اي الجهات افضل لمهندس معماري حديث

[سيد الخسارة]

السلام عليكم ورحمة الله
حبيت اسال عن الجهات اللي ممكن تطور المهندس المعماري في الدوحة هل هي الشركات الخاصة واي شركة او الجهات الحكومية وكيف يمكن الوصول لها
انا مهندس حديث التخرج عمري واشتغل على برامج عديدة منها الاوتوكاد والاركيكاد والسكتش اب والسينما فور دي والماكس والفوتوشوب
وحابي اطور نفسي فاي الجهات هي اللي ممكن تصقل الموهبة وتخليك تتقدم لين ما تصير استشاري
هذي بعض اعمالي
http://im86.gulfup.com/UgW3Ny.png (http://www.gulfup.com/?68Ba2U)

http://im86.gulfup.com/yZXkJl.jpg (http://www.gulfup.com/?ACEMs4)

http://im86.gulfup.com/1ImOes.jpg (http://www.gulfup.com/?v5hNjq)

http://im86.gulfup.com/j04ZfB.jpg (http://www.gulfup.com/?601G3f)

http://im86.gulfup.com/FdgYEO.jpg (http://www.gulfup.com/?1x7Z16)

http://im86.gulfup.com/6XDAqq.png (http://www.gulfup.com/?FanoaO)

[معماري قطري]

الله يوفقك وتتوظف في وظيفة تطور علمك

عندك الإِستشاريين كمثال وهم كثيرين .. شغل حكومي لو حصلت تحت مهندس معماري ممكن تستفيد أَما غيره بيشغلك شغلات ثانية .. شوف الجهات اللي فيها شغل تصميم وهي بعد كثيرة المهم تكون الوظيفة مناسبة لك.

[سيد الخسارة]

ان شاء الله وتسلم اخوي على النصيحة
كثير قالو لي في البداية احسن الشغل الخاص لان فيه خبرة اكثر
وان شاء الله اللي فيه الخير

[معماري قطري]

ان شاء الله وتسلم اخوي على النصيحة
كثير قالو لي في البداية احسن الشغل الخاص لان فيه خبرة اكثر
وان شاء الله اللي فيه الخير

لو حاب تتعب شوي وتستفيد وايد شوف مكتب استشاري ناجح

أَرشح لك ثلاث مكاتب مثل المكتب العربي للاستشارات الهندسة - ابراهيم الجيدة .. واتحاد قطر للتخطيط .. وام زد اند بارتنرز .. وغيرهم كثيرين بس هذي عينة من مكاتب على درجة عالية من المهنية .. كذلك مكتب غلف دزاين كونسبت وهو مختص مكتب معماري بالدرجة الأُولى.

لو اشتغلت معاهم بجد بتعرف أُصول الشغل ومعوقاته وبتقدر تنمي خبرتك مع خبراء في هذا المجال وبترتفع قيمتك المهنية كثير.

[شموخ دائم]

,

,

مرحبا


اخوي الكريم

اشتغل في مؤسسه حكوميه صباحا راتب شهري مضمون وهذا شي ضروري في قطر


ما بتحصل خبره كثر العمل في الميدان

انا انصحك تفتح شركه ديكور وتصميم وتديرها المساء جيب مهندس ديكور ( خبره ) من مصر

يكون جيد وقديم وشخصيته راكده واختاره بعنايه يساعدك في الشغل ويدير معاك المكتب
ويتعامل مع الناس

خلال 5 سنوات بتعمل لنفسك اسم وبتاخذ خبره وتكبر الشركه ان شاء الله

وهذا النوع من الشركات له مجال طيب واحنا في هذه النهضه العمرانيه الكبيره

ومن خلال عرضك لنماذج شغلك واضح ان ( التجاره والتسويق والتصميم) تسري بدمك
:)

انت بس ( ارفع ) التفائل وعدل اسمك من خساره الى ربح

وامورك طيبه

:)

بالتوفيق لك

,

,

اخوك

شموخ دائم

[captin]

دامك طلبت المشورة وحاب تطور نفسك وتكتسب الخبرة
الله يوفقك ويسهل لك امرك

اليوم قلة قليلة من القطريين اللي يفكرون نفس تفكيرك
الكل همه راتب وسيارة كشخة باقساط وسفر وسهر وتمشية
وبعدين يصيحون يقولون الاجانب كلونا .

