موضة مصاحبة المراهقين القطريين للأجانب ومعاقرة الخمور!

[حمد 2002]

السلام عليكم

هلا هلا بالجميع ..


موضة مصاحبة المراهقين القطريين للأجانب ومعاقرة الخمور!!

المدارس الأجنبية ان كانت لها ايجابيات فلابد من الوقوف بحزم وحذر من السلبيات المترتبة عليها
المراهقين يتوجهون الى الخمور بعد التدخين و السويكة!!

ناقوس خطر شرب الخمور يدق و يدق ويدق فالحذر و اجب.
ولشرب الخمر لا يلزم الا مصاحبة زميل في المدرسة وعمل تجمع في بيت هذا الزميل
والانخراط في شرب الخمور في غياب أهل هذا الزميل او بموافقتهم!

نعم تبحث عن تعليم افضل و لاكن لا تخسر ابنك بعدم متابعته والسؤال عنه
والاستفسار عن اماكن ذهابه ومن يصاحبهم.

هالرساله لكل إنسان واب ومسؤول غيور ومهتم علي مصلحه أبنائه وأبناء وطنه ..

بالتوفيق ..



مع التحية ..

[اجرام]

للاسف صار سهل يجيبونه
حتى طلاب المدارس يقدرون يجيبونه

[عاهد بن علي]

عسى الله يصلحهم

[دنيا الاسهم]

من اللي دخل الخمور البلاد وسمح فيها
من اللي غير المناهج ..مؤسسة راند وتوابعها على قول الشاعر( نعيب زماننا والعيب فينا ....الخ)

[بوخالد911]

اللي يبط جبدي بعض أولياء الامور لفكرة ادخال عيالهم المدارس الأجنبية بحجة تعلم لغة !!!!

مع ان في أكثر من طريقة لتعلمها

[R 7 A L]

شدعوة مراهقين ويسمحون لهم
الي سمعته انه ممنوع حتى في دول الغرب للي اقل من 18 سنة
شلون عندنا يسمحون لهم

[بومحمد حسن]

احنا مميزين اشفيكم

[حبر وقرطاس]

لا تذكرني بميجا كلاب الي صوب نادي الدانه كان علىاساس نايت كلاب من فتحوه وصوبنا في مدينه خليفه استغفر الله حوادث سير مرعبه الا سياره داشه دكان الا داشه طوفه بيت وبكثره .
الى ان تم اغلاقه .نزلت علينا مصايب. السكر وما ادراك ما السكر ماراح يدرك خطورته الا من فقد غالي بسبب جموح سائق سكران ...قصص مؤلمه راح ضحيتها ابرياء على ايدي سائقين مخمورين ....

[حبر وقرطاس]

الخمور تباع فالفنادق وبكل الانواع والاحانب المسيحيين في قطر لديهم بطاقات مصرح لهم شراء الخمور بحد نعين وبقيمه معينه. وهذه البطاقات تصريحها من احدى الجهات الرسميه . ليتسنى لهم تناولها.

[سليمان احمد]

تتحمل الحكومه وزر اباحه الخمور وسيقفون امام الله وليسالن عن هذا الجرم العظيم في حق كل مسلم

[امـ حمد]

لاحول ولا قوة إلا بالله
خبر يعور القلب
الله يصلح شبابنا يارب

[حمد 2002]

للاسف صار سهل يجيبونه
حتى طلاب المدارس يقدرون يجيبونه

الله المستعان .. :)

اشكررررررررررررك وبعنف ..

[كازانوفا]

انتشرت ام الخبائث
عافانا الله واياكم منها

[چواهر]

الخمور تباع فالفنادق وبكل الانواع والاحانب المسيحيين في قطر لديهم بطاقات مصرح لهم شراء الخمور بحد نعين وبقيمه معينه. وهذه البطاقات تصريحها من احدى الجهات الرسميه . ليتسنى لهم تناولها.


يعني بطاقة تموين . :rolleyes:

[قطريه22]

الله يهداك اي مراهقين صارو الكبار يرافجون الاجانب تلاقي واحد يمشي ومتعلقه بيده انغليزيه

[الكنج]

الله يصلح الحال ويهدي شباب الأمة ،،،

وصار شرب الخمر عند البعض موضة العصر و مواكبة للتطور ؟؟!!

