شرايكم في شركة البورش من ناحية السيرفس والتعامل [الأرشيف]

rayyani4ever

05-06-2014, 02:14 PM

الموتر ما عليه كلام و خاطري فيه من زمان

بس الوكاله الخايسه التعبانه اللي تبط الجبد و تفقع المراره تمنعني من هالشي

ع الاقل لو عندنا كراجات سنعه مثل الشارقه كان استغنينا عن هالوكاله التعيسه

محمد11

05-06-2014, 02:14 PM

والله الكل يقول هالكلام
ناطر باقي الاخوان الي عندهم يفيدوني

BuFaisal

05-06-2014, 02:18 PM

من اسابيع وانا كنت حاير بين الرنج والبورش واللكزس lx 570 السبورت s

اخرتها توكلت على الله واشتريت اللكزس والحمد لله ماني ندمان وخصوصا اني امشي الموتر ممشى كثير

بالتوفيق.

مخطط قطري

05-06-2014, 05:55 PM

والله يالربع انا اختلف معاكم انا كان عندي بورش العام2013 بالعكس شغلهم نظيف واسعارهم معقوله وسريعين ف الخدمه ونظفو السياره بدون اقولهم للامانه من افضل الشركات الي تعاملت وياهم افضل من لكزس الفاشله الي ينقعونك وافضل من البنتلي ،،،،، فرع الصناعيه انا اقصد الرئيسي اما الغرافه جربته مره تبديل ايل وكانو جيدين

rayyani12

05-06-2014, 06:53 PM

بخصوص المعامله معاملتهم زفت يعني لازم تراكض وراهم وتدخل على المدير وتلاحقهم وعقب بيخلص موترك ولا انك اتدخل الموتر وتنساه بيلعوزونك وبتتعب .. انا كان عندي صوت فالبانوراما وكل ماوديه يقولون صلحناه ولما اطلع الموتر ثاني يوم يرد الصوت لين ماركبت المدير معاي واثنين من عمال الصيانه وطلعت اسمعهم الصوت وصوروا وطرشوا تقرير حق الشركه الام وعقب حلوا المشكله .. بالنسبه حق الموتر حلو بس الشركه تعيسه والحمدلله بعت الموتر وافتكيت من الشركه التعيسه .. كنت كل يوم اتصل فاللي ماسك موتري ومايرد علي لين مارحت الشركه ودخلت على المدير وغسل شراعه قدامي ومن عقبها استعدل معاي .. يعني لازم تراويهم العين الحمرا ولا حقك بيضيع .. وهالشي هم يسونه لان يدرون ان القطريين مب مهتمين للاسف ومهملين حقوقهم .. وبس والله بردت خاطري وشكراا :tease:

محمد11

05-06-2014, 07:25 PM

ماشاء الله الله يعين الشباب
والله كرهت الموتر بس داش في خاطري

قوت القلوب

05-06-2014, 07:26 PM

ززززززفت

ونزلوا لي القير بسبة الغازقيت ولا خبروني ومابين الا وقت البيع وقط من قيمة الموتر عشرين الف مع ان الموتر على الضمان

مجلان

05-06-2014, 10:59 PM

لكزس سعي الي الكمال لايعرف الكلل

ابن مانع

06-06-2014, 12:43 AM

وكاله زفت في التعامل وحتى الاداره تعترف بالاستقلاليه
اول وكاله تمنع الخصم على قطع الغيار للموديلات من 2014 لين 2011 نظامهم وعقب يعطونك خصم لموديلات الي تحت
الموديلات الجديده ماعليها خصم للسيارات الي انتهى ضمانها

Mr-Khalifa

06-06-2014, 03:38 AM

نصيحة ابعد عن هذا الوكيل الفاشل

انا عندي بورش للاسف و لو قررت ابيعه بخسر فيه كثير و الموتر جديد

واجهتني مشكلة في موتري و 5 شهور علشان يحلون المشكلة! ودخل القراج 11 مره وصبرت وزهقت من تعاملهم واهمالهم

ولكن بالاخير حماية المستهلك جزاهم الله خير ضغطوا عليهم وحلوا لي المشكلة بعد مابهدلوني اخر بهدله

محمد11

06-06-2014, 12:27 PM

في حد فيكم راسل شركة الام عن هالمشاكل

معماري قطري

06-06-2014, 12:46 PM

من اسابيع وانا كنت حاير بين الرنج والبورش واللكزس lx 570 السبورت s

اخرتها توكلت على الله واشتريت اللكزس والحمد لله ماني ندمان وخصوصا اني امشي الموتر ممشى كثير

بالتوفيق.

