احذرو من النصابين المقاولين واحذرو من الشركات الجديده

[ALJokar]

السلام عليكم ورحمه الله وبركاته



انا كتبت موضوع اسال عن المقاولين بناء للمجلس وجاتني رسايل خاصه

مع مقاولين يعرضون علي شغلهم لكن للاسف ماعجبني سعرهم كلش وغالي جدا جدا في شغل بسيط جدا وصيانه مجلس موجود مع توسعه وصل سعره اكثر من 200 الف وزياده من غير حجر خارجي والمستوى بعد مهوب توب كوليتي ولا هاي يعني يكون متوسط على كلامه هذا اول واحد ولاعجبني سعره حتى لو كانت شركه ذات جوده عالميه .


الثاني الي هو موضوعي فيه ومخصص عليه مرسل لي رساله خاصه باسم شركته وبسوي لي وبيخطط لي وبيسوي لي 3دي وما ادري شنو ومعطيني الرقم ولا رديت عليه المهم بعد فتره ارسل لي كلام على انه شخص مهوب مقاول وانه مجرب شركه زينه وشغلهم محترم وقاعد يمدح وذكر لي نفس الرقم الجوال الي عطاني اياه ف الرساله الاولى كتبت له هل الشركه لك ملك او تعاملت معهم فرد علي الشركه تعاملت معهم سبحان الله ربي ناوي يفضحه رجعت وكتبت له ما في خاطري بالي يسرني ويسره واخر شي رد علي بعد انه ينكر


المهم الرجال اذا ما اعتذر ويحلف لي. انه ماعاد يسوي اعلانات زايفه ومضلله راح احذر منه واكتب اسمه ف الموضوع هذا وانتظر ردودكم وتجاربكم ومره ثانيه لاتنجرون وراء اعلاناتهم

[][ Q6r ][]

ممكن اسم الشركة والشخص عالخاص

[شموخ دائم]

,

,

مرحبا

اخوي الكريم


احنا دائما بهذا القسم ننصح الاخوان والاخوات قبل التعامل مع اي شركه مقاولات
لازم نسئل عن شغلهم ونشوف مشاريعهم ونتصل بكم شخص من زبائنهم
ويستحسن اخر 3 مشاريع عملتها الشركه
حتى نطمن لهذي الشركه
واخيرا قبل نقرر العمل معهم
لازم نزور مقر الشركه ونشوف بعض الامور في المكتب
نشوف عدد المهندسين الفورمنيه المعدات وامكانيات الشركه
نشوف المحاسب نشوف الاداره والجو العام في الشركه
هل هي شركه جيده هل سستم العمل مريح او لا هل الشركه
فيها حركه او شبه خاليه !!

اذا شركه مافيها مكينه تصوير او مافيها رقم تلفون للفاكس
هذا كيف نعطيه مشروع فيلا !!
هناك مؤشرات ايجابيه او سلبيه

وطبعا ما ننسى ( الاستخاره ) قبل نوقع العقد


,

,

اخوك

شموخ دائم

[$الملياردير$]

جزاك الله خير اخوي شموخ كلامك عقلاني و هو من ابسط المؤشرات لقياس مستوى الشركات

[الدبلوماسي]

الله يعينا على هالنصابين

[معماري قطري]

شكلي انا عرفته .. هههههه وهل يخفى القمر .. وايد يا اخوي سماسرة ويتصيدون للقطري.

انا مع اني عارف شركات وايد تعاملها محترم ونصحت بها البعض بس دوم انصح بتحديد المطالب والعقد بدقة وبرسومات واضحة وتوثيق وترخيص من الجهات المسؤولة .. لأَن أَي شغلة ما تكون قانونية الا تكون معتمدة وموثقة صح ومرخصة من الجهات المختصة مهما كانت بسيطة.

شلون نعرف هؤلاء الأَشخاص؟ من يجيك يدعي إِنه يمثل شركة مختصة في شيء معين تسئله بعض الأَسئلة وتلاحظ عليه اللف والدوران وبعضهم شاطر يقدر يقنعك .. لكن شوفه وقت التسعير تحصله يعطيك رقم ثابت مثل 20 الف ويسعر بدون قياسات وبدون ما يتعب نفسه .. بعضهم تقول ساحر يغمض عيونه ويتمتم ويفتح يطالع ردة فعلك ويلف ويدور لين يعطيك السعر ودوم تحصله مبالغ فيه .. ووقت التنفيذ يجيب ناس ممكن يسون الشغلة بس يعطيهم مبلغ بسيط لأَنه هو يكون الوسيط بينك وبينهم ويهمه ربحه ولا تهمه خسارتك ولا يهمه الشغل.

من أَيام ابي صيانة حق جكوزي وستيم باث وما لفيت ودرت اتصلت بالوكيل وبشروني أَخيراً بأَنهم فتحوا قسم صيانة.

في النهاية احنا كمختصين دوم نسوق لناس لنا تجربة طيبة معاهم لكن ننصح من يتفق انه يتفق بعقد وشروط واضحة .. ياخذون الجزء الأَول ويخلون الباقي وبعدين يشتكون عند صاحب النصيحة وكأَنه هو صاحب الشركة .. لذلك استويت حذر من النصيحة وأَحسب حساب هذا الشيء.

[ALJokar]

اتمنى من كل واحد تعامل مع شركه من هالنوعيه النصابه يذكرها ليستفيدو وليحذرو من النصابه لانهم كثرو ف شركه المقاولات

[w.qatar]

انا بعد قبل كم سنه كنت ادور على مقاول و جاتني شكثر رسايل و للاسف تعاملت مع واحد منهم على اساس انه قطري و بيشتغل بذمه و ضمير مب مثل الجنسيات الثانيه
وتوهقت وياهم المهندسين اللي معاه سوريين و الشغل ماساه لدرجه اني يوم سكنت البيت الدرايش تخر ماي كلمناهم جابولي الحارس و سيليكون و قعد يلطخ في هالدرايش البورسلان بعض القطع اذا مشيت عليهم نسمع صوت تجويف قال بيعدلهم عقب رمضان اللي فات ولا سوى شي و البلاط في الحوش و حتى في البيت مب على استقامه وحده

واشياء كثيره بعد نشف ريجي وانا اقول سو هالشي يقول لا ما ينفع

و طبعا القطري اختفى دوره عقب العقد

[معماري قطري]

انا بعد قبل كم سنه كنت ادور على مقاول و جاتني شكثر رسايل و للاسف تعاملت مع واحد منهم على اساس انه قطري و بيشتغل بذمه و ضمير مب مثل الجنسيات الثانيه
وتوهقت وياهم المهندسين اللي معاه سوريين و الشغل ماساه لدرجه اني يوم سكنت البيت الدرايش تخر ماي كلمناهم جابولي الحارس و سيليكون و قعد يلطخ في هالدرايش البورسلان بعض القطع اذا مشيت عليهم نسمع صوت تجويف قال بيعدلهم عقب رمضان اللي فات ولا سوى شي و البلاط في الحوش و حتى في البيت مب على استقامه وحده

واشياء كثيره بعد نشف ريجي وانا اقول سو هالشي يقول لا ما ينفع

و طبعا القطري اختفى دوره عقب العقد

السوريون في بلادهم ياكلون بعض والمصريون كذلك

مع احترامي للقليلين منهم لكن يسيئون لنفسهم ولسمعتهم

انا ذكرت قبل لازم تكون فيه رخصة مهنة وما تنعطي لصاحبها الا يكون مقدم اختبارات تثبت معرفته لتخصصه واشتغاله صح فيه .. مثلاً فني تركيب بلاط تذكر درجته وخبرته وتخصصه في أَي نوع من البلاط .. تكون البطاقة مثل السي في الصغير أَو فيها رقم على الكمبيوتر تطلع خبرات هذا الفني .. وهذا الشيء بيضبط عملية البناء وبيخلي كل مختص يحاول يطور نفسه والمفروض العامة ما يتعاملون الا مع صاحب ترخيص .. وتكون على صاحب الترخيص مسؤوليات قانونية بأَن لو سوى مثلاً شيء غلط واضح تكون عليه غرامة أَو يصلح هذا الخطأَ.

يبقى نظامنا القانوني والهندسي ناقص نقص كبير متى بيستدركونه.

[ll vip ll]

جزاك الله خير

[captin]

أبعد عن التعامل مع العرب بكافة اشكالهم وانواعهم وانت بخير

[MAZEN37]

وحياتك النصب على اعلى مستوى وافخم مكاتب وسكرتاريه
ومندوبين والي خاطرك فيه
اهم شي يكون مجرب وله سمعه وتاريخ
وبالنسبه لاي شغل لازم صاحب الشان يكون متابع اول باول
اما يعطيه دفعه ويروح عنه ويقول نصب عليه

[طير حوران]

عليكم بالهنود وبس

[al saad]

ياكثرهم في االمنتدي يشتغلون بالخش ويمدحون شغلهم بحسابات ثانيه والله خسروني وخربو بيتي بس الواحد مايتعلم ببلاش وهاي الشركات ماتعمر

[خليفـة]

مرحبا اخوي الجوكر
انا اتفق وياك .. بعض المقاولين يعطونك اسعار فلكية لأي مشروع تطلب منهم تنفيذه
ولكن .. للأمانه .. هناك عدة عوامل تحكم السعر
منها تصنيف الشركة .. طبيعة تصميم المشروع .. مواصفات البناء .. الخ

الشيء المهم في الموضوع
مرات تقدم خرايط مشروعك لمقاول يشتغل بأقل التكاليف
عماله يجيبهم بالأجرة بالساعة .. ويمكن ما عنده حتى مكتب
بالتالي بيكون سعره رخيص وشغله اي كلام
ويختلف الأمر لما تعرض خرايطك على شخص عنده شركة محترمه ومصنفه ولها تاريخها في السوق

وأخيراً .. انت سيد القرار اخوي
الي يعطيك سعر مناسب لك تقدر تتفق معاه وتوقع العقد
والي تشوف سعره عالي .. تقدر توقف التعامل معاه وتشوف غيره
اما مسألة التشهير .. انا مو معاك اخوي

اعطيك مثال يخصني :
لما كنت ادور مقاول لبناء المجلس الخاص بي
لقيت اسعار متفاوته ومختلفة على نفس طلبي
واحد عطاني سعر 50 الف ريال
وواحد عطاني 70 الف ريال
وواحد اخر عطاني سعر 85 الف ريال

مع العلم ان المواصفات وحده

خليفــة

[ALJokar]

مرحبا اخوي الجوكر
انا اتفق وياك .. بعض المقاولين يعطونك اسعار فلكية لأي مشروع تطلب منهم تنفيذه
ولكن .. للأمانه .. هناك عدة عوامل تحكم السعر
منها تصنيف الشركة .. طبيعة تصميم المشروع .. مواصفات البناء .. الخ

الشيء المهم في الموضوع
مرات تقدم خرايط مشروعك لمقاول يشتغل بأقل التكاليف
عماله يجيبهم بالأجرة بالساعة .. ويمكن ما عنده حتى مكتب
بالتالي بيكون سعره رخيص وشغله اي كلام
ويختلف الأمر لما تعرض خرايطك على شخص عنده شركة محترمه ومصنفه ولها تاريخها في السوق

وأخيراً .. انت سيد القرار اخوي
الي يعطيك سعر مناسب لك تقدر تتفق معاه وتوقع العقد
والي تشوف سعره عالي .. تقدر توقف التعامل معاه وتشوف غيره
اما مسألة التشهير .. انا مو معاك اخوي

اعطيك مثال يخصني :
لما كنت ادور مقاول لبناء المجلس الخاص بي
لقيت اسعار متفاوته ومختلفة على نفس طلبي
واحد عطاني سعر 50 الف ريال
وواحد عطاني 70 الف ريال
وواحد اخر عطاني سعر 85 الف ريال

مع العلم ان المواصفات وحده

خليفــة


اخوي بالنسبه للتشهير انا مع وليس ضد اذا الشركه وصاحب الشركه ما احترمت عقولنا واحترمت نفسها اذا كنت اتكلم عن الشركه الاولى في الموضوع انا ماراح اذكرها لان اختلافي معها بسبب سعر خيالي على شغل ما اشوفه حتى يوصل 150 الف ليش لان انا عندي مجلس قديم وقايم ابي منه توسعه بس حمام خارجي ومغاسل وانا بيتي قد بنيت فيه قبل واعرف الاسعار بس مهوب لدرجه انه يعطيني سعر خيالي على شغل بسيط وشغله بعد يقولي انه مهوب توب كوليتي عرفنا الاسعار مرتفعه بس مهوب لدرجه ذي