[العنيده]

الله يهداك اي مراهقين صارو الكبار يرافجون الاجانب تلاقي واحد يمشي ومتعلقه بيده انغليزيه

خلينا ساكتين مانبي نفضفض بهالموضوع :omen2:
عيالنا امانه ومراقبتهم اقل شي ممكن نسويه ( طالع مع من , ولد من رفيجك , وين بيتهم , حركات تعال اقعد عندي نشم ريحته بعد الحذر واجب :nice: )

[الدوحه1]

والكبار قاموا يتفنون في عمل "البارات" في بيوتهم ولسان حالهم يقول باري احسن من بارك؟؟؟
من المسئول عن وصول الخمور الى "المواطنين" وادمانهم عليها؟؟
وهل قاموا باللازم لحماية المجتمع من التفكك بسبب ادمان بعض القطريين على ام الخبائث؟؟؟

اللي يبي يعرف حجم مشكله الخمر يأخذ جوله في مبنى المحاكم في السد ويشوف كثرة القضايا المتعلقه بالخمور!!!

ليش الاعلام المحلي مايناقش مصيبة ادمان بعض القطريين على الخمور واللي بدوره ادى الى تفكك وضياع العديد من الاسر القطريه؟؟؟


بس غريبه مراقبنا لين الحين ماحذف الموضوع!!!!!!!!!

[العلياا]

بصراحة انا ودي اتكلم عن الخمور اللي فالفنادق
لكن ماحب عوار الراس وتنهال علي سلسلة من الاسئلة :)

بشكل عام
اذا كانوا فعلا مراهقين فهذه مسؤولية الاب يتابع ولده
ويتأكد يماشي من ومن ولده رفيجه!!

اذكر سنة من السنين اخوي دخل البيت وريحته دخان جاه اخوي العود وضربه ضرب لانه كان يتغشمر معاه قال له انا ادخن
آخر شي طلع موصله واحد كان يدخن فالسيارة :)

[7llo]

الصراحه اول مره اسمع بهل الشي

[مختلفة عقليا]

السلام عليكم .,

الخمر ما اقدروا يحلون مشكلته في امريكا لسنوااااات طويله ., اقصد الحكومه .,

اولا ., اللي يبون يكثرون النسل جوفوا الله يرضي عليكم .,. التربيه اهم من الكلام الفاضي .,

ثانيا ., الحكومة لااااازم اتكون صارمة في هالموضوع ,.

تبي تشرب في بيتك الله يهداك ., ولو ما هداك ياخذك ان شاء الله ., بس تطلع قدام العالم اتجاهر في المعصيه ., !!

يسلموو .,

[العنيده]

السلام عليكم .,

الخمر ما اقدروا يحلون مشكلته في امريكا لسنوااااات طويله ., اقصد الحكومه .,

اولا ., اللي يبون يكثرون النسل جوفوا الله يرضي عليكم .,. التربيه اهم من الكلام الفاضي .,

ثانيا ., الحكومة لااااازم اتكون صارمة في هالموضوع ,.

تبي تشرب في بيتك الله يهداك ., ولو ما هداك ياخذك ان شاء الله ., بس تطلع قدام العالم اتجاهر في المعصيه ., !!

يسلموو .,

المشكله مايقعدون في البيت :eek5:

[عثرة جواد]

المشكله ويبون يعددون لوزوجه وحده مب قادرين يربون عيالهم

الله يرحمنا برحمته

[ريتويت]

مافهمت شلون معاقره الخمور بالمدارس؟

[Right]

مافهمت شلون معاقره الخمور بالمدارس؟




معاقرة ، يعني يلتحها لتح !!

[R 7 A L]

معاقرة ، يعني يلتحها لتح !!




هع هع هع

[يمامـة]

مافهمت شلون معاقره الخمور بالمدارس؟

الله يسلمك حسب ما سمعت من شخص ثقة جدا اوي خالص بينما كنا نتكلم عن انتشار السويكة
والتدخين والعلة الثانية المدواخ في المدارس الأجنبية بشكل غير طبيعي وصعوبة السيطرة عليهم
قال لي ياماما: المشكلة الحين في شرب الخمور ،، شباب قطريين في الاعدادية والثانوية طايحن دح في هالخمور.