ييييسسس للكزس .. لكزس حتى لو 4 سلندر ولا رنج أَو كيان

Mr-Khalifa

06-06-2014, 01:20 PM

في حد فيكم راسل شركة الام عن هالمشاكل

طرشت 5 ايميلات بس للاسف ماتوصل للشركة الام

تتحول على الشرق الاوسط! و الشرق الاوسط نفس البراق زباله اجلكم الله

و علاقة الدرويش قوية بالشرق الاوسط

مشكلة الدرويش البخل ذابحه والدليل الفنيين اللي عنده قليلين خبره و رواتبهم قليله + ماعنده الا الصناعيه!

و فرع الغرافة مكانه غلط وفي محطة بترول وفقط سيرفس سريع!

صراحة لازم يشوفون لهم حل او يستغني عن الوكالة لان هو مب قد هالشعار

rayyani12

06-06-2014, 02:07 PM

اخوي محمد نصيحه ابتعد عن الموتر انا اللي كان عندي جي تي اس كايين موديل 2013 وبعته عشان الشركه التعبانه ولان يطيح سعره بسرعه ف بعته ب 290 وكنت ماخذه ب 350 ماشي 4000 بس وكان سعره فالوكاله 388 تقريبا .. ف مشيته 16 الف ف ثمان شهور وطاح من سعره 60 الف .. صج ان الموتر ماعليه كلام وقوي وصوت ويطربك وتستانس عليه بس الشركه تعبانه وغير جي بيسوون له فيس لفت تقريبا 2015 وذي سبب من الاسباب اللي خلاني ابيعه .. والله يوفقك ان شاءالله

محمد11

06-06-2014, 02:41 PM

شكلي بهون ف الموتر بعد تجاربكم

رآعي موآجيب

07-06-2014, 12:07 AM

عادل الدرويش اول ماخذ الوكاله من اخوانه كان ممتاز ويحاول يرضي الكل مع مدير الشركه عاهد
خصومات قويه والسيرفس مريح وسعره معقول وكل شوي يكلمونك يسألونك عن مدى رضاك
بعد ما الشركه خذت وضعها ونقلوا الوكاله من البقاله اللي بشارع سلوى ( الله يذكر ايامها بالخير ) وراحوا للمطار
تغير كل شي وشانت النفسيات . وارفعوا الاسعار بطريقة غريبة . وقطع غيار الموديلات الجديدة ماعليها خصم
وشكلهم ناوين يجربون مرارة شركتهم القديمه اللي كانت مقابل المطار الدولي ثاني مره
لأنها فعلا بداية الانهيار . عادل وعاهد ممتازين وارفعوا الشركة من القاع . لكن الطمع شين وأغتروا ونسوا ان الزبون
هو الورقه الرابحه في النهايه . ومن دون زبون بيسكرون شركتهم مثل ما سكروها من قبل

سهم عتيج

07-06-2014, 12:36 AM

ماشاء الله الله يعين الشباب
والله كرهت الموتر بس داش في خاطري

انه تجربتي مع الوكالة لمدة 5 سنوات جيدة ولله الحمد..

صرفيتي على الموتر للسيرفس في ال 5 سنوات الماضية في الوكالة تعادل صرفيتي على موتر لكزس لنفس الفترة..

والله أعلم..

aka123

08-06-2014, 03:21 PM

اخوي مافي وكالة بالدوحة تعاملهم مو زفت.. خذ وتوكل على الله

QATAR505

08-06-2014, 05:41 PM

والله انا عندي كيان ماشفت عليهم شي والموتر اسواقته رهيبه الصراحه

qatari 111

09-06-2014, 02:17 AM

جمييييع وكالات قطر زفت ماعدى المناعي والنيسان

kmk

09-06-2014, 06:38 AM

بالتوفيق

Qa10

09-06-2014, 09:12 AM

امحق سيرفس

8 ارقام في تلفوني عشان يخلصون شغلي والغلط منهم

كسيارة 100%
سيرفس 0%

أنا قدمت شكاوي حق الشرق الأوسط وترجمت أدلة بثلاث لغات وراسلتهم ، ظاربين قانون قطر عرض الحائط

بويعقوب

09-06-2014, 10:53 AM

الموتر تم اسبوعيين علشان جامبين امامي

وكالة تعباااانه , بس الموتر ماعليه كلام

موفق

WARNING

09-06-2014, 11:06 AM

عن تجربه مريره وكاله تعبانه من جميع المقاييس
ولمفروض يغيرون الوكيل
لان الخدمات ماتليق بشركه بورشه العالميه

