محلات ومحطات من سنة الطبعه

[المحاميه]

السلام عليكم



حابه أوجه رساله لأصحاب المحلات والمباني والمحطات ..


استغرب جداً من المحل الفلاني أو المحطة الفلانية اللي تكون قديمه يعني صارلها اكثر من عشر سنين ومازالت على نفس الهيئه والشكل
لا لافته سنعه ولا صبغ عدل ولا صيانه تبرد الخاطر..


ليش ياخوي/ياختي مخليين محلاتكم جذي؟


تحصل اللافته جلحه ملحه والاسم طاير من عليها بسبت الشمس ..
وتحصل الصبغ معدوم وتغير من لون إلى لون بسبب العوامل المناخيه والجو الحار..
وتحصل هالزاويه مصديه والماي متسرب ..


اهتموا في الواجهه والمبنى
ليش هالاهمال
ليش ماتجددون المكان؟

يعني ايش بيكلف عليك صبغ - صيانه - لافته جديده؟



انا كل مره اشوف اشكال وامور غريبه واستغرب واستنكر استغفال اصحابها لها ..


هل هو كسل ياترى او بخل؟



كنت بادعم الموضوع بالصور بس قلت مايحتاج الكل شايف وعارف والصوره واضحه ف ذهنه ومانبي نشهر ف حد
شكراً لكل من قرأ

[شيخ الديرة]

هل هو كسل ياترى او بخل؟


وأنما هي فجوة قانونية في تجديد الرخص. اليافطة كانت من ضرورات الترخيص أول مرة, ولكن في التجديد لا ضرورة لزيارة الموقع أو الكشف

[الحياة الخالدة]

أعتقد إن البعض يقول ما دام شغلنا ماشي و تجارتنا قايمة فما في داعي للتجديد و الخساير

[العنيده]

في ناس تفكر بالمدخول اكثر من الشكل وفي ناس ماشاء الله عليهم مبدعين في الشكل يعني اقلها يبين ان المحل ربحان من شكله :victory:
ويشجع الزبون يدخل يشوف اللي موجود داخله
الدوله في تطور وان شاء الله يهتمون اكثر بمحلاتهم .. البيت لا جانا زاير نعدل فيه وبالاعياد نكشخه الحمدلله شلون وهم زوارهم ماشاء الله كل دقيقه بالمحلات :discuss:
يارب اكون وفقت في التشبيه :secret:

[المحاميه]

ايه هذا هو كل واحد يطمع فالمدخول ويقول ليش اخسر وليش وليش

اخرتها بتخسر الضعف غصباً عنك

انزين يايبه هذي الواجهه اشلون تاركها جذي؟
حسبالكم عاجبنا الوضع يعني او مانلاحظ او مانتذمر؟

يعني حتى اللي يجون من برا بيقولون شنو ذي وليش هالشكل



شكراً على ردودكم
والكلام اللي تقولونه صحيح وهذا اللي حاصل بالفعل

[بوحارب]

السالفة ومافيها البخل

على الفلوس اللي يدخلها مستخسر يسوي تجديد

[R 7 A L]

البخل
شعار التجار الشطار خخخخخخ

[المحاميه]

الطمع والجشع هو الدافع
وهي صفه دفينه ف الانسان مايقدر يتخلص منها
والانسان اصلا مفطور على حب المال


ماهو الحل ياساده


:)

[مزعله النساء]

السلام عليكم ورحمة الله وبركاته
أعجبني موضوعك ، أنا مستغربه من المحلات الي موجده على شارع المرخيه من دوار التلفزيون االى دوار برجر كنج ، الصراحه شي ماينشاهد من مباني رديئه وتعبانه وواجهة لنشر الغسيل ومتهالكه لشارع رئيسي يمر عليه سموالامير، وكبار الشخصيات والزائرين للبلاد ياليت يتم ازالته بالكامل مثل ماحدث لمحلات غسيل السيار ات الى كانت على دوار الغرافه المايل

[البانوش]

اكثر المحلات في قطر الاسماء فقط بئسم قطريين وياخذ عمولة سنوية لاتذكر اما المالك الحقيقي اجنبي لايهمة سمعة البلد ولاشي اللهم يجمع فلوس وبس

لاكن الحق على المسئولين الكبار في البلدية لهم مصالح ولا ليش غاضين النظر عنهم.

[المحاميه]

وعليكم السلام اختي

المطلوب هو إعادة الترميم والصيانه
لكن اذا تمت الازاله هل سيتم استحداث مايسد مكان ماتم ازالته؟
هذي المحلات يتردد عليها الكثير من الزوار
مانبي نشل مكان ونخلي مكان والنتيجه اتكدس الزحمه ف صوب

[المحاميه]

اكثر المحلات في قطر الاسماء فقط بئسم قطريين وياخذ عمولة سنوية لاتذكر اما المالك الحقيقي اجنبي لايهمة سمعة البلد ولاشي اللهم يجمع فلوس وبس

لاكن الحق على المسئولين الكبار في البلدية لهم مصالح ولا ليش غاضين النظر عنهم.

المشكله ياخوي الواجهه تفشل
سواء كان قطري ولا غير ذلك
ليش يخلي الشي لين يوصل حده؟
هو مش مستفيد من هالموضوع لان فالنهايه الاضرار بتكون الضعف
تعال شل وحط وعدل من جد وجديد!!!

[يمامـة]

ما في من يحاسبهم ويعاقبهم ..........................> يبي لهم جهة تجبرهم على التغيير.


وايد عقارات امأجرة صاحب العقار مب مهتم في تعديل شكله وتحسين مظهره
تقول عايشين في عالم من الخرابة!!

[المحاميه]

ايه والله
واجهه تفشل
وساعات تحصلينها خاليه من قواعد السلامه

[طلعة الروح]

انا اشوف اللي يفشل هو البقالات والدكاكين اللي عليها شعارات اوريدو وفودافون هههه
لهالدرجة يدورون شهره ولا شسالفة

[المحاميه]

انا اشوف اللي يفشل هو البقالات والدكاكين اللي عليها شعارات اوريدو وفودافون هههه
لهالدرجة يدورون شهره ولا شسالفة

لا يقولج يعني ان متوفر عندهم بطاقات الشحن
خبرج حق ربعهم واللي عاوز :secret:

[Abu Muhsen]

المشكلة الاكبر في المحلات القديمة موضوع التبريد ... وموضوع الثلاجات ... وهذا يعرض الاغذية لان تفسد ...

[المحاميه]

الله يهديهم ويصلحهم

[بوخالد911]

ما يحبووون الخسااايرررررررررررررررررررر

[المحاميه]

ما يحبووون الخسااايرررررررررررررررررررر


هلؤؤؤؤؤ


شنو الحل :weeping:

[عثرة جواد]

احس الموضوع يبيله قرصت اذان بس

[المحاميه]

الموضوع يبيله ضمير حي

ومتابعه من الشخص ذاته

جابل حلالك وشوف ش ناقصه

يعني لازم حد يقوله ويعلمه


:weeping: