرهم 60 اييون ., ؟؟

لا لا غلطان بالعكس ., العمر ماله خص .,

ممكن انقول العمليه والاشياء الخطره ما يتدخلون فيها الا عقب فتره طوووويله .,

بس تشخيص المرض وخصوصا الامراض العاديه او السهله ., مافيها شي .,

امسحوها ابويهي يالدكاتره ., :nice:

ويسلموو .,
ماني بمرتاح هذا الدكتور الجديد!


في رأيك هالصغار
ماهو المفترض عليهم القيام به وهم في هذة المرحلة ؟
يجلسون مع شيبانهم هههههه


الصغار ارخص
اتفق معاك


هلا بك

اسمح لي بختلف وياااك
كل دكتور ذو خبرة ، بدأ وهو صغير

ما في دكتور انولد والخبرة ببطنه


لازم يتعلم ( ويجيييك:secret: ) ويتدرج ليييين يوصل لمكانة مرموقة

الخلاصة : الخبرة تأتي بالتدرج والتعامل مع الناس والمواقف التي يتعرض لها الدكتور
يتعلم ما قلنا شي بس مب على حسابي انا وغيري


ههههههههههه ..

عيل شلون بيتعلمون بو حارب ؟

لازم يتدربون على خلق الله ..

لكن تحت إشراف طبيب أكبر وأكثر خبرة .. والجراحات تكون تحت إشراف استشاري كبير ..

وفي الأخير اللي بيحكم نقاشك للدكتور نفسه ..

بعضهم ترى فاهم شغله عدل وحاب مهنته بشغف ..

وبالعكس ممكن وقد يكون وربما يكون رايه سديد وعصري وفيه حلول علاجية جديدة ..

فإنت حاول تسأل عن الدكتور وتناقشه لين تتطمن .. الصحة مش بعزئه يا قدعان :this:
اخر مره كنت في زيارة لمستشفى القلب

وجا اتصال للدكتور يطلبونه وقال اوكي اوكي وسكر التلفون وقعد على الايفون

أتوقع عمره ما يتعدى ال 35

هذا وين حاطينه دكتور قلب شكله ما يساعد الصراحة


المفروض الدكاترة الصغار يتمون مرافقين للاستشاريين فترة طويلة علشان يكتسبون من خبرتهم..

ومع هذا ياما صادفنا دكاترة صغار بس ما حسينا بإحساسك يا بو حارب

تعوذ بالله من الوسواس و تفاءل خير والله خير الحافظين.
والنعم بالله

منوره يالحكيمه

[بوحارب]

اغلب الدكاترة كبار السن متمسكين في صرف ادوية عفى عليها الزمن ،،، بالرغم من توفر ادوية حديثه ومتطورة ،،
عموماً ،،، مهنة الطب لاتصقل الا بالممارسة ،،، ولاشك ان هناك دكاترة كبار فالسن ولهم باع طويل فالمهنة الا انهم فاشلين والعكس صحيح ،،، انا اشوف ان اي مهنة اذا كان صاحبها يمتلك الموهبة والذكاء وحب المهنة والبحث والتطوير في مجال العمل ،،، وقتها ستجد الابداع والاحتراف والاتقان فالعمل
اتفق معاك وأشكرك ع الرد :)


ما ألومك يا بوحارب هذي من الضيم إلي جفته منهم . كلهم فاشلين كبيرهم وصغيرهم يا ما ذبحوا أوادم وياما ناس دخلت عليهم صاحية وتمشي على رجولها وطلعوا بنقالة .
ما جفت مثل الدكاترة بجوفة النفس مادري على شنو ؟ على الفشل إلي هم فيه ولا على المقصب إلي فاتحينه في المستشفى . لو أحد من هله ما تعامل معاه إلا بكل إتقان وإهتمام .
مانقول كلهم

لكن سمعنا عن اخطاء كثيرة والله يستر !


أنا الي اخبره ان الدكاتره الصغار بالسن يكونون بالعاده مرافقين للاستشاريين . والاستشاري هو الدكتور المخول بتشخيص حالتك او مرضك .

اما الدكتور بو 25 سنه هذا زين حق الاجازات المرضيه يكون توه يبغي يكون له قاعدة مراجعين . :tease:
الإجازات المرضية صارت تنباع على 2000 في جامعة البنات يابوخليفة :)


الكبار والصغار لهم نفس الاهميه .. وبعكس الفكره السائده ان الصغار يدربونهم على المرضى فهذا شي غير صحيح بالمره لان الخريج الجديدغير مسموح له يشوف مريض بنفسه وبدون اشراف من دكتور سينيور ( اكبر منه) وماياخذ اي قرار بالعلاج او غيره فقط هو يتابع الحالة ويعطي السنيور اخر المستجدات وبهالطريقه يتعلم منه بدون ان يأذي المريض بسبب قلة خبرته..
هلا دكتور;)

أشكرك على التوضيح وعساك ع القوه


بو حارب ما قال الا الصحيح

زرت عدة أَطباء في أَمريكا وما شفت طبيب صغير الا متدرب وموجود يناقش الشيبة ويجتهد حتى يتعلم .. حتى طبيب الأَسنان كان في الثلاثينات وفاهم لكن جاب رئيسه اللي شيبه وشرح له شبيسوي معاي وخذ موافقته وبدأَ شغله .. وما يشرح عشوائي لازم يراويه الصور والتحاليل إِن وجدت ويذكر له تاريخ المرض

اخبر كنت اروح حق دكتور باطنية في لندن

أتوقع عمره تعدى ال 80 بس تشوف العلم يطلع من شعره الأبيض