درايش عادية مانعة للصوت

[Riku3]

السلام عليكم ورحمة الله وبركاته ..

بغيت اسأل شنو افضل طريقة ومحل لعمل درايش بالنظام العادي .. وتكون مانعه للصوت ..

طبعاً من النوع العادي مب يو بي في سي وغيره الي تحتاج شهور لين يركبونها ! .. لان انا ابيها لملحق ومستعجل عليه فقط 3 درايش متر × متر .. مربعه بدون قوس ! .

ابي محل ويهمني منع الصوت والازعاج فقط وما يهمني شي ثاني .

ولو حد عنده عنوان او رقم محل يسويلي اياهم بسرعه يكون افضل :] .

[بن غيث]

موفق أن شاء الله ..

[بوNasser]

السلام عليكم ورحمة الله وبركاته ..

بغيت اسأل شنو افضل طريقة ومحل لعمل درايش بالنظام العادي .. وتكون مانعه للصوت ..

طبعاً من النوع العادي مب يو بي في سي وغيره الي تحتاج شهور لين يركبونها ! .. لان انا ابيها لملحق ومستعجل عليه فقط 3 درايش متر × متر .. مربعه بدون قوس ! .

ابي محل ويهمني منع الصوت والازعاج فقط وما يهمني شي ثاني .

ولو حد عنده عنوان او رقم محل يسويلي اياهم بسرعه يكون افضل :] .


السلام عليكم ورحمة الله

درايش من النوع العادي ومانعة للصوت!!!!!

اعتقد المعادلة صعبة ....

لأن درايش اليو بي في سي upvc يضمنون لك تقريبا عزل الصوت اضافة الى عزل الهواء والغبار والحرارة.

اما الالمنيوم فيضمنون لك تقريبا عزل الهواء والغبار، ايضا يضمنون لك بنسبة اقل العزل الحراري (يعني نقول 75-80 % لأن الزجاج المزدوج هو اللي يعزل الحرارة، اما الفريمات نفسها فهي ما تعزل الحرارة، بعكس اليو بي في سي)، ايضا عزل الصوت في بعض درايش الالمنيوم جيد جدا وليس ممتاز.

عن تجربة انا بدلت كل درايش البيت وركبت المنيوم من عند الاختصاصي، وفعلا لا حظت فرق في عزل الصوت، يعني الازعاج الخارجي قل بنسبة تقريبا 85-90 %، وللأسف حتى الاذان ما عاد اسمعه.

طبعا كان ودي اركب يو بي في سي بس حصلت صعوبة في مدة التنفيذ، وايضا بحكم ان البيت انا ساكن فيه ومركب عليه درايش المنيوم قديمة (من 6 سنوات) كان فيه صعوبة في اخذ المقاسات خاصة من جهة الأقواس.

نصيحة جرب الاختصاصي للألمنيوم، مع اني اكتشفت انه مب رخيص خاصة يوم سعرت عندهم درايش الملحق، لقيت اسعارهم تقريبا نفس اسعار ال يو بي في سي، او فرق بسيط كلش.

تحياتي لك وللجميع.

[معماري قطري]

أَي نظام يتسكر بمفصلات وفيه ربلات نوعية جيدة تعطيك إِغلاق محكم بيعطيك عزل عن الصوت فعال

ويكتمل العزل لو سويت ستارة سميكة وببطانة خاصة سميكة ولو زدت عليه زجاج مزدوج أَو ثلاثي وبغاز الأَرغون في الفجوات بيزيد عزل الصوت والحرارة عندك .. لأَن الغاز خامل ولا ينقل ذبذبات الصوت مثل الهواء.

[ضوى]

أَي نظام يتسكر بمفصلات وفيه ربلات نوعية جيدة تعطيك إِغلاق محكم بيعطيك عزل عن الصوت فعال

ويكتمل العزل لو سويت ستارة سميكة وببطانة خاصة سميكة ولو زدت عليه زجاج مزدوج أَو ثلاثي وبغاز الأَرغون في الفجوات بيزيد عزل الصوت والحرارة عندك .. لأَن الغاز خامل ولا ينقل ذبذبات الصوت مثل الهواء.

لا اله الا الله هذي تابوت مهب غرفة

[Riku3]

السلام عليكم ورحمة الله

درايش من النوع العادي ومانعة للصوت!!!!!

اعتقد المعادلة صعبة ....

لأن درايش اليو بي في سي upvc يضمنون لك تقريبا عزل الصوت اضافة الى عزل الهواء والغبار والحرارة.

اما الالمنيوم فيضمنون لك تقريبا عزل الهواء والغبار، ايضا يضمنون لك بنسبة اقل العزل الحراري (يعني نقول 75-80 % لأن الزجاج المزدوج هو اللي يعزل الحرارة، اما الفريمات نفسها فهي ما تعزل الحرارة، بعكس اليو بي في سي)، ايضا عزل الصوت في بعض درايش الالمنيوم جيد جدا وليس ممتاز.

عن تجربة انا بدلت كل درايش البيت وركبت المنيوم من عند الاختصاصي، وفعلا لا حظت فرق في عزل الصوت، يعني الازعاج الخارجي قل بنسبة تقريبا 85-90 %، وللأسف حتى الاذان ما عاد اسمعه.

طبعا كان ودي اركب يو بي في سي بس حصلت صعوبة في مدة التنفيذ، وايضا بحكم ان البيت انا ساكن فيه ومركب عليه درايش المنيوم قديمة (من 6 سنوات) كان فيه صعوبة في اخذ المقاسات خاصة من جهة الأقواس.

نصيحة جرب الاختصاصي للألمنيوم، مع اني اكتشفت انه مب رخيص خاصة يوم سعرت عندهم درايش الملحق، لقيت اسعارهم تقريبا نفس اسعار ال يو بي في سي، او فرق بسيط كلش.

تحياتي لك وللجميع.

الحرارة ما تعنيني كثير لان المبنى حوله زرع وهذا بيحافظ على الحرارة من الاساس والدرايش صغيره .. بس تخفيف ازعاج اليهال في الحوش للي جالس في الملحق هو المهم :] ..

وبالنسبة للسعر ان شاء الله ما بيختلف كثير دام الحجم صغير ! .. جربت اتصل فيهم الحين وما ردوا علي بس ان شاء الله اتصلهم بكره الصبح او امرهم ..

شكراً على الرد .

أَي نظام يتسكر بمفصلات وفيه ربلات نوعية جيدة تعطيك إِغلاق محكم بيعطيك عزل عن الصوت فعال

ويكتمل العزل لو سويت ستارة سميكة وببطانة خاصة سميكة ولو زدت عليه زجاج مزدوج أَو ثلاثي وبغاز الأَرغون في الفجوات بيزيد عزل الصوت والحرارة عندك .. لأَن الغاز خامل ولا ينقل ذبذبات الصوت مثل الهواء.
يعني افضل شي اخفف الربلات وما اسوي نظام درايش مربعات .. ونظام دبل للزجاج وسالفة الغاز ما فهمتها بس احس بتزيد في السعر كثير .. بس بسأل عنها ان شاء الله ..

انا بديت تفصيل الستاير للاسف بس للحين ما شريت الستارة السفلية العازلة للضوء ... هل مثل هذي الي تقصدها ؟ .. ووين ممكن الاقي بطانة او ستاره خلفية تخفف الصوت ؟ .


لا اله الا الله هذي تابوت مهب غرفة
لما يكون في ضيوف في الملحق واليهال في الحوش كل واحد يجرب مين صوته اعلى بتسوى السالفة نحط غاز وبترول وصخور من المريخ بس نخفف الازعاج :] .

موفق أن شاء الله ..
وياك ..

شكراً للجميع على الردود والمشاركة

[معماري قطري]

لا اله الا الله هذي تابوت مهب غرفة

غرف بيتنا من هالنوع بس يو بي في سي ولا ينسمع صوت من برا الا قليل كلش وبالعكس الستاير تنفتح ويدخل النور ما ادري ليش وصفتيها بالتابوت!

[MAZEN37]

اسئل عن شيء اسمه تيوب لر دبل جلاس ويكون المنيوم بحريني
المتر المربع ب750 ريال

[معماري قطري]

اسئل عن شيء اسمه تيوب لر دبل جلاس ويكون المنيوم بحريني
المتر المربع ب750 ريال

التوبلار هو العريض المجوف وزين وقوي بس مشكلته يدخل حرارة قوية من الفريم ولو يسونه بحيث يحقنونه بفوم عازل بيكون وايد أَحسن.

[Riku3]

"تيوب لر" .. "توبلار" ..

بحثت في النت وما حصلت شي .. لها مسمى ثاني ؟

وانا اليوم كلمت الاختصاصي للالمنيوم وبمرهم فرع سلوى قريب اشوف وش عندهم :] .

شكراً على المساهمة في الموضوع .

