مؤسسة راحة لأعمال التشطيب

[$الملياردير$]

الله يمسيكم بالخير منتدانا الغالي ممكن اعرف حد منكم تعامل مع هذه المؤسسة الخاصة لأعمال التشطيب وهل تنصحوني بالتعامل معها او مع شركات التشطيب بشكل عام وماهي السلبيات و الإيجابيات منها وشكرا ....معماري قطر وينك 😋

[معماري قطري]

الله يمسيكم بالخير منتدانا الغالي ممكن اعرف حد منكم تعامل مع هذه المؤسسة الخاصة لأعمال التشطيب وهل تنصحوني بالتعامل معها او مع شركات التشطيب بشكل عام وماهي السلبيات و الإيجابيات منها وشكرا ....معماري قطر وينك ��

هلا إِخوي الملياردير

يا اخوي كل يوم تطلع مؤسسة ولو تدور مقرهم تحصلهم في سيارة ولا في زرع العطية

دوم رايي خل عقدك عن طريق مكتب استشاري أَفضل لك لأَن أَعمال التشطيب هي الأَهم واللي بتبين في البيت والشخص المشرف يتابع بمهنية أَفضل، والأَهم يسوي لك عقد يضمن حقك .. ودوم فيه بدائل لو ما عجبك التسعير هو يعرضها لك وهو يعرف شركات تسوي لك شغل أَسرع وأَحسن واللي يبين لك الزين من الشين المناقصة وانت في النهاية بتختار اللي ترتاح له .. وأَكيد مهمة زيارة الشركة وملاحظة موظفينها وشغلهم .. توجد أَسماء في السوق صدقني لا عندهم عمال ولا مهنيين وكل شغلهم سمسرة فانتبه من هؤلاء .. خصوصاً في شغل الكهربة والسباكة .. حتى الصبغ ياخذون منك الشغلة ويدورون ناس يسونها بأَرخص شيء وذيلا الناس ما يقدرون يسون برخيص بدون غش فتحصلهم يخلطون الصبغ حتى ببودرة حجارة اللي للدفان .. والسمسار لو وقف شغله ما تحصله بعدين .. وتعرفهم انهم ياخذون أَغلب فلوسهم أَول بأَول ويماطلون .. الشركة المعروفة والموثوقة ب 10% تحصل شغل وتشوف تطور وبعدين الدفعات تكون محددة من البداية.

شوف مكتب يسوي لك جرد للأعمال الباقية ويحطها في صيغة عقد واضح وحتى لو محتاج برسومات تفصيلية .. أَشياء مثل الأَبواب اتفق مباشر مع المختص بها وحاول أَول بأَول .. النوافذ كذلك وممكن الأَسقف من جبس ومعدن للحمامات أَو جبس بالكامل .. لكن الأَرضيات والسباكة والكهرباء والصبغ حاول تخليه في عقد واحد وتخلي المقاول مسؤول عن المحافظة على الموقع وتنسيق باقي الشغلات اللي تتفق عليها، والإِستشاري بيسهل لك تنسيق كل هذي الأُمور وحتى المراسلات والفاكسات عن طريقه والاجتماع في مكتبه أَفضل وايد من تتفق بنفسك وتحط نفسك تحت رحمتهم.

[$الملياردير$]

الله يجزاك خير اخوي ع سرعة ردك و نصيحتك و بارك الله فيك

[$الملياردير$]

سبحان الله و بحمده سبحان الله العظيم