هل اتدلع نفسك ؟!

[حمد 2002]

السلام عليكم

هلا هلا ..

في ظل دوامة الحياة وكثرة المشاغل ، هل تعطي نفسك حقها واتدلعها ولا ؟!

شغل بالدوام .. وشغل بالبيت .. وجري وراء جمع الفلوس وتخليص أمور أسرتك وربعك ووو ووو ..


لاكن نفسك هل دلعتها وعطيتها حقها ؟!

هل اشتركت بالنادي للاعتناء بصحتك وجسمك؟!

هل اشتركت بنادي صحي لكي تعمل مساج لجسمك ؟!

هل تشتري الملابس الجديده وأغلغŒ. العطور وتأكل اغلي الماكولات ؟!

تري اذا طحت ومرضت محد بينفعك لذلك يجب أن تعطي لنفسك حقها ..


أخوكم


حمد 2002 ..

[المحاميه]

وين نعطيها حقها والاشيا اللي تغث ورانا ومكثرها
اذا ننسى ساعه ونسترخي اتجينا البلاوي والنكد من كل صوب

استغفرالله
مابي ادلع نفسي
بس ابي الامور تزيين

وانت ياحمد متى اخر مره كلت من كافتيريا الورد ههههه

[يمامـة]

ايه مدلعتها آخر دلع
:shy:

[بوحارب]

^

وانا بعد

[عاهد بن علي]

انا ما أدلع نفسي
لان الي مدلعني كافيني:rolleyes2:

[Dana’1]

الحمد لله عالأخر

[بـارود]

لا إفراط ولا تفريط
حلو توازن بين الامور

( ولا تنسى نصيبك من الدنيا )

[بصمة قطرية]

الحمدلله
الدلع = الراحة و الضمير المرتاح ..
هاي يكفي
منغصات الحياة خل نعتبرها توابل ..!!!
الحمدلله على كل حال ..
أدلع نفسي و أشتري لعمري هدايا بعد ..
أكافيء نفسي بنفسي ،،

[النهار]

اي مدلع نفسي ومدلع عيالي

[mubarak2006]

طبيعي طبعا هههههه

[لما]

ناس تدور الراحة???????????????

[MAZEN37]

اخشوشنوا فان النعمة لا تدوم

[حسن]

انا توني جاي من الصاله يابوشهاب
كرف حديد ابي اسنع نفسي شوي
قال دلعها حمد

هلوووووووووووو

:victory:

[abu m7md]

لاتعليق

[تغلبية]

اللهم لك الحمد حتى يبلغ الحمد منتهاه

عندنا من النعم اللي ننحسد عليها ولنفوسنا حق علينا بقليل من الدلال على الاقل


اممممم مدلعة نفسي نوعا ما واحلى دلال عندي نومة حلوة سحبة وحدة ثمان ساعات على الاقل مرة في الاسبوع

[نوور الدووحه]

شهالموضوع الدلوع:shy:


اذا مادلعتني ادلع منو:shy::nice:

[ANONYMOUS]

دلّع كرشك

[مخطط قطري]

جالدها جلاد ومصطلبه وياي وحرمها من كل لذه بشكل مؤقت وتدريب لها وعقب بفتحها بحري(ف حدود الحلال)

[عاهد بن علي]

بصراحه انا بعض الاحيان ومن فتره الى فتره
اسافر دبي واسكن في فندق ( ادرس هوتيل ) في دبي مول
اركلس نفسي تركلس على الآخر
بعد عناء العمل واعباء الحياة اليوميه
:victory:

[alsoq]

دلع نفسك بطاعه الله
لن ينفعك الاكل وا العطور ولا الفلوس ولا سفرات
الدنيا قصيره متوسط العمر 70 سنه

كان مفروظ تنسق الموضوع بشكل افضل ومترابط:)

[بوخالد911]

الحمدلله
دام الواحد عنده القدرة ليش لا

[مشاكل]

الدلع مب للرجال

[هيلو كيتي]

الي عنده شعور بالاستحقاق بيدلع نفسه :nice:

[عثرة جواد]

لادلع ولا شي مافي مجال ندلع نفسنا

كل شي ع راسي وين ادلع نفسي

ماصدق ارتاح اعرف انه غلط بس شاسوي

حسبي الله ونعم الوكيل

[دااانة قطر]

الحمدلله

[ضوى]

لاكن نفسك هل دلعتها وعطيتها حقها ؟!

