::: هل تعبئة البترول "فل" يسبب إنفجار بالسياره ؟ :::

[إعلامي قطر]

..

وصلني هالتنبيه برودكاست وحبيت أتأكد لأهمية
هذا الموضوع خاصة في هذي الأيام وهذا الجو الحار:

تعلن شرطة دولة قطر إلى جميع المواطنين والمقيمين بضرورة
عدم تعبئة بنزين فل للسياره بسبب ارتفاع درجة الحرارة في
الأيام المقبلة..

الرجاء من الجميع عدم تعبئة بنزين فل للسياره، في هذه الحراره
لأنه يسبب انفجار (خزان الوقود) بسبب تزايد الضغط في خزان
الوقود..

قم بتعبئة النص فقط لتترك مجال للهواء ولضمان عدم حدوث
أي انفجار باذن الله..

في هذا الأسبوع كان هناك 5 حوادث حريق وهذا كان السبب

لا تقف عندك حتى تنفع غيرك

بلغو اولادكم اخوانكم
وكل من يسوق سياره والله يحفظ الجميع..

منقول للفائده 🌹

مادري شرايكم ؟!

..

[بوحارب]

الله لا يقول

انا من سقت السيارة وانا اعبي فول

حتى التانكيين افولهم مع بعض والحمدلله الأمور تمام

هذا وقته الموضوع توني معبي موتري فل قبل شوي :looking:

[سعود بن محمد]

مب صحيح ابدا نظريا وعمليا ...

وشرطه دوله قطر بتخلي القنوات الاعلاميه الرسميه وبتدز برودكاست عشان الناس تنشر ؟

[fhd4]

هذي الإشاعة تطلع صيف كل سنة … وتنفيها الشركات دائما

[شيخ الديرة]

حتى يصير أزدحام على محطات وقود وتكثر الشكاوي, يبدو هناك من يريد يشتري أسهم وقود بالملايين.

[Riku3]

من متى وزارة الداخلية تتحدث بمسمى شرطة قطر في اعلاناتها ..

توني معبي من ربع ساعه :] .

[khalid Qtr]

إشاعة متكررة كل صيف ..!

[عطر فرنسي]

هذه اشاعه متكرره في كل صيف الله يحمينا

[بوخالد911]

ليس صحيحا

والله الموفق

[@north_star@]

بجميع الاحوال الخزان ما يتعبى اكثر مستوى العوامة اللي داخله ويتم فيه فراغ والله يبعد شر الحرائق عن جميع المسلمين

[النهار]

اشاعه
من عرفت السواقه انا اعبي فل ساعات اخلي العامل يترس لين يزوع الموتر
لو الكلام صحيح ايش نوع السيارات الي احترقت يمكن في عيب في التصنيع