الخطوط القطريه تبدأ رحلاتها من السعوديه ( محافظة الاحساء)

[طير حوران]

السلام عليكم ورحمة الله وبركاته

الاخوه الكرام


بدأت رحلات القطريه من السعوديه محافظة الاحساء وبالتالي يمكنكم الاستفاده من ذلك ببدء رحلاتكم الجويه الدوليه من مطار الاحساء بدلا من مطار الدوحه وبأسعار أفضل من الاسعار المحليه كما أعتقد

ومن اصبح لديه تجربه او درايه لايبخل علينا بذكرها

كل التحيه والتقدير

[توشيبا]

وعليكم السلام

الاحساء قريبه

ليه ماتكون مثلا ابهاء والمناطق الجنوبيه اللي تبعد اكثر من الف كيلو

[بوخالد911]

هلا

الاسبوع الماضي
دخلت موقع القطرية
عشان اشوف السعر + مدة الطيران

وانصدمت !!!!!!!!!!!!!

السعر : 2070 ريال سياحية
المدة : ساعة و10 د

!!!!!!!!!!!!!!!!!!

[كلاسيك قطر]

مادري الاحساء في مطار انا اخبر الي في الدمام بس مادري

[$الملياردير$]

في مطار كان محلي و الحين إقليمي و العربية تطلع منه للشارقة هذا اكيد غيره الله اعلم بس اعتقد اخوي بوخالد في خطا في السعر وإذا كان صدق معناه يبون يشردون هالقطر و يشتغلون ع الهنود هناك بأسعار ترابية ههههههه

[سليمان احمد]

في الوقت اللي بدق فيه سلف وباروح الحسا

اسرع من روحتي للمطار وانتضار الاجراءات والطياره والطيران والوصول

[storm..]

في الوقت اللي بدق فيه سلف وباروح الحسا

اسرع من روحتي للمطار وانتضار الاجراءات والطياره والطيران والوصول

:nice:

[Dana’1]

شي حلو هذا ينفع للرحلات إلي فيها توقف..وأظن بتخدم أهل الأحساء وإلي مقيم فيها من الأمريكان والأجانب في رحلاتهم للخارج ممكن الأسعار تنافسية...خصوصا إن كذا شركة طيران تنزل بالأحساء فلاي دبي
هالشي يفيد أهل الأحساء من ناحية فرص الحجوزات بأسعار ممتازة...ويفيد قطر في حال توقف الرحلة في قطر:)

وعقبال باقي الشركات
تستاهل الأحساء وأهلها:)

[غايه الطواش]

ماتخيل نفسي رايحه الحسا في طياره!

[طير حوران]

انتو شفيكم ماتدبرون محتوى الموضوع

من الاهبل اللي يفكر او حتى يخطر على باله ان يتحدث عن رحله جويه الى الاحساء ؟؟!!

ارجوكم الحديث يقول بداية رحله دوليه من الاحساء على القطريه بسعر افضل من سعر القطريه في قطر

[حسن]

ماتخيل نفسي رايحه الحسا في طياره!

:funny:

اي والله مالها طعم هي حلاته التلغلغ من بدايه المراكز
وانت تمر الخط وتوقف عند المحل ذي وذاك راعي الجح وراعي التمر
ولا اذا مريت القيصريه تشتتلاي من القهوه والهيل وتمر صوب الشامبو مال الدفاف
وفاين الريم واكياس الزباله والكونفورت اللي بدون ريحه
واخر شي تختمها بالبخاري ولبن بوخرايط
وعندنا مسرورين

:)

[R 7 A L]

مبروك لهل الحسا

[الحاقول]

هلا

الاسبوع الماضي
دخلت موقع القطرية
عشان اشوف السعر + مدة الطيران

وانصدمت !!!!!!!!!!!!!

السعر : 2070 ريال سياحية
المدة : ساعة و10 د

!!!!!!!!!!!!!!!!!!


انا اليوم دخلت على موقع القطريه والسعر 1520 ريال سعر مبالغ فيه
انا سافرت على الخطوط الالمانيه من مدينة هامبورغ الى لندن روحه وعوده
على الدرجه السياحيه فقط 700 ريال قطري ولمده ساعه ونصف وفي الصيف

[حكآية آحسآس]

انا ما احبها الخطوط القطرية حتى لو شنو سوت او طورت والله يغنينا عنها نصابين وناهبين اهل قطر نهب . قال الرسول صلى الله عليه وسلم :(خيركم خيركم لأهله وأنا خيركم لأهلي). وانا اشوف شرهم علينا .ولا من زين معاملتهم وفي بدائل عنهم كثيره واسعارها احسن منهم بواجد.

