كيف استثمر مبلغ 800 الف..؟ [الأرشيف] - منتديات شبكة الأسهم القطرية

SOUD.QA

31-05-2014, 07:36 AM

وعليكم السلام ورحمة الله وبركاته

صلي على نبيج من زين شوارعنا ولا مطباتنا اللي بتكسر لج هالموتر

انصحج حولي موضوعج فقسم المشاريع التجاريه واخونا شموخ دائم ما راح يقصر معاج ونعم الرجال نصايحه من ذهب والله يوفقج

حمد 2002

31-05-2014, 08:14 AM

الفلوس سلفية ولا مجمعتهم فلس فلس ؟

حمد 2002

31-05-2014, 08:16 AM

وسمعنا أن تبنين فيلا ؟ ليش ماتخشينها لبناي البيت ..

Miss

31-05-2014, 11:02 AM

نونه دام عندج هالمبلغ ليش ما دخلتي في مشروع الفرجان

استثمريها او خشيها لبيتج

حمد 2002

31-05-2014, 12:17 PM

وعندي لج نصيحه بتدخل منها 90 الف ريال بالشهر .. ورأس مال المشروع فقط 30 الف ريال ..

أم هشام

31-05-2014, 12:36 PM

وعندي لج نصيحه بتدخل منها 90 الف ريال بالشهر .. ورأس مال المشروع فقط 30 الف ريال ..

ههههههههههه ذكرتني ببعض الاشخاص الله يهديهم

حمد 2002

31-05-2014, 12:45 PM

ههههههههههه ذكرتني ببعض الاشخاص الله يهديهم

الله يسامحج :(

لما

31-05-2014, 12:53 PM

وش هي الفكره اللي تدخل ظ©ظ* الف

غير البشر

31-05-2014, 01:05 PM

وش هي الفكره اللي تدخل ظ©ظ* الف

كافتيريا في المرخيه هههههههه

عطر فرنسي

31-05-2014, 01:14 PM

اسعد الله اوقاتك

والله فيه اشياء كثيره ممكن تشتري اسهم بس يبي احد يتابع لك

ممكن تأجرين محل وتسوين محل ملابس فساتين او عبي او اي شي مرغوب فيه

متواصل

31-05-2014, 01:18 PM

اشتر اسهم ناقلات بالمبلغ كله
وان شاء الله موفق

بس شرط مب بعد كم شهر تقول ببيع محتاج
وتبيع بخسارة
اصبر عليه

MAZEN37

31-05-2014, 01:57 PM

لو مكانك ازيدهم 200 واشتري ارض صغيره

blueZircon

31-05-2014, 02:13 PM

مشروع تطبيق ذكي لاجهزة الايفون, تكلفه قليله دون مخاطر والعائد كبير

النهار

31-05-2014, 02:42 PM

كافتيريا في المرخيه هههههههه

بتفلس هههههههههه حمد بيخيم هناك كل شويه طاب عليهم انا اعرف راعية الكفتيريا

تأملات

31-05-2014, 02:51 PM

الحل اختي جدا سهلا
اشتري الاسهم الذهبية وقود صناعات او اسهم البنوك الاسلامية لكن اعرفي متى تشترين ومتى تطلعين لو اخترتي افضل الفرص راح يتضاعف راس مالج. افضل يكون الشراء والبيع عن طريق شخص محترف ممكن أقول المبلغ 400-500 الف
بعدها اشتري مشروع صغير مربح بس بشرط في نفس المشروع شخص يديره. افضل شي كفاتيريا حلاق مخبز سوبرماركت خصصي له تقربيا 180 كأقصى حد
وأخيرا كوني جرئية وعن طريق التمويل اشتري بيت صغير كفيلا ارضية قديمة عمرها يكون 10-15 تدفعين 200 الف والباقي تموين بحيث البيت يسدد أقساطه
يظل 20 الف ادخري لاخرتج. طلعها. صدقة قبل بدا اي شي
مع دعواتي لج بالتوفيق

الزعفراني

31-05-2014, 04:01 PM

في البورصه

تابعي قسم التحليل في المنتدى وشوفي توصيات المحللين هناك

ll vip ll

31-05-2014, 04:06 PM

انصحج ،، والله ويفقج

تشترين فيها اسهم النازله وتنسينها
او
تحطينها في وديعة اسلامية

المحقق كونان

31-05-2014, 04:32 PM

اشتري اسهم بس لازم تعرفين متى تشترين ومتى تبيعين اذا مضاربه

توشيبا

31-05-2014, 08:06 PM

عطيني اياها وانا كل شهر اعطيج عشر لالف ريال لمده سنه

واذا تبين نصيحتي خليها في البنك وحاولي توفري لو من راتبج وزيدي عليها خلال كم سنه بتشترين لج بيت واستفيدي منه

اما بخصوص الاسهم ماعتقد تنفع لج

أسد الجزيرة

31-05-2014, 11:13 PM

سوي مسجد يفيدج في الاخرة

رجل تعليم

01-06-2014, 12:51 AM

هذا المبلغ في المغرب يعني الثراء بحول الله
يشتري الانسان مقهى وكل يوم تجني منها الف ريال او اكثر بحول الله
الله يوفقك

لاجل QT

01-06-2014, 02:00 AM

شاكرة لكم جميعكم حضوركم والادلاء بارائكم...وشاكرة للاراء المرحة ههههههههه

جاري التفكير بالاراء المناسبة

اسد الجزيرة شاكرة لك نصيحتك ...الوقف لي مساهمة فية

اعمال الخير لاتتوقف ولله الحمد والمنة وكل يعمل لااخرتة

ابي مشروع تجاري واضح من العنوان طلبي عن شنهو!

رجل تعليم...الله يغنينا واياك بفضلة..

راشد محمد

01-06-2014, 08:36 AM

اشتري ارض

للصبر اخر

01-06-2014, 10:55 AM

مشروع تطبيق ذكي لاجهزة الايفون, تكلفه قليله دون مخاطر والعائد كبير

هالفكره دشت بالي
احس بشغف تجاهه

توشيبا

01-06-2014, 12:07 PM

مشروع تطبيق ذكي لاجهزة الايفون, تكلفه قليله دون مخاطر والعائد كبير

مافي تكلفه بيسطه

يحتاج الي متابعه

وثاني شي سعر التطبيق علي حسب الموصفات يمكن يوصل فوق 90 الف اذا طلب ابلكيشن للاندرويد و الاي فون

انا سويت تطبيق وخلصت منه مع اني كنت باسويه عن طريق شركه طلبو مني 95 الف

وارخص واحد حصلته يشتغل حرر عطاني للنسختين 45 الف

وسويته بنفسي كل اللي خسرته الحين قيمت السيرفر والنظاق والتصميم وحاليا انتظر موافقه ابل ستور علي التطبيق

النهار

01-06-2014, 12:15 PM

مافي تكلفه بيسطه

يحتاج الي متابعه

وثاني شي سعر التطبيق علي حسب الموصفات يمكن يوصل فوق 90 الف اذا طلب ابلكيشن للاندرويد و الاي فون

انا سويت تطبيق وخلصت منه مع اني كنت باسويه عن طريق شركه طلبو مني 95 الف

وارخص واحد حصلته يشتغل حرر عطاني للنسختين 45 الف

وسويته بنفسي كل اللي خسرته الحين قيمت السيرفر والنظاق والتصميم وحاليا انتظر موافقه ابل ستور علي التطبيق

توشيبا تشاركني :shy:

توشيبا

01-06-2014, 12:17 PM

توشيبا تشاركني :shy:

انا وعدت كم عضو ارسله اسم التطبيق

بس يوافقون عليه في ابل ستور ان شاء الله برسلك اسمه تحمله عندك وتقول رايك فيه :victory:

النهار

01-06-2014, 12:21 PM

انا وعدت كم عضو ارسله اسم التطبيق

بس يوافقون عليه في ابل ستور ان شاء الله برسلك اسمه تحمله عندك وتقول رايك فيه :victory:

الله يجزاك خير بس لاتنسى يالطيب ناطر التطبيبق

ANONYMOUS

01-06-2014, 06:21 PM

بنتلي بنتلي ماعليج منهم

حسن

01-06-2014, 10:54 PM

المبلغ صغير

عندك البورصه اذا قلبك قوي
واتوقع بيكون ربحك دبل

وذا تبين قوليلي

وبالتوفيق

qatarlands

02-06-2014, 12:48 PM

كيك في الانستغرام

Khaled Qatar

02-06-2014, 01:28 PM

بنتلي بنتلي استانسي بفلوسج
خلج من الاستثمار

رهج السنابك

02-06-2014, 08:39 PM

افتحي خياط

السلولي

03-06-2014, 08:19 AM

الصراحه عندج اكثر من مشروع ناجح وسوف ابدا فيهم بالتسلل والله يوفقج ,

1- ملحمه
2- كهربائي سيارات
3- صيانه وتصليح مكيفات منزليه
4- مغسله سيارات
وبالتوفيق ان شاء الله

