مشكلة مع المكتب الخدم والخادمة

[خشوف]

مشكلتي خذت 3 خدامات اندونسيات الأولى بدون خبره علمتها الشغل ومافي احسن منها وبعد فترة خذت من نفس المكتب خدامتين مسترجعات صبرت عليهم حاولت اعدل فيهم مافيهم خير ابدا رجعتهم 22/5

رجعنهم المكتب 22/ 5 قالوا لنا وقع ورقة نقل الكفاله مانبيهم

المكتب اتصل اليوم يقول انتها الضمان لازم ترجيعن وحده منهم الي هي ام السؤوالف قبل 22/5 انا رجعتها انا خذتها 22/2 تحت التجربه 3 أيام عقب انقلو الكفاله الحين ازعجوني يقولون تعالي اخذيها بنكلمها لك انا ما ابيها مارجعتها الا عن قناعه
من مشاكلها
أولا شي : كله راقده من جاتني وعيالي طول اليوم راقدين هذا السبب الأول قبل كل شي الأخت طلعت تأكل بندول نايت شنطتها كلها علب بندول نايت والمصيبه الكبرى انها كانت قاعده تكلم خدامة اخوي الفلبينه بالعربي بحكم انها اندونسيه والاثنين يتكلمون عربي تقول تبين ترتاحين عطي البيبي دوء مخدر عشان ترتاحين منه وترقدين سمعوها البنات كلهم انا كنت في المستشفى هنا وضحت المعادله الأخت تشرب عيالي بس من وين لها قلت لهم فتشوا اغراضها مالقوا له شي غير ملابس رديت من المستشفى ثاني يوم رحت فتشت الشناط الي كانت في بيت ابوي لاني كنت مسويه عمليه وراقدين في بيت ابوي مالقيت شي الا حبوب نايت ماشكيت قلت يمكن حقها وعلى طول رجعتها المكتب على افعالها السابقه وقصت التخدير شكيت فيها رجعتها المكتب كان تاريخ 22/5 المكتب قالي مب رادها اخر يوم قالهم زوجي تصرفوا لو هي فيها خير مارجعتها المهم رجعتها بددون شناط السبت رجعت وديت الشناط وفتشت الاشناط كلها علب بندول نايت المهم يوم رجعتها المكتب تكذب تقول ما استلمت راتب من عندنا حنا نبصمها على كل راتب و نصور ورقه التحويل انها حولت لاهلها تكذب بعد ، واتصلت اول امس تقول الخدامه الثانيه سارقه من الملابس وانا مرتبه كل شي بس يتبلون على الخدامه الي قبل معنهم نفس الديرة اندونسيه بس بدون خبره وهي المفضله عندنا

ومن سؤالفها الثانيه الأخت تدور بالبيت بدون حجب وهي مسلمه وتفصخ صروال الينفورم وتنشف الملابس برع البيت كذا بيتي

وتجر شعر بنتي عمرها سنه عشان ماتقعد يوم تمشطها

واذا بنتي قامت من نومها وهي تبي تنام تفتح الباب تتطلعها برا الغرفه وهي غرفة عيالي حتى لو الفجر عشان ترقد الأخت مرت اخوي كانت سهرانه تقول اشوف بنتج طلعتها برا قلت بتطلع معها الأخت رقدت وخلت بنتج بروحها بالصاله عصبت عليها تقول ابي تنام وهي مزعجه

المكتب يقول بقنعها لك رديها وانا مابيها ابي يرد فلوسي الانودنسيات الخبره عليهم اكس شرايكم شسوي معه

[ضوى]

الخدامة تنام مع عيالج خشوف !؟؟؟؟؟

[خشوف]

الخدامة تنام مع عيالج خشوف !؟؟؟؟؟

غرفته عيالي مفتوحه على غرفتي كنت مع اخوهم ذاك اليوم في المستشفى وهي راقده في غرفتهم مؤقتا غرفة الخدم بروحهم ومرت اخوي كانت عندهم

[ضوى]

اختي خشوف ،لا تضعفين وترجعينها هذي واحدة نذله لو منج اضربها الحقيرة

[لما]

الله يستر من الخدم

[خشوف]

اختي خشوف ،لا تضعفين وترجعينها هذي واحدة نذله لو منج اضربها الحقيرة

لوفيها خير من سنه 2013 في الدوحه شهر 12 شوفي كم واحد مرجعها قبلي

[Locale]

كل هالعيوب وتفكرين ترجعينها
ماتدرين يمكن اهي تفتفت الباندول نايت وتحطه في حليب اليهال عشان ينامون

المكتب يبي بس يفتك منها وياخذ فلوسه

[pink pearl]

بعد كل اللي سوته تبين ترجعينها؟؟؟؟؟
شربت عيالج بندوووول؟؟؟؟؟؟؟

الله يغنيج عنها

[خشوف]

انا ما ابيها المكتب يبني اسفرها على حسابي

[qatari 111]