هذا رائي وسمحو لي على صراحتي:shy:

[حفيد الأنصار]

كاتب الموضوع يقول رحلات للقطرية سوف تقلع من مطار الأحساء الى مدن آخرى
والردود تقوول رحلات مابين الدوحة والأحساء .؛ تراكم ملخبططين :)

.؛

الاحظ عندنا بالسعودية الرحلات اللي تقلع من مطارات اقليمية ارخص من الرحلات اللي تقلع من مطارات دولية
مثلا فيه عندنا بالغربية .؛ المطارات .. 2 دولي ( جدة + المدينة ) وواحد اقليمي ( ينبع )
طبعا من ينبع تقلع المصرية والعربية وفلاي دبي والتركية .؛ والأسعار كلها أرخص من مطارات جدة والمدينة وبفارق كبير بعض المواسم
وان شاء الله يفتح مدرج مطار ينبع للقطرية وتكون اسعارها ارخص من جدة والمدينة

[غايه الطواش]

كاتب الموضوع يقول رحلات للقطرية سوف تقلع من مطار الأحساء الى مدن آخرى
والردود تقوول رحلات مابين الدوحة والأحساء .؛ تراكم ملخبططين

اي بالنسبه لنا بتكون مباشره ولغيرنا ترانزيت

يعني نقدر نروح الحسا مباشره , ونقدر نروح لدول ثانيه عن طريق الحسا تزانزيت

دوحه -الحسا-دوحه
دوحه-الحسا- برلين-الدوحه الحسا

[غايه الطواش]

يعني ممكن السعوديه يكونون مستفيدين اكثر من القطريين

يعني سعودي يسافر ع القطريه دايركت لوجهته وبسعر ارخص

[حفيد الأنصار]

انا ما احبها الخطوط القطرية حتى لو شنو سوت او طورت والله يغنينا عنها نصابين وناهبين اهل قطر نهب . قال الرسول صلى الله عليه وسلم :(خيركم خيركم لأهله وأنا خيركم لأهلي). وانا اشوف شرهم علينا .ولا من زين معاملتهم وفي بدائل عنهم كثيره واسعارها احسن منهم بواجد.

هذا رائي وسمحو لي على صراحتي:shy:



ولكن بعض الأحيان أسعارها حلووة ولا بأس بها وتكون أفضل من مثيلاتها بشركات الطيران

[بوحارب]

الحسا حلاتها تروح بالموتر ولا وين بنحط السفر والفاين والبهارات ههههههه

[مشاكل]

اتوقع لو اثنين حركوا من بيوتهم ،، واحد راح المطار والثاني قبض الخط ،، اعتقد بيوصل اللي عن طريق البر اقل شي ساعتين
لأن اللي بيروح المطار لازم قبل لاتطير الطايرة بساعتين وزحمة الطريق على مايوصل المطار لازم قبل بساعه ،، وعندك على ماتطير الطيارة وتنزل وعلى ماتوقف وتوصل مطار الحسا يبيلك ساع ونص اقل شي ومع اجراءات المطار تختيم وتاخذ اغراضك وتفتيش يبيلك نص ساعه

يعني الشغله بتاخذ منك اقل شي اربع ساعات !!! يكون اللي قبض الخط وصل الدمام واخونا راعي الطايرة توه واصل الحسا

اعتقد الرحلة هذي وضعت لخدمة اصحاب الترانزيت وفتح خطوط دوليه اضافية

[طير حوران]

الموضوع عن قطع التذاكر من الاحساء وبدء السفر الى جهات دوليه عدى قطر وانتم تتكلمون عن رحلات بين الدوحه والاحساء !!!!!!

[captin]

القطرية شغلت رحلات للاحساء مب عشان التنقل بين الدوحة والاحساء
الغرض هو نقل ركاب الترانزيت أولا من الاحساء والقطيف الى محطات القطرية
في إيران والعراق خصوصا البصرة والنجف وغيرها من العتبات المقدسة على قولتهم
وثانيا الجالية الاسيوية الكبيرة في الشرقية الى محطات شبه القارة الهندية
الهند وبكستان وبنغلاديش.

