إلزام القطرين والمقيمين بالذهاب للعمل بباص !

[حمد 2002]

السلام عليكم ورحمه الله وبركاته ..

كل يوم أنجوف زحمه واحنا رايحين الدوام !!

وكل يوم أنجوف هناك حوادث مميت ! واحنا رايحين الدوام ..

مارأيكم لو كل وزاره وكل مؤسسه أجبرت موظفيها بالذهاب بباص للمصلحة العامه .ومن أجل سلامتنا. هل أنت مع أو ضد هالشيء ؟!


بالتوفيق ..

[عاهد بن علي]

مع وبكل اصرار يا حمد

[بوحارب]

عشان انقوم قبل الدوام بثلاث ساعات crazy

[لمت اب]

الله يوفقك ويتمم لك على خير
وتعزمنا فيه
ماقلت لنا كم السعر ؟

[خليفـة]

محد يقدر يلزم احد بعدم استخدام السيارات للذهاب للعمل او لغيره
مهما كانت الاسباب

موضوع غير منطقي .. وغير قابل للواقعية ابداً يا حمد
بالتالي .. سامحني انا اعتبره useless

خليفــة

[ضوى]

ايه خوش فكرة ، وباص حق المتزوجات وباص حق العازبات وباص حق الشياب وباص حق الشباب وسرى الليل واحنا ماسرينا ، وياليت بالمرة بعد يونيفورم عبايات للحريم ويونيفورم للرجال

[لمت اب]

اخي خليفه
ايش الي يخلي الغربين والشرقين يستخدمون الباصات وحنا لا

وسرى الليل وحنا ماسرينا
:)

[D0ha]

أفكارك جميلة ونقابلها بإحترام، لكن تحتاج الى إعادة صياغة حتى يتم فهمها بكل سهولة..... فكرة الباص رائعة لتفادي الزحمة، التلوث، استهلاك الطاقة، الإزعاج، وقت ينهدر بحثاً عن موقف او مال يدفع لتعرفة الرصف، تفادي الحوادث، التأخير..... كلها أفكار لكن ليست بالجبر او القوة... هذي من حضارة شعب ووعي للمسئولية الاجتماعية وفهم المواطن. انا مع الأخ حمد لكن ليست بالأسلوب المذكور ( إجبار).
لكم الود

[خليفـة]

اخي خليفه
ايش الي يخلي الغربين والشرقين يستخدمون الباصات وحنا لا

وسرى الليل وحنا ماسرينا
:)

انا اقول لك يالغالي
الي يخليهم يستخدمون الباصات عدة عوامل .. اهمها :
توفر الباصات بكثرة .. توفر نقاط توقف الباصات
خوفهم من الانفاق الزايد على بترول السيارة .. وانت تعرف بكم لتر البترول هنيه وكم هناك

[حسن]

الزمن جاي يابوشهاب ولا عليه من حد

وبتشوف السيكل بعد كلها مسئله وقت

انا سعيد بالقطارت اللي بيسونها رغم انها جات متاخره من زمان
لكن خير
مساعه اسولف مع عيالي قلت لهم زمنكم بتركبون الباص والمترو

وبعدين هم متعودين عليه الحين في اوروبا

موضوع مميز ويستحق التثبيت

كان زين انت خبير ياحمد بدل هل الاجانب اللي يضحكون عليهم

:)

[حسن]

انا اقول لك يالغالي
الي يخليهم يستخدمون الباصات عدة عوامل .. اهمها :
توفر الباصات بكثرة .. توفر نقاط توقف الباصات
خوفهم من الانفاق الزايد على بترول السيارة .. وانت تعرف بكم لتر البترول هنيه وكم هناك

اضمن لي على الملاء ان نسبه السكان مهب زايده وان اسعار البترول
مهب زايده وان البترول مهب مخلص
انا اضمنلك انهم مهب راكبين الباص والقطار

:victory:

[naklan]

هههههه وينه الباص وين التكسي اخوي جرب تروح مكان من غير سياره
علشان تعرف ان البلد مافيها مواصلات عامه التكسي نادر والباص يجي لمحطته بعد اكثر من ساعه
واذاتبي تروح مثلا من مدينه خليفة للريان لازم تروح المحطه الي ورا الفردان وتاخذ باص ثاني
فكرتك جيده لبلد يملك شبكة مواصلات تحترم انسانية الراكب ووقته وبعدين بتحصل ناس
تركب الباص الي اقترحته

[بوخالد911]

اوووك

اولا طبق هالشي ع نفسك !!!!