فريج النجادة

03-06-2014, 11:01 AM

عندك عدة خيارات

1- الاسهم في قطر حتى يكون المبلغ أكبر

2- أو شراء ارض من السعودية الشرقة الاحساء او الخبر او الدمام

3- محلات الفرجان وتحديدآ العاب الاطفال
لا يوجد مع الاسف محلات للاطفال

4- شركة متخصصة في اقامة الحفلات

5- السفر الى الفلبين او تايلند او الهند والتعرف على الفرص والافكار الغير موجودة في قطر

6- السفر الى كوانزو يوجد اجتماع سنوي يضم كل الشركات في الصين
وممكن تشتري خط انتاج اقل خط انتاج 30 الف ريال قطري
ويكون معاك ملف كامل بالمشروع والفكرة
تقدم على الارض الصناعية
وانتظر ولا تقول لن يردون علي
عليك بالصبر

واخيرة عليك بالاستخارة في كل مشروع تفكر فية

والله ولي التوفيق

قطري 777

03-06-2014, 03:01 PM

احلى استثمار
ابني مسجد 50 الاف في وحده من الدوله الفقير 500 االف وديعه ثابته للزمن الله يكفينى شره
يبقى معج 250 صيفي فيها ولفي العالم واذا بقى شي خليه في الحساب استمتعي بحياتج والله محد ماخذ منها شي ....... : ))

خليفـة

03-06-2014, 07:55 PM

المحاميه

04-06-2014, 07:34 AM

غير البشر

04-06-2014, 07:39 AM

هم مايلبسون عقال اصلا

هههههههههههههههههههههههههه

نوونه بالتوفيق ان شاء الله
عطيني المبلغ عينيه حق بيتي :shy:

العلياا

04-06-2014, 07:56 AM

انا استغرب من الي ينصح بدخولها للأسهم في وقت قفز فيه المؤشر لأرقام فلكية
والكل متوقع له نزول صاروخي
عموما .. هذي النصيحة ما تكون الا من اثنين :
يا اما شخص دخل في الوقت المناسب .. عندما كان المؤشر نازل
او شخص دخل في الوقت الغلط .. وقاعد ينضرب على راسه الحين

عموما .. نونه .. نصيحتي لج .. افتحي لج محل عقل في سلطنة عمان الشقيقة
وأؤكد لج .. بتكونين صاحبة أول محل عقل في السلطنة .. وصعب جداً ان حد ينافسج

بالتوفيق ان شاء الله

خليفــة

يعطيك العافية اخوي خليفة

بس عندي أستفسار
تقصد المقر يكون اهناك وتجيبهم ل قطر ؟
والا البيع بيكون اهناك ؟
وهالمشروع ما راح يكون ناجح عندنا ؟

بشكل عام اتفق مع اختي ارستقراطية في فتح محل خياطة نسائية
وطبعاً ماراح يكلفج كل هالمبلغ لكن مشروع ناجح بس يبيله وقت اذا قدرتي تلاقين خياطين ممتازين بالاضافة لموقع جيد
الله يوفقج ويزيدج من فضله

ريتويت

04-06-2014, 08:04 AM

بورصه
وديعه

بوحارب

04-06-2014, 01:00 PM

العقار هو الأبن البار

زيدي عليهم كم ريال وخذيلج ارض

شبح الصمت

04-06-2014, 06:59 PM

الله يزيدج يارب

عندج خيارين

خيار المغامره وهو الاسهم

خيار العقار وهو الافضل وللامد البعيد له مفعول ..

اراضي بوظلوف وصلت 180 الفوت تلاحقي

طيري طيري

مزيون الدوحه

04-06-2014, 10:29 PM

التريلات عن تجربه وخبره
المبلغ اللي عندج يدخل من 40 لين 50 الف فالشهر
بلا عقار وبلا بورصه
اذا عندج حد يتابع الشغل وضامنه الشغل ماراح تندمين ان شاء الله
بالتوفيق ان شاء الله

لاجل QT

05-06-2014, 04:46 AM

رجاء عن الاستظراف اللى يبي يستظرف عندة الاستراحة

وجزا ربي خير من عطاني افكار واقتراحات

التريلات عن تجربه وخبره
المبلغ اللي عندج يدخل من 40 لين 50 الف فالشهر
بلا عقار وبلا بورصه
اذا عندج حد يتابع الشغل وضامنه الشغل ماراح تندمين ان شاء الله
بالتوفيق ان شاء الله

ممكن توضيح اكثر اخوى..المدخول الشهري مغري:shy:

شبح الصمت

05-06-2014, 12:33 PM

رجاء عن الاستظراف اللى يبي يستظرف عندة الاستراحة

وجزا ربي خير من عطاني افكار واقتراحات

ممكن توضيح اكثر اخوى..المدخول الشهري مغري:shy:

ما انصحك في التريلات ما تبين عوار راس صح لانك راح تسلمين التريله ما تعرفين هالشخص اشلون الا في حالة وحده اذا وقعتي مع شركة لعقد لمدة سنه او سنتين ولازم تكونين واثقه من هالشركة تعرفين سيرتها الذاتية لانه في بلاوي صارت وناس انصبت على ناس ..

نصيحة نصيحة نطري اشوي لين تنزل الاسهم واخذي لج اسهم وخليهم انسيهم اذا المبلغ مب هامج اهمليه وخليهم للزمن لعيالك سنه سنتين ثلاث شوفي السوق اشلون طار سهم الريان م شهر كان 50 الحين ماشاء الله 67 سهم طيب بس اناا سالت بروكر قالي السوق يخوف لانه طلع مره وحده والحين الي بيتشري لازم يقوي قلبه ..

الله يزيدك بس حاولي تنطرين لين تنزل الاسهم اشوي واشتري الاسهم الي منها مربح وان شاء الله في شباب في المنتدى خبره وراح يفيدونك اكثر منا حاولي تدخلين قسم الاسهم وتابعي او اذا تبين شيء بعد

الذهب نازل ترى اخذي لج سبايك ذهب بس مربحها اشوي اشوي

نصحتي الاسهم

لاجل QT

05-06-2014, 04:23 PM

ما انصحك في التريلات ما تبين عوار راس صح لانك راح تسلمين التريله ما تعرفين هالشخص اشلون الا في حالة وحده اذا وقعتي مع شركة لعقد لمدة سنه او سنتين ولازم تكونين واثقه من هالشركة تعرفين سيرتها الذاتية لانه في بلاوي صارت وناس انصبت على ناس ..

نصيحة نصيحة نطري اشوي لين تنزل الاسهم واخذي لج اسهم وخليهم انسيهم اذا المبلغ مب هامج اهمليه وخليهم للزمن لعيالك سنه سنتين ثلاث شوفي السوق اشلون طار سهم الريان م شهر كان 50 الحين ماشاء الله 67 سهم طيب بس اناا سالت بروكر قالي السوق يخوف لانه طلع مره وحده والحين الي بيتشري لازم يقوي قلبه ..

الله يزيدك بس حاولي تنطرين لين تنزل الاسهم اشوي واشتري الاسهم الي منها مربح وان شاء الله في شباب في المنتدى خبره وراح يفيدونك اكثر منا حاولي تدخلين قسم الاسهم وتابعي او اذا تبين شيء بعد

الذهب نازل ترى اخذي لج سبايك ذهب بس مربحها اشوي اشوي

نصحتي الاسهم

الخيار الارجح الاسهم

جزاك الله خير شبح على التوضيح

الصايغة

09-06-2014, 09:05 AM

اختي اذا تيبن نصيحتي ابتعدي عن شي اسمه اسهم والله ما ايي من وراها الا الخسارة والاسهم ما يعرف لها الا اصحابها واذا انتي ما عندج خبرة حرام تضيعين تعبج في البورصة
انا اعتقد اول شي العقار لو تزيدين المبلغ ميتين الف بتحصلين ارض على خط الشمال وبيرتفع سعرها بعد فترة أو تزيدين المبلغ اكثر شوي اذا ما عليج دين وتشترين بيت صغير وقديم
تستفيدين من ايجاره واذا انتي ميولج للعمل الحر شوفي مشروع يناسب ميولج وتكونين فاهمة فيه صدقيني بتبدعين وترى تسعة اعشار الرزق في التجارة والله يبارك لج

