مخالفات المرور بالرقم الشخصي

[حسن]

السلام عليكم ورحمه الله وبركاته

نظرا لتطور القوانين والحد من الحوادث والمخالفات وسلامه مستخدمي الطريق

اطالب من منبري هذا

ان اي مخالف لقانون المرور تسجل على الرقم الشخصي
وان تثبت بالحال

:victory:

الفطري يعاني من دفع مخالفات اي عامل لديه وهذا ليس انصافا للحق
بان من يرتكب مخالفه يتحملها اخر
:omg:

لما تسافر برع وتاجر سياره واذا خالفت فيها توصلك المخالفه
حتى لو سافرت من البلد بعد شهر
لان صاحب المكتب يقوم بعمل سحب للفيزا لضمان عدم وجود مخالفه
وهذا حق لا يختلف عليه اي عاقل

فانا اناشد مدير المرور باصدار قانون بتحميل اي مخالفه على الرقم الشخصي للمخالف
ومنها حق لهم وحمايه للقطري في حال مغادره اي وافد
بدون اذن للكفيل


هل تؤيدون هذا القرار يا اعضائنا الكرام ولماذا ومارايكم بالاقتراح !!

وشاركونا باقتراحاتكم الايجابيه وخصوصا اذا كانت قانونيه وعادله للجميع !


حياكم الله


تحياتي لكم

[يمامـة]

بو علي ليش المخالفات تبيها بالرقم الشخصي؟
وشنهو الاختلاف؟

[چواهر]

طبعاً مأيدة حتى كل شخص يتحمل أخطاءه والرادار كيف بينصاد الدريول ؟

لأنه الرادار يلقط رقم اللوحة ؟

[qatari 111]

انا معاك في هالاقتراح
ولكن في مشكله الا وهو الرادار صعب المرور ينسب مخالفتها بالرقم الشخصي لانها تحسب لمالك السياره

[حسن]

بو علي ليش المخالفات تبيها بالرقم الشخصي؟
وشنهو الاختلاف؟

والله يالليمامه بالرقم الشخصي يعني علشان تكون اثبات عليه
وخصوصا الوافدين ولا لاقادمون سميهم باي اسم
لما يبي يسافر وعليه مخالفه من يضرب الرقم يبين عليه حتى في المطار علشان مايسافر
بدون تستديد واتحملها انا المواطن مخالفه غيري ليش
شوفي اذكر صادني راداار السعوديه من زمان وقلت ياحيهم كريمين مايطرشون
المخالفه مع العلم مخالفاتهم بالنسبه لنا نقوط معاريس طقه بوعشر ريال
ولما شريت سياره من السعوديه وجاو يسجلونها ولا يقول عليك مخالفه قديمه
:omg:
قلت شلون قال مسجله عليك بالرقم الشخصي يوم الشرطي سجله من الجواز
:anger1:
قلت اي صح ودفعت
واعرف من ولد عمي يقول يوم درس في امريكا

يقول يوم تسافر ويطق اسمك في الكمبيوتر يبين عليك المخالفات
فا ماتسافر ولا تدفعها كاش

يعني الرقم بيكون رقم حقاني مهب الدرويول يسافر وانا ادفع مخالفات شخص
غيري هذا ظلم صح ولا لا

:victory:

[يمامـة]

والله يالليمامه بالرقم الشخصي يعني علشان تكون اثبات عليه
وخصوصا الوافدين ولا لاقادمون سميهم باي اسم
لما يبي يسافر وعليه مخالفه من يضرب الرقم يبين عليه حتى في المطار علشان مايسافر
بدون تستديد واتحملها انا المواطن مخالفه غيري ليش
شوفي اذكر صادني راداار السعوديه من زمان وقلت ياحيهم كريمين مايطرشون
المخالفه مع العلم مخالفاتهم بالنسبه لنا نقوط معاريس طقه بوعشر ريال
ولما شريت سياره من السعوديه وجاو يسجلونها ولا يقول عليك مخالفه قديمه
:omg:
قلت شلون قال مسجله عليك بالرقم الشخصي يوم الشرطي سجله من الجواز
:anger1:
قلت اي صح ودفعت
واعرف من ولد عمي يقول يوم درس في امريكا

يقول يوم تسافر ويطق اسمك في الكمبيوتر يبين عليك المخالفات
فا ماتسافر ولا تدفعها كاش

يعني الرقم بيكون رقم حقاني مهب الدرويول يسافر وانا ادفع مخالفات شخص
غيري هذا ظلم صح ولا لا

:victory:

هاهاها ضحكتني بسالفة نقوط المعرس..

