كلهم على الأبواب

[أبو سعود]

الأمتحانات على الأبواب

والعطله الصيفيه على الأبواب

وشهر رمضان على الأبواب

وعيد الفطر على الأبواب


وبعد كل هذه المناسبات

السنه الدراسيه ستكون على الأبواب


ماذا أعدت الجهات المختصه

من الأنشطه والفعاليات المختلفه

للصغار و الكبار وللشباب و الفتيات

لكل هذه المناسبات المختلفه


لأن كل عام نرى الفعاليات

قليله و بسيطه ولا تخدم الكل

بل تخدم فئات محدوده وخاصه المقيمين



لأن مع كل هذه المناسبات التي ذكرتها

الكثير يخططوا للسفر لخارج البلاد


أما للسياحه

أو لشراء المستلزمات لهم لهذه المناسبات


بس نبي نعرف

ما هي الفعاليات المفيده لهذه المناسبات

حتى يستفيد منها المتواجدون اللي لن يسافروا

خاصه أن الجو حار

ونتمنى أن توضع برامج متنوعه

تناسب الكل

[بوخالد911]

مافي غير زيارة المجمعات !!!!!

[مختلفة عقليا]

السلام عليكم .,

عن جد نبي انجوف اشياء يديده في ارمضان .,


والله نبي نستفيد من كل دقيقة .,


واهم شي الاعلان ., مو سر ترا ., ولا لناس وناس ., اعلان الله يرضي عليكم .,

نفس اعلان ( مهرجان الاغنيه ) :nice:

ويسلموو .,

[حسن]

مايصلح لنا اي شي خلاص الناس متخذه القرار من زمان وحاجزين
الشعب كله مسافر وقبل العيد اهو والعالم يبون استراليا وامريكا الحين حتى لندن وع وفرنسا خبرك
مستكشفين القارات سايرين وهني يرمي الفاين من الدريشه
:(
لو تسوي الدوحه كلها تكييف
:)
المدام عاوزه تغير جو من التعب هذا هو بيت الشعر
:)

[أسد الجزيرة]

اي تعب الله يحفظك

[حسن]

اي تعب الله يحفظك

اسد انت تجرجرني من الصبح وتبني افتحها على البحري

هههههههه

اي ياخي تعب تروح الشغل وترجع وتنام وتقوم تروح الشغل

وترجع وتنام

كل هذا مهب تعب

صج الرقاله مالهم امان

:anger1:

[العنيده]

ترى اكتشفت في مواقع اجنبيه تنزل فعاليات بقطر واحنا ماندري عنها :omg:
مو الكل يقدر يسافر وبما ان الدوله زوارها كثروا نبي سياحه حلوه وفعاليات عائليه اكثر
واعلانات للكل :telephone:

[__abdulla]

حمدلله احنا من الحين حاجزين رحله على نيوزلاندا, لان ادري ماراح يصير شي جديد مثل العام.

[العلياا]

الله يبلغنا واياكم بالشهر الفضيل

بصراحة السياحة تعبانه عندنا وهاي غير اذا سوو شي وخربوا سمعته بعض الناس
اما في رمضان فعالياتنا تكون في وجبات الافطار فالفنادق اللي ما يمدي يخلص الاذان
الا اشتغل راعي العود :)


مانبي فعاليات لان محد منا بيستفيد منها
وشكراً

[حكآية آحسآس]

ياليت تكون هناك افكار جديده للسياحة وياليت يفتحون مجال الاصحاب الافكار والمشاريع البسيطة بأطلاق نشاطاتهم وافكارهم بالدوله. من غير ماتضيق عليهم القرارات الحكومية والتصاريح.

ولاماكن السياحية الموجوده حاليا قليلة واسعارها غاليه ومب متوفره بشكل سهل للجميع.