هل تم الاعلان عن الفائزين في قرعه اسواق الفرجان ؟

[دايموند]

السلام عليكم

هل اعلنوا عن ارقام الفائزين بالقرعه في اسواق الفرجان ؟
من فيكم طلع حظه حلو وفاز بالقرعه ؟

والا كان نصيب الفوز للهوامير ؟

[عاهد بن علي]

يقول راعي المثل:
(((((( رزق غيري يا ملا ماينوشني و رزقي يجيني لو كلً حيً يحايله )))))))
لا تخاف الارزاق مقسومه وانا اخوك ماهي بالواسطات

[المنسى]

وين نقدر نعرف الارقام الفائزه مافيه موقع لهم ولا حد جاه مسج وبالتوفيق الجميع

[سنافي قطر]

القرعه اليوم العصر

يبون المشاركين يحضروون

الله يوفق المستحقين،،،

والي يعرف الفايزين لايبخل علينا

[رُفق المجنّا]

الارقام تلقونها في حساب الوزارة + حسن الساعي في تويتر

مبروك للفائزين وحظ أوفر لمن لم يحالفه الحظ

[دايموند]

مالقيت شي ع موقع وزاره الاقتصاد والتجاره ؟!!!!

[الحمر]

العرب ننفرد بنشر القائمة الرئيسية للأرقام الفائزة بقرعة أسواق الفرجان
http://alarab.qa/new/mobile/details.php?issueId=2365&artid=300699

[دايموند]

لقيت الارقام في اكاونت حسن الساعي

اقول مبروك للي فازوا

وهارد لاك للي مافازوا مثلي كالعاده :)

[بوخالد911]

هارد لك لغير الفائزين

[Dmy Enabi]

مبروك للي فازوا وانا منهم
وحظ أوفر للبقية

[المنسى]

ممكن اعرف شلون خذتو الارقام جاتكم مسج او وين مسجله بالضبط اقصد الارقام دخول القرعه

[دايموند]

ممكن اعرف شلون خذتو الارقام جاتكم مسج او وين مسجله بالضبط اقصد الارقام دخول القرعه

لما سجلنا بالموقع (اسواق الفرجان) وصلنا مسج برقم القرعه
كما ان اول ما نسجل ونخلص التسجيل في القرعه ظهرت لنا الارقام في الصفحه

[عضو مشاكس]

ماطلع اسمي:(

[S S]

العرب ننفرد بنشر القائمة الرئيسية للأرقام الفائزة بقرعة أسواق الفرجان
http://alarab.qa/new/mobile/details.php?issueId=2365&artid=300699

الاخ الحمر شكرا لك على نقل الرابط

[رفيع الهامه]

مبروك للاجانب



الخياطين هنود و البقالات هنود وهم المالكين الحقيقين للنشاط ..


والباقي حدث ولا حرج

[حسن]

مبروك للاجانب



الخياطين هنود و البقالات هنود وهم المالكين الحقيقين للنشاط ..


والباقي حدث ولا حرج



هذا شي طبيعي ومتعارف عليه في ذمتك بتلقى قطري خياط ولا راعي بقاله
لو الخيايط الرجاليه غادرو البلد والله لانقعد على فنايل ووزره
:)


نبارك للفازو وهذه فكره حلوه وممتازه اسواق الفرجان
ونتمنى انها تكثر

[bos3eed]

شلون نرجع الشيك
ان شاء الله مايتعبونا

[pink pearl]

الحمد لله ماحالفني الحظ - كنت متفائلة
عموما ألف مبروك للفايزين والله يرزقهم من فضله

[عثرة جواد]

ايه وقابلوهم

[ارقا سنود]

مبروك للي فازو

[قطري2022]

الي فازو الف مبروك و العشا عندي الليلة ، و كل واحد له بنتلي من الوكالة ، و الي مافازو يسمحون لي مب ماعطهم شي :)

[المحاميه]

هذا شي طبيعي ومتعارف عليه في ذمتك بتلقى قطري خياط ولا راعي بقاله
لو الخيايط الرجاليه غادرو البلد والله لانقعد على فنايل ووزره
:)


نبارك للفازو وهذه فكره حلوه وممتازه اسواق الفرجان
ونتمنى انها تكثر


عالاقل يكون المالك قطري
اما العمال اللي يشتغلون شي ثاني
مب المالك اجنبي

متى المواطن بينتفع وبيكون له حق فيه خير بلاده؟

استغرب من ردك وكأنه الوضع عاجبك!!!