اذا انت خريج جديد طبعا تحتاج خبرة ومب اي خبرة لأن الخبرة في القطاع الحكومي
تحتاج سنوات طويلة وعلى مجهودك .

انا انصحك ومع الطفرة الاقتصادية الحالية اشغال تعاقدت مع شركات عالمية لتصميم
وادارة مشروعات البنية التحية منها على سبيل المثال شركة mac و pmc
وانا شخصيا تعاملت مع استشاريينهم الانجليز والهولنديين ناس صج محترفين
ولاحظت معاهم بعض الشباب والبنات القطرييات الملتحقين حديثا بأشغال

هاذي فرصة لك حاول تقدم على اشغال وتحتك بالاجانب وتستفيد منهم في السنوات القادمة
ولما تشوف نفسك عندك الخبرة المناسبة بعد 5 او 7 سنوات ممكن تفكر تفتح لك
مكتب خاص تديرة بنفسك .

الله يوفقك

[معماري قطري]

دامك طلبت المشورة وحاب تطور نفسك وتكتسب الخبرة
الله يوفقك ويسهل لك امرك

اليوم قلة قليلة من القطريين اللي يفكرون نفس تفكيرك
الكل همه راتب وسيارة كشخة باقساط وسفر وسهر وتمشية
وبعدين يصيحون يقولون الاجانب كلونا .

اذا انت خريج جديد طبعا تحتاج خبرة ومب اي خبرة لأن الخبرة في القطاع الحكومي
تحتاج سنوات طويلة وعلى مجهودك .

انا انصحك ومع الطفرة الاقتصادية الحالية اشغال تعاقدت مع شركات عالمية لتصميم
وادارة مشروعات البنية التحية منها على سبيل المثال شركة mac و pmc
وانا شخصيا تعاملت مع استشاريينهم الانجليز والهولنديين ناس صج محترفين
ولاحظت معاهم بعض الشباب والبنات القطرييات الملتحقين حديثا بأشغال

هاذي فرصة لك حاول تقدم على اشغال وتحتك بالاجانب وتستفيد منهم في السنوات القادمة
ولما تشوف نفسك عندك الخبرة المناسبة بعد 5 او 7 سنوات ممكن تفكر تفتح لك
مكتب خاص تديرة بنفسك .

الله يوفقك

بعد راي جيد بس ما ادري ليش تصيدني حساسية من أَشغال

[نور الحور]

,

,

مرحبا


اخوي الكريم

اشتغل في مؤسسه حكوميه صباحا راتب شهري مضمون وهذا شي ضروري في قطر


ما بتحصل خبره كثر العمل في الميدان

انا انصحك تفتح شركه ديكور وتصميم وتديرها المساء جيب مهندس ديكور ( خبره ) من مصر

يكون جيد وقديم وشخصيته راكده واختاره بعنايه يساعدك في الشغل ويدير معاك المكتب
ويتعامل مع الناس

خلال 5 سنوات بتعمل لنفسك اسم وبتاخذ خبره وتكبر الشركه ان شاء الله

وهذا النوع من الشركات له مجال طيب واحنا في هذه النهضه العمرانيه الكبيره

ومن خلال عرضك لنماذج شغلك واضح ان ( التجاره والتسويق والتصميم) تسري بدمك
:)

انت بس ( ارفع ) التفائل وعدل اسمك من خساره الى ربح

وامورك طيبه

:)

بالتوفيق لك

,

,

اخوك

شموخ دائم


ههههههههههه

الرد عجييييب ..

اتفق معاك شموخ ..:victory:

عاد أنا توني من كم يوم قاعدة أفكر ..

أقول لو أفتح لي مكتب تصميم أنا علي الأفكار والمصمم عليه الناحية الفنية ..

بس اختلف معاك على الجنسية .. مع احترامي للجميع .. كلهم على العين والراس ..

لكن هالشغلة بالذات (الديكور والتصميم ) لها ناسها المشهورين فيها :nice:

[نور الحور]

أخوي سيد .. الله يوفقك يارب .. ويسهل دربك ..

حلو يكون عندك هالشغف بتخصصك ومهنتك ..

وشغلك ينم عن حرص وبداية موفقة إن شاء الله ..

من ناحيتي بضيف على نصايح الإخوان فوق شغله وحدة ..

هو المتاااابعة والإطلاااع على كل جديد لمصممين ومهندسين محترفين ..

أنا مسوية فولو حق أكاونت كم مهندس فناااان .. وبعض الفلورز مثلك يبي يكتسب خبرة ..

أشوفهم يسألون ويعرضون أعمالهم وياخذون الراي والنصيحة من المهندس صاحب الأكاونت ..

وكل ما كنت متابع وتحرص على تطوير نفسك بتتطور بسرعة في سرعة قياسية

موفق يارب .. والشغف لا تخليه :nice:

[معماري قطري]

أخوي سيد .. الله يوفقك يارب .. ويسهل دربك ..

حلو يكون عندك هالشغف بتخصصك ومهنتك ..

وشغلك ينم عن حرص وبداية موفقة إن شاء الله ..

من ناحيتي بضيف على نصايح الإخوان فوق شغله وحدة ..

هو المتاااابعة والإطلاااع على كل جديد لمصممين ومهندسين محترفين ..

أنا مسوية فولو حق أكاونت كم مهندس فناااان .. وبعض الفلورز مثلك يبي يكتسب خبرة ..

أشوفهم يسألون ويعرضون أعمالهم وياخذون الراي والنصيحة من المهندس صاحب الأكاونت ..

وكل ما كنت متابع وتحرص على تطوير نفسك بتتطور بسرعة في سرعة قياسية

موفق يارب .. والشغف لا تخليه :nice:

وانا اقول وين نور ما تبين هنيه :telephone:

[نور الحور]

وانا اقول وين نور ما تبين هنيه :telephone:



هههههههههههه .. خطييييير ..

شكلي بعتزل تحليل الشخصيات .. أنت وشموخ غطيتوا علي خلاص :secret:

هههههههههه ..



لأ معماري .. أنا موجودة ومتابعة وعندي بعد كم فكرة لمواضيع ودي أنزلها ..

لكن من أتذكر تنسيق وتحميل الصور والتعليق عليها أكسل وأقول بعدين :secret:


والخير والبركة فيكم أكيد نستفيد منكم .. أنتوا المختصين هني بالقسم وأنت أولهم ..

صدقني .. متابعة أكيد وبشغف هههههه

[ya3coub]

اولا مبروك التخرج أخوي و عقبال الشهادات العليا

الأخوان فوق بحكم خبرتهم ما قصرو بالنصائح

اعوذ بالله من كلمة انا توني مكمل سنة من تخرجت

و لله الحمد من رمضان السنة الي فاتت شغال بشركة JV قطرية فرنسية اختصاصها المشاريع الكبيرة و لله الحمد قاعد التعلم إلى اليوم اشياء جديدة شبه يوميا

الكل لما يبتدي بالهندسة يشوف المستشارين كهدف يبي يوصله فبداية مساره يحاول يخطط كيفية الوصول له


بالنسبة للمهندس المعماري في نوعين الــتصميم "Design" و التنفيذ او الإنشاء "Construction" و الاثنين مختلفين عن بعضهم انت ذكرت و اعتمدت على البرامج فأتوقع انه ميولك للتصميم اكثر

بالنسبة للتطوير لا تستعجل بس بنفس الوقت لا تركد خلص شغلك بعد التوظيف بإذن الله و احضر مؤتمرات الدولة مضغوطة بالإنشائات و للأسف نادر احصل قطري بالمؤتمرات او المحاضرات الي تخص قطاع الإنشائات اقعد بروحي و اتعلم و اسجل ملاحظاتي.


بسالنسبة للكونستركشن اشوف بما انه عمل ميداني متعب جدا للجسد بس اذا لك الرغبه بتطوير نفسك و التعلم رضى نفسك يهون عليك الضغط الجسدي و طول اوقات العمل

كونك قطري بيعطونك مكتب و بورتا كبن او بعض الحالات اذا بالتصميم يحطونك ببرج مع الإدارة ابعد عن المكاتب حاول تكون اقرب للميدان انزل السايت خل كشختك لوقت غير الشغل انزل شوف العمال الأدوات المستخدمة و الطلبات الي اتكون على ورق او عالسستم و تابع التركيب من المقاولين و الخ و بنفس الوقت علشان اتطور نفسك اكثر حاول تطلب انك اتكون متواجد مع أجتمماعات الإدارة مع العميل "Client" او صاحب المشروع. "حاول ما تكون القطري بخانه و مكتب لتكملة عدد او نسبة اترك بصمتك بشغلك و شغفك للتطوير"

اسئل و خلك مثل الظل للمهندسين السنير اصحاب الخبرة و ايضا العمال و الفورمان و السوبرفايزور لما تكون علاقتك طيبه معاهم تتعلم منهم كثير بحكم خبرتهم ممكن ينبهونك لأشياء ما يقولك عنها المهندس بحكم خبرتهم بالتركيب او غيره


احس تواجدك بهالدوامة بتصقل مهاراتك الهندسية اكثر بتعرف من وجهة نظر مهندس العمال او المقاولين الصغار شنو احساسهم بضغطك عليهم و تقدر تعرف و تجرب عدة اساليب للتعامل مع مديرهم و تأثيره على اداء العمل بنفس الوقت شركة الأستشارات المسؤولة عليكم كمقاولين رئيسين و ضغطها عليكم اشلون و تتعلم من فرق التعامل اشلون تاخذ تغير وتقلبات طلبات العميل و توصلها للمقاولين الي بيركبون و اخراج التصاريح القانونية لكل جزء مثلا بالحدائق عندك انواع الصخور اللافتات و مصلى انواع الأنوار و الخ من الــArchitectural view بالحكومة او المباني و الابراج ممكن يعطونك الانتيرير "الداخلية" سوائا للمكاتب و الخ

و قبل ما تبتدي باي مكان ارحش تمر على كل الشركات الخاصه و غيرها و الحكومية ايضا و قبل ما تقدم تحاول تلتقي بالناس المسؤولة و تستفسر عن مشاريعهم اكثر و خططهم المستقبلية و تشوف ايضا بيئة العمل + تعاملهم معاك هل بيرحبون فيك او لا. الراحة النفسية انك تروح لشغل طويل و متعب مهم جدا و يهون عليك منت بناقص ناس ما ودك تشوفهم و تقابلهم يوميا الي ترتاحله قدم عندهم رسمي بغض النظر عن الراتب لأنه ليس كلشي بالنهاية انت تنمي موهبتك و تحاول تكتسب خبره و ان شاء الله تررفع بنفس المكان او حتى غيره

والله يوفقك يارب اسمحلي عالإطاله تكلمت عن وجهة نظري من قسم الإنشائات فقط و ليس لدي علم بالحكومة و غيرها حيث ان تعاملهم معاي لم يرق لي. و اذا بخاطرك اي استفسار بالمنتدى او خارجه كلمني باي وقت برسالة