رأيكم بخصوص استئجار مخزن لتخزين بضاعة من الصين

[Q ابو تركي Q]

بغيت اقتراحتكم عندي محل و بحضر بضاعة من الصين اثاث ومحتار في تكلفة ايجار مخزن

حد عندة فكرة وين احصل مخزن بايجار قليل او فكرة لتخزين البضاعة

[شموخ دائم]

,

,

مرحبا


اخوي الكريم

اذا بتاخذ مخزن في الصناعيه بيكون الايجار
في حدود 40 الف
يعني انسى تطلع فايده من البضاعه
لانك بتضطر ترفع السعر للبضاعه
وبتطلع لك مشكله ثانيه في التسويق انها بضاعه صينيه من المفترض سعرها ( معقول )
وسعرها راح يفوق الاوربي
:)
وتاخير بيعها يضاعف الخساره لان الايجار شغال كل شهر

وتكلمنا كثير بهذا الموضوع في الاعلام في الجرائد عن وضع حل لهذه المشكله
وتدخل البلديه ومسئولين الصناعيه عن توفير او توزيع مخازن
بطريقه صحيحه وبطريقه غير المعمول بها الان
( المواطن ) في الاخير هو ( ضحيه ) هذا الغلا
ياخذ بضاعه فوق حقها واكثر من الدول المجاوره بكثير


الحل الوحيد المتاح ( لصغار ) التجار
والسيناريو الحاصل الان

اخذ بيت قديم او نص بيت ( رخيص السعر ) في منطقه قديمه داخل الدوحه
وتخزين البضاعه فيه مؤقتا

وللاسف هذا الحل وهو حل ( غير أمن )
لاقدر الله يحصل حريق في منطقه سكنيه

ما يحدث الان هو تحول بيوت قديمه الى ( مخازن ) في مناطق سكنيه
مثل مدينه خليفه ومثل فريج بن عمران معيذر وما جاورها
البيوت القديمها كلها تحولت الى مخازن وسكن عمال المحل بنفس المكان

وهذا خطر على المنطقه السكنيه

لكن هذا السيناريو هو الواقع الان

,

,

اخوك

شموخ دائم

[Q ابو تركي Q]

يعطيك العافية اخوي شموخ دائم

ممكن ناخذ بفكرة بيت قديم حل مؤقت

[مهاجر]

المفروض شركة مخازن كانت بتوفر مخازن للمستثمر الصغير بس ماعرف وين وصل الموضوع معاهم .

[شروق الدوحه]

عندي مخازن اخوي ضمن فيلا 250 م وبجانبه 150م اذا يناسبك المساحة او تفتحهم على بعض 400 م .. وامن بعد الله سبحانه تواصل معي اذا لك خاطر ..

والله يوفقك ان شاء الله ..،

[qatar.syria]

مختص بدراسات الجدوى في قطر ودول الخليج لو تريد دراسة جدوى كلمني على الخاص

[Abdulla O]

اخوي / الدولة تعطي كراجات و مخازن بَ الصناعية الجديدة على حسب نشاطك طبعا

يبون قيد منشأة وسجل وفيه أوراق ثانيه ماذكرها والله /// لكن اسال عن هالموضوع كثير والموضوع في بلدية الصناعية

وأقولها لك من الحين لزم واسطة واسطة قووووووية غير كذا دور لي بيت مثل ما قالو الاخوان الله يعطيهم عافيه

[طبيب قطري]

اشوفهم يخزنون بضاعه بمناطق داخل الدوحه ، ولكن مثل ماقال احد الاعضاء هذا حل مب آمن..