كثرة الهدايا مابين النساء هل هو إسراف ؟

[حمد 2002]

السلام عليكم ..

كثرة الهدايا مابين النساء هل يعد إسراف ويجب التخلص من تلك العادات القديمه ؟

في الخطوبة ايتهادون .. في الزواج ايتهادون .. في الولاده ايتهادون .. في القرنقعوه ايتهادون .. في حالت نزول بيت جديد هديه .. تكلم المولود هديه .. مشي المولود هديه .. ووو ووو ..

هل يجب التقليل من الهدايا تلك ؟!

وهل تلك العادات قديمه جدا ويجب أن نتركها ؟!


وهل تلك الأمور ترهق ميزانيه الاسره ؟!

وهل يجب علي الزوج أن يمنع زوجته في حاله رغبتها بتقديم تلك الهدايا لزميلاتها ؟!

وهل تلك الهدايا أصبحت واجبه وليست اختياري ؟!


بالتوفيق ..

[محمد11]

تهادوا .. تحابوا

[حمد 2002]

تهادوا .. تحابوا

يجب التهادي بالمعقول .. وليس بالإسراف ..

وكل شيء زاد عن حده انقلب ضده ..


أشكرك عل المرور الجميل ..

[عاهد بن علي]

صباح الخير يا اخي حمد
انا ارى بأن الوسطيه والاعتدال في كل شيئ مطلوب
ما عدى في حب الوطن والاحباب

[حمد 2002]

صباح الخير يا اخي حمد
انا ارى بأن الوسطيه والاعتدال في كل شيئ مطلوب
ما عدى في حب الوطن والاحباب

هالله هالله ..

صحح احسن شيء مسك العص من النص ..

بالتوفيق ..

[عاهد بن علي]

هالله هالله ..

صحح احسن شيء مسك العص من النص ..

بالتوفيق ..

مافهمت ؟؟؟؟؟ ممكن توضح لي ياتاج راسي

[حمد 2002]

مافهمت ؟؟؟؟؟ ممكن توضح لي ياتاج راسي

ماعليك زود يالغالي ..

يعني الهدايا مطلوبه بس باعتدال ومب كل ساعه ومب بأسعار مبالغ فيها ..

خير الأمور الوسط ..

بالتوفيق يالذيب ..

[حسن]

الهديا ياحمد الكثير منها مبالغ فيه

في ناس تهدي بالملايين ياحمد

بعدين الهديه زينه تهادو تحابو
تصدق احنا الرجال ماشوف بينا هدايا خير شر
اما النسوان ياحمد بل شي مش طبيعي
المفروض يخفون وترا هم مهب ماخذينها انا هديه لا تعتبر انها واجب وفرض

وانتهى

[حمد 2002]

الهديا ياحمد الكثير منها مبالغ فيه

في ناس تهدي بالملايين ياحمد

بعدين الهديه زينه تهادو تحابو
تصدق احنا الرجال ماشوف بينا هدايا خير شر
اما النسوان ياحمد بل شي مش طبيعي
المفروض يخفون وترا هم مهب ماخذينها انا هديه لا تعتبر انها واجب وفرض

وانتهى

صحيح كلامك يالنوخذه ..

بس ليش انتهى ؟! تعال قدمنا طريق مظلم وايضيع ومحتاج نوخذه شاطر يبحر باللنج ومافيه حد أشطر منك يودينا لبر الأمان ..

اتصدق يابوعلي أن إذا حرمه ماعطت صديقتها هديه .. اتقووم وتزعل منها ؟! .. لاتعليق ..

[aziz4z]

المرأة معطاة , تعطي عشان تسعد الغير :) , هو صح كل مناسبة اللي ذكرتها تستاهل هدية , لأنها أول مرة تتكرر في العمر على الانسان , بس هدايا معقولة , و الهدايا تختلف حسب درجة الانسان :)

[حسن]

صحيح كلامك يالنوخذه ..

بس ليش انتهى ؟! تعال قدمنا طريق مظلم وايضيع ومحتاج نوخذه شاطر يبحر باللنج ومافيه حد أشطر منك يودينا لبر الأمان ..

اتصدق يابوعلي أن إذا حرمه ماعطت صديقتها هديه .. اتقووم وتزعل منها ؟! .. لاتعليق ..