الله لا يحوجنا الخدم

[دايموند]

اشتكي ع المكتب

عاد كل شي ولا سمغه المكتب راح يتضررون وبيخافون وبيسفرونها ع حسابهم

[خشوف]

اشتكي ع المكتب

عاد كل شي ولا سمغه المكتب راح يتضررون وبيخافون وبيسفرونها ع حسابهم

اشتكي عند من وزارة العمل

[دايموند]

ماعرف من الشخص المعني بس شيكي في موقعهم بوزاره العمل

لان عندهم تصنيف للمكاتب من الدرجه الاولى الى الدرجه 3

[alsoq]

لا تدفعين ريال واحد
خليهم يسفرونها هذي المكاتب يدوم يضغط على القطري عارف انه بيتملل وبسفرها

لا تعطونهم فرصه خليها تنثبر عنده بالمكتب ترى يباخذ الفلوس ولا مسفرها بيعطيها عائله ثانيه ونفس الاسطوانه

[نوآف]

ماعليج من المكتب !

بلغيهم انج لما دفعتي فلوس حق المكتب عشان يجيبون لج خدامه عدله , مب خدامه كله راقده وتبلع اليهال هالحبوب !

لو انا منج حذفتها فالمركز يصفقونها ويسنعونها !

يحليلهم اللي يشتغلون عندنا مايعترفون ب شي اسمه " child abuse " وعادي الطفل القطري يتصفق يبلع حبوب ينذبح كله واحد :)

هدديهم ان ماردوا فلوسج بتفضحينهم وبتلجئين للقضاء وان كل شي عندج مثبت بالادله ومستحيل تدفعين لهم ريال ومب احسن لهم لو الخدامه راحت حق عائله ثانيه !

[نورالهدى]

لاتستسلمين لهم واطلبي فلوسج وصري عليهم
ولا لج علاقه فيها سلمتيها للمكتب قبل إنتهاء المده لو بيوم خلاص اطلعت من ذمتج
وخلج قويه ولا تتنازلي
ولو آخر خدامه لا اتدخلينها بيتج
ترى الأندونيسيات أذيتهم وشرهم ماله آخر
الله يحفظنا منهم ومن غيرهم ذوات الأنفس الضعيفه اللي ماتخاف الله

[عاهد بن علي]

الله يعينكم

[دايموند]

شنوو مصير الخدامه ؟!

اكيد راح تروح لعائله ثانيه

انا اقول تبلغين عنها وعن المكتب تسوين خير

[طبيب قطري]

الله يقومج بالسلامه حق بيتج وعيالج اولا وماتحتاجين للخدم ابدا ..
نصيحه حاولي فقط تخليهم للتنظيف اما الطباخ والعيال مسؤوليتج انتي امهم..

[حسن]

الحل تقديم شكوى لوزاره العمل ورفع قضيه على المكتب
او التوجهه الى منظمه حقوق الانسان لتقديم شكوى
غير ذاللك الباقي صياح ونياح

[خشوف]

المشكله اني دافعة 13500 حق الوحده و والنصب لما درا ابي فلوسي ماابي خدم من عندهم راح يماطل وسو شي اليوم بتعرفونه انا ماراح اسكت بشوف لي محامي وبشتكي وبشهر في المكتب في كل مكان 27الف مب شي بسبط حق خدامتين وحق مكتب مايستاهل قال مصنف درجة اولى

[حسن]

المشكله اني دافعة 13500 حق الوحده و والنصب لما درا ابي فلوسي ماابي خدم من عندهم راح يماطل وسو شي اليوم بتعرفونه انا ماراح اسكت بشوف لي محامي وبشتكي وبشهر في المكتب في كل مكان 27الف مب شي بسبط حق خدامتين وحق مكتب مايستاهل قال مصنف درجة اولى

فعلا مالكم الى رفع دعوي وتوكيل محامي
وبالتوفيق

[w.qatar]

اختي انتي غلطتي تاخذين مسترجعه لا و ب13500 ليش المكتب الحقير ما جاب جديده

اشتكي عند واحد في وزراه العمل اسمه فارس الكعبي يقولون هو مسئول عن هالامور

[بوخالد911]

هلا بكم

اشتكوا عند ادارة الاستقدام بوزارة العمل والشؤون الاجتماعية
الموقع : الدائري الثالث
بالقرب من اشارات طالب الخوري
مقابل الأولى للتمويل

[العنيده]

اشتكي على المكتب والله يرزقج بوحده خيره ان كنتي محتاجه باذن الله ..
سؤال محيرني مسترجعه وياخذ عليها 13500 واللي قبل دافع واللي بعدج بيدفع :eek5: استغفر الله العظيم :)

[nono80]

والله حتي اذا اشتكي ماراح يسون لج شي طحت في نفس المصيبه مع مكتب خط الفلوس وماجابوا لي الخدامه وتهاوشت معاهم واشتكي ولاحياة لمن تنادي والله ماستلمت فلوسي الا عقب 5 او 6 شهور بهواش وادارة العمل ماسوت لنا شي