[h9466]

الحقيقة تعجبني افكارك لانها مبتكرة وفعالة لكن فكرة الباص ماحبيتها منك بنوب،،زعلتني منك بجد،،،،،هل تعلم ان الحرارة امس تخطت حاجز درجة 50 مئوية،،،يااخي راكب لاندكروز مكيفين وحران،،،وتقولي باص ،،،

[النهار]

محد يقدر يلزم احد بعدم استخدام السيارات للذهاب للعمل او لغيره
مهما كانت الاسباب

موضوع غير منطقي .. وغير قابل للواقعية ابداً يا حمد
بالتالي .. سامحني انا اعتبره useless

خليفــة

ههههههههههههههههههههههه
انزين نخليها بصيغه اخرى الكل يروح الشغل بموترسيكل بطبطه

[مــاي ورد]

لا أؤيد ابدا

[الجنوبي]

فكرة ممتازة وبالمرة تمنع الموظفين من الشردة والتسيب من الشغل

[شيخ الديرة]

أفكارك جهنمية

[طلعة الروح]

هههههه وينه الباص وين التكسي اخوي جرب تروح مكان من غير سياره
علشان تعرف ان البلد مافيها مواصلات عامه التكسي نادر والباص يجي لمحطته بعد اكثر من ساعه
واذاتبي تروح مثلا من مدينه خليفة للريان لازم تروح المحطه الي ورا الفردان وتاخذ باص ثاني
فكرتك جيده لبلد يملك شبكة مواصلات تحترم انسانية الراكب ووقته وبعدين بتحصل ناس
تركب الباص الي اقترحته

هذي المشكله، يعتقد البعض ان باصاتنا وتكاسينا نفس باصات وترامات أوربا
انا ماعندي مشكلة اركب باص او قطار بس اضمن لي توفر المحطات في كل منطقة وجدول محترم لمواعيد الرحلات. ساعتها ممكن استغني عن السيارة خصوصا المشاوير البسيطة.

[قوت القلوب]

مع وبقوه عشااان كلكم اتروحون فالباص وانا اطلع في موتري امروووق حدي

[خليفـة]

اضمن لي على الملاء ان نسبه السكان مهب زايده وان اسعار البترول
مهب زايده وان البترول مهب مخلص
انا اضمنلك انهم مهب راكبين الباص والقطار

:victory:

في الوقت الحالي
احنا بالف خير ونعمة
والاحتياط البترولي .. يكفي لين وصول عيال عيالك
كل واحد يعيش زمنه .. وحتى نصل الزمن الي انت مرعوب منه
تكون البدائل موجوده بالعشرات

اذا انت من مشجعي فكرة الباصات يا بوعلي
اتحداك تداوم الاحد بثوبك وغترتك على باص بروه
وياليت تدعمنا بالصور عشان الي مايشتري يتفرج
هههههه

[عطر فرنسي]

مؤيد معك

[lion66]

ول ول ول ول ....

ليش إلزام ....

كلها كم سنة وتخلص المشاريع وتفضى البلاد ...

[محمد أبوشيخة]

انا اقول لك يالغالي
الي يخليهم يستخدمون الباصات عدة عوامل .. اهمها :
توفر الباصات بكثرة .. توفر نقاط توقف الباصات
خوفهم من الانفاق الزايد على بترول السيارة .. وانت تعرف بكم لتر البترول هنيه وكم هناك

الجو الزين اللي يفتح النفس

[كان فيه وخلص]

انا فكرت بالموضوع ولنطبقه على أرض الواقع ،،

انا اشوف كثير ممن ينتظر الباصات يموت ألف مره مع حرارة الجو الرائعة ، واشعة الشمس الحارقة ،
طيب هذه فترة الصيف ، ما علينا منها ،،

انا عملي في طريق سلوى ، والمدارس في الدحيل ، وانا ساكن في النجمة ، وأذا أردت ان أستخدم باصات المدرسة وهي مدارس خاصة ، فأنا تقريبا محتاج إلى 15000ريال
واذا استخدمت المواصلات العامة ، الله أعلم متى سيكون الوصول ، إلى عملي بعد تغيير المسار إلى أكثر من أتجاه ،
أذا انا مع سيارتي وأبدا من الساعة 5:30 وأصل لعملي 7:30 أو أبكر بقليل ،

وإن كنت أتمنى أن أجد سيارات الأجرة متوفره في كل مكان (كروه) أو حتى تقف لمن هم أمثالي (من غير الجنسية الفلبينية )
لكنت وفرت على نفسي عذاب المواقف في كثير من الأماكن الخدمية ، مثل الوزارات ، أو المستشفيات ، وأوفر على نفسي مخالفات الوقوف في الممنوع ،

لكن مشكلة الزحمة لا تكون بإلزام بأي حل ، ليس بمنع أعطاء تراخيص السير ، ولا إلزام الناس بإستخدام الباصات والمواصلات العامة التي هي مضغوطة بالنسبة للباصات ، والتسيب الواضح بالنسبة للتكاسي (كروه)

ولكن تكون بالتخطيط الجيد ، ووضع الخطط البديلة للأزمات ،
وسلامتكم ،،

[Miss]

اييي روحوا في الباصات للشغل
عشان تفضى الشوارع لنا :nice:

[qatara]

ول ول ول ول ....

ليش إلزام ....

كلها كم سنة وتخلص المشاريع وتفضى البلاد ...

