هل ممنوع ابني بيت دور ارضي فقط ؟!!

[قانونيه]

السلام عليكم
اخواني بغيت استفسر اذا حد عنده فكرة
أنا ارضي في روضة الحمامه
وناويين ان شاء الله نبنيها
هل ممنوع ابنيها دور ارضي فقط او مثلا أسلويها بيسمنت ودور ارضي
ياليت اللي عنده فكرة يرد على استفساراتي
او اي جهة تقدر تفيدني

[naklan]

اختي تقدرين تبنين بالطريقة الي تبين سواء دور ارضي او دورين او بيسمنت ودور
لكن البناء دورين افضل من حيث توفير مساحة كبيره للحوش وتستفيدين منها بعمل حديقة
او ملاحق او مجلس خارجي والي بيفيدج هو المكتب الاستشاري الي بيعمل المخطط

موفقه ان شاء الله

[رُفق المجنّا]

يفيدونش الاخوة المختصين ولكن ع مواصفات البناء عندنا ( ما عندي ثقة أني اسوي بيسمنت ) والدورين افضل لاستغلا المساحة وأعتقد ان التكلفة أقل من البيسمنت+دور ارضي

[مواقف النجادة]

اخوي اذا تبني على قرض الاسكان .. كيفك.. دور.. او دورين .. بيسمنت او بدون ..بنت هاوس او بدون .. اللي تبيه ..
و لكن هناك حد ادنى لمساحة البنيان ..ممكن تتصل الاسكان او البلدية و يعلمونك عنه ..اذا ما خانتني الذاكرة اقل شئ 340 متر مربع (ياريت يصححون لي الاعضاء اذا غلط في الرقم).

[قانونيه]

مشكورين ماقصرتوا

[معماري قطري]

ممكن الواحد يسوي بيسمنت في أضيق الحدود وفي قطر ما انصح به

في فلوريدا اللي أَرضها منبسطة وأَغلب مدنها اللي على البحر تتآكل أَرضيتها وتستوي فيها انهيارات تم منع عمل بيسمنت بالكامل من زمان .. ونموذج جيولوجيا فلوريدا قريب من نموذج جيولوجيا قطر .. ذكرت قبل إِن حتى الأَنفاق هناك ما تنوجد وكله جسور وقطر كل شغلهم أَنفاق في تحدي صارخ لطبيعة الأَرض وضعفها وارتفاع مياهها الجوفية.

بالنسبة للأَدوار كل ما طلعنا فوق كل ما كان البنيان أَرخص لنفس المساحة من البناء لحدود معينة بعدها يبدأَ في الزيادة بسبب تعقيد الارتفاع .. يعني 3 أَدوار أَو 4 أَرخص .. وللي محتد على البيسمنت كمخازن أَو ملحق بسيط بالاضافة الى مواقف لإِستغلال الأَرض ممكن بس باحتياطات معينة شرحتها كم مره في السابق .. أَما بيسمنت بالكامل فمغامرة كبيرة.

[تاجر]

مرحباً الشيخه
أنا بيتي في روضة الحمامة ودور ارضي مع ملاحق ومجلس خارجي اذا لج خاطر تشوفين تواصلي معاي على الخاص او حد من إخوانج يكلمني وانا حاضر.

[w.qatar]

حسب معرفتي البسيطه في البنيان البيسمنت بيكلفج اكثر من الدور الاول
فالافضل تسوين ارضي و دور اول اوفر و افضل