بو خليفه 123

09-06-2014, 09:08 AM

السلام عليكم ورحمة الله وبركاتة:)

مثل ماهو مذكور في العنوان

نفسي تهاودني اشتري بنتلي بس تعوذت من ابليس:shy:

قلت استثمرها افضل؟؟

ارائكم بارك الله فيكم

:)

انصحك بالدخول في مشروع لوسيل

ال 800 ألف تخولك توفير 30% من سعر ارض سكنيه صغيره في لوسيل و خذي الباقي تمويل من البنك

بعد 6 شهور بالضبط بأمكانك بيع الارض بربح لا يقل عن 25%

مزيون الدوحه

09-06-2014, 11:09 AM

انصحك بالدخول في مشروع لوسيل

ال 800 ألف تخولك توفير 30% من سعر ارض سكنيه صغيره في لوسيل و خذي الباقي تمويل من البنك

بعد 6 شهور بالضبط بأمكانك بيع الارض بربح لا يقل عن 25%

ياهلا ياخوي
الارض بتكون مرهونه للبنك وماتقدر تبيعها
لين تسدد المبلغ كامل وتحررها والمده ما اعتقد
اقل من خمس سنوات ويمكن اكثر

نور الحور

09-06-2014, 11:23 AM

نونه .. هالمبلغ يجيب لج شقة بدبي أو تركيا ..

بعد كم شهر بيرتفع سعرها .. بيعيها وممكن تشترين غيرها ..

موفقة حبيبتي :nice:

غايه الطواش

09-06-2014, 01:16 PM

1- ممكن تجيبيهم عاملات عندج البيت وبتبتدين بزنس اكل بتكلفه 100 الف
2- تصلح كدفعه اولى لشراء بيت والاقساط لمده سبع سنين وتاجرين البيت
3- مشغل نسائي جلابيات ومني دراعه وملابس قرقيعان
4- مكتب واساطه عقاريه

M5577

10-06-2014, 12:35 PM

السلام عليكم

اختي المستجدين في موضوع التجاره اغلبهم يتعاقدون مع شركات كبيره برع ويفتحون فرع منها في قطر

مثلا مثلا محل ام اند امز تقدرين تكلمين الشركه اما يكون لج نسبه او انج تستوردين منهم البضاعه وتفتحين محل بقطر

وترى اغلب محلات الماركات اهني مش الشركه نفسها يشترون ويعرضون مثل دولجي اند قبانا بس طبعا انا ماقولج فتحي ماركات انا اقولج اشياء بسيطه :secret:

-------------------------

او المشروع اللي صج ناجح افتحي لج شركة لموزين توصيل مشاوير نفس اللي هابين فيهم هالايام المشوار بـ 40

وتقدرين تتعاقدين بالشهر مع اللي عندهم دوامات او التاجرات في توصيل البضايع

وترى اغلبهم يشترون هونداي وونيسان صغير لان رخاص ومني على مني بتتطورين ان شاءالله :)

والله يوفقج ويبارك لج فيهم

pink pearl

12-06-2014, 12:34 PM

افتحي لج مشروع نسائي ولو حابة تفتحين عندي لج أكثر من فكرة

بو خليفه 123

12-06-2014, 01:04 PM

ياهلا ياخوي
الارض بتكون مرهونه للبنك وماتقدر تبيعها
لين تسدد المبلغ كامل وتحررها والمده ما اعتقد
اقل من خمس سنوات ويمكن اكثر

للتصحيح اخوي :

في حال تم بيع ارض مرهونه للبنك يمكن فك رهنها مؤقت عن طريق ادارة التسجيل العقاري بحضور البائع والشاري و مندوب البنك
و فيه ورقه يوقع عليها البائع Irrovacable statement تحفظ حق البنك و يتعهد بها البائع بتسديد الرهنيه على ان يتم نقل الاسماء من الشاري الى البائع

بو خليفه 123

12-06-2014, 01:06 PM

نونه .. هالمبلغ يجيب لج شقة بدبي أو تركيا ..

بعد كم شهر بيرتفع سعرها .. بيعيها وممكن تشترين غيرها ..

موفقة حبيبتي :nice:

اقتراح جميل جداً

800 ألف تلقين 3 غرف نوم بشارع الشيخ زايد

و اذا تبين منطقه ارقى ممكن مدينة بوليفارد خلف الداون تاون

المهم خذي من مشروع اعمار .. و انتبهي من داماك