انا قلت لك ياحمد

الهاديا اللي عند النساء تختلف عن الهديه الحقيقيه
مره المره تقول لي انت ليش ماتهديني

:(

قلت انا لك احلى هديه

:funny:

فانا في نظري وهو الصح غصب عليكم شئتم ام ابيتم من انتم

:tease:

الهديه عندنا في عرف النساء واجبه

يعني الحين صباحيه الزوجه اصبحت واجبه
ولا ليش يعطيها هديه في اصباحيه زواجه
هو فاتح الاندلس يعني

:omen2:

مهب مكفيهم المهر والخرابيط اللي ماانزل الله بها من سلطان
واللي موديه مجتمعنا ورا القمر

وخر عني ياحمد ارجوك

بليز

:stop:

[عاهد بن علي]

حسن هههههههههههههههههههههههههههههههههههههههههههههههههه ههههههههههه

[حسن]

حسن هههههههههههههههههههههههههههههههههههههههههههههههههه ههههههههههه

لا ينطلك عرج ياعاهد
محنا بناقصين

ههههههههههههه

الله يسعدك ياشيخ والله يجيبلك هديه عروس جديده

:)

[حمد 2002]

المرأة معطاة , تعطي عشان تسعد الغير :) , هو صح كل مناسبة اللي ذكرتها تستاهل هدية , لأنها أول مرة تتكرر في العمر على الانسان , بس هدايا معقولة , و الهدايا تختلف حسب درجة الانسان :)

يعني حسب نظريتك أخي الكريم الهدايا أصبحت واجبه وليست اختيارية ؟!

اسعدني مرورك الجميل يالذيب ..

[عاهد بن علي]

لا ينطلك عرج ياعاهد
محنا بناقصين

ههههههههههههه

الله يسعدك ياشيخ والله يجيبلك هديه عروس جديده

:)

الله يسعدك ويفرحك دوم
ضحكتني هههههههههههههههههه

[حمد 2002]

انا قلت لك ياحمد

الهاديا اللي عند النساء تختلف عن الهديه الحقيقيه
مره المره تقول لي انت ليش ماتهديني

:(

قلت انا لك احلى هديه

:funny:

فانا في نظري وهو الصح غصب عليكم شئتم ام ابيتم من انتم

:tease:

الهديه عندنا في عرف النساء واجبه

يعني الحين صباحيه الزوجه اصبحت واجبه
ولا ليش يعطيها هديه في اصباحيه زواجه
هو فاتح الاندلس يعني

:omen2:

مهب مكفيهم المهر والخرابيط اللي ماانزل الله بها من سلطان
واللي موديه مجتمعنا ورا القمر

وخر عني ياحمد ارجوك

بليز

:stop:

لا مب وخر عنك .. انت كالكنز إلى كل يوم نكتشف فيه شيء جديد ..

طيب هل تعتبر تلك الهدايا من صفات الجهل ؟!

[شيخ الديرة]

الأصل في المشكلة هو هوس التسوق والشراء اللاضروري, ولذلك تحاول المريضة بهوس التسوق أن تجد أعذارا لشراء حاجات لم يعد يتسع بيتها لخزنها, والهدايا غير الضرورية تعطيها ذلك العذر

[حمد 2002]

الأصل في المشكلة هو هوس التسوق والشراء اللاضروري, ولذلك تحاول المريضة بهوس التسوق أن تجد أعذارا لشراء حاجات لم يعد يتسع بيتها لخزنها, والهدايا غير الضرورية تعطيها ذلك العذر

تحليل جميل جدا وواقعي من شخص مبدع ..

اشكررك وبعنف يالذيب ..

[Wolf 91]

انا قلت لك ياحمد

الهاديا اللي عند النساء تختلف عن الهديه الحقيقيه
مره المره تقول لي انت ليش ماتهديني

:(

قلت انا لك احلى هديه

:funny:

فانا في نظري وهو الصح غصب عليكم شئتم ام ابيتم من انتم

:tease:

الهديه عندنا في عرف النساء واجبه

يعني الحين صباحيه الزوجه اصبحت واجبه
ولا ليش يعطيها هديه في اصباحيه زواجه
هو فاتح الاندلس يعني

:omen2:

مهب مكفيهم المهر والخرابيط اللي ماانزل الله بها من سلطان
واللي موديه مجتمعنا ورا القمر

وخر عني ياحمد ارجوك

بليز

:stop:

مش حلوه ابد تقول عن ام عيالك ... (( هو فاتح الاندلس يعني )))
انت وبكليفك لو بتعطي ... مافي حرمه تقعد تراددك وتقول ليش ماعطيتني

ومحشوميين كل البنات والحريم اللي يشاهدون هالموضوع
انتوا بناتنا وخواتنا وامهاتنا ( والاخيره الجنه تحت اقدامهم )

[عطر فرنسي]

حمد وين هديتي :rolleyes2:

اي والله كثره الهديا بينهم ماقلنا شي بس كل شي له حدود ويجب مسك العصا من النص

كل الشكر

[مشـــــاعر]

.


أنا عن نفسي أشوف إنه بكيفهم فلوسهم وهم أحرآإر فيهآإ !!
يشترون هدآإيآإ يشترون إللي فخآإطرهم إنتوآإ ليش حآإرقين قلوبكم ؟؟
ولو على قولتكم إسرآإف لهم ربّ يحآإسبهم إنتوآإ شعليكم يه :anger1:

حتى في آإلهدايآإ مستلمينهم أعوذ بآإلله منكم :anger1::anger1::anger1:

[عاهد بن علي]

حمد وين هديتي :rolleyes2:

اي والله كثره الهديا بينهم ماقلنا شي بس كل شي له حدود ويجب مسك العصا من النص

كل الشكر

صباح الخير يا عطر فرسي
ارجو ان تتصل فيني لو تكرمت يا اخي

[طرفه]

بالتاكيد يعتبر اسراف
وتبدء المبالغه بالهدايا
وبعد عدة اشهر خذ المعاير
الا انا اعطيتها جذيه وهي اعطتني جذاك
وهديتي قيمتها بهاي المبلغ وهي شرت لي اياها في التنزيلات
وانا هديتي الموديل الجديد وهي هديتها ماعطينها ايها في عرسها
الله يهديهم

[عطر فرنسي]

صباح الخير يا عطر فرسي
ارجو ان تتصل فيني لو تكرمت يا اخي

بطلت اوزع هدايا حمد علمني عدم الاسراف :rolleyes2:

[يمامـة]

تعتبر اسراف لو كانت من باب اشتري اغلى واحسن واكبر

لكن ممكن تكون تعبير عن المحبة والصداقة وروح التكافل..

[رهج السنابك]

التهادي حلو لكن بدون مبالغه
اعرف زميله عمل كل ماصار عيد ميلاد وحده اهدتها كيكة وشي ماركة يا ديور يا كارتير يا هيرمس
وزميلاتها ينحرجون لو صار عيد ميلادها لازم يجيبون لها شي بالمثل

في ناس تهادي لاجل الفخفخه وتنطر الرد بالمقابل هالصنف ماحبه


احب الهدايا الي لها مناسبتها واهدي بما يتسع له وقتي بدون مااضطر اشيل هم واتفرفر بالاسواق

[الزعفراني]

يارجل كثرة الهدايا بين النسوان لان بطبعهم يحبون المجاملات .. ويقصون على بعض :)

[القبطان سلفر]

الهدايا في مجتمعنا نوع من المزايدات الاجتماعية تثقل كاهل الغالبية ورغم ذلك لا يستطيعون التخلص منها .

[romoz]

فيه هدايا مالها عازه و فيه هدايا تستاهل

مثل المعاريس او المربي او اللي ينزل بيت جديد ، هذولي يتساهلون الهدايا

و فيه اشياء و خرابيط تعتبر ضمن الاسراف

[النهار]

التهادي حلو لكن بدون مبالغه
اعرف زميله عمل كل ماصار عيد ميلاد وحده اهدتها كيكة وشي ماركة يا ديور يا كارتير يا هيرمس
وزميلاتها ينحرجون لو صار عيد ميلادها لازم يجيبون لها شي بالمثل

في ناس تهادي لاجل الفخفخه وتنطر الرد بالمقابل هالصنف ماحبه


احب الهدايا الي لها مناسبتها واهدي بما يتسع له وقتي بدون مااضطر اشيل هم واتفرفر بالاسواق

مهب كفايه اعياد الميلاد بدعه انتي تسوين عيدالميلاد انا شاكو اجيب لج هديه
الي تحضر عيدالميلاد مشاركه في البدعه

[رهج السنابك]

النهار

مافي حد مايسوي عيد ميلاد الحين حتى وهو حرام

[ANONYMOUS]

والله الهديه مب شينه

وقديما قيل

حمدوه غنيه وتحب الهديه ههه

المهم

طالما الانسان قادر .. وعنده سعه من الرزق ليش لا

اما اللي يتكلف في الهدايا هنا القمنده عاد وهذي مشكلتهم اهم ...


خل العالم اتهادي بعض ياريال.. وخل يستانسون لاتضيق ع المسلمين

[ANONYMOUS]

بعدين تعالوا..

يقولون المرأه تكفيها الورده ..

ليش ماحد يطبق هالمثل التعيس هههه

[نوور الدووحه]

يعني انا ماجوف فيها شي؟؟ يعني اكيد وحده بتزوج او ولدت اوتخرجت او أي مناسبه سسسسنعه لازم هديه لهالمناسبه بس بالشي المعقول..:victory:

انا مايحرني الا (بعض) البنات لو صار عندها مناسبه عقب تالي الليل تقعد تصور الهدايا الزينه بالانستقرام او البي بي ام وتشكر راعيينها!! اما الهدايا البسيطه او الي على قدها تطنشهم حتى كلمة شكرا ماكو ...!! ناس وناس هههههههههه:)

[ضوى]

انا شخصيا اعشق المواجيب واستانس اذا احد يوجبني ، ومثل ماقلت لكل مناسبه هدية ، واذا استعسرت علي اخذ شي على قد ميزانيتي ابدا ما اجامل على حساب بيتي ومصروفي وزوجي اولا واخيرا ، يعني ماطلب منه فلوس عشان مواجيب كله من حر مالي

[يمامـة]

النهار

مافي حد مايسوي عيد ميلاد الحين حتى وهو حرام

ما نسوي اعياد ميلاد.........................> وغالبا نرفض حضور عيالنا افراح اعياد الميلاد
فصاروا يلتفون على الموضوع ويقولون حفلة ظهور ضرس او حفلة بمناسبة مشيه :shy:

[يمامـة]

مهب كفايه اعياد الميلاد بدعه انتي تسوين عيدالميلاد انا شاكو اجيب لج هديه
الي تحضر عيدالميلاد مشاركه في البدعه

مرات تنجبر مع عيال الأجانب وخاصة في المدرسة ..

يعني بعض الأطفال يسوون حفلاتهم في المدرسة واييك ولدك يقول لك ابي اودي له هدية
فالهدية اهنيه ما تكون معبرة عن ميلاده كثر ما تكون تطيب لخاطر الطفل اللي مسوي الحفلة..

[كازانوفا]

دام الحمدلله معاهم خليهم ينبسطوووووووووووو

[غايه الطواش]

هذي مواجيب وسنع تربينا عليها , اما المبالغات والاسراف الزايد مذموم
اهم شي ماتنرهق الميزانيه .

[العنيده]

هو تقدير ومشاركه الشخص في فرحه سواء نجاح او زواج او ولاده ماشوف فيها شي
بس المهم تكون في حدود المعقول ولا ندخل في الاسراف اهم شي

[romoz]

مرات تنجبر مع عيال الأجانب وخاصة في المدرسة ..

يعني بعض الأطفال يسوون حفلاتهم في المدرسة واييك ولدك يقول لك ابي اودي له هدية
فالهدية اهنيه ما تكون معبرة عن ميلاده كثر ما تكون تطيب لخاطر الطفل اللي مسوي الحفلة..

بنتي كله تحاول فيني بس ممنووووع
حتى تجيها بطاقات لحضور حفلات اعياد ميلاد ، بس الامر هذا مفروض رفضا تاما

[يمامـة]

بنتي كله تحاول فيني بس ممنووووع
حتى تجيها بطاقات لحضور حفلات اعياد ميلاد ، بس الامر هذا مفروض رفضا تاما
للامانة
كنت اصطحب ولدي الصغير في بعض هالحفلات بسبب انه اصلا انطوائي كان في الروضة والسنوات
الأولى من المدرسة وحدود علاقاته كانت جدا محدودة في عدد اثنين وما يكلم غيرهم..

فكنت اشجعه يكلم اليهال وكنت اخذه لو ياني فرحان بحفلة علشان بس يشوف اشلون
اليهال يلعبون مع بعض..

فالحمدلله اليوم تغير عن قبل بوايد// واذا راويته فيديواته وهو في حفلات مفتوحة في صفه
واشلون اليهال يلعبون لعبة الكراسي وهو قاعد بغترته وعقاله ولا له خص في اللعبة
يقعد يضحك على نفسه اشلون كان انطوئي في المدرسة..

فموضوع الهدايا عندي وخاصة لو كانوا اجانب ما عندي مشكلة لأنه هذي احتفالاتهم
نشاركهم فيها ،، لكن لو مسلمين احاول افهمه انه ما يجوز نحتفل،، لكن مرات اضطر
اخذ له هدية حق الطفل ..