[Dana’1]

القطرية شغلت رحلات للاحساء مب عشان التنقل بين الدوحة والاحساء
الغرض هو نقل ركاب الترانزيت أولا من الاحساء والقطيف الى محطات القطرية
في إيران والعراق خصوصا البصرة والنجف وغيرها من العتبات المقدسة على قولتهم
وثانيا الجالية الاسيوية الكبيرة في الشرقية الى محطات شبه القارة الهندية
الهند وبكستان وبنغلاديش.
للشيعة وشبة القارة الهندية بس!
وكأن مافي الاحساء الا الشيعة يعني :)

عالعموم لو قلت شيعة الاحساء بس اوك

بس القطيف
شيجيبهم للأحساء وعندهم مطار دولي قبالهم!

[معماري قطري]

يالله حق رمضان اللي بيروح يشتري تمر وأًلعاب نارية وخشاوير

بس الله يعينهم على الوزن

[بوNasser]

يا جماعة صاحب الموضوع يتكلم عن السفر من الاحساء مب السفر للإحساء

طيب خذوا هذه المقارنة

دوحة لندن دوحة السعر 4520 ريال
http://www.ab2004.com/muntada/QL1.jpg

الهفوف لندن الهفوف (اكيد مرورا بالدوحة) 3386 ريال
http://www.ab2004.com/muntada/QL2.jpg

الفرق 1134 ريال للشخص الواحد فقط.


دوحة مانيلا دوحة 3850 ريال
http://www.ab2004.com/muntada/QM1.jpg

الهفوف مانيلا الهفوف 2538 ريال
http://www.ab2004.com/muntada/QM2.jpg

الفرق 1312 ريال للشخص الواحد.

اعتقد حق عائلة متوسطة في فرق كبير بين السعرين ونسبة توفير لا بأس بها.

>>> يوصلكم واحد من العيال الحسا، انتوا تسافرون، واهو ياخذ له تمر وياكل مندي ويعود الدوحة.<<<

تحياتي للجميع

[طير حوران]

يا جماعة صاحب الموضوع يتكلم عن السفر من الاحساء مب السفر للإحساء

طيب خذوا هذه المقارنة

دوحة لندن دوحة السعر 4520 ريال
http://www.ab2004.com/muntada/QL1.jpg

الهفوف لندن الهفوف (اكيد مرورا بالدوحة) 3386 ريال
http://www.ab2004.com/muntada/QL2.jpg

الفرق 1134 ريال للشخص الواحد فقط.


دوحة مانيلا دوحة 3850 ريال
http://www.ab2004.com/muntada/QM1.jpg

الهفوف مانيلا الهفوف 2538 ريال
http://www.ab2004.com/muntada/QM2.jpg

الفرق 1312 ريال للشخص الواحد.

اعتقد حق عائلة متوسطة في فرق كبير بين السعرين ونسبة توفير لا بأس بها.

>>> يوصلكم واحد من العيال الحسا، انتوا تسافرون، واهو ياخذ له تمر وياكل مندي ويعود الدوحة.<<<

تحياتي للجميع

بيض الله وجهك يابوناصر

تصدق اني تحسفت اني طرحت الموضوع

ههههههههههههه

راجعت كتابتي قلت يمكن كاتبها بلغه اخرى غير مفهومه وطرحت مشاركتين توضيح ومافي فايده الجماعه مدرعمين على دوحه / الاحساء/ دوحه

[بحر شرق]

الحسا اجمل شي تروح له بالسياره مع العايله وتوقف في احد المزارع الجميله وتبات ليله وتكمل الصبح الطريق بعدما تصلي الفجر ذكريات كانت مع الوالد الله يرحمه ويدخله جنات النعيم ،

[alnoida]

الفرق قاسي على درجة رجال الأعمال الى لندن ونيويورك

http://www11.0zz0.com/2014/05/28/02/956830336.png (http://www.0zz0.com)

[Dana’1]

أكتشفت إن مو دايم برا ارخص من الدوحة مثل
الدوحة هيوستن درجة رجال الاعمال لشخصين
http://www.gulfup.com/?8Lrfim

و الهفوف هيوستن لنفس الدرجة
http://www.gulfup.com/?ioCQUU