استفسار عن كاليفورنيا وفلوريدا؟؟ طيران -سياحة -سكن -مواصلات

[BoFahed]

السلام عليكم يا اعضاء احلى منتتدى

انا قررت مع ام فهد انه نكتشف امريكا في الصيف ونزورها لاول مرة واللي سمعته من شباب والمنتديات بانه افضل الولايات هي فلوريدا وكالفورنيا فنوينا ومعاهم كم يوم في نيويورك

بغيت تشورون علي شلون ارتب الرحلة للعلم المدة 20 يوم من حيث المطارات والرحلات من الدوحة(نييويورك -كاليفورنيا فلوريدا) وشنو افضل شركات الطيران من الدوحة (القطرية -الاماراتية -الاتحاد -الخليج-البريطانية-التركية ) والداخلي بين الولايات الثلاث

و ما عندي مشكلة ترانزيت او العبارة او القطار للداخلي

شنو افضل المدن للسكن والسياحة وتوفر الاكل الحلال والمساجد في الولايات الثلاث والاجمل سياحيا (طبيعة مثل الجبال والشلالات -والبحر- وملاهي الاطفال) ؟؟؟؟؟؟؟

شنو افضل والاوفر والاريح تاجير سيارة ؟؟؟؟ولا استخدم المواصلات العامة مترو قطار تاكسي؟؟؟؟

يا ليت مع الافادة الفنادق او الشقق اللي تنصحوني فيها واسعارها مناسبة )اهم شي النظافة والامان والسعر المقبول 150-200 دولار لليوم قريبة من البقالات والمطاعم الحلال


شنو نصايحكم لاول زيارة لامريكا من تجاربكم المتكررة

[ebo90]

خط الرحله واذا كانت الميزانيه ممتازه راح اختار للاريح :

القطريه : دوحه - نيويرك - فلوريدا - كاليفورنيا
الاماراتيه : دوحه - دبي - لوس انجلوس - فلوردا - نيوورك

الطياران الداخلي : كل الطيران تقريبا نفس الشي والاسعار متشابهه عندك موقع www.expedia.com ممتاز
عن تجربه شخصيه ماعندي اي مشكله مع اي طيران .. واذا كان عندك عفش ابتعد عن طيرانspirit

نيـويورك :

السكن الافضل يكون في Times square
ماتحتاج سياره لانه يومك راح تقضيه في التايمز سكوير والحديقه والففث افنيو
يمكن اسعار الفنادق شوي غاليه بحكم انه نيويورك غاليه

المطاعم العربيه كثيره هناك

كاليفورنيا :
اكبر المدن ( لوس انجلوس - سان ديقو - سان فرانسسكو )

اذا رايح لوس انجلوس السكن يكون في البفرلي هلز او في سنجري ود بيكون القريب منك

بفرلي هلز
هولي ود
الشوبنق
طبعا في كم مجمع شوي بعاد عن لوس انجلوس ف اكيد يحتاج سياره

المطاعم الايرانيه والعربيه كثيره ايضا

فلوريدا :
اكبر المدن ( اولاندوا - ميامي )

اذا رايح اولاندو السكن يكون ع شارع اسمه international drive
بيكون كل شي قريب منك
الاوت لت
ديزي لاند
هلوود
يونيفرسال
ديزني داون تاون
سي ورد



بشكل عام بتحتاج سياره لانه هالولايات كبيره الا نيويورك
الشركات كلهم نفس الشي والخدمه ممتازه
احجز بالانترنت قبلها بيكون ارخص والسياير متوفره بكل الاشكال والانواع خصوصا في هالمطارات



هذا بشكل عام اي استفسار حاضرين لك

[معماري قطري]

يا اخوي وايد افترة قصيرة 20 يوم خلها 5 في ميامي و14 يوم في اورلاندو وانت راجع ميامي ليله وللدوحة

البلاد مب صغيرة وفيها دواعيس وأَماكن وايد .. انا من كنت طالب أَروحها ودراستي كانت في ميامي .. وأُورلاندو وحدائقها وأَلعابها كل مره تتغير وتتطور وما تكفيك اسبوعين حق تاخذ راحتك فيها .. والسفر الداخلي طياراتهم متعبة والمسافات بعيدة .. يعني فوق 5 واحتمال 7 لين لوس أَنجلوس وحول 3 لين نيويورك.

إِحنا السنة تورطنا .. كنت انا هناك ومتوقع رجوعي بعد رمضان وحجزت للأَهل في 19/ 7 لين 10 / 9 .. لكن رجعت هالأَيام والحين نبي نعدل الحجز حق قبل العيد بيوم قالوا تغيير التذاكر فوق 30000 ريال .. وكانت نيويورك واتلانتا من ضمن محطاتنا بس بنحتد نخليها نيويورك 4 أَيام حق نياغرا فولز بس ويومين تايمز سكوير والباقي في فلوريدا.