ههههههههه

[alsoq]

اخي خليفه
ايش الي يخلي الغربين والشرقين يستخدمون الباصات وحنا لا

وسرى الليل وحنا ماسرينا
:)

لان مستواك المعيشي يختلف
لان البترول عندك رخيص

[ANONYMOUS]

باص باص شالمشكله

يقول المثل .. ان طاعك الزمان ولا طيعه .. والحمد لله الدنيا بخير والزمان طايع ..

الأولين ركبو خيول ومطايا وحمير وبغال وبعضهم ماعنده مركب يروح كل مكان مشي واحتمال بدون نعال ههههههه


الحين صار الباص كوخّه



اللهم إنا نعوذ بك من الكبر والغرور
ومن العجب وحب الظهور
اللهم طهر قلوبنا من النفاق
اللهم طهرها من الحسد
والبغضاء
والحقد
والشحناء
وطهر أعمالنا من السمعة والرياء
واجعلها خالصة لوجهك، يا سميع الدعاء
وطهر ألسنتنا من الكذب
وأعيننا من الخيانة
إنك تعلم خائنة الأعين وما تخفي الصدور

[يمامـة]

محد يقدر يلزم احد بعدم استخدام السيارات للذهاب للعمل او لغيره
مهما كانت الاسباب

موضوع غير منطقي .. وغير قابل للواقعية ابداً يا حمد
بالتالي .. سامحني انا اعتبره useless

خليفــة

:victory:

[يمامـة]

لان مستواك المعيشي يختلف
لان البترول عندك رخيص

الثقافة المجتمعية بعد مختلفة..

اللحين عندك سيارة توفر لك الرفاهية والمكانة الاجتماعية عند كثيرين
تركنها وتروح تركب باص؟

ليش؟

اعتقد كل هذا له دور في ثقافة ركوب البسوس..

[همسه]

ضد ببساطه لأن الوضع عندنا مش مرتب مثل الوضع في البلادان اللي تستخدم الطريقه اللي توصفها

:)

[Dana’1]

اوك ابتدي بنفسك والقريبين منك مثل اخوانك والزملاء بالعمل التزموا بهذا الشي واغبشوا بالباص

شوف التجربة كيف وعقب أنشرها عن تجربة
مو تقترح وانت تروح بالسيارة

[عثرة جواد]

لاصعب الواحديروح بسيارته وهومرتاح لازحمه ولاترصص ولاروائح الله العالم فيها

لويخلونها للجاليات صح ع الاقل تخف الزحمه

[حسن]

والله لايركبونه ياحمد

وهذا قسم

وان غدا لناظريه لقريب

هذه رؤيتي

:victory:


ركبوه ابهاتنا ايام الشركه وماقالو عيب والايام القادمه
اتي

عاد هو باص سيكل ولا درام ولا قطار

:)

[العنيده]

بالعكس فكره حلوه بس سؤالين

بيكون نظيف , مكيف , فيه اهتمام ولا بس مواصلات , مكان الانتظار بيكون مسكر ولا , فيه قسم للنساء و اذا كانت بنت بروحها بتروح الدوام يجوز تركب ولا هذا اذا كان المقترح يشملنا

الفكره حلوه لو تتطبق على الزوار واصحاب الاقامات القصيره اللي ياجرون سيايير لفتره وتتسبب بزحمه ,,
رايي واعتذر عن الازعاج

[شيخ الديرة]

اوك ابتدي بنفسك والقريبين منك مثل اخوانك والزملاء بالعمل التزموا بهذا الشي واغبشوا بالباص

شوف التجربة كيف وعقب أنشرها عن تجربة
مو تقترح وانت تروح بالسيارة
http://michaelhyatt.com/wp-content/uploads/2009/01/thumbs-up-430x286.jpg

[w.qatar]

شلون بالباص ترا مب مدرسه الموظفين من كل مناطق الدوله يعني عادي واحد يشتغل بالابراج و هو من اهل الخور ولا الشحانيه ولا دخان

معنى هالكلام كا بيوصل باصكم هذا الا الساعه 9

[دااانة قطر]

الله المستعاان

[الحياة الخالدة]

مع احترامي للجميع .. و بغض النظر عن اتفاقنا أو اختلافنا مع فكرة صاحب الموضوع .. إلا أن هذا لا يعطي أحداً منا الحق في الانتقاص منه أو الاستهزاء بما كتبه
نستطيع أن نبدي رأينا بفكرته بكل احترام .. و إن لم يرق لنا الموضوع كلياً فلا داعي لدخوله أو المشاركة فيه
إضافة إلى أن رحيل الأقلام المبدعة عن المنتدى لا علاقة له بأي عضو .. فالمبدع يثبت نفسه إن أراد و كانت له الرغبة في البقاء
المنتدى مفتوح للجميع .. و لكلٍّ الحق في طرح موضوعه بما يتناسب و قوانين المنتدى

و أعود فأقول .. من لا يعجبه الموضوع ليس مجبر على دخوله

[بوخالد911]

هذا الموضوع ذكرني بحديثي مع زميلي بالعمل عندما كنا نتجاذب أطراف الحديث حول مترو قطر
مبدياً استعداده لركوبه للعمل وبلا خجل على حد تعبيره:nice: