المفروض كل شباب قطر سينير

[QATAR 77]

السلام عليكم

المفروض انه كل شباب قطر سينير

من اجل مسك جميع المناصب الادارية و ادارة البلاد و منع تسرب اسرار الدولة للخارج

[ضوى]

السلام عليكم

المفروض انه كل شباب قطر سينير

من اجل مسك جميع المناصب الادارية و ادارة البلاد و منع تسرب اسرار الدولة للخارج

ماعرفت شنهو الرابط انه يكون كل شباب قطر سينير وبين انهم يمسكون مناصب ؟؟

منطقياً مايصير يتساوى صاحب الشهادة الجامعية مع صاحب الشهادة الابتدائية

[شيخ الديرة]

السلام عليكم

المفروض انه كل شباب قطر سينير

من اجل مسك جميع المناصب الادارية و ادارة البلاد و منع تسرب اسرار الدولة للخارج

أتفق معك, لكن لكلمة شباب خلقت مشكلة في الأقتراح.

من يمسك المناصب الأدارية لابد أن يعرف كيف تمشي الأمور في أدارته, والطريقة الوحيدة لكي يعرفها بالتفاصيل هو أن يعيش تلك الأمور ويعرف الصح والغلط. يسموها خبرة.

[HSN_QTR]

المدير الجامعي ومتبهدلين معاه

بعد يكون فوقنا شباب الثانويه ولا الاعداديه

الله المستعان

[طبيب قطري]

المدير الجامعي ومتبهدلين معاه

بعد يكون فوقنا شباب الثانويه ولا الاعداديه

الله المستعان

اتفق معاك:victory:

[للصبر اخر]

ماعرفت شنهو الرابط انه يكون كل شباب قطر سينير وبين انهم يمسكون مناصب ؟؟

منطقياً مايصير يتساوى صاحب الشهادة الجامعية مع صاحب الشهادة الابتدائية

منطقيا ضوى صح كلامج
واقعيا الابتدائيه اعلى

[Right]

خلاص ما فيه داعي للدراسة ، دام بالنهاية الكل متساوون !!

[بوحارب]

ياريال أمس قاعد مع واحد ما خلص ثاني إعدادي
وانت تبي العالم كلها سنير ههههههه

[sweet qatar]

درست ولا ما درست

اذا عرفت الطريق بتوصل للمنصب

ياليت المناصب تتوزع حسب الكفاءة والكفاءة فقط

[مشاكل]

شد حيلك وخذها بذراعك

[أسد الجزيرة]

الايام هذي ما في حد يشتغل و عنده ابتدائية و لا اعدادية اقل شئ ثانوي

خلوكم من الحسد تراهم اخوانكم و اخواتكم

[latof]

صدقوني حتى لو انت كفوا ولا ترضى بالغلط ايجيبون واحد اجنبي ويحطونه على راسك مع انك انت جامعي ولديك الخبرة وتعمل بموضوعية ولكن رضيت ام ما رضيت يجب ان تبلع قهرك وترضى بالواقع والطامه الكبرى الكل يشهد لك بالكفاءة , والطامه الاكبر انه نفس الاجنبي والله العظيم لا يعرف شئ عن وظيفتك ووطنك ويتعلم منك والدليل انك كفوا اخر السنه يقيمك ممتاز لانه فعلا انت ممتاز واستفاد منك ’انا اتكلم عن حقيقة حاصل معي ولا الومهم ولكن الوم الذي جاء بهم واستهان في قدرات ابناء الوطن ’ والحمدلله انا عملي مع اطهر وانقى وارقى خلق ربي ابنائي ذوي الاحتياجات الخاصه وبفضل الله وفضلهم تشافيت من اخطر يصيب الانسان ((الحمدلله على كل حال لانه الذي يراسني له ضمير ويعرف عملي ويقدرني ))

[بوخالد911]

لو حبتك عيني ما ضامك الدهرررررررررررررررررر

[يمامـة]

قديما كانت بالتقادم الواحد يترفع ويصير سنير بكل يسر,,

لكن حاليا اعتقد الوضع صار صعب جدا نوعا ما..
فالأجيال القادمة في تطور ما شاء الله و قوانين الموارد البشرية
صارت تتغير حسب التغيير الحاصل في مخرجات التعليم وتطور الناس,,

فصعب كل الشباب يكونون سنير مالم تكون عنده شهادة جامعية
ويطمح للاعلى من هالشهادة اللي ماعادت اليوم تكفي..

[ودي أكون]

اعتقد ان محد فهم القصد من كلامه .. اعتقد والله اعلم

اتوقع ان راعي الموضوع يقصد ان لازم كل شعب قطر سنير عشان يمسكون المناصب الإداريه .. بمعنى ان الشعب القطري لازم يتعلم ولازم مايفكر بالوظايف بعد الثانويه .. او يشتغل والزامي عليه ان يكمل يتعليمه الجامعي .. وهكذا او ب هالطريقه الشعب القطري بالفعل مابيكون فيه الا الجامعي واللي بيكون له الاحقيه ان يمسك المناصب الاداريه .. حفظاً وحمايةً للدوله


والله اعلم

[chevelle-ss]

هو يقصد سالفه توها صايره

[captin]

سبب دمار الوظيفة الحكومية العامة وايضا في بعض القطاعات الأخرى الشبه حكومية
الناس الجهلة اللي تبوأت مناصب وصارت كبار موظفين وانحطو رؤساء اقسام ومدراء .

المفروض عندنا ما يصير كبار موظفين ولا يمسك وظيفة اشرافية الا بعد ما يوصل من الخبرة والمهارة
والدورات التدريبية على الاقل 10 سنوات يصير رئيس قسم و 15 فما فوق يصير مدير إدارة
بالاضافة طبعا الى المؤهل الجامعي والدورات التدريبية وعنده النضج الوظيفي ومهارات التعامل واتخاذ القرارات
وادارة الوقت وادارة الازمات وغيرها كثير من المهارات اللي تؤهله لهاذي الوظايف .

[رهج السنابك]

اسمح لي اي مكان قوي يمسكونه القطريين كمدراء وكلن موظف ربعه اشوفه مكان فاشل عندي امثله بس مابذكرها

[QTR TV]

ياجماعه انتوا خذتوا الموضوع من ذيله الرجال يقصد موضوع الفلبينيين والحذر منهم ومن غيرهم انا ايد وجهة نظره والي يقول لابد ان السينير يكون جامعي طيب اذا بايدك في هذا الكلام جامعي تخصص تاريخ مدير قسم في البلديه او ثانوي له 10 سنوات في مجال القسم هذا بتختار من ترا الوظيفة تعتمد على الخبره بشكل رئيسي أما موضوع الشهادة لا أراها مجزيه الا في التخصص نفسه والي أشوفه في البلد عكس هذا لا ماندر
أكثر المدراء حاليا جغرافيا تاريخ اوقانون ماشوف دراسته في تخصص ايداري حتى يستحق وظيفتة
بوحارب ثاني عدادي على الأقل احسن من الي مادرس وسار عالم أنشتاين اهم شئ الإنسان قابل للتعليم ولا شهادة والمخ قافل
مع هذا بعد عشان ما تفهموني غلط الشهادة ضرورية لأكن في مجالها لانها مب ميدليه ولا سياره اكشخ فيها والمفهوم العالمي يعتمد على الثنويه هي أساس التعليم مابعد الثنويه يأتي بالخبرة التطبيقية في مجال العمل

[وحيد-الشوق]

على طاري موضوع السنير شخصية ربما غير معروفة ذات منصب كبير تقريبا تقول لو فتحنا جميع الجامعات والانتساب للقطريين الكل بيصير سنير وافهم يافهيم :)

[JN000N]

عشان تصير السالفه مصخره وسبهلله
قلنا قطريين ولهم حق بس نبي كفاءه مب حيالله قطري وخلاص
انا معاي قطري ومعاي بريطاني والله ان القطري مايسوى 1٪ عند البريطاني ولو احنا عالقطري ذي الي هو اصلا سينير جان من زمان ضايعين

[محمد11]

الاجابه في هذيه الايه الكريمه

يقول الله عز وجل
قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ

صدق الله العظيم
سورة الزمر

[عاهد بن علي]

عسى الله يوفقنا للي يحبه ويرضاه

[طلعة الروح]

اسمح لي اي مكان قوي يمسكونه القطريين كمدراء وكلن موظف ربعه اشوفه مكان فاشل عندي امثله بس مابذكرها

عيل اذا جذي كل الاماكن فاشله عندنا وعلى راسها الوزارات والمؤسسات الحكومية

[طبيب قطري]

هو يقصد شباب فقط ولا شباب وشابات بثانويه؟؟

[fhd4]

استلام اشخاص ماعندهم كفاءة وخبرة للمناصب … سيؤدي إلى مزيد من تسرب الاسرار !

[ولد شرق]

الاجابه في هذيه الايه الكريمه

يقول الله عز وجل
قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ

صدق الله العظيم
سورة الزمر

واضف إلى ذلك قوله تعالى: (يرفع الله الذين آمنوا منكم والذين أوتوا العلم درجات)

[ya3coub]

عيل اذا جذي كل الاماكن فاشله عندنا وعلى راسها الوزارات والمؤسسات الحكومية

أنا اتفق مع كلام اختي الارستقراطية

و امثلتج صحيحه بخصوص وزاراتنا و المؤسسات الحكومية و لكن ليست كلها

فرق التعامل معروف بين الوزارات و التعامل بأغلب الوزارات ايضا معروف لا من انجازية العمل ولا من بيئة عمل + فن التعامل مع الجمهور و المواطن <<<< اتكلم عن الوزارات و المؤسسات الي فيها خدمة الجمهور و المواطن

------------

موضوع انه كل قطري يكون سنير هاي امنية اتمنى انه يجي اليوم الي اشوف كل اهل قطر سنيور ستف على اسس و خبرة و ثقافه

الي يحب الخير لبلاده للازم يحب الخير لعيالها

بس مو كل من يصير سنير يجب تأسسهم و تزويدهم بالمتطلبات اولها الدراسة و من قبلها الطموح من الإبتدائي نربي عيالها على هدف الوصول للقمة

المنافسة بالوقت الحالي صارت اكثر من قبل الكثير عندهم شهادات جامعية و تقريبا حالهم حال الثنوية من كثرتهم والله يزيد و يبارك.


اتمنى يجي اليوم الي ما يحتاج اي قطري او قطرية للإلتحاق بالعمل بدون شهادة جامعية عالأقل.

من جد وجد و من سار على الدرب وصل و اتمنى تهيئة الدرب و لا تقولون خل يشتغلون على اعمارهم لازم احنا نمهد الطريق للأطفال و الشباب الي عندنا فبيوتنا نعلمهم على حب خدمة الوطن بالعمل الممتاز بالطموح العالي

علشان نقدر نوصل هالمرحلة و يكون عندنا جيل قادم اقوى من الجيل الحالي بإذن الله

[Qtr37]

التوفيق من الله