فلوريدا شوي حارة ورطبة ومطر وغيم وأَرخص من غيرها في الصيف بسبب هجرة الناس للمصايف الباردة .. حول 20 درجة فرق عن جونا الحلو أَبرد يعني .. وكاليفورنيا كبيرة وايد وبين مدينة ومدينة ومنطقة ومنطقة ساعة أَقل شيء في السيارة .. شوف كتبت عنها موضوع في 2012 .. كاليفورنيا أَبرد ولو رحت سان فرانسيسكو وحواليها بتكون بعد حلوة .. لكن اورلاندو بروحها كل شيء حولك وما تفضى .. كنا من 12 الظهر ل 12 الليل أَوقات نتحرك من مكان لمكان ونوصل الشقة منهد حيلنا .. شققهم الفندقة مسكتة وآخر تدليع وحول 500 ريال الليلة الى 1000 ما تحصلها في دبي بضعف السعر .. وحولك المجمعات كثيرة وأَكثرها أَوت لت اللي تبيع ماركات بأَسعار رخيصة .. وعندك بعد لو حبيت السو غراس ميلز شوبنغ سنتر .. هذا في منطقة بعيدة عن ميامي ساعة وناس يروحون له يحجزون 3 أَيام يسكنون بس للتسوق .. عندي لك رقم واحد بعد قصيمي يشتغل في شركة تأَجير سيارات ويعطيك السيارة بسعر خصم شركات .. تحتاج جي بي اس ولو تبي أَجر أَو اشتر من هناك وايد يطلع لك أَرخص وقوانين السواقه معروفة أَهم شيء ما تخربط وتنتبه للإِشارات واشارة قف لازم توقف السيارة عندها بالكامل.

[Shamiyeh]

بالتوفيق

[هيلو كيتي]

السلام عليكم ورحمة الله وبركاته

بالنسبه للطيران أنا أرشح طيران الاتحاد لوجود خاصيه جديده فيه الي هي انك اتخلص اجراءات الشيك أب لمطار نيويورك من مطار ابوظبي الدولي , يعني بتوصل لامريكا اتسوي اجراءات عاديه كانك كنت في طيران داخلي وفهالشي بتكون اختصرت الوقت والجهد والانتظار وسين وجيم , بالاضافه انه طيران مريح جداجدا ولا مقارنه بينه وبين اي طيران اخر من وجهة نظري طبعا:nice:
بالنسبه لنيويورك فعلا تايم سكوير سكن مناسب جدا

أما اورلاندو فافضل فندق على حسب الي جربوه هو فلوريدايز ويقع في شارع انترناشيونال درايف , وهالشارع حيوي وفيه كل الفعاليات.

وهاي بعض الفنادق والشقق الفندقيه في اورلاندو تقدر اتشيك عليها
اورلاندو
اورلاندو مدينة صغيرة نسبيا وبالسيارة المشاوير بحد اقصى بحدود ال 20 دقيقة وتكثر فيها الفنادق والمنتجعات بشكل كبير جدا و الخيارات عديدة, حيث يوجد فنادق بكل المستويات ويوجد شقق ويوجد فلل والاسعار بالمدينة معقولة جدا, من افضل المناطق فيها الانترناشونال درايف او ليك بوينا فيستا او للى يبحثون عن فلل فمنطقة كيسيمى جيدة .


فنادق 5 نجوم
Waldorf Astoria Orlando
The Ritz-Carlton Orlando
فنادق 4 نجوم
The Peabody Orlando
Hyatt Regency Grand Cypress
Universal's Loews Portofino Bay Hotel
فنادق 3 نجوم
Radisson Hotel Orlando-International Drive SpringHill Suites by Marriott Orlando at SeaWorld
best western on international drive
Holiday Inn Lake Buena Vista Downtown


منتجعات نظام اجنحة وشقق وفلل تصلح للعوائل
Reunion Resort and Club, A Wyndham Grand Resort
Floridays Resort Orlando
Parc Soleil Suites by Hilton Grand Vacations
Caribe Royale All-Suite Hotel & Convention
Center
Sheraton Vistana Villages-All Villa Resort on Intl. Drive
Sheraton Vistana Resort-All Villa Resort in Lake Buena Vista
Westgate Lakes Resort & Spa Universal Studios Area
hilton grand vacations suites at seaworld
vista cay resort by millinium



بالنسبه للطيران الداخلي الامريكي فهاي خيارات:
الطيران الداخلى


الشركات عديدة وخدمتها متقاربة , الا انى افضل الساوث وست


بالنسبة للطيران الداخلي في امريكا وتكلفة الحقائب للدرجة السياحية فهدة الأربع شركات ( يونايتد ايرلاينز / دلتا ايرلاينز / جت بلو ايرلاينز / اميريكان ايرلاينز ) تتبع نفس النظام


الحقيبة الأولى تدفع قيمة 25 $الحقيبة الثانية تدفع قيمة 35 $الوزن المسموح به 23 كيلو للحقيبه الواحده
.................................................. ..