هل اشتركت بالنادي للاعتناء بصحتك وجسمك؟!

هل اشتركت بنادي صحي لكي تعمل مساج لجسمك ؟!

هل تشتري الملابس الجديده وأغلغ. العطور وتأكل اغلي الماكولات ؟!

تري اذا طحت ومرضت محد بينفعك لذلك يجب أن تعطي لنفسك حقها ..

اولا ماهو المقصود بتدليع النفس ؟؟

الاشتراك بنادي صحي هذا دلع ؟؟ لا هذا نوع من المحافظة على النفس وهالشي امر به النبي عليه افضل الصلاة والسلام ، ولبدنك عليك حقاً .

اني اشتري شي غالي عجبني هذا دلع ؟؟ لا انا اشوفه رغبة اكثر من انه دلع

اكل بمطعم غالي : النفس شهوة ماشوفه دلع

الدلع هو النعومة وهي غير مقبولة للرجل بتاتا وربما للمراة الدلع يعني تغنجها ودلالها بلبس وماكياج وعطورات وخلافه

[R 7 A L]

ههههههههههههه

ينقل للاستراحة لخفة دمه

[نور الحور]

الي عنده شعور بالاستحقاق بيدلع نفسه :nice:


:nice:

[المحاميه]

اولا ماهو المقصود بتدليع النفس ؟؟

الاشتراك بنادي صحي هذا دلع ؟؟ لا هذا نوع من المحافظة على النفس وهالشي امر به النبي عليه افضل الصلاة والسلام ، ولبدنك عليك حقاً .

اني اشتري شي غالي عجبني هذا دلع ؟؟ لا انا اشوفه رغبة اكثر من انه دلع

اكل بمطعم غالي : النفس شهوة ماشوفه دلع

الدلع هو النعومة وهي غير مقبولة للرجل بتاتا وربما للمراة الدلع يعني تغنجها ودلالها بلبس وماكياج وعطورات وخلافه


ماتفق معاج
هو قصده من الموضوع هل تعطي فرصه حق نفسك - راحه - وقت - تشتري اللي بخاطرك الخ

[قلوب قطر]

اي شخص لازم يعطي نفسه حق .. اي دلعوا انفسكم

انا اتذكر وحده تقول عندي يوم في الشهر اخليه حق نفسي

اطلع اروح اتسوق اروح الصالون اسوي مساج اسوي هالشي بس حقي انا .. و الحمدالله نفسيتي تتغير

وناس تسوي جدول عشان ترفه عن نفسها ..

احنا الحين في وقت الواحد عنده مشاغل لدرجه انه يلهى حتى عن وجبه من الوجبات اليوميه

دام اني مو مقصره مع ربي و هلي و عملي لازم بعد مااقصر مع نفسي

لان كل واحد بيجيه اليوم اللي بيوصل لدرجه الزهق و الملل من الروتين اللي هو و بيحس انه فوت ع نفسه وايد اشياء

لذلك لازم الواحد مايقصر في نفسه دامه ماقصر مع اي جانب اخر من جوانب الحياه ...

[ya3coub]

السلام عليكم

هلا هلا ..

في ظل دوامة الحياة وكثرة المشاغل ، هل تعطي نفسك حقها واتدلعها ولا ؟!

شغل بالدوام .. وشغل بالبيت .. وجري وراء جمع الفلوس وتخليص أمور أسرتك وربعك ووو ووو ..


لاكن نفسك هل دلعتها وعطيتها حقها ؟!

هل اشتركت بالنادي للاعتناء بصحتك وجسمك؟!

هل اشتركت بنادي صحي لكي تعمل مساج لجسمك ؟!

هل تشتري الملابس الجديده وأغلغŒ. العطور وتأكل اغلي الماكولات ؟!

تري اذا طحت ومرضت محد بينفعك لذلك يجب أن تعطي لنفسك حقها ..


أخوكم


حمد 2002 ..


بحكم شغلي 6 ايام بالأسبوع من 8 الصبح تقريبا لين 6 فلليل مع بريك بين الــ12 و الـــ2 فالمشاغل على افى من يشيل

لاكن نفسك هل دلعتها وعطيتها حقها ؟!

