بناء فيلاتين متلاصقتين

[بوجاسم@قطر]

السلام عليكم ورحمه الله وبركاته


عندي استفسار عن بناء فيلاتين متلاصقتين

مساحه الارض 540


مساحه البناء 580


هل هي مناسبه او ان الفلل بتكون صغيره؟؟

[بن غيث]

موفق أن شاء الله ..

[معماري قطري]

290 متر مربع لكل فله ما شاء الله مساحة زينة

حط التوزيع لو تحب ننتقد أَكثر

[captin]

من أهم شروط الموافقة على ترخيص فيلتين متلاصقتين هو وجود واجهة لا تقل عن
20 متر وثانيا هناك مناطق مسموح فيها بناء فيلتين متلاصقتين ومناطق غير مسموح حتى لو كانت
الأرض كبيرة .

الأفضل انك تاخذ ملكية ومخطط الأرض الى مجمع رخص المباني اللي ورى البلدية وتاخذ افادة رسمية

لاشك ان الفلل المتلاصقة افضل من ناحية العائد واوفر من بناء فلل منفصلة وعليها طلب من قبل الاسر
خصوصا الاب مع ولده او اثنين اخوان مع بعض او بنات ووالدتهم حابين يسكنون قرب بعض .

بالتوفيق ان شاء الله .

[بوجاسم@قطر]

جزاكم الله خير على ردودكم الطيبه


لحد الحين ماسويت الخرايط بس قعدت مع شخص قالي سوها فلتين متلاصقتين

ومساحه البناء لهم 580

بس هل مساحه 290 للفيلا الواحده مناسبه مع الملاحق؟

كم ممكن تتأجر في منطقه ام عبيريه

[captin]

مساحة 290 او 300 متر مربع ممكن تسوي لك فيلا ملمومة
يعني تتكون من صالة ومجلس وحمام للمجلس وغرفة بحمام ومطبخ داخلي
وفي الدور العلوي تلغي الصالة وتخلي لوبي صغير موزع وتسوي 4 غرف
منها ماستر فوق المجلس بحمام وغرفة ثانية بحمام وثنتين بينهم حمام مشترك.

اتوقع الايجار للفلل مثل هاذي ما يقل عن 8000 شهريا


.

[بوجاسم@قطر]

يعطيك العافيه اخوي