محمد11

14-06-2014, 01:59 AM

الحين الشركة مايدرون بهالامور وشكاوي العميل
وحماية المستهلك وينها ??
او في احد اشكى على الوكاله عند حماية المستهلك

al-dirham

14-06-2014, 04:31 PM

اسمحلي اقولك ان الوكاله اخس وكاله في قطر ،، من ناحية السيرفس ،، انا اكلمك الحين وتوني راد من الشركه ومتهاوش وياهم ،، كل شي بالبطيء يسوونه .. شغل موتري يبيله يوم اكاهو منقع صار له شهر ،، انصحك نصية اخو لاخوه ومن واقع تجربه ،، الاسعار غاليه والخدمه ازفت منها مافيه ،، والله انا اقولك خذ لك عراوي والا كامري ولاتاخذ بورش ،، وكاله وسيرفس وحتى صاحب الوكاله من اتعس الاشخاص اللي تعاملنا معاهم ،،، هذي رساله لكل اللي يبي ياخذ بورش ،، وناهيك طبعا عن موقع الشركه ومكانها في الصناعيه ،، بيتكسر موترك قبل ماتوصل الوكاله خصوصا اذا خذيت مواتر سبورت غير الكيان اقصد فيها ،، واذا تبي بركدون من عندهم عادي يخلون الموتر اسبوعين في مركز السيرفس عشان بس يودونه ،، الكراج مالهم صغير وتعبان ،، واذا طبعا ماعندك واسطه مع راعي الشركه موترك بينحذف في الشمس وهو جديد ،، واذا لك خاطر اوديك تشوف المواتر اللي اسعارها فوق النص مليون شلون محذوفه في الشمس والاستهتار في صناعه المانيه مثل صناعه سيارات البورش ،،

من الاخر الموتر من احسن مايمكن لكن السيرفس والوكاله اللي عندنا ازبل منها مافي تكرمون ،، والله على ماقول شهيد

alftaan

16-06-2014, 07:42 AM

الشــــــــــــــــــركة تعبـــــــــــانه وماتســــــــــوه .....................................:omg:

super jet

16-06-2014, 09:48 AM

انا استعملت الرنج الفوج و المرسدس 63c و cls63
والX6
والبورش GTS
الموتر ماعليه كلام
والسيرفس كل 15 الف كيلو
تتصل تحجز سيرفس يعطونك. تاريخ انجيب موترك
وعلى طول في نفس اليوم يخلص
الموتر وأيد حلو والسيرف بانتظام بتاريخ معين

qatar700

16-06-2014, 10:24 AM

شرايكم في شركة البورش من ناحية السيرفس والتعامل
بغيت منكم بعض التجارب
لاني ناوي اخذ بورش كيان

من اسباب تعاسة هذه الوكالة
1- يفتقر العاملين للمصداقيه قبل و بعد البيع في هذه الشركه من اكبرهم لاصغرهم
2- الضمان المفروض يتحمله الوكيل للسيارة يجبرك بان تدفع من الناحية الاخري بمقتضيات العمل و الايدي العامله يعني باللهجتنا بتدفع يعني بتدفع
3- المفروض وكالة بورش يوفر جميع سبل الراحه للزباين من خدمة التنقل او الصيانه، بالمقابل نجد وكالتهم في اتعس مكان في المنطقة الصناعية وصعوبة الوصل للمكان ونجد اغلب كاراجات الصناعية افضل منه
4- كي تاخذ حقك كامله من هذه الوكيل لابد ان تشتكي في فرع الشرق الاوسط في دبي
5- سياره جيده وممتازه لاكن الوكيل لايتوافق مع معايير اصحاب الوكالات
6 - عندي تحفظ خاص مع صاحب الشركه من التعامل الحمدالله كل اهل قطر في خير و نعمه واللي اعرفه النعمه زواله ليش التعالي و التكبر
7- انصح الجميع قبل شراء اي سياره يستفسروا عن الصيانه والخدمه قبل كل شي

تقبلوا تحياتي

محمد11

16-06-2014, 04:14 PM

Mr-Khalifa

16-06-2014, 05:18 PM

الله يعطيكم العافيه ياشباب وعساكم.على القوة
حاليا شلون الواحد يقدر يشتكي على الوكاله مثلا الحين انا ابغي ارسل كل ردودكم حق والوكالة للشرق الاوسط بكل ارائكم
تعقتدون هل راح تكون في ردود ايجابيه ???

للاسف ياخوي الشرق الاوسط مامنهم فايدة ولاراح يساعدونك بشي

انا موتري 5 شهور فالوكالة علشان يحلون مشكلة بسيطة وبالاخير ماوصلني اعتذار او تعويض منهم .. وللعلم انا شاري منهم اغلى موتر واعلى فئة من ال 911 وهذا رابع موتر ويعرفوني عدل ولكن غير محترمين فالتعامل

ارسلت فوق ال 5 ايميلات للشرق الاوسط ومع كل ايميل يتصلون ويهدونك و مايتخذون اي اجراء

و كذلك الوكيل سلمان الدرويش وصلني رقمه وكلمته مرتين بخصوص مشكلتي وللاسف انسان متكبر و شايف نفسه و فوق هذا كله بخياس يقول بشوف لك الموضوع و من يومها لاحس ولاخبر

