[ كيف تقضون وقتكم في النهار الطويل ؟ ]

[الزعفراني]

السلام عليكم

لا يخفى عليكم هالأيام النهار طويل نسبيا بحكم انه فصل الصيف

العصر يأذن تقريبا الساعة ( 2:56 ) و المغرب الساعة ( 6:18 )

شتسوون خلال هالوقت كله ؟

صراحة لقيت عندي مشكلة في ان هالوقت يمر أغلبه هدر .. :rolleyes2:

حد يعاني مثلي والا أنا بس ؟

[عاهد بن علي]

مساك الله بالخير انا يا اخي الفاضل اقضيه خلف القضبان
في الدوام:weeping::weeping::weeping:

[رهج السنابك]

لا والله الا ادور الوقت

[الزعفراني]

مساك الله بالخير انا يا اخي الفاضل اقضيه خلف القضبان
في الدوام:weeping::weeping::weeping:

استمتع ...

[الزعفراني]

لا والله الا ادور الوقت

وقت لأيش ؟

[بوحارب]

انسدح على كرسي الصالة واطقطق على الجوال
او اروح الجم او ارقد بس بدون ما أنام :)

[عاهد بن علي]

انسدح على كرسي الصالة واطقطق على الجوال
او اروح الجم او ارقد بس بدون ما أنام :)

انا عكسك تمام يابوحارب
بعض الاحيان من الملل ((((((( امبطح وانا واقف ))))))):rolleyes2::rolleyes2::rolleyes2:

[ANONYMOUS]

عندي لك شغل .. لك خاطر اطرش لك الاوراق ههههههههههههههههههههههه

[عاهد بن علي]

اي اوراق ؟؟؟؟؟؟؟

[رهج السنابك]

عندي فكره بدال الوقت الضايع نسوي لكم قروب المتمللين
ونعطيكم افكار ومشاريع تنجزونها ًونطلع منكم ابداعات



ترا والله الفراغ نعمه ليتني احصله

[رهج السنابك]

الي يبي ينضم لقروب المتمللين يقول لي

[عاهد بن علي]

الي يبي ينضم لقروب المتمللين يقول لي
اذا التسجيل بدون رسوم انا اولهم:rolleyes2::rolleyes2:

[رهج السنابك]

اي ببلاش بس بيكون في انجاز ومن يدري يمكن ثروه بعد : )


سجلت اسمك عاهد بن علي في اول اللسته من التالي

[الزعفراني]

جاوبي ع السؤال اول لاحقين ع القروبات :weeping:

[الزعفراني]

انسدح على كرسي الصالة واطقطق على الجوال
او اروح الجم او ارقد بس بدون ما أنام :)

احلى شي انك تروح الجم

[الزعفراني]

عندي لك شغل .. لك خاطر اطرش لك الاوراق ههههههههههههههههههههههه

مجنوووووووون ..طرشهم لبوعلي عاهد

[JN000N]

نص الوقت يروح ف الدوام و4 ونص يبدا العصر الصجي بس لين اوصل وابدل واسوي رفرش يا المغرب
بس من باجر بيعتدل الجدول دام بيغيرون الوقت

[رهج السنابك]

انزين لا تزفني بجاوب سؤالك بس تشترك بالقروب بخليك تخرج المارد الذي بداخلك طيعني



الوقت الي ادوره ابي انجز فيه اموري المعلقه عندي وايد اشياء ابي اتفضى لها
على سبيل المثال في مشروع تجاري افكر فيه وعشان ابدي فيه لازم اتفرغ ذهنيا لدراسته الفكره جباره وعندي التمويل بس كلش مب فاضيه
ابي احقق تغييرات جذريه فيني كشخصيه واحتاج القى وقت عشان اشتغل على مهارات معينه
ابي ارجع احفظ القران
ابي القى وقت ارجع امارس رياضتي المفضله الي تركتها من سنتين
ابي وقت اتعلم فيه الجرافيك ديزاين خاااطري

الحين الحيييين ابي اجازه اسافر فيها والشغل مب مخليني من سنتين ماخذت الا يومين مرضيه وما اجزت نفس العالم والناس وضميري مب مخليني اترك الشغل وازماته واطلع اجازه

[محاسب]

اتمشى في المنطقه..... اشوف لي احد محتاج توصيله قريب....ووصله ..
او اتصل ع أحد الأقارب ....سلام وصلة رحم .

[بوخالد911]

بالصالة

مع التي في

[الجـــوديّ]

احسن وقت للرياااااضه.

[بحر شرق]

وقت الفراغ اتصل تلفون لناس اشتاق اسمع أخبارهم

[همر]

اي ببلاش بس بيكون في انجاز ومن يدري يمكن ثروه بعد : )


سجلت اسمك عاهد بن علي في اول اللسته من التالي



Me me me me me

اهم شي مافي بيع كب كيك عالانستغرام :shy:

[رهج السنابك]

همر ثاني منظم بعد عاهد

يلا منو بعده

[الزعفراني]

انزين لا تزفني بجاوب سؤالك بس تشترك بالقروب بخليك تخرج المارد الذي بداخلك طيعني



الوقت الي ادوره ابي انجز فيه اموري المعلقه عندي وايد اشياء ابي اتفضى لها
على سبيل المثال في مشروع تجاري افكر فيه وعشان ابدي فيه لازم اتفرغ ذهنيا لدراسته الفكره جباره وعندي التمويل بس كلش مب فاضيه
ابي احقق تغييرات جذريه فيني كشخصيه واحتاج القى وقت عشان اشتغل على مهارات معينه
ابي ارجع احفظ القران
ابي القى وقت ارجع امارس رياضتي المفضله الي تركتها من سنتين
ابي وقت اتعلم فيه الجرافيك ديزاين خاااطري

الحين الحيييين ابي اجازه اسافر فيها والشغل مب مخليني من سنتين ماخذت الا يومين مرضيه وما اجزت نفس العالم والناس وضميري مب مخليني اترك الشغل وازماته واطلع اجازه

طيب والوقت الحالي اللي هو محور موضوعنا ؟ :rolleyes2:

[الزعفراني]

نص الوقت يروح ف الدوام و4 ونص يبدا العصر الصجي بس لين اوصل وابدل واسوي رفرش يا المغرب
بس من باجر بيعتدل الجدول دام بيغيرون الوقت

يعطيج العافيه

[الزعفراني]

اتمشى في المنطقه..... اشوف لي احد محتاج توصيله قريب....ووصله ..
او اتصل ع أحد الأقارب ....سلام وصلة رحم .

موفق ..

[الزعفراني]

بالصالة

مع التي في

ماذا تشاهد في هذا الوقت .. هل في برنامج تنصح به

[الزعفراني]

احسن وقت للرياااااضه.

لوااااااااااااااااااااااااااااااااهيب :weeping:

[العلياا]

بالنسبة لي يخلص النهار وانا فالدوام
: (

[الزعفراني]

وقت الفراغ اتصل تلفون لناس اشتاق اسمع أخبارهم

بارك الله فيك

[الزعفراني]

بالنسبة لي يخلص النهار وانا فالدوام
: (

استمتعي ..

[العنيده]

الدوام لين 2 وعقب ساعه في الزحمه يمدينا نتغدى ونشرب شاي وسوالف مع اللي قاعد من البيت :rolleyes2: ولما نصحصح يكون دخل المغرب
والويكند جمعة الاهل ولله الحمد تاخذ هالوقت

[الزعفراني]

نقدر نحصر من خلال الردود الآتي :

1- الجلوس في البيت لمشاهدة التلفزيون وشرب الشاي وتبادل الأحاديث داخل البيت
2- الاتصال بالاقارب والاصدقاء كنوع من صلة الرحم .
3- دوام خلال هالفترة .
4- بالكاد ينتهي من الدوام خلال هذه الفترة .
5- الانشغال التام ولايوجد وقت لقضاء اي شي خلال هذه الفترة .
6- ممارسة الرياضة .



ماذا أيضا ؟؟؟؟

[بوخالد911]

ماذا تشاهد في هذا الوقت .. هل في برنامج تنصح به

أشاهدُ مسلسلاً خليجياً

[بوخالد911]

نقدر نحصر من خلال الردود الآتي :

1- الجلوس في البيت لمشاهدة التلفزيون وشرب الشاي وتبادل الأحاديث داخل البيت
2- الاتصال بالاقارب والاصدقاء كنوع من صلة الرحم .
3- دوام خلال هالفترة .
4- بالكاد ينتهي من الدوام خلال هذه الفترة .
5- الانشغال التام ولايوجد وقت لقضاء اي شي خلال هذه الفترة .
6- ممارسة الرياضة .



ماذا أيضا ؟؟؟؟

ممارسة السباحة و جاكوزي + سونا + ستيم Steam ( بخار )

[ريتويت]

المشكله الوقت الضايع الواحد يتحاسب عليه بس المشكله فالحر عن نفسي احب اناااااااااااااام خصوصا والمكيف عالعاااااااااالي


احلي شي النوووم وخصوصا فمكانين فالويكند وفالدوام

[حسن]

بحكم اني مااقيل نهائيا

فالحين اقضيه في الصاله الرياضيه واتمرن لان داش تحدي مع صالح
وبعدين قلت اربي لي عضلات حق الايام الجايه والواحد مايدري وش الزمن يخبي

:)

[غايه الطواش]

اخلص مشاويري ومشاوير البيت ... لاني ماحب اطلع من البيت بعد المغرب

[Only Me]

ارقد من 4 لين 6
واحيانا اخلص مشاويري لان المجمعات والشوارع فاضيه

[الزعفراني]

الدوام لين 2 وعقب ساعه في الزحمه يمدينا نتغدى ونشرب شاي وسوالف مع اللي قاعد من البيت :rolleyes2: ولما نصحصح يكون دخل المغرب
والويكند جمعة الاهل ولله الحمد تاخذ هالوقت

زين تسوين

[الزعفراني]

ارقد من 4 لين 6
واحيانا اخلص مشاويري لان المجمعات والشوارع فاضيه

مو غلط للي ماعنده مشكله في النوم .. انا اذا نمت مثلك أقوم متلخلخ :rolleyes2:

[بنت مريخ]

اوصل البيت 2 اتغدى وانام لين 5
احب ادخل المطبخ اسوي حلويات

[R 7 A L]

نوم نوم نوم نوم لين قبل المغرب بنص ساعة اصلي واروح للجيم

[كازانوفا]

3 اوصل البيت اجهز الغدا واتغدى واصلي بعدها العصر وابدا ادرس الاولاد عالساعه 6 اجهز نفسي للدراسه بالمعهد 9 نخلص وارجع البيت اشوف ايش محتاج وعالنوم
واوقات العصر انام بس ما في وقت واحسن شي يكون ما في وقت عشان لا يضيع عالفاضي ويدخل الملل حياتي
والحمدلله رب العالمين

[مهرة]

نفصفص حب ..

ونتطمش على مواضيع المنتدى ..!

[مهرة]

سؤال محير؟؟ بعض الناس ماشاءالله عليهم اشلون يرقدون العصر ويجيهم نوم بالليل .؟؟؟

[bus3od]

سؤال محير؟؟ بعض الناس ماشاءالله عليهم اشلون يرقدون العصر ويجيهم نوم بالليل .؟؟؟

أنا بعد محيرني مع أني واحد منهم

[ya3coub]

فالشغل

[R 7 A L]

سؤال محير؟؟ بعض الناس ماشاءالله عليهم اشلون يرقدون العصر ويجيهم نوم بالليل .؟؟؟

عادي
ترى لو تحسبينها ساعتين ولا ساعة ونص
ماتجي الساعة 12 الا والنعاس جاي

[ضوى]

كل وقت فراغي نوم واسترخاء

[Dana’1]

أدرس بنتي
بعدها تختلف الأمور ماهو نظام محدد
أقرأ
اتفرج عالتي في
أتصفح النت
أدخل المطبخ أسوي شي خفيف مافية شي محدد
وإذا عندي مشاوير أحاول أخلصها ..بس بالغالب وخصوصا هالفترة أخلصها الصباح بعد ما أنزل بنتي للمدرسة
أسير عالأهل
أو إسترخاء
وهكذا أمور

[Rider]

يازين النوم بعد عناء العمل واذا عندي شي ضروري خلصته

[احمد1]

اروح الدوام الصبح وارجع حول الساعه 3 اصلي العصر واقيل اقوم المغرب واصلي المغرب واقعد مع اليهال شوي وعقب المجلس واصلي العشا عقبها اطلع شوي او ارد البيت او المجلس ....