[المحاميه]

مبروك للي فازوا
واللي ماحلفهم الحظ الله يعوض عليكم باللي اخير منه
وكفايه انكم حاولتوا
عالاقل احسن من غيركم اللي ماحاول وحط يده على خده وقعد يتفرج ههه

[دلة الرسلان]

الحمدلله ما الله كتب نفوز في القرعة بس ها السجل التجاري اللي ابتلشنا فيه شنسوي فيه ؟

[راشد محمد]

مبروك للي فازوا

[حسن]

عالاقل يكون المالك قطري
اما العمال اللي يشتغلون شي ثاني
مب المالك اجنبي

متى المواطن بينتفع وبيكون له حق فيه خير بلاده؟

استغرب من ردك وكأنه الوضع عاجبك!!!

شكلك انتي مهب عارفه السالفه
شوفي كل المحلات اللي تشوفينهم في قطر للاجانب
القطري له السجل وهذا الشي معروف
كان شاركتي لك وفتحتي لك محل خياطه عبي كان بتربحين
ربح عالمي

[رفيع الهامه]

هذا شي طبيعي ومتعارف عليه في ذمتك بتلقى قطري خياط ولا راعي بقاله
لو الخيايط الرجاليه غادرو البلد والله لانقعد على فنايل ووزره
:)


نبارك للفازو وهذه فكره حلوه وممتازه اسواق الفرجان
ونتمنى انها تكثر



أخوي شكلك فاهم غلط

انا قصدي مالك النشاط الفعلي للخياطة او البقاله هم هنووووووووووووووووووود وليس قطري ,,, انا ماقلت لقطري يشتغل خياط ولا عامل بقاله على انها ماهي عيب انه يشتغل ويكد ,, لان رسولنا صلى الله عليه وسلم رعى الغنم ..


اخوانا اللي من اهل قطر يفتح سجل ويسلم العامل الخيط والمخيط ... العامل يدخل مبالغ كبيرة واخونا لقطري ياخذ ع السجل 2000 او 3000 ريال ....




الغيور على بلاده مايرضا بهالشي

[حمد 2002]

الحمدلله ما الله كتب نفوز في القرعة بس ها السجل التجاري اللي ابتلشنا فيه شنسوي فيه ؟

كل سنه بتدفع عليه رسوم ،،

وتبي نصيحتي تاجر بدون محل وعوار راس .. ولا تسالني شلون فكر وبتلقى الحل ..

[حمد 2002]

أخوي شكلك فاهم غلط

انا قصدي مالك النشاط الفعلي للخياطة او البقاله هم هنووووووووووووووووووود وليس قطري ,,, انا ماقلت لقطري يشتغل خياط ولا عامل بقاله على انها ماهي عيب انه يشتغل ويكد ,, لان رسولنا صلى الله عليه وسلم رعى الغنم ..


اخوانا اللي من اهل قطر يفتح سجل ويسلم العامل الخيط والمخيط ... العامل يدخل مبالغ كبيرة واخونا لقطري ياخذ ع السجل 2000 او 3000 ريال ....




الغيور على بلاده مايرضا بهالشي

اشكررررررررررررررررك وبعنف ..

[حسن]

أخوي شكلك فاهم غلط

انا قصدي مالك النشاط الفعلي للخياطة او البقاله هم هنووووووووووووووووووود وليس قطري ,,, انا ماقلت لقطري يشتغل خياط ولا عامل بقاله على انها ماهي عيب انه يشتغل ويكد ,, لان رسولنا صلى الله عليه وسلم رعى الغنم ..


اخوانا اللي من اهل قطر يفتح سجل ويسلم العامل الخيط والمخيط ... العامل يدخل مبالغ كبيرة واخونا لقطري ياخذ ع السجل 2000 او 3000 ريال ....




الغيور على بلاده مايرضا بهالشي


الله يهداك احنا ندري ان السجلات مؤجره وحتى الخروجيات بعد والاقامات الكثير مايدق
الختم الى بفلوس
وبعدين اللي بيسير كله تاجير والمستفيد الاثنين الاجنبي والقطري
تبون الاستفاده انزلو الميدان

:victory:

[حسن]

اشكررررررررررررررررك وبعنف ..

حمد تذكر عادل امام يوم قاله القاضي ترضى تسكن فوق وحده ....
قال اذا باسمع كلامك البلد بتنام في الشارع


حمد يدور في ذهني من الساعه الرابعه فجرا موضوع
شكله من ينزل لمت اب

:telephone:

[المحاميه]

شكلك انتي مهب عارفه السالفه
شوفي كل المحلات اللي تشوفينهم في قطر للاجانب
القطري له السجل وهذا الشي معروف
كان شاركتي لك وفتحتي لك محل خياطه عبي كان بتربحين
ربح عالمي

امبله فكرت
وخططت
بس الشروط ماتنطبق علي
ماعندي نشاط قائم
الله يعوضنا باللي اخير منه :nice:

نعم للمواطن لا للمقيم :nono:

[دايموند]

لا تعورون قلبي وتذكروني :weeping:


اصلا عادي مب من زين حجم المحل :nice:

خيره خيره

وخل الهوامير يستانسون محد فاز غيرهم

[المحاميه]

ليش الزعل دايموند

محد بياخذ غير نصيبه
اللي الله كاتبه له

ماتدرين يمكن لو فزتي جان ابتلشتي ولا صادتج مشاكل انتي ف غنى عنها
الله مايحجب شي الا فيه خير لج

توكلي عليه وشوفيلج شي ثاني

[pink pearl]

الحمدلله ما الله كتب نفوز في القرعة بس ها السجل التجاري اللي ابتلشنا فيه شنسوي فيه ؟


كل سنه بتدفع عليه رسوم ،،

وتبي نصيحتي تاجر بدون محل وعوار راس .. ولا تسالني شلون فكر وبتلقى الحل ..