ساوث وست ايرلاينز
الحقيبة الأولى مجانيةالحقيبة الثانية مجانيةالوزن المسموح به 23 كيلو للحقيبه الواحده
.................................................. .


ألاسكا ايرلاينز
الحقيبة الأولى تدفع قيمة 20 $الحقيبة الثانية تدفع قيمة 20 $الوزن المسموح به 23 كيلو للحقيبه الواحده


بالنسبة للاكل المقدم بالطيران الداخلى فهم يقدمون الماء والمشروبات الغازية وبسكويت او مكسرات بدون مقابل , اما الوجبات فتكون بفلوس
الافضل شراء سندويتشات من المطار قبل ركوب الطياره



الكهرباء المستخدمة

يستخدمون 110 فولت, و شكل المقبس مختلف عن اغلب اجهزتنا فلازم الواحد ياخذ معاة وصلات
اجهزتنا الكهربائية ( الكمبيوترات والايباد والتلفونات وغيرها تشتغل عادى ماتحتاج محولات )
بالنسبه للتسوق طبعا امريكا ام التسوق كله:victory:
بحطلك الاوت لت في نيويورك وفلوريدا


نيويورك
Woodbury Common Premium Outlets - 498 Red Apple Court Central Valley, NY
Tanger Outlet - 1770 West Main St , Riverhead, NY Fashion Outlets Niagara Falls - 1900 Military Road ,Niagara Falls, NY


اورلاندو
Orlando Premium Outlets - 4951 International Drive , ORLANDO, FL
Orlando Premium Outlets - 8200 Vineland Avenue , ORLANDO, FL
Lake Buena Vista Factory Stores - 15657 S Apopka Vineland Rd , ORLANDO , FL



روابط لجميع الاوتلت بامريكا
اwww.premiumoutlets.com

اتمنى اني اكون افدتك ,, سفرة موفقة :ok:

[ebo90]

السلام عليكم ورحمة الله وبركاته

بالنسبه للطيران أنا أرشح طيران الاتحاد لوجود خاصيه جديده فيه الي هي انك اتخلص اجراءات الشيك أب لمطار نيويورك من مطار ابوظبي الدولي , يعني بتوصل لامريكا اتسوي اجراءات عاديه كانك كنت في طيران داخلي وفهالشي بتكون اختصرت الوقت والجهد والانتظار وسين وجيم , بالاضافه انه طيران مريح جداجدا ولا مقارنه بينه وبين اي طيران اخر من وجهة نظري طبعا:nice:
بالنسبه لنيويورك فعلا تايم سكوير سكن مناسب جدا

أما اورلاندو فافضل فندق على حسب الي جربوه هو فلوريدايز ويقع في شارع انترناشيونال درايف , وهالشارع حيوي وفيه كل الفعاليات.

وهاي بعض الفنادق والشقق الفندقيه في اورلاندو تقدر اتشيك عليها
اورلاندو
اورلاندو مدينة صغيرة نسبيا وبالسيارة المشاوير بحد اقصى بحدود ال 20 دقيقة وتكثر فيها الفنادق والمنتجعات بشكل كبير جدا و الخيارات عديدة, حيث يوجد فنادق بكل المستويات ويوجد شقق ويوجد فلل والاسعار بالمدينة معقولة جدا, من افضل المناطق فيها الانترناشونال درايف او ليك بوينا فيستا او للى يبحثون عن فلل فمنطقة كيسيمى جيدة .


فنادق 5 نجوم
Waldorf Astoria Orlando
The Ritz-Carlton Orlando
فنادق 4 نجوم
The Peabody Orlando
Hyatt Regency Grand Cypress
Universal's Loews Portofino Bay Hotel
فنادق 3 نجوم
Radisson Hotel Orlando-International Drive SpringHill Suites by Marriott Orlando at SeaWorld
best western on international drive
Holiday Inn Lake Buena Vista Downtown


منتجعات نظام اجنحة وشقق وفلل تصلح للعوائل
Reunion Resort and Club, A Wyndham Grand Resort
Floridays Resort Orlando
Parc Soleil Suites by Hilton Grand Vacations
Caribe Royale All-Suite Hotel & Convention
Center
Sheraton Vistana Villages-All Villa Resort on Intl. Drive
Sheraton Vistana Resort-All Villa Resort in Lake Buena Vista
Westgate Lakes Resort & Spa Universal Studios Area
hilton grand vacations suites at seaworld
vista cay resort by millinium



بالنسبه للطيران الداخلي الامريكي فهاي خيارات:
الطيران الداخلى


الشركات عديدة وخدمتها متقاربة , الا انى افضل الساوث وست


بالنسبة للطيران الداخلي في امريكا وتكلفة الحقائب للدرجة السياحية فهدة الأربع شركات ( يونايتد ايرلاينز / دلتا ايرلاينز / جت بلو ايرلاينز / اميريكان ايرلاينز ) تتبع نفس النظام


الحقيبة الأولى تدفع قيمة 25 $الحقيبة الثانية تدفع قيمة 35 $الوزن المسموح به 23 كيلو للحقيبه الواحده
.................................................. ..