في البداية ظنيت انهم يروحون هالبارات بعد فترة من التفكير تذكرت ان هالبارات ممنوعة على القطريين
وبعد كم يوم رديت سألته قلت له: هم وين يشربون الخمور؟

قال لي في المجمعات السكنية اللي يسكنون فيها زملاؤهم من الأجانب،، الأجنبي الواحد منهم يعزم
ربعه ويسوي لمة ويشربون خمور وهله محد وما يندرى اذا هله يدرون او لا..

شباب مراهقين في مثل هالعمر في اماكن مغلقة وخمور وسكر ..............> هل الموقف
بيتوقف عند شربهم الخمر والسلام ؟
ما بتكون هناك تصرفات ثانية مرافقة لحالات السكر اللي بينخرطون فيها ؟

اساس المشكلة مااعتقد وجود المداس الأجنبية هذي .. الاساس هو اهمال اولياء الأمور

طالب في الاعدادية او الثانوية ماله حق يطلع من البيت ويسهر بيت رفيجه ويرد
محد يدري عنه اشلون رد البيت.. او انه يرد البيت على الساعة ثمان ومحد يدري عنه
اذا رد صالب طوله وا متطوطح!!!!!

لأن ممكن هالطالب في هالمدرسة الأجنبية يسحب عيال عمه من المدارس المستقلة!!

المفروض تكون عندنا جهة رقابية تحاسب التجمعات الخاصة اللي يتم فيها اعطاء
الخمور للاطفال هذيلا ويتم محاسبة هالاجانب علشان يكونون حريصين قبل ترك عيالهم
ينشرون هالسم على عيالنا.

[ولي العهد]

لا حول ولا قوة الا بالله
وصل فيهم الحال لدرجة هذي !!!!

[Abdulraman]

الخمور تباع فالفنادق وبكل الانواع والاحانب المسيحيين في قطر لديهم بطاقات مصرح لهم شراء الخمور بحد نعين وبقيمه معينه. وهذه البطاقات تصريحها من احدى الجهات الرسميه . ليتسنى لهم تناولها.

كان زمان ...... الحين اي شخص يقدر يدخل ويفتح البطل ونشنش
الله يستر بالجايات

[مهرة]

بصرآحة كلمة معاقرة )) متعوب عليها .. نهنيك :app2:

[حمد 2002]

شكرا عل مروركم الجميل أيها الجماهير الأعزاء ...

[كازانوفا]

شكرا عل مروركم الجميل أيها الجماهير الأعزاء ...

انت تؤمر بسسسسسسسسسسسسسسسس

[Riku3]

سالفة صارت لاخو رفيجي ايام الدراسة الله يوقفه وين ما يكون ، وهالكلام قبل حول الـ 15 سنة تقريباً .. فمالمصايب الحين اشد اكيد ! .. هو من عائلة محافظة واهل نخوة ودين بس ابوهم عصبي وما يشوف عياله الا وقت الضرب والهواش .. اخوه الصغير دخلوه مدرسة اجنبيه وبدت السالفة بأن صاروا كل ربعه اجانب وبدى يتكلم انجليزي في البيت بكثرة بس ما افتكروا ..

شوي شوي قط الثوب وصار ما يلبس الا لبس الاجانب .. وبيوم صارت سالفة بأن طلب من امه " وبكل برائه :] " ان ترافجه السينما لان عنده موعد مع بنت اجنبية من المدرسة وام البنت طلبت ان يكون الموعد بمرافقة الامهات !! ..

وهنا بدت المشاكل وعرفوا ان ولدهم فلت من يدهم بس مع هذا تركوه وما غيروا المدرسة .. وحاولت العائلة احتواء الولد بس ما قدروا مع انه كان للحين 15 سنة ..

اخر مره شفته قبل 7 او 8 سنين وكان مسوي "عجفه" لشعره وبنطلونه كاشف المستور وحالته حاله .. وطبعاً صار راعي خمور وشرب ..

