القوارض والحشرات تقاوم البلدية !!

[حمد 2002]

القوارض والحشرات تقاوم البلدية!!

لاحظنا في الفترة الأخيرة ان الحشرات المنزلية لا تأبه للمبيدات الحشرية المستخدمة
من قبل البلدية فالصراصير تكبر وتنمو بشكل اسرع بعد رش البيوت بهذه المبيدات.

في حين نلاحظ ان القوارض من الحيوانات كالجرذان أصبحت بإحجام القطط وتلعب*
على حواف الحوائط المنزلية!!

في السابق كانت البلدية تقوم بمرور دوري على المناطق والبيوت لمكافحة القوارض
بينما الآن على المتضرر من هذه الحشرات و القوارض طلب رسمي عن طريق البطاقة الشخصية
لرش بيته او وضع سموم لهذه القوارض!!


بيوت العزاب و غير القطريين التي تحيط بنا من كل مكان والفئران والجرذان تتكاثر فيها
تحت المخلفات المركونة هنا وهناك، من المسؤول عنها؟

لماذا لا تقوم البلدية في دورها في مكافحة الحشرات والقوارض وفرض اليات جديدة
تجبر البيوت المستأجرة على دورية مكافحة الحشرات والقوارض؟


بالتوفيق ..

[ضوى]

انت وين عايش اللي الفيران على الحيطان ؟!!

الحمد لله ما نعاني الا من صراصير وصغيرة ويتم القضاء عليها اول باول ،

البلدية مب مقصرة ومبيداتها من احسن الانواع ، الكائنات الضارة قاعدة تطور نفسها

[بـومحمد]

والله يا حمد كانه فيتامين مب مبيد مادري صارت عندهم مناعه

[وحيد-الشوق]

اهم شيء تلعب عالحوايط هههههههههههههه ماشاء الله عليك حمد في كل المجالات تدخل وبقوة حتى المبيدات هههههههه

اتفق معاك مثلا الصراصير والنمل تحس صار عندهم مناعة ويتاكثرون بسرعة وفي كل مكان تحصلهم لكن الفيران !!!! اتوقع كلامك غير صحيح قطر مب نفس قبل الحين والحمدلله خالية من الفيران

والحين جاك الحر وبيصير عندك سكيورتي في الحوش الي هو البريعصي هههههه الله يلعنه

[JN000N]

^ برز المصجمه حق البريعصيه


نحتاج ام الدخان وبقوه ايه على ايامها صج تقضي على الاولي والتالي

[چواهر]

هههههههاااييي

مدانيهم الله ياخذهم .

ورداً على من قال إنه الفيران غير موجودة // تتواجد في المباني إلي تحت الإنشاء وتنتقل إلى البيوت المجاورة .

ويقولون حتى تحمي نفسك منهم حط دار مدار البيت آيل بس المشكلة بيكون البيت عرضة للحرايق // يعني بنسوي سالفة فأرٌ في البيت ههههاااايييي .

حماااااااد أكو صرور وراك هههههههههههه.

[النهار]

القوارض والحشرات تقاوم البلدية!!

لاحظنا في الفترة الأخيرة ان الحشرات المنزلية لا تأبه للمبيدات الحشرية المستخدمة
من قبل البلدية فالصراصير تكبر وتنمو بشكل اسرع بعد رش البيوت بهذه المبيدات.

في حين نلاحظ ان القوارض من الحيوانات كالجرذان أصبحت بإحجام القطط وتلعب*
على حواف الحوائط المنزلية!!

في السابق كانت البلدية تقوم بمرور دوري على المناطق والبيوت لمكافحة القوارض
بينما الآن على المتضرر من هذه الحشرات و القوارض طلب رسمي عن طريق البطاقة الشخصية
لرش بيته او وضع سموم لهذه القوارض!!


بيوت العزاب و غير القطريين التي تحيط بنا من كل مكان والفئران والجرذان تتكاثر فيها
تحت المخلفات المركونة هنا وهناك، من المسؤول عنها؟

لماذا لا تقوم البلدية في دورها في مكافحة الحشرات والقوارض وفرض اليات جديدة
تجبر البيوت المستأجرة على دورية مكافحة الحشرات والقوارض؟


بالتوفيق ..

