شركات التنظيف للبيوت الجديدة

[لما]

من يغرف شركة تنظيف اهم شي ماتخرب الرخام والمواد الصحية بالمنظفات الكيميائية
وشغلهم يكون كممتاز وسعر غير مبالغ فيه

[q6ryah]

من يغرف شركة تنظيف اهم شي ماتخرب الرخام والمواد الصحية بالمنظفات الكيميائية
وشغلهم يكون كممتاز وسعر غير مبالغ فيه

والله انا جربت تنظيفات المناعي روعة بس هالكلام سنة 2003 في بيت أهلي بس الحين مادري عنهم ياليت اللي جربهم يقولنا

[ALGROOR]

66461110 شركه تنظفات متنقله

وتعاملت معاهم كذا مره شغلهم جيد جدا واسعارهم مناسبه

[اللوز]

تنظيفات الكناني
شغل محترم

[ولد المنصور]

الخليج للتنظيفات ممتازين جدا

[الحرف العنيد]

للرفع لن موضوع يهمني بعد

[معماري قطري]

الشركات كثيرة ومن دليل الراية أَو الشرق يقدر الواحد يتواصل معاهم وأَغلبيتهم خبرة في هذا المجال .. بس وقت ما يشتغلون وقبل لازم يؤكد عليهم العميل باستخدام منظفات فعالة وغير ضارة للمواد .. مثلاً للرخام طرق تنظيف وتلميع خاصة تحتاج مواد تنظيف خاصة غير قوية ولا تغير في لون الرخام بعد تشربها به .. بعضها يخلي لون الرخام يبهت وبعضها يخلي فيه مثل الغيوم وبعضها يسبب تآكل.

بالنسبة للحديد وصبغه كذلك التنظيف بعناية ومواد خاصة مهم .. بعض ربلات الأَبواب والنوافذ مهم تنظيفها صح وعدم إِزالتها وبعضها تجي بصبغ خارجي خفيف لا يتحمل التنظيف ويتقشر بسهولة ومهمته حماية المادة من أَشعة الشمس.

مهم مسؤولهم يكون موجود ويكون يفهم وسهل التفاهم معاه ويتابع معاهم ولو عندنا سائق جيد يتابع معاهم بعد أَحسن.

من الشركات اللي جربتها شركة المناعي وهي شركة جيدة لكن توجد عليها ملاحظات بسيطة.

قبل السكن في البيت وهو جديد مهم نتفق مع شركة مكافحة حشرات ونخليهم يرشون كل المنهولات بعد فتحها بالمبيدات الضرورية وحول البيت بالكامل وبعدها يجي دور شركة التنظيفات .. نتركد شوي قبل التأَثيث والسكن ونسكن كل شيء كامل وعلى أَحسن ما يكون.

ومنزل مبارك لكل من خلص بنيان.

[khalid-63]

شركة سلطان محمد ( تنظيفات وخدمات )
الصراحة جربتهم شركة محترفة بمعنى الكلمة خاصة في الادوات الصحية والدرايش والرخام .