[طبيب قطري]

المشكله اني دافعة 13500 حق الوحده و والنصب لما درا ابي فلوسي ماابي خدم من عندهم راح يماطل وسو شي اليوم بتعرفونه انا ماراح اسكت بشوف لي محامي وبشتكي وبشهر في المكتب في كل مكان 27الف مب شي بسبط حق خدامتين وحق مكتب مايستاهل قال مصنف درجة اولى

عفوا ممكن تقولين شنو اسم المكتب ووين مكانه؟

[راشد محمد]

الله يعينج اختي ويعوضج خير ..بس لا تسكتين عنهم واشتكي في وطني الحبيب

[أم محمد 90]

اليهال امانه ونعمه ربي يرزقكم اياها

وانتو تقطونهم ع الخدم وتتوقعون ان الخدم بيربونهم وبيحسنون معاملتهم ؟؟؟

[basma222]

اختي حب للناس ما تحب لنفسك


مكتب اسبشل الغرافه عندك مرجعات هم اوكي بكل شي بس مب حق أطفال بس يعرفون لهم لانهم أمهات بس مب نفس الفلبين

[المحاميه]

والله العظيم وانا اقرا قلبي عورني
لاتخلين عيالج مع الخدم
وبعد جداد وتحت التجربه اشلون مأمنه؟
وقاعده تطالبين بفلوسج وهي ضاره عيالج؟ شنو الاهم؟
اول شي روحي المكتب صكيها كف ونتفي شعرها هي واللي معاها
عقب شرشحي المكتب وغصبا عنه يرد فلوسج عطيه كمن كلمه ف العظم
هاللي ناقص يبونج تردينها غصب عقب اللي سوته لهم ويه؟
يبه لامحامي ولاشي هدديه وقوليله الحين ترد فلوسي ولا باتصل فالشرطه وباشوه سمعتكم

حسبي الله عليهم من خدم
الفلوس تولي بس اليهال مساكين ش ذنبهم
حسبي الله عالمكاتب الغشاشين كل همهم الفلوس

[المحاميه]

اختي حب للناس ما تحب لنفسك

يمكن مشاركتها ذي يوم كانت تجربهم وماتدري بالبلاوي !

استغفرالله احتريت وكأني ناقصه اوف

[أعيان]

طرشيلي اسم المكتب ماعليش امر أختي على الخاص

[ولد العلي]

عفوا ممكن تقولين شنو اسم المكتب ووين مكانه؟ :shy:

[هيلو كيتي]

افتكي منها نصيحه والله ايعوضج لو سفرتيها على احسابج اعتبريها صدقه عنكم
في من الخدامات ينحسون كل شي فالبيت

مرة جتني خدامه فلبينيه من حنتها كل شي اتعطل اول شي الغساله وبعدها اشياء تنكسر فالبيت واخر شي سيارتي كنت توه امطلعتنها من الوكاله انضرب فيها الكمبيوتر الي يتحكم فالسياره كلها حتى مااشتغلت .
لذلك افتكي منها وريحي راسج

[دايموند]

اختي حب للناس ما تحب لنفسك


اقتباس المشاركة الأصلية كتبت بواسطة خشوف مشاهدة المشاركة
مكتب اسبشل الغرافه عندك مرجعات هم اوكي بكل شي بس مب حق أطفال بس يعرفون لهم لانهم أمهات بس مب نفس الفلبين


صادوووه !!!! @@

[R 7 A L]

لا ترجعينها حتى لو مارجعوا لك فلوسك
المشكلة
ياكثر الفلوس الي نتخسرها على خرابيط

[قنديلة]

مؤسف .. والحمدلله اختي انك وعيتي المشكلة من بدري وتصرفتي .. فيه ناس مغلوبين على حالهم ومايوعون المشكلة الا بعد فوات الاوان..

السؤال الذي يطرح نفسه وبقوة هنا: اين المسؤلون عن تصرفات العشوائية لمكاتب الخدم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟ او من المسؤوول عن مكاتب الخدم , يعني خادمة مسترجعة مرة او مرتين وتتحول من بيت لبيت في انحاء قطر والله العالم ما تحمل من ضرر لاصحاب البيت! المفروض فيه احد يحاسب الخادمات المسترجعات وعن الاسباب واذا ثبت فسادها او ضررها لاهل البيت او حتى ( النية) فعلى الجهات المسؤلة ان تتخذ الاجراءات عن البلد وليس تحويلها لبيوت اخرى .

شاكرة

[لبتونه]

اختي فلوس ترجع لكن اعيال مايتعوضون والله يستر وش كانت تسوي فيهم وانتي محد حسبي الله عليها

دخلي اعيالج حضانه ابركها من ساعه

وخدامه احتسبي فلوسها صدقه عن اعيالج سفريها ولا تروح حق بيت ثاني وتلعب في اعيالهم

والله يحفض اعيالج