اما اخونا وشركته الي موضوعي عليه الا بشهر فيه وبحذر وهذا واجبي واجب كل واحد منا يشوف الغلط يصححه ولا يخلي العالم اتوهق وتورط وينصب عليها

[خليفـة]

اخوي بالنسبه للتشهير انا مع وليس ضد اذا الشركه وصاحب الشركه ما احترمت عقولنا واحترمت نفسها اذا كنت اتكلم عن الشركه الاولى في الموضوع انا ماراح اذكرها لان اختلافي معها بسبب سعر خيالي على شغل ما اشوفه حتى يوصل 150 الف ليش لان انا عندي مجلس قديم وقايم ابي منه توسعه بس حمام خارجي ومغاسل وانا بيتي قد بنيت فيه قبل واعرف الاسعار بس مهوب لدرجه انه يعطيني سعر خيالي على شغل بسيط وشغله بعد يقولي انه مهوب توب كوليتي عرفنا الاسعار مرتفعه بس مهوب لدرجه ذي


اما اخونا وشركته الي موضوعي عليه الا بشهر فيه وبحذر وهذا واجبي واجب كل واحد منا يشوف الغلط يصححه ولا يخلي العالم اتوهق وتورط وينصب عليها

الغالي انت حر .. تقدر تقول الي تبيه
بس احب اذكرك بشغله مهمه
التشهير والتجريح بحق اي أحد
سواء شركات او افراد بالاسم
يعتبر تصرف غير قانوني
وتسائل على ذلك قانونياً وتصل إلى الحبس
في حال تم اثبات ذلك عليك بالدليل القاطع

تقدر تطرح رأيك ونصيحتك بدون ذكر اسماء لحماية نفسك اخوي
الهدف من كلامي مصلحتك
ويشهد الله ورسوله انا ماعرف عن من تتكلم
ولا عندي شركة ولا محل ولا غيره
ولكن وجب التذكير لمصلحتك

خليفة

[CH Engineer]

مرحبا اخوي الجوكر
انا اتفق وياك .. بعض المقاولين يعطونك اسعار فلكية لأي مشروع تطلب منهم تنفيذه
ولكن .. للأمانه .. هناك عدة عوامل تحكم السعر
منها تصنيف الشركة .. طبيعة تصميم المشروع .. مواصفات البناء .. الخ

الشيء المهم في الموضوع
مرات تقدم خرايط مشروعك لمقاول يشتغل بأقل التكاليف
عماله يجيبهم بالأجرة بالساعة .. ويمكن ما عنده حتى مكتب
بالتالي بيكون سعره رخيص وشغله اي كلام
ويختلف الأمر لما تعرض خرايطك على شخص عنده شركة محترمه ومصنفه ولها تاريخها في السوق

وأخيراً .. انت سيد القرار اخوي
الي يعطيك سعر مناسب لك تقدر تتفق معاه وتوقع العقد
والي تشوف سعره عالي .. تقدر توقف التعامل معاه وتشوف غيره
اما مسألة التشهير .. انا مو معاك اخوي

اعطيك مثال يخصني :
لما كنت ادور مقاول لبناء المجلس الخاص بي
لقيت اسعار متفاوته ومختلفة على نفس طلبي
واحد عطاني سعر 50 الف ريال
وواحد عطاني 70 الف ريال
وواحد اخر عطاني سعر 85 الف ريال

مع العلم ان المواصفات وحده

خليفــة

يقولون البتان مافي احسن منهم لهالسوالف

اخوي خليفه لو تكرمت رقم بو 50 الف
وبكم حسب عليك المتر

[بوخالد911]

ممكن الاسم ع الخااص


والله يحفظنا من النصابين

ازيييك يا بيه


تكرم بن عمي

!!!!

[بنت الجزيرة]

انا من رأيي نذكر الشركات المجربة والناجحة
والبعد عن التعرض للمسائلة القانونية

[مخطط قطري]

احمدو ربكم واشكروه اعرف واحد من الربع باني بيت العمر على قولته وقاط فيه ملايين والارض ماشالله كبيره حوالي 3000 متر ومسلم بيته شركه تسليم مفتاح والبيت واقف من سنه على حالته ومحاكم مع المقاول