عيل على جذيه مافي الا تبديل الليسن بالرقم الشخصي واتفق معاك في اقتراحك :victory:

[حسن]

هاهاها ضحكتني بسالفة نقوط المعرس..

عيل على جذيه مافي الا تبديل الليسن بالرقم الشخصي واتفق معاك في اقتراحك :victory:

خخخخخخ

شنسوي نرد بشكل فكهاي وندخل المرح والسرور في قلوب الاخرين

شنسوي ياليمامه لازم نحمي انفسنا مهب يحتجون علينا ويقومون منظمات الحقوقيه وغيرها
بعد احنا نبي حقنا

وبعدين هذا بيخلي لوا درويل يشرد هاهاهاهاها
اسكتي مابي اوضح اكثر علشان مابطل عيون القادمون علينا

اشكرك

[حسن]

طبعاً مأيدة حتى كل شخص يتحمل أخطاءه والرادار كيف بينصاد الدريول ؟

لأنه الرادار يلقط رقم اللوحة ؟

اشكرك على تايدك ياجواهر

انا اقترحت واعتقد موجود في بعض دول الخليج يمكن
مهب مشكله الرادار نشوفله حل وتفكير يعني هناك كثير من المخالفات تضبط متلبس
خل نطبق على الاقل اللي باين شوف العين

خليني افكر شوي وباشوف الحل

ولا مانع من غيري يفكر ويطور نرحب بجميع لاراء
دام انها في صالح الجميع

اولا هي مفيده للمقيم وبعدين المواطن يالله مبديين علينا

[حسن]

انا معاك في هالاقتراح
ولكن في مشكله الا وهو الرادار صعب المرور ينسب مخالفتها بالرقم الشخصي لانها تحسب لمالك السياره

شوف ياخوك السموحه في حل في يجي يجي ان شاء الله بس انا احين في حاله صمت
لاني افكر

شكرا لمرورك الطيب

:)

[qatari 111]

الحل الوحيد يحطون رادار اللي يصور واجهة السياره نفس دبي هنا راح يبين من اللي كان يسوق

[بوخالد911]

أتفق معكم
وأهم شيء تصوير السائق المخالف من أمامه وليس خلفه
لإظهار الوجه

[حسن]

الحل الوحيد يحطون رادار اللي يصور واجهة السياره نفس دبي هنا راح يبين من اللي كان يسوق

مرحبا ياقطري

عل مااعتقد هناك حل لها بس خل علىى الاقل نطبق جزئيه من المخالفات

او مثل ماذكرت الرادار من الامام

شكرا لكم

[عثرة جواد]

ههههه
شكلك دافع عدل الله يعينك

ع العموم الفكره حلوة بس الواحديتوهق وهوف المطارومجهزعمره وعقب اتروح عليه مصاريف السفره

[شيخ الديرة]

مرحبا ياقطري

عل مااعتقد هناك حل لها بس خل علىى الاقل نطبق جزئيه من المخالفات

او مثل ماذكرت الرادار من الامام

شكرا لكم

من الامام ما يفيد لأن بالليل تعمي السايق بالفلاش وتعرضه للخطر, والزجاج يمنع الصورة على كل حال. من الناحية التقنية صعبه, ولا أشجع أن تقوم المرور بأيقاف كل من يسرع لمعرفة رقمه الشخصي.

المشكلة يبدو أنك عندك أكثر من سايق اللي ممكن يسوق نفس السيارة في أي وقت معين, ولما يجيك مطراش بالمخالفة تجد صعوبة تحديد من الذي يدفع الغرامة, صح؟

عندي لك حل, تعطي كل سايق عندك لوحة مغناطيسية مكتوب بها رقم يعرف ذلك السايق, وتوصيهم أنهم يلصقوها جنب رقم السيارة الخلفي مادامهم سايقين تلك السيارة, لما تجيك مخالفة, صورة الرادار تبين لك من السايق.

وأذا لم يكن هناك رقم للسايق في الصورة, الكل يشاركون في دفع الغرامة, وفجأة يقولولك باجو كان السايق, هم يصيرون شرطة على نفسهم

أنا متأكد أنهم راح يلتزمون بالخطة لأن ما يريدون يدفعون مخالفات سواق أخرين

[العنيده]

اي فكره فيها مصلحة المواطن معاها :victory:

يعطيك العافيه

[حسن]

ههههه
شكلك دافع عدل الله يعينك

ع العموم الفكره حلوة بس الواحديتوهق وهوف المطارومجهزعمره وعقب اتروح عليه مصاريف السفره

لا والله الحمدلله مخالفاتي جدا نادره ولا من السواقين واحنا ندفع عنهم
والحمدلله انا بعد كله في البيت طلعاتي جدا قليله
ورقم مخالفاتي قليله جداجدا واكثرها تكون سوؤ التخطيط هو السبب ولكن
للاسف انا احنا ندفع
يعني السنه جاتني مخالفتين رادار والسرعه 90 ووحده 96 اضن وهل هذه في نظرك سرعات
خطيره
واساسا ندخل الشارع ومانعرف كم سرعته توهقنا ولا في لوحات واذا في كلها اخطاء
بلاوي واقسم بالله ياريتني انا صاحب قرار

شكثر شياب عليهم مخالفات والله مايعرفون كم سرعه الشوارع
وكيف انا رجل شاب وعيوني رادرا في الشوارع تعمل سكان وانصاد والموسف ان التقارير تقولك ازدياد
المخالفات ومايعرفون الاسباب
شي يضحك

الحمدلله في السنه 1000 ريال مخالفات ولا شي شيبان يدفعون بالعشرات الالاف

:)

[العنيده]

لا والله الحمدلله مخالفاتي جدا نادره ولا من السواقين واحنا ندفع عنهم
والحمدلله انا بعد كله في البيت طلعاتي جدا قليله
ورقم مخالفاتي قليله جداجدا واكثرها تكون سوؤ التخطيط هو السبب ولكن
للاسف انا احنا ندفع
يعني السنه جاتني مخالفتين رادار والسرعه 90 ووحده 96 اضن وهل هذه في نظرك سرعات
خطيره
واساسا ندخل الشارع ومانعرف كم سرعته توهقنا ولا في لوحات واذا في كلها اخطاء
بلاوي واقسم بالله ياريتني انا صاحب قرار

شكثر شياب عليهم مخالفات والله مايعرفون كم سرعه الشوارع
وكيف انا رجل شاب وعيوني رادرا في الشوارع تعمل سكان وانصاد والموسف ان التقارير تقولك ازدياد
المخالفات ومايعرفون الاسباب
شي يضحك

الحمدلله في السنه 1000 ريال مخالفات ولا شي شيبان يدفعون بالعشرات الالاف

:)

مب اذا 80 تكون السرعه 90 عادي ولا اروح اتاكد من مخالفات سيارتي احسن escape

[ya3coub]

اخوي اذا تم توقيفك للمخالفه بغض النظر عنها

تنزل على رقم السيارة و ايضا على الرقم الشخصي للشخص المخالف <<< هاي القانون الحالي

بس اذا السيارة مصفوفة و مقفولة تتصور و ايضا الرادار اي شرطي يوقفك علطول تنزل على السيارة و ايضا الرقم الشخصي للشخص المخالف

امس كان عندي موضوع بالمرور و طلبو مني للأسف التوجه لمرور مدينة خليفه لدفع المخالفات على الرقم الشخصي

و طلعت لسيارة بعتها ولكن وصلت مخالفاتها متأخرة من دولة الأمارات مع العلم اني دفعت لحظتها فالأمارات مجموعه من المخالفات

انا معاك بنسبة الشخص المخالف تنزل على رقمه الشخصي

و ايضا تطويرا للنظام الحالي ارجو السماح لكل مراكز المرور بصلاحية دفع المخالفات او عن طريق مطراش 2