مدلع بطني و من احسن ما يكون

هل اشتركت بالنادي للاعتناء بصحتك وجسمك؟!

للأسف لا وليس لدي الوقت 5 دقائق إلى ربع ساعه افكر بهالفكرة يوميا اتوقع انها رياضه للعقل بدون اي تنفيذ

هل اشتركت بنادي صحي لكي تعمل مساج لجسمك ؟!

سويت الأسبوع الي طاف و ندمت<<<< ما لقيت محل بقطر لحد الحين يسوي مساج عدل

هل تشتري الملابس الجديده وأغلغŒ. العطور وتأكل اغلي الماكولات ؟!


أكل نعم عطور لا << خل يخلصون الي عندي بس الملابس نعم بالسفر و خصوصا امريكا ارجع بكل الماركات لأن عندهم خصم عجيب
مو بالظرورة لأنها غالية او جديدة انما لأنها تناسبني سوائا تشكيلة جديدة او قديمة و فوق هذا تبقى ارخص من سوقنا و جودتها احسن

[يمامـة]

ماتفق معاج
هو قصده من الموضوع هل تعطي فرصه حق نفسك - راحه - وقت - تشتري اللي بخاطرك الخ

اعتقد هذا اللي يقصده حمد

مب الدلع والغنج والمياعة في الرجل..

مثلا مثلا
لقيت ولدي تغدى وعقب اشوي قال لنا تعالوا نروح المحل الفلاني
خاطري في السويت الفلاني،، مثلا قلت له غالي وما يسوى
رد علي ما يغلى علي .............> نقول مدلع عمرك..

فمن اهنيه كلمة مدلع عمرك مب معناته اميع عمرك..

[يمامـة]

بحكم شغلي 6 ايام بالأسبوع من 8 الصبح تقريبا لين 6 فلليل مع بريك بين الــ12 و الـــ2 فالمشاغل على افى من يشيل

لاكن نفسك هل دلعتها وعطيتها حقها ؟!

مدلع بطني و من احسن ما يكون

هل اشتركت بالنادي للاعتناء بصحتك وجسمك؟!

للأسف لا وليس لدي الوقت 5 دقائق إلى ربع ساعه افكر بهالفكرة يوميا اتوقع انها رياضه للعقل بدون اي تنفيذ

هل اشتركت بنادي صحي لكي تعمل مساج لجسمك ؟!

سويت الأسبوع الي طاف و ندمت<<<< ما لقيت محل بقطر لحد الحين يسوي مساج عدل

هل تشتري الملابس الجديده وأغلغŒ. العطور وتأكل اغلي الماكولات ؟!


أكل نعم عطور لا << خل يخلصون الي عندي بس الملابس نعم بالسفر و خصوصا امريكا ارجع بكل الماركات لأن عندهم خصم عجيب
مو بالظرورة لأنها غالية او جديدة انما لأنها تناسبني سوائا تشكيلة جديدة او قديمة و فوق هذا تبقى ارخص من سوقنا و جودتها احسن

اعجبتني مشاركتك ...

[لاجل QT]

خالص مالص

حدها مدلعتها ومدلعة اللى حوالي

البطرة طبع:)

[الزعفراني]

اينعم شريت مزاراتي من يومين بنص مليون ( يارب سامحني ) :)

[الجـــوديّ]

دلّع كرشك

اوووووه. نوووووو

دلع كل شي الا الكرش

اوووووبس.

بعدين تقلب براطم بعير :omg:

[MAZEN37]

اينعم شريت مزاراتي من يومين بنص مليون ( يارب سامحني ) :)

زعفراني متاكد انه انت الي شتريتها

[(بوطلال)]

الحمدلله احنا شعب بدون مانحس وشي روتيني مرفهين ناكل احسن اكل نلبس احسن لبس نركب احسن مواتر اذا فخاطرنا شي نقدر نشتريه بكل يسر وسهوله نسافر بدال المره مرات يعني اعتقد 98% من الشعب مرفه ومدلع عمره على قولتك بدون مايدري .الحمدلله على النعمه

[النهار]

اينعم شريت مزاراتي من يومين بنص مليون ( يارب سامحني ) :)

لايكون انت الي لفيت علي اليوم :eek5: بغيت تعدم الكورولا :rolleyes2:

[سـ ع ـود]

خاطري اسافر شهر عسل مع نفسي
:shy: