مشكلة في الكهرباء

[Chambray]

عندي مشكلة بسيطة ،، في المجلس الخارجي
وهي اذا المكيف اشتغل كمبريسره الخارجي احس انه يشفط كهرباء اكثر وبذلك احصل على رمشه في الليتات ( رمشه خفيفه ) تقل اضاءتهم لاجزاء من الثانية ثم ترجع


عدد المكيفات 3
2 ( 2ونص طن ) جنرال
و 1 ( طن ونص )

جبت الكهربائي ، يقولي كل شئ تمام ، لو في شئ بيفصل من الدي بي !!

وهو للامانه مايفصل بس اعاني من مشكلة الرمشه الخفيفه في الاضاءه بين فترة وفترة ..

ايش الحل؟

[معماري قطري]

أَكيد إِخوي شامبري جاذبيتك تؤثر على الكهربه وتضطر تضعف :)

كانت دعابة افتتاحية .. المشكلة يا اخوي تصميم شبكة الكهرباء يحتاج حسابات دقيقة وعلى أَساسها يوضع ايسوليتر معين بقوة معينة للحماية من أَي خلل وليعطي كهرباء متوازنة لكل الأَجهزة .. وفي بعض الحالات لو شغلت كم جهاز وبطاقة كاملة لأَن المكيف بالكمبريسر يشتغل بطاقة قوية ويتسبب بشفط الكهرباء وبرمشة الإِنارة .. والسبب الحسابات الخاطئة .. وهذي ممكن تتصلح بسهولة بواسطة مهندس فاهم مختص يحسب الأَحمال وعلى أساسها يعدل المكونات لشبكة الكهرباء .. وأَحياناً تضطر لتقوية الكيبل الرئيسي.

بالتوفيق لك والمهم حد شاطر ومختص .. تبي رقم مهندسين كهرباء عندي 2 من فطاحل الكهرباء لو حبيت.

[الفني]

مرحبا اخوي شامبري ممكن تقول لي المجلس الخارجي الدي بي فاز واحد وله 3 فاز وفالك طيب

[Chambray]

مرحبا اخوي شامبري ممكن تقول لي المجلس الخارجي الدي بي فاز واحد وله 3 فاز وفالك طيب

اعتقد 3 فيز

[الفني]

ما عليك امر اتصل وفالك طيب اخوي

[Aaziz]

ول هذي سهله ،، ممكن افتي فيها :nice:

نفس ماقال اخونا معماري .. هي مسئله توزيع احمال .

يتم حساب الاجهزه الكهربائيه على خل خط كهربائي طالع من الدي بي .. و في الغالب الحاصل يكون انهم محملين خط كهربائي اكثر من طاقته او طاقته القصوى و خط كهربائي ثاني الحمل خفيف عليه جدا .
و الحل يكون من الدي بي الي في الطوفه ،، اعاده توزيع الاحمال الكهربائيه بشكل متساوي في الدي بي نفسه .
هذا غالبا الي يحصل في بيوتنا بسبب الكهربائيين الخمس نجوم الي موجودين في السوق

[ضوى]

ذكرتني يا خوي ببيت ابوي رحمة الله عليه اذا فتحنا مكيف الصاله تصير الاضاءة خافته واذا سكرناه تصير الاضاءة اوكي ، بس البيت قديم جدا للامانة وما اظن مع زيادة الاحمال يتحمل ، الله المستعان

[لما]

ممكن رقم المهندسيين الكهربائيين

[معماري قطري]

ممكن رقم المهندسيين الكهربائيين

تبشرين بيوصلونج

[بوخالد911]

هلا بك مسيووو


سكنت البيت ولا بعدك؟

[كابتن فهد]

تبشرين بيوصلونج

الل لا يهينك بعد انا ابي الرقم