مشروع لصغار المستثمرين (( فقط ))

[hamadqatar]

السلام عليكم ورحمه الله وبركاته





اخواني انا من فترة ادور استثمار في أي عقار بس ما عندي المبلغ الكافي
طبعا كثيرين نفس حالتي ادري

علشان كذا جاتني فكرة ممكن نستفيد منها




فلنفرض ان صغار المستثمرين كل واحد يقدر يدبر مبلغ 200 الف وهذا ممكن

فلو اجتمع 6 اشخاص راح يكون المبلغ 1200000 مليون وميتين الف ريال
ممكن تشتري فيها ارض وتكون باسم الاشخاص السته ووقت البيع تتوزع القيمة بنفس السعر

او ممكن نشتري فيها شقه في الولوه او أي مكان نعرف ان فيه فايدة
وفي الوقت اللي تكون معروضه للبيع نوزع ايام الشهر 30 / 6 = 5 يعني خمس ايام لكل شخص فالشهر
بإمكانه يأجرها او يستخدمها ( يكون لك شقه في الؤلؤه ب 200 الف بس ) مع ان الايجار اليومي بين 1000 و 2000 ريال للشقق في الولوه

بصراحه انا مستعد لمثل هذا المشروع واشارك أي شخص يوافقني الراي

يمكنكم التواصل على الخاص او العام
كما نرحب باي اقتراح او نصحيه

[الزلزال]

فكره تحتاج التطبيق فقط

والله يوفقكم ان شاء الله

[المحاميه]

فكره حلوه

اعجبتني فكرة الارض

[دايموند]

اذا 200 الف ماعندي مشكله

[jealous]

انا ماعندي مشكله تواصل عالخاص

[سميسمة كافيه]

مشكور اخوي على اقتراحك الجميل وانا ايد بقوة الاستثمار بالعقارات بس يبله راس مال
بعد اذن صاحب الموضوع انا عندي راس مال صغير واذا حد حاب يشاركني نفتح مكتب لتخليص المعاملات ودراسات الجدوى والبحوث والاستثارات المالية .....الخ من الخدمات

[مــاي ورد]

ممكن لو 200 الف.. لكن ارجو الجدية في الموضوع و يكون فيه اوراق تثبت ذلك

[مخطط قطري]

اوكي قطيت 200 الف وعقب افرض دخلو في العمليه وياك 20 واحد هذي 4 ملايين شنو تجيبلك 4 ملايين الان؟
فيلا حلو وين الموقع وكم الايجار قول في احسن الحالات جابت لك 18 الف اوكي لا قول 20 الف يالله وعقد سنوي
زين انتو 20 واحد كل واحد له كم 1000 ريال باحسن الحالات !!! هذا ااذا مب 800 ولا 900 ف شهر وانت قاط 200 الف ريال
في صيانه عقب منها بتنخصم اذا احتجتو وفي امر اخر انت شريك واحد او 2 وتختلف وياهم شلون 20 او 30
ع العموم مابي اكسر مياديفكم بس لازم الواحد يفكر في كل هالجوانب وخصوصا القانونيه فيها

[حـ ن ـيـ ن]

فكرة حلوة ...و ي حبذا العدد لايزيد عن 4 أشخاص

وفقك الله

[qatari 111]

الفكره حلوه ولكن كتطبيق فالواقع راح تكون صعبه والسبب رأس المال ضعييف جدا في حالة دخولكم بتجارة العقارات .. والسبب لان الاراضي او العقارات اسعارها ماتقل عن مليون وثمانمئة الف
والاجار الشهري قول 10 الاف الى 12 الف فالارباخ راح تكون ضعيفه وغير رأس المال ضعيف ..

فأقترح عليكم تدخلون بنشاط تجاري بديل عن العقارات

مثلا تفتحون سجل تجاري استيراد وتوريد شراكه بالاتفاق وعقود من قبل المحامي
وتستوردون بضاعه من الخارج وتبيعونهنا عالمحلات طبعا لازم يكون في مسح مع المحلات التجاريه بأحتياجاتها من طلبات السوق + عقود بين الطريفين