طيب سؤال ؟

الحين عندي سجل تجاري هل أقدر ألقى مكان في الدفنة - المرخية- إيجاراته معقولة؟

أقدر أفتح كشك في المولات؟؟ حد عنده فكرة؟ خاطري أفتح مشروع ..

[سنافي قطر]

انا ولله الحمد فزت فالقرعه ،،ورحت المنطقه الي طلع رقمي فيها ولكن
مافي اي شارع رسمي للمنطقه والسوق والمنطقه الي حوله كلها بدون شوارع ومكسرره والمنطقه كلها شغل وبنيان والكل يبني ماشاء الله ولكن البيوت الجاهزه عالاصابع

واما السوق فتقريبا جاهز60% يعني للحين ماوصلو للبلاستر
والشروط هي توقيع العقد خلال اسبوعين والبدء فالنشاط خلال 3 شهور

شلوون والسوق يبيله يمكن 5 شهور وفرضا بدينا،،، المنطقه فااااضيه يعني مستحيل تدخل ربع الايجاار

السؤال المهم ،،وين توقيع العقد وشنهي الاوراق الي اوديها معاي او شيطلبون،،يعني بحكم خبرتكم يبون شي من البلديه او السجل ،،وشكرا


للعلم المنطقه الثميد

والله يعوض الي ماربحو وفي اسواق ثانيه فالطريق وان شاء الله يحالفهم الحظ

[Dmy Enabi]

انا ولله الحمد فزت فالقرعه ،،ورحت المنطقه الي طلع رقمي فيها ولكن
مافي اي شارع رسمي للمنطقه والسوق والمنطقه الي حوله كلها بدون شوارع ومكسرره والمنطقه كلها شغل وبنيان والكل يبني ماشاء الله ولكن البيوت الجاهزه عالاصابع

واما السوق فتقريبا جاهز60% يعني للحين ماوصلو للبلاستر
والشروط هي توقيع العقد خلال اسبوعين والبدء فالنشاط خلال 3 شهور

شلوون والسوق يبيله يمكن 5 شهور وفرضا بدينا،،، المنطقه فااااضيه يعني مستحيل تدخل ربع الايجاار

السؤال المهم ،،وين توقيع العقد وشنهي الاوراق الي اوديها معاي او شيطلبون،،يعني بحكم خبرتكم يبون شي من البلديه او السجل ،،وشكرا


للعلم المنطقه الثميد

والله يعوض الي ماربحو وفي اسواق ثانيه فالطريق وان شاء الله يحالفهم الحظ
عالبركة أخوي
آنا نفسك راجعت اليوم بنك التنمية قالوا روحي وزارة الاقتصاد
رحت وزارة الاقتصاد قالوا ردي بنك التنمية بس روحي لهم الأحد أحسن وهم بيفهمونج كل شي
حبيت أفيدك

[الزعفراني]

مبرووك للفائزين والله يوفقهم ويفتح عليهم ويرزقهم

[الحياة الخالدة]

مبروك للي فازو .. و اللي ما حالفهم الحظ الله يعوضهم خير .. خيرة من الله ( و عسى أن تكرهو شيئاً و هو خير لكم )

[سنافي قطر]

عالبركة أخوي
آنا نفسك راجعت اليوم بنك التنمية قالوا روحي وزارة الاقتصاد
رحت وزارة الاقتصاد قالوا ردي بنك التنمية بس روحي لهم الأحد أحسن وهم بيفهمونج كل شي
حبيت أفيدك

تسلمين اختي عالمعلومه ،،وفرتي علي الدواره ،،وبروح لهم الاحد ،،والله يبارك لج فالمحل ويرزقج

[الكايد1]

انا مافزت ولله الحـمد

وكل التوفيق للي فازو

[دايموند]

وصلني مسج من وصيف عشان نستلم الشيكات. نجهز لهم بطاقه الشخصيه للمخول ورقم قيد المنشأه !!!

من وين نجيب لهم قيد المنشأه ؟!

[الزلزال]

مبروك للفايز
عسى الله يرزقه الرزق الحلال
انا ما حالفني الحظ
لك الحمد و لك الشكر يارب العالمين