ساوث وست ايرلاينز
الحقيبة الأولى مجانيةالحقيبة الثانية مجانيةالوزن المسموح به 23 كيلو للحقيبه الواحده
.................................................. .


ألاسكا ايرلاينز
الحقيبة الأولى تدفع قيمة 20 $الحقيبة الثانية تدفع قيمة 20 $الوزن المسموح به 23 كيلو للحقيبه الواحده


بالنسبة للاكل المقدم بالطيران الداخلى فهم يقدمون الماء والمشروبات الغازية وبسكويت او مكسرات بدون مقابل , اما الوجبات فتكون بفلوس
الافضل شراء سندويتشات من المطار قبل ركوب الطياره



الكهرباء المستخدمة

يستخدمون 110 فولت, و شكل المقبس مختلف عن اغلب اجهزتنا فلازم الواحد ياخذ معاة وصلات
اجهزتنا الكهربائية ( الكمبيوترات والايباد والتلفونات وغيرها تشتغل عادى ماتحتاج محولات )
بالنسبه للتسوق طبعا امريكا ام التسوق كله:victory:
بحطلك الاوت لت في نيويورك وفلوريدا


نيويورك
Woodbury Common Premium Outlets - 498 Red Apple Court Central Valley, NY
Tanger Outlet - 1770 West Main St , Riverhead, NY Fashion Outlets Niagara Falls - 1900 Military Road ,Niagara Falls, NY


اورلاندو
Orlando Premium Outlets - 4951 International Drive , ORLANDO, FL
Orlando Premium Outlets - 8200 Vineland Avenue , ORLANDO, FL
Lake Buena Vista Factory Stores - 15657 S Apopka Vineland Rd , ORLANDO , FL



روابط لجميع الاوتلت بامريكا
اwww.premiumoutlets.com

اتمنى اني اكون افدتك ,, سفرة موفقة :ok:


قواج الله اختي
بس ممكن توضحين لي سالفه الاجراءات اللي يسونها الاتحاد ؟

[هيلو كيتي]

قواج الله اختي
بس ممكن توضحين لي سالفه الاجراءات اللي يسونها الاتحاد ؟

هلا وغلا اختي ,,, وضحت المقصود فيها ,,, في مطار ابوظبي كاونتر خاص كانج في امريكا يتخذون كافة الاجراءات الخاصة لمطار نيويورك من مطار ابوظبي , بحيث يوم توصلين اتكون الاجراءات عاديه وكانج مسافره طيران داخلي :)

[ebo90]

هلا وغلا اختي ,,, وضحت المقصود فيها ,,, في مطار ابوظبي كاونتر خاص كانج في امريكا يتخذون كافة الاجراءات الخاصة لمطار نيويورك من مطار ابوظبي , بحيث يوم توصلين اتكون الاجراءات عاديه وكانج مسافره طيران داخلي :)

يعطيج العافيه , هالخدمه لكل الركاب ؟
+
انا ذكر :nice:

[قطريه ماركه]

هلا وغلا اختي ,,, وضحت المقصود فيها ,,, في مطار ابوظبي كاونتر خاص كانج في امريكا يتخذون كافة الاجراءات الخاصة لمطار نيويورك من مطار ابوظبي , بحيث يوم توصلين اتكون الاجراءات عاديه وكانج مسافره طيران داخلي :)

شي مميز و يسهل على المسافرين

[هيلو كيتي]

يعطيج العافيه , هالخدمه لكل الركاب ؟
+
انا ذكر :nice:

أكيد لكل الركاااب :victory:
سوري ماكنت أدري انك ذكر
شكرا لك .

[هيلو كيتي]

شي مميز و يسهل على المسافرين
بالفعل يسهل على المسافرين كثير ,,, وقريبا هالخدمة بتتوفر في طيرااان الامارااااات , عقبااالكم :)

[ebo90]

بالفعل يسهل على المسافرين كثير ,,, وقريبا هالخدمة بتتوفر في طيرااان الامارااااات , عقبااالكم :)

احنا يمكن عندنا شي مشابه له اللي هو اي قيت

يعني من توصل المطار هناك تشخط الجواز وتاخذ بصمات والبوابه تنفتح .. يعني مايحتاج تنطر اللاين او شي
طبعا مو للكل بس اللي مسجلين