[معماري قطري]

آسف سقط حرف الياء سهواً .. تيوبلر .. بالانجليزي Tublar على ما اعتقد

[Azizuk]

الاختصاصي عنده ألمنيوم ماركة فرنسية بس سعرة غالي المتر 1400 ريال وألوان معدوده

ويمدحونه يقولي ياخذونه أهل القصور

مشكلة الأيوبي في سي ان بعد فترة ومع الحرارة يتغير وما يصلح للشبابيك ذات الأحجام الكبيرة ماتكون قوية

في إيجابيات وفي سلبيات

[MAZEN37]

كيف يا عزيزوك ما يصلح للاحجام الكبيره
ممكن توضيح اكثر لسلبيات اليوبي في سي

[captin]

عندك محل الاختصاصي للألومنيوم
طريق سلوى افضل محل في قطر يسوي درايش الومنيوم مانعة للصوت

وايضا محل اسمه الجوكي في الخور

[RAGA]

السلام عليكم ورحمة الله وبركاته ..

بغيت اسأل شنو افضل طريقة ومحل لعمل درايش بالنظام العادي .. وتكون مانعه للصوت ..

طبعاً من النوع العادي مب يو بي في سي وغيره الي تحتاج شهور لين يركبونها ! .. لان انا ابيها لملحق ومستعجل عليه فقط 3 درايش متر × متر .. مربعه بدون قوس ! .

ابي محل ويهمني منع الصوت والازعاج فقط وما يهمني شي ثاني .

ولو حد عنده عنوان او رقم محل يسويلي اياهم بسرعه يكون افضل :] .

السلام عليكم

شوف شركة معماري قطر يو بي في سي طريق سلوى

66220072

شكرا

[Azizuk]

كيف يا عزيزوك ما يصلح للاحجام الكبيره
ممكن توضيح اكثر لسلبيات اليوبي في سي


يعني اذا تبي تسوي شباك بارتفاع البيت كامل ( من فوق لين تحت ) ما يصلح تركب يوبي في سي مايتحمل

وعندك الأبراج كلها ألمنيوم

[معماري قطري]

الاختصاصي عنده ألمنيوم ماركة فرنسية بس سعرة غالي المتر 1400 ريال وألوان معدوده

ويمدحونه يقولي ياخذونه أهل القصور

مشكلة الأيوبي في سي ان بعد فترة ومع الحرارة يتغير وما يصلح للشبابيك ذات الأحجام الكبيرة ماتكون قوية

في إيجابيات وفي سلبيات

انا مركب من قطر يو بي في سي لي حول 10 سنين ولا تغير ولا تسمع صوت والسعر في حدود 700 ريال

وفيه شيء ثاني مهم ممكن يركب شتر ألمنيوم خارجي أَو خشب أَو حتى يو بي في سي أَو فايبر يتسكر وينفتح ويعزل الصوت والحرارة نوعاً ما

بالنسبة للأَحجام الكبيرة عندي كل الدرايش كبار وبعضها أَبواب كاملة بعرض 3 متر وبالعكس تكون أَقوى من أَي نوع بسبب انها تدعم بحديد داخل تجويف اليو بي في سي .. المشكلة الشركات الدخيلة على مصنعية اليو بي في سي هنا صحيح شفت نوعيات ضعيفة وتخترب بسرعة.

[الفني]

بالتوفيق ان شاء الله

[Qt.1]

من طلعنا على الدنيا وماعرفنا الا الالمنيوم , في محل في شارع النصر عقب المسجد اسمه الجوكي بتحصل مديرهم اسمه عبدالشكور هندي يعجبك وفاهم .

[معماري قطري]

من طلعنا على الدنيا وماعرفنا الا الالمنيوم , في محل في شارع النصر عقب المسجد اسمه الجوكي بتحصل مديرهم اسمه عبدالشكور هندي يعجبك وفاهم .

قبل الأَلمنيوم كان فيه الحديد اللي يركبون عليه القزاز بمعجون وقبل كان فيه الخشب والقزاز الملون وغيره

ألحين بدأَ الرجوع لنوعيات خاصة من المعدن ومن القزاز العازل 100% للرؤية وللحرارة وبضغطة زر وبدون الحاجة لستاير حتى .. وممكن يفتح للرؤية بدون تعتيم أَو بدرجات معينة من 0 - 100% .. وبدال القزاز تم استخدام مادة التيفلون البلاستيكية الخفيفة والغير قابلة لمواصلة الاحتراق الذاتي.