شركة البورش اعلى منهم كلهم والمفروض تنسحب وتروح لوكيل سنع

البوررصة

18-06-2014, 06:49 PM

كل ربعي يشتكون منها وكالة فاشلة جدا في السيرفيس نصيحة مني ابتعد عنها بتخسر فلوس منوراهم

حرام البورش وكيلها كذا

وحيد-الشوق

18-06-2014, 11:35 PM

البورش مريت وكالتهم من شفت هالجنسية الي لسانهم معسول ومعلوماتهم غلط ويقعد يألف لك كن عنده وانا كرهت الوكالة هههههه

دام عندنا احتكار ولا وكيل بيتسنع حتى الفردان الي ربعنا يمدوحنه زايد 100 الف عالموتر ويقولك صيانة مجانية كله كذب x كذب

alwahesh

18-06-2014, 11:50 PM

انا تعاملت مع شركة البراق وبصراحه خدماتهم راقيه وحتى اذا تعطلت السياره يرسلون لك سياره خاصه لنقل اليساره في اي وقت ويفتح لم ملف عندهم ( راعي السطحه )
وتستلم سيارتك بعد التصليح بدون ما تدخل الصناعيه او حتى تعرف عنوان الشركه

حتى وقت الانتظار يضيفونك ويحترمونك ومعاملتهم في اي بي بصراحه

والضمان حتى لو انتهى وانت صلحت شي قبل نهاية الضمان يردون يغيرون لك القطعه برسوم رمزيه 300 ريال مثلا

وللعلم كلهم فلبينيين وهنود

أكتتاب

19-06-2014, 01:43 AM

وكاله تعيسه للاسف .. حرام والله وين البورشه ووين هالوكاله ..
موتري صارله شهرين فالوكاله .. عطلوني . وماعوضني فموتر ثاني الا اخر ثلاث اسابيع .. وعقب هواش .. وللاسف تتصل مايردون عليك كلش مطنشين اسبوع كامل محد يدري فيك .

عن تجربه الفردان احسن وكاله بصراحه.. والتيوتا اصبحت افضل من البورشه بمراحل ..

شركه تعيسه الله يعينك

الجسراوي

19-06-2014, 10:11 AM

وحيد-الشوق

19-06-2014, 11:04 AM

بغيت اشتري منهم .... ورحت الوكاله ... جاتني وحده وطلبت منها اي واحد يتكلم عربي ابي اسال عن الموديلات عندهم واسعارها

طرشت لي فلبيني مادري متعمده ولا شسالفه

جيتها وقلت ابي واحد عربي قالت لي بنفس خايسه وراي فلان روح عنده

قلت لها اذا اولها جذي معاملتكم كنسلنا موتركم

وهي تضحك ولا مفتكره

مادري عاد الوكيل مستانس على هالاشكال

نسال الله العافيه

ياريال الموظفين شايفين نفسهم حتى وكالة المرسيدس انتقدت الml الجديد وقعدت اتعبث في الشاشة بصبعي والاخ يقولي مب تتش انا ضحكت الشاشة قد صبعي وبعد مب تتش هههههههه شلون بسوق وبقعد اضغط كل شوي ماصار مرسيدس ذي بيجو !! رد علي يقول اكيد قصدك مب نفس الكروزر قلت له يابو الشباب انا ما اقصد الكروزر وحتى الكروزر شاشته احسن من هذي

خلونا عالامريكي والنيسان والتويوتا وايد ابرك ادفع لي 400 الف او نص مليون وموتري منقع في الوكالة وخدمة صيانه زفت سلامات !!

Mzyoon Q6r

19-06-2014, 11:08 AM

الوكيــــل ازززفــت من الزززفــــــت

بس كسياره ممتازه

مثل ماقالو باقي الاخوان نفس الشيء صاير معاي انا عندي كيان تيربو الموديل الجديد و على الضمان و حتى لو فيه شغله صغيره اوديها لهم ينقعوني ايام واسابيع .. حاليا موتري في الوكاله فيه مشكله بسيطه قالولي بس عشان يشيكون عليه يبيلهم اسبوع ...!!!

طبعا عذرهم انه فيه زحمه عندهم قلت لهم ابي موتر بديل اذا بنتظر قالولي اذا شيكو على الموتر وطلعت المشكله تحتاج الى اكثر من ثلاث ايام في هالحاله يعطوني موتر بديل .. قمه النصب والاستغلاليه و عدم اهتمام بالزباين وتهرب وكل واحد يقول لك التعطيل مب مني ..

انا ابتديت اتعامل معاهم من 2008 بس ماكان الوكيل بنفس هالحاله بس حاليا بعد ما نزلو موديلات جديده مثل البانوميرا و الماكان وصار لهم عملاء اكثر كل شيء تغير للاسوء