الاختلاط بالاجانب ومصادقتهم يوصل لتتبع عاداتهم وطباعهم ويعلم المسلم عادات سيئة حتى لو حاول يتلافاها .. فالافضل تجنب مثل هالمشاكل من البداية بإبعادهم عن الكفار وتعليمهم العادات الاسلاميه وتضخيم مصيبة ترك التراث والتقاليد علشان تنغرس فيهم لما يكبرون .

[يمامـة]

شكرا عل مروركم الجميل أيها الجماهير الأعزاء ...

:eek5:

[يمامـة]

سالفة صارت لاخو رفيجي ايام الدراسة الله يوقفه وين ما يكون ، وهالكلام قبل حول الـ 15 سنة تقريباً .. فمالمصايب الحين اشد اكيد ! .. هو من عائلة محافظة واهل نخوة ودين بس ابوهم عصبي وما يشوف عياله الا وقت الضرب والهواش .. اخوه الصغير دخلوه مدرسة اجنبيه وبدت السالفة بأن صاروا كل ربعه اجانب وبدى يتكلم انجليزي في البيت بكثرة بس ما افتكروا ..

شوي شوي قط الثوب وصار ما يلبس الا لبس الاجانب .. وبيوم صارت سالفة بأن طلب من امه " وبكل برائه :] " ان ترافجه السينما لان عنده موعد مع بنت اجنبية من المدرسة وام البنت طلبت ان يكون الموعد بمرافقة الامهات !! ..

وهنا بدت المشاكل وعرفوا ان ولدهم فلت من يدهم بس مع هذا تركوه وما غيروا المدرسة .. وحاولت العائلة احتواء الولد بس ما قدروا مع انه كان للحين 15 سنة ..

اخر مره شفته قبل 7 او 8 سنين وكان مسوي "عجفه" لشعره وبنطلونه كاشف المستور وحالته حاله .. وطبعاً صار راعي خمور وشرب ..

الاختلاط بالاجانب ومصادقتهم يوصل لتتبع عاداتهم وطباعهم ويعلم المسلم عادات سيئة حتى لو حاول يتلافاها .. فالافضل تجنب مثل هالمشاكل من البداية بإبعادهم عن الكفار وتعليمهم العادات الاسلاميه وتضخيم مصيبة ترك التراث والتقاليد علشان تنغرس فيهم لما يكبرون .

المصايب بتكون أكثر مع اهتمام الكثييييييييييييييييييير من القطريين لالحاق عيالهم في المدارس الأجنبية..

المفروض تكون هناك توعية كبيرة لإضرار الالتحاق هذا وتكون هناك برامج تثقيفية
في الاذاعة والتلفزيون والمنتديات و مواقع التواصل الى ضرورة الاهتمام بالابناء بشكل عام
وخاصة الملحقين في مدارس اجنبية وكيفية التصرف معاهم وكيفية تقييد تحركاتهم في هالمدارس..

الرحلات الخارجية للاماكن المفتوحة تمنع على البنات والصبيان
الاحتفالات الخاصة في عاداتهم وتقاليدهم تمنع على القطريين المسلمين ( لأنفي قطريين مب مسلمين الحين)
الحفلات اللي داخل المدرسة يفهم الطفل من قبل اولياء أموره ان في احتفالات يقدر يشارك فيها
واحتفالات ما يقدر يشارك فيها ..
افهام الاطفال ان الاجانب لهم ملابسهم اللي يعتزون فيها ،، والقطري له ملابسه اللي يفتخر فيها
فالاجنبي لما يلبس الثوب والغترة يلبسها من باب تغيير لروتين او تقليد للبسة شعبية
بينما القطري لو بيلبس الملابس غيرالقطرية يراعي الشرع والعرف والعادات والتقاليد في ملابسه.

امور كثيرة الله يستر منها ممكن تقلب الحياة في قطر بنسبة 100% لو اولياء الأمور
ما انتبهوا لنقطة اهمية متبعة الابناء في المدراس الأجنبية في الوقت اللي اشوف
انه لابد من المجلس الأعلى للتعليم والجهات المعنية الأخرى دور فاعل في توعية الناس.