فيران ياظالم لا وعلى الحوائط لايكون ساكن في زرع في الشمال هههههههههههه
توك صغير مالحقت على الفيران هههههه تحصل الفار يتهاوش مع العتوي عند الزباله حجم الفار والعتوي نفس الشي
تعال شوفهم في الليل تقول اسراب الجراد هههههههههههه في المطابخ والحوش وفوق السطح وتحصله صاعد الكناره اسود الويه يدور له فروخ الطيور
وصوب محاكر الحام مره صدت 22 فار خلال نصف ساعه عند محكر الحمام بلزقه على الكرتون ههههههههه
ولاقارم باب الغرافه وداش اليوم الثاني تحصل الواحد اذنه مقرومه ولا صبع ريله قارم له قرمه منها

[روز باريس]

حمد ليكون ساكن في عزبه هههههه

[بوخالد911]

لا يكون قصدك بالشُبرا ولا بالجيزة !؟!؟!؟!؟!؟!؟

الحمدلله ما قمنا نشوف لا فيران ولا ثيراان!!!!

[خالد البلوشي]

القضاء على الفئران أصبح سهلاً للغاية
هناك محلول يباع في الصيدلية يوضع هذا المحلول مع الجبن مثلا .. ويتم وضع الطعم بالقرب من حجر الفئران وعندما يلتهم الفأر الطعم سيشعر بالعطش الشديد و سيذهب لأقرب مياه عكره وهناك سيلقى حتفه .. البلدية عندنا توزع هذا المحلول مجانا و من المؤكد وجوده في قطر كذلك ..

أما الصراصير فأفضل طريقة للتخلص منها هو عن طريق رش المبيد الحشري في المنهول الخاص بالمجاري ( البواليع ) اعزكم الله ..
البس القفازات و الكمامة و رش المبيد الحشري ( أفضل نوع هو ريد الأحمر ) قم بالرش في فتحة المنهول الخاصه بالمجاري و أغلق المنهول بأحكام بعد رش العلبة بالكامل ..
سوف تقضي على الصراصير المختبئة هناك و على البيض كذلك ..

كرر هذه العملية مرة واحدة كل شهر حتى تضمن عدم عودة الصراصير للمجاري التي تُعد المخبأ الآمن لهم في كل بيت ..

بالمناسبة لم تستطع القنبلة النووية في القضاء على الصراصير رغم أن الغبار النووي يُبيد كل ما هو حي في موقع انفجار النووي عدا الصراصير في ظاهرة محيرة جدا للعلماء .. و مع ذلك فالمبيدات الحشرية تقضي عليها بكل سهوله ..

[بوخالد911]

نقووووول : ازهيوية
مب صراصير !!!!!

[حياة]

البلديه انا اعاني منهم من زمان يرشون اليوم وبعد يوم طالعه من بالوعه البيت الرئيسيه اللي مشتركه مع مناهيل المنطقه صراصير ولاكان فيها شي وللعلم ارش كل اسبوعين .. واخيرا اكتشفت ان البلديه لان عليها ضغط يخلطون ماي على المبيد علشان يكفي لان الطلب كثير..

[حمد 2002]

........

[بوخالد911]

........

يالحبيب
ضع النقاط فوق الحروف !!!!!
:secret:

[ضوى]

البلديه انا اعاني منهم من زمان يرشون اليوم وبعد يوم طالعه من بالوعه البيت الرئيسيه اللي مشتركه مع مناهيل المنطقه صراصير ولاكان فيها شي وللعلم ارش كل اسبوعين .. واخيرا اكتشفت ان البلديه لان عليها ضغط يخلطون ماي على المبيد علشان يكفي لان الطلب كثير..

هالكلام خطير اختي لو صج ، انتي شفتيهم يخلطون المبيد بالماي !؟؟

[بوخالد911]

البلديه انا اعاني منهم من زمان يرشون اليوم وبعد يوم طالعه من بالوعه البيت الرئيسيه اللي مشتركه مع مناهيل المنطقه صراصير ولاكان فيها شي وللعلم ارش كل اسبوعين .. واخيرا اكتشفت ان البلديه لان عليها ضغط يخلطون ماي على المبيد علشان يكفي لان الطلب كثير..

البينة على من ادعى !!!!!!!

[توشيبا]

تحس الزهيوي يستانس اذا جو البلديه يرشونه ينظف اباطه

[توشيبا]

هالكلام خطير اختي لو صج ، انتي شفتيهم يخلطون المبيد بالماي !؟؟

حتي لو يرشون المسايله في الصرف الصحي والقنوات المشتركه فيه

يعني اللي يرش من اليوم لين سنه قدام اربعه وعشرين ساعه بس يوقف رش خلال نص دقيقه يطلع له زهيوي

مافي الا حاجز

انا جايب عامل ومخلي مداخل الصرف الصحي شخال من ثلاث مراحل فتحات كبيره وفتحات ىسط وفتحات صغار

والي يومج مانشوف زهيوي

[ضوى]

حتي لو يرشون المسايله في الصرف الصحي والقنوات المشتركه فيه

يعني اللي يرش من اليوم لين سنه قدام اربعه وعشرين ساعه بس يوقف رش خلال نص دقيقه يطلع له زهيوي

مافي الا حاجز

انا جايب عامل ومخلي مداخل الصرف الصحي شخال من ثلاث مراحل فتحات كبيره وفتحات ىسط وفتحات صغار

والي يومج مانشوف زهيوي

ممكن توضيح اكثر اخوي ؟

[alsoq]

والله يا حمد ولا يهنون الاعضاء بقول لك قصه حدثت لي والله العظيم انها حقيقه
في جنبنا بيت فيه 5 عوايل بيت شعبي وكشره فيه الله لا يرويك حتى تصليح المكيفات فيه المهم كنت الحظ فيران سود الكبار تطلع من تجي للبيت وحطينا لها سم الهم مات كم واحد

والله العظيم كنت نايم بغرفتي وعلى سريري والى احس بعضه في راس خشمي فتحت عيوني والى ذاك الجرذي العود وافز متروع المهم ونادي الخدم يذبحونه لانه تم ما بين الكنبه والكبت لحد ما ذبحوه رحت البلديه وعلامتهم بسالفه ولا احد سوى شي مع الاسف والله الخوف على احفادي

انا بالعاده اخلي باب غرفتي مفتوح علشان الوالده تنادي او تبي شي

[ضوى]

والله يا حمد ولا يهنون الاعضاء بقول لك قصه حدثت لي والله العظيم انها حقيقه
في جنبنا بيت فيه 5 عوايل بيت شعبي وكشره فيه الله لا يرويك حتى تصليح المكيفات فيه المهم كنت الحظ فيران سود الكبار تطلع من تجي للبيت وحطينا لها سم الهم مات كم واحد

والله العظيم كنت نايم بغرفتي وعلى سريري والى احس بعضه في راس خشمي فتحت عيوني والى ذاك الجرذي العود وافز متروع المهم ونادي الخدم يذبحونه لانه تم ما بين الكنبه والكبت لحد ما ذبحوه رحت البلديه وعلامتهم بسالفه ولا احد سوى شي مع الاسف والله الخوف على احفادي

انا بالعاده اخلي باب غرفتي مفتوح علشان الوالده تنادي او تبي شي

:omg::omg::omg:

انا مكانك والله ما اقعد في البيت

[alsoq]

:omg::omg::omg:

انا مكانك والله ما اقعد في البيت

ابشرك بنقل بيت الجديد عقب رمضان والله اختي ضوى فريجنا انه ما ينسكم فيه الحين اكثر منطقه في سكن شركات وعزاب والكل يعرف ها الشي

[ضوى]

ابشرك بنقل بيت الجديد عقب رمضان والله اختي ضوى فريجنا انه ما ينسكم فيه الحين اكثر منطقه في سكن شركات وعزاب والكل يعرف ها الشي

وليش ماتشتكون ياخوي ؟؟ مب ممنوع سكن العزاب ؟

بتعلمني في قذارتهم هالعزاب ؟؟ اعوذ بالله كانهم قاعدين بزريبة اعزكم الله ، ودي اعرف سبب للقذارة هذي مب لاقية ، لو كل واحد نظف تحته مابنشوف وصاخة بمكان

[سعادة الوزير]

مب عارف ليش البعض مصر انه يكذب اخونا حمد!!! ، انا ساكن في منطقة جديدة ومافي عزاب حولنا ابداً ، ومع ذلك عندنا فيران بشكل ماتتخيلونه! ، في اسبوع واحد صايد اثنين منهم داخل البيت ، وبالنسبة لمبيدات الحشرات من البلدية وانهم يخلطون المبيدات بالماي فهالكلام قاله لي الهندي الي يجينا يرش ، والسبب مب الضغط ، السبب على كلامه ان عندهم نقص كبير في كمية المبيدات ، الظاهر ان الاخوان في وزارة البيئة ملعوزينهم على الاستيراد!

[alsoq]

وليش ماتشتكون ياخوي ؟؟ مب ممنوع سكن العزاب ؟

بتعلمني في قذارتهم هالعزاب ؟؟ اعوذ بالله كانهم قاعدين بزريبة اعزكم الله ، ودي اعرف سبب للقذارة هذي مب لاقية ، لو كل واحد نظف تحته مابنشوف وصاخة بمكان

اشتكيت وقبلي اللي جنبهم صوب الثاني اشتكى وجاو وشافوا البيت ولا احد سوى شي مع الاسف

[يمامـة]

انت وين عايش اللي الفيران على الحيطان ؟!!

الحمد لله ما نعاني الا من صراصير وصغيرة ويتم القضاء عليها اول باول ،

البلدية مب مقصرة ومبيداتها من احسن الانواع ، الكائنات الضارة قاعدة تطور نفسها

شوفي ضوى

بيتي وبيت ابوي في فريج واحد بس نبعد كم شارع عن بيتهم

توني من عشرين يوم شايفة ذاك الجرذ اللي ذيله اطول مني
على الطوفة اللي تفصل ما بين بيت ابوي وبيت العزوب..
وفي الشارع العام يا ضوى الفار يشكح الشارع ولا بهامته السيارات
يزرق بينها...

ام الصراصير هذي قصة بحد ذاتها.
احنا في البيت مالنا الا البترول نصبه في المناهيل والحمامات تكرمين..

اما صوب بيت ابوي مثل ما قال احد الأخوان المبيدات الحشرية مالت البلدية
كأنها مكملات غذائية يرشون من اهنيه يكبرون من اهينه ويطولون ويتكاثرون!!

شي غريب عجيب .................> بس اذا بغيتي السبب
بيت ابوي محاصر من قبل بيوت العزاب والمقيمين اللي اعتقد البلدية
ما تمر صوب بيوتهم..

في الوقت اللي مافي قانون يجبرهم يستخدمون المبيدات الحشرية وسم القوارض
بشكل دوري..

[يوسف0]

ساكن بمنطقه جديده وحوالي بيوت تنبني

والفيران الصغار ملعوزينا فالحوش والصراصير والبريعصيه

وصحيح لاحظت دوا البلديه بدون فايده كلش

[النهار]

للرفع وينك ياحمد

[بوخالد911]

البلدية ما يقصرون
ونشكر جهودهم

[حياة]

هالكلام خطير اختي لو صج ، انتي شفتيهم يخلطون المبيد بالماي !؟؟



اي اختي ضوي متاكده ميه في الميه لاني
سئلت العامل وقال اي احنا نخلطها بماي علشان
تكفي الكميه ؟؟؟

[Q ابو تركي Q]

عاد انا تابع لبلدية الضعايين

جات فترة الفئران الصغيرة تسرح وتمرح بالبيت اتصلت فيهم قلت بس اللحين بجيبون احدث المبيدات الفتاكة

في الاخير يوم جت البلدية الا جايبين شداخة داخل كرتون مثل اللعبة لا والجبن علي كل اشوي احط

لو ادري هذي امكانيتهم التعبانة ما اتصلت فيهم

[hanayen]

أنا من رأيي ان البلديه قضوا على القطاوه فتكاثرت الفئران انا اشتكي من نفس الموضوع ورى بيتنا ستور هامور عود كل ما اشتكينا محد سوى شي فالبتالي تصبرنا وشرينا قطاوه بس لااسف ها لأيام الفئران اكبر من القطاوه

[عاهد بن علي]

الصراحه اذتنا الفيران في العزبه

[أسد الجزيرة]

زمن اغبر زين ما تشوف الفيران تلاحق القطاوة:)

[جراسا]

احسن حل من الطبيعة و البيئة نفسها
احنا مربيين في حديقة المنزل 3 قطط...نازلين ذبح بكل ما يزحف ويمشي على الارض
من الصراصير للبريعصي

[النهار]

هالكلام خطير اختي لو صج ، انتي شفتيهم يخلطون المبيد بالماي !؟؟

على فكره اي مبيد حشري لازم يخلط بالماي لان تركيزه عالي جدا

[يمامـة]

على فكره اي مبيد حشري لازم يخلط بالماي لان تركيزه عالي جدا

عاد يالنهار شكلها زايدين جيلة الماي اضعاف اضعاف..
ما عاد يفيد فيهم هالزهيوية فليت او دوا البلدية