نبه السايق ما ينتظر داخل السيارة والمكيف شغال لفترة طويله !!

[بوحارب]

السلام عليكم

نبهوا على السواقين في البيت ما ينتظروا داخل السيارة

عندما ينتظر معزبته في المستشفى او الجمعية وغيره !

أمس كنت في المستشفى ورحت اصلي الظهر وفيه هندي(عنده مرسدس) صاف في المواقف

وقاعد داخل الموتر والحرارة تقريبا 45

المهم

رجعت للمسجد لصلاة العصر والهندي للحين داخل السيارة وأحلى ريلكس
على حساب الكفيل طبعاً

طبعا في الحالة ذي الظرر بيكون على السايق ويمكن يختنق داخل الموتر

والسيارة نفسها ممكن تتظرر فيها المكينة لكثرة الوقوف وارتفاع درجة الحرارة !

للعلم في نفس اليوم شفت هنود جالسين تحت ظل شجرة ينتظرون المعزبه<< شكله الكفيل منبه عليهم

هذي نصيحة اقدمها لكم وتحياتي

[ضوى]

تصدق يابو حارب ، زوجي كان بدورة في الكويت في سنة من السنين ، يحلف يقولي واحد اجنبي عنده برادو معاهم بالدورة ،يحلف يقول يخلي السيارة شغالة من 8 الصبح لين 2الظهر والمكيف شغال على اقل شي والحرارة برع 53 ؟ وسيارته ولا فيها اي عطل ، دورته كانت ثلاث شهور وطول ايام الدورة هذا الريال حالته مع السيارة

[R 7 A L]

فعلاً سبب من اسباب تخبيط المكينة
وقوف السيارة والمكيف شغال وقت طويل

[فيصل الشمري]

يارجال ياما نمنا بالسيارة والمكيف شغال ,, احلى تعسيلة على خط خريص
هو الاحتمال وارد لانه المكيف يسحب من نفس فلتر الهواء اللي يودي للمكينة والتهوية الداخلية خنقة بعد
اذا اضظر ينسم الشباك شوي اضمن له
اسواء موقف حصل لي كنت رايح عمرة وكل ما امر استراحة فل
آخر شي وقفت في محطة وسدحت السيت ونمت قمت على صوت كمبرسر المكيف مجيم شوي ويشب ضو
تبهذلت بصناعية المدينة لين صلحته وتبت عقبها اسافر بالليل

[ولي العهد]

http://www.qatarshares.com/vb/showth...p?585917--!!!!

[khalid Qtr]

المفروض تكون في غرف مخصصة لانتظار السائقين ، سواء في المجمعات أو المستشفيات.

[بوخالد911]

شكرا للتنبيه

[بوخالد911]

تصدق يابو حارب ، زوجي كان بدورة في الكويت في سنة من السنين ، يحلف يقولي واحد اجنبي عنده برادو معاهم بالدورة ،يحلف يقول يخلي السيارة شغالة من 8 الصبح لين 2الظهر والمكيف شغال على اقل شي والحرارة برع 53 ؟ وسيارته ولا فيها اي عطل ، دورته كانت ثلاث شهور وطول ايام الدورة هذا الريال حالته مع السيارة

عاااد الجنبي عنده بدل بتروووووووووووووووول !!!

[H H]

يعني السايق المسكين ينحرق فالحر والا تحت شجره يمسح العرق عشان في احتمالية ان المكينة تتضرر؟
حنا من السياره لمكاتبنا ونحس ان الدنيا لهيب ونتعوذ بالله من النار الف مره, والبعض يبي السايق ينعجن فالحر عشان لايقعد تحت المكيف على حساب كفيله!
والسياره دامها فمكان مفتوح مافيها اي ضرر على السايق ابداً! واذا لهالدرجه خايفين على مواتركم لاتخلونهم ينتظرونكم ثمان ساعات فالحر وخلوهم يتوكلون ويرجعون وقت ماتتصلون عليهم!
او على الاقل نطلب من المنشئات مثل اقتراح الاخ العزيز من شوي, غرف لانتظار السائقين!

ارحموا من في الارض يرحمكم من في السماء

[المحاميه]

شكراً على النصيحه
بس بعد هم بشر
حرام يعني نخليهم ساعه ولا ساعتين قاعدين بدون تكييف او قاعدين فالشمس

الحل اذا الوحده بتطول تخلي السايق يرد البيت
او
يصف السياره ويدخل يقعد داخل


الله يعين

[المحاميه]

يعني السايق المسكين ينحرق فالحر والا تحت شجره يمسح العرق عشان في احتمالية ان المكينة تتضرر؟
حنا من السياره لمكاتبنا ونحس ان الدنيا لهيب ونتعوذ بالله من النار الف مره, والبعض يبي السايق ينعجن فالحر عشان لايقعد تحت المكيف على حساب كفيله!
والسياره دامها فمكان مفتوح مافيها اي ضرر على السايق ابداً! واذا لهالدرجه خايفين على مواتركم لاتخلونهم ينتظرونكم ثمان ساعات فالحر وخلوهم يتوكلون ويرجعون وقت ماتتصلون عليهم!
او على الاقل نطلب من المنشئات مثل اقتراح الاخ العزيز من شوي, غرف لانتظار السائقين!

ارحموا من في الارض يرحمكم من في السماء

احييك على هالرد
جبتها صح وقلت اللي ف خاطري
ايوه هذا الكلام الصح ولا بلاش
جزاك الله خير

[العنيده]

الله يجزاك خير على التنبيه

[كازانوفا]

لا حول ولاقوة الا بالله
المفروض في اماكن للانتظار واكيد في داخل المستشفى بس للمرضى مش للمرافقين

[حسن]

صباح الخير يابوحارب

امس في احدى المواضيع واعتقد موضوع ولي العهد
تكلمت فيه اللي قاعد اشوفه عند المدارس شلون تسمع صوت السيارات وهي تطحن واقفه بعضها
اكثر من النصف ساعه وانا صاف برع وادخل المدرسه وفي عندهم غرفه استراحه صغيره
ساعات نقعد فيها
وانا اسولف مع واحد من اولياء الامور ولا يقولي انا مخلي موتري شغال برع
والكيف شغال ومقفل البيبان
قلت له غلط ياخي هذا التصرف يقولي الموتر بيحتر لما اروحله
ياخي جهل مركب حهل مقنع جهل اصلي ماتعرف ايش
الناس تتطور وتتثقف واحنا نرجع ريوس

والله ياوحارب اني ساعات اشم ريحه غاز من بين السيارات واصبر وبتشوف

[Rider]

مادام السيارة في مكان